AKU CINTA JAWA TENGAH
Maujud stira kang nyata
Amemangun rasa gemah ripah !oh jinawi
Kalebu ing njero ati
Udar ing dalané getih
Nglaju terus kanti kelakon
Ing dalan kang kebak
Gilar-gilar lampu kalawan polusi
Nyesek raga, udar ing hawa
Nglaju terus kanti kelakon
Nembus deresé mobil
Balapan kare motor lan wektu
Ngemati cahya kang gumantung
Ilang ing saklébaté mendhung
Ngaju terus kanti kelakon
Ing tengahé dalan
Sumurup lampu kutha
Kang kaubeng gunung gumilar
Kabel-kabel listrik
Bisingé knalpot
Raméné angkringan
Kebulé rokok
Ati kemropok, mbrebes mili...
Jawaku dudu batik
Jawaku dudu jarik
Jawaku dudu iket blangkon
Jawaku basa lan kabudayan
Jawaku sila lan trapsila
Jawaku tutur lan pitutur
Tapi, embuh ngendi?
Guyup rukun handarbéni
Luntur ing sajeroning lampu-lampu
Lan saktemené baratayudhané jaman
mbrebes mili...
142