Kaca iki wis divalidasi
Antologi Puisi Jawa
Limasan gumanti spanyolan
Pasar gumanti hypermart
Gathutkaca malih Pinokio
Tresnaku, gregetku ora blero
Esuk mau sarapanku sega gudhang
Dudu kenthang kulité wong abang
Apa kowé isih maido
Mlakuku numpak kebe
Nyambangi bocah Landa
Mberat mrih ora bodho
Mbedakke cara apa coro
Lara apa loro??
Delengen,
Winih sing tak dhedher tuwuh
Ngrembuyung ngebaki
Sidamukti, sidaluhur kasusra saindhenging donya
Ha, ha, ca, ra sumebar bawana
Bombong rasaku
Ora muspra ngegulawenthah
Tedhak mudha gumregah
Amangun Jawa Tengah
437. Panggurit: Shofi’i 0000815
Panjangka lan Tresna Kanggo Jawa Tengah
Sliramu ayu kelawan pemingaling alam kang maeksi
Sliramu elok kelawan pambungkus budaya kang peni
Sliramu sumeh kelawan guyumu kang nengsemi
Kabeh......
277
