Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/42

— 38 —

ꦔꦿꦠꦼꦁꦔꦶ꧈ꦤꦸꦭꦾꦤꦼꦩ꧀ꦧꦸꦁꦫꦶꦁꦲꦫꦶ꧈ꦱꦸꦤ꧀ꦲꦚ꧀ꦗꦭꦸꦏ꧀ꦒꦺꦴꦣꦺꦴꦏ꧀ꦏꦤ꧀ꦩꦸ꧈ꦲꦩꦂꦒꦲꦏꦸꦱꦪꦃ꧈ꦏꦕꦁꦩꦺꦴꦁꦏꦠꦩ꧀ꦧꦏ꧀ꦔꦼꦭꦶꦃ꧈ꦭꦺꦴꦤ꧀ꦤꦲꦸꦂꦫꦶꦪꦑꦸꦧ꧀ꦲꦏꦂꦪꦥꦿꦱꦥ꧉꧄ꦩꦁꦏꦤꦥꦿꦱꦥꦤꦶꦫ꧈ꦱꦩꦁꦏꦾꦮꦼꦤꦁꦔꦶꦫꦺꦏꦶ꧈ꦥꦩ꧀ꦧꦪꦸꦤ꧀ꦱꦶꦫꦲꦼꦢꦺꦴꦭ꧀ꦭ꧈ꦭꦸꦩꦸꦤ꧀ꦠꦸꦂꦩꦿꦶꦁꦲꦮꦏ꧀ꦩꦩꦶ꧈ꦮꦼꦤꦁꦥꦩ꧀ꦧꦪꦸꦤ꧀ꦪꦼꦏ꧀ꦠꦶ꧈ꦒꦸꦤꦩꦿꦶꦁꦮꦁꦭꦸꦮꦶꦃꦲꦒꦸꦁ꧈ꦌꦯꦥ꧀ꦲꦔꦸꦤꦤ꧀ꦢꦶꦏ꧈ꦱꦸꦤ꧀ꦩꦱꦮꦸꦫꦸꦁꦔꦩꦠꦶ꧈ꦮꦼꦤꦁꦧꦉꦥ꧀ꦒꦸꦤꦲꦥꦩꦿꦶꦁꦮꦏ꧀ꦲꦶꦁꦮꦁ꧉꧃ꦒꦾꦱꦶꦤꦢꦺꦮꦼꦤꦁꦔꦶꦫ꧈ꦢꦢꦾꦥꦩ꧀ꦧꦪꦸꦤ꧀ꦫꦶꦁꦲꦫꦶ꧈ꦏꦟ꧀ꦛꦶꦏꦼꦏꦼꦃꦲꦶꦁꦱꦸꦥꦠ꧈ꦩꦿꦶꦁꦪꦑꦸꦧ꧀ꦮꦼꦤꦁꦭꦸꦩꦶꦤ꧀ꦠꦶꦂ꧈ꦪꦑꦸꦧ꧀ꦤꦸꦭꦾꦔꦠꦸꦂꦫꦶ꧈ꦣꦲꦂꦫꦤ꧀ꦒꦺꦴꦣꦺꦴꦒ꧀ꦒꦤ꧀ꦤꦶꦥꦸꦤ꧀​ꦠꦶꦤꦩ꧀ꦥꦤ꧀ꦢꦺꦤꦶꦁꦌꦯꦥ꧀​ꦮꦸꦱ꧀ꦱꦶꦁꦧꦸꦏ꧀ꦠꦶꦮꦶꦱꦠꦒ꧀ꦭꦶꦱ꧀​ꦠꦤ꧀ꦔꦺꦠꦁꦔꦲꦶꦕꦭ꧀ꦭꦶꦁꦥꦩ꧀ꦧꦪꦸꦤ꧀ꦤꦶꦫ꧉꧃ꦱꦒꦼꦒ꧀ꦒꦼꦤ꧀ꦠꦾꦏꦮꦸꦂꦰꦶꦠ꧈ꦲꦤꦼꦁꦒꦶꦃꦆꦱ꧀ꦏꦏ꧀ꦗꦼꦁꦟꦨꦶ꧈ꦥꦤ꧀ꦱꦩ꧀ꦥꦸꦤ꧀ꦱꦼꦥꦸꦃꦲꦶꦁꦪꦸꦱ꧀ꦮ꧈ꦠꦶꦣꦥꦤꦶꦔꦭ꧀ꦭꦶꦫꦺꦏꦶ꧈ꦤꦸꦭꦾꦤꦶꦩ꧀ꦧꦭ꧀ꦭꦶꦲꦒ꧀ꦭꦶꦱ꧀​ꦩꦫꦶꦁꦌꦯꦥ꧀ꦥꦸꦠꦿꦤꦶꦥꦸꦤ꧀​ꦮꦸꦱ꧀ꦥꦿꦥ꧀ꦠꦺꦁꦔꦂꦰꦺꦁꦫꦩ꧈ꦱꦶꦤꦸꦁꦔꦤ꧀ꦲꦤ꧀ꦢꦶꦏꦲꦒ꧀ꦭꦶꦱ꧀​ꦲꦺꦲꦤ꧀ꦏꦏꦸꦱꦲꦶꦏꦶꦲꦏꦸꦮꦸꦱ꧀ꦠꦸꦮ꧉꧃ꦢꦠꦤ꧀ꦥꦶꦱꦤ꧀ꦪꦺꦤ꧀ꦮꦶꦏꦤ꧀ꦤ꧈ꦲꦶꦁꦢꦶꦤꦲꦼꦁꦒꦶꦤ꧀ꦏꦸꦩꦠꦶ꧈ꦢꦺꦤ꧀ꦏꦼꦧꦠ꧀ꦱꦶꦫꦔꦩ꧀ꦧꦶꦭ꧀ꦭꦲꦺꦟ꧀ꦝꦺꦴꦁꦭꦤ꧀ꦒꦟ꧀ꦝꦺꦮꦤꦺꦏꦶ꧈ꦩꦶꦗꦶꦭ꧀ꦭꦩꦿꦶꦁꦮꦤꦢꦿꦶ꧈ꦲꦔꦺꦴꦭꦺꦃꦤꦢꦒꦶꦁꦩꦿꦶꦁꦱꦸꦤ꧀​ꦏꦁꦢꦢꦶꦱꦼꦥ꧀ꦠꦤꦶꦁꦮꦁ꧈ꦕꦮꦶꦱ꧀ꦤꦲꦂꦰꦱꦸꦤ꧀ꦧꦸꦏ꧀ꦠꦶ꧈ꦩꦸꦩ꧀ꦥꦸꦁꦲꦸꦫꦶꦥ꧀ꦧꦠꦶꦤ꧀ꦏꦸꦲꦱꦸꦁꦔꦧꦂꦏꦃ꧉꧃ꦌꦯꦥ꧀ꦤꦸꦭꦾꦭꦸꦩꦏ꧀ꦱꦤ꧈ꦮꦶꦱ꧀ꦠꦩꦫꦶꦁꦮꦤ