Kaca iki wis divalidasi
BANDHA KAMARDIKAN 15
KACA PANGILON
Meina Dwi Meniarti
kaca pangilon
aweh rasa kang sarwa prasaja
kaca pidhane pandhita
ngendhika peling tanpa rasa kemba
jujur tanpa rasa serik
ala kandha ala
ayu bakal metu ayu
apa kowe ora kesel. ngadeg lan jejeg?
kacaku...
lamun ana kang maido
kowe meneng sajak nrima
marga kowe pancen ora duwe nyawa
nanging aku tansah percaya
merga aku duwe rasa
pancen jaman satki akeh padha ora duwe rasa
kamangka
kaca iku duwe rasa
kang aweh tuladha janma
mula ana unen-unen kaca benggala
yaiku tuladha kang gumelar ing donya
kaca?
nganti kapan wae kowe mesti prasaja
