Kaca iki wis divalidasi
Antologi Puisi Jawa
328. Panggurit: Pradita Shinta Dewi 00000143
Krelaping Jawa Tengah
Lintang kemukus kang sumunar
Tan bisa ngéwahi rasa
Nalikaning raga kagawa aruming puspita
Tumuju sasana éndah salebeting praja
Praja kang kebak tata karma
Budaya kang kajujung kumawa
Uga basa kang manéka warna
Dhuh Gusti
Dina iki dadi seksi
Budaya lan tata karma dadi jati dhiri
Kesenian uga tradhisi kaya déné rukmi
Tansah dak uri-uri tumekaning pati
Kanggo luhuring Jawa Tengah iki
329. Panggurit: Meilina Kryaningtyas 00000142
Jawaku, Jawa Tengah
Ing raga iki
Katandur rasa tresna
Tresnaku marang budayaku
Atiku nggrentes
Luh tumétés
Iku kabéh
Merga aku bangga
Bangga duwéni Jawa Tengahku
Borobudur, Dieng
Bengawan Solo
Sindaro,.....
211
