Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/41

— 37 —

꧋ꦟꦨꦶꦪꦑꦸꦧ꧀ꦭꦤ꧀​ꦌꦱꦥ꧀꧈

꧅ꦟ꧀ꦢꦿ꧅ꦠꦫꦸꦤꦆꦱ꧀ꦏꦏ꧀ꦮꦶꦤꦂꦟ꧈ꦢꦸꦏ꧀ꦥꦁꦒꦶꦃꦫꦶꦧ꧀ꦏꦃꦩꦉꦁꦔꦶ꧈ꦪꦸꦱ꧀ꦮꦏꦮꦤ꧀ꦢꦱꦮꦂꦰ꧈ꦢꦲꦠ꧀ꦢꦺꦤ꧀ꦤꦶꦫꦩꦩꦗꦸ꧈ꦭꦩꦶꦢꦠꦤ꧀ꦱꦱꦶꦮꦶ꧈ꦥꦿꦥ꧀ꦠꦺꦁꦪꦸꦱ꧀ꦮꦱ꧀ꦮꦶꦢꦏ꧀ꦠꦲꦸꦤ꧀​ꦥꦥꦸꦠꦿꦏꦏꦸꦁꦏꦼꦩ꧀ꦧꦂ꧈ꦥꦩ꧀ꦧꦪꦸꦤ꧀​ꦌꦯꦥ꧀ꦏꦁꦤꦩꦶ꧈ꦏꦁꦠꦫꦸꦤꦪꦺꦏꦸꦪꦑꦸꦧ꧀ꦤꦩꦤꦶꦫ꧉꧄ꦤꦚꦶꦁꦠꦤ꧀ꦥꦗꦩꦺꦩ꧀ꦧꦲ꧈ꦲꦶꦁꦮꦂꦟꦶꦱꦺꦴꦭꦃꦧꦮꦺꦏꦶ꧈ꦮꦒꦸꦏꦲꦸꦲꦶꦁꦮꦽꦢ꧀ꦝ꧈ꦏꦁꦩꦸꦣꦲꦭꦸꦱ꧀ꦲꦱꦶꦒꦶꦠ꧀​ꦏꦮꦂꦟꦶꦥꦸꦠꦿꦏꦭꦶꦃ꧈ꦢꦸꦏ꧀ꦤꦺꦁꦒꦸꦮꦒꦂꦧꦺꦁꦲꦶꦧꦸ꧈ꦄꦭ꧀ꦭꦃꦲꦸꦮꦸꦱ꧀ꦔꦤ꧀ꦢꦶꦏ꧈ꦩꦿꦶꦁꦫꦶꦧ꧀ꦏꦃꦥꦰ꧀ꦛꦶꦤꦶꦁꦧꦪꦶ꧈ꦲꦶꦁꦏꦁꦮꦽꦢ꧀ꦝꦔꦮꦸꦭꦫꦶꦁꦏꦁꦠꦫꦸꦤ꧉꧄ꦢꦸꦏ꧀ꦱꦩ꧀ꦥꦸꦤ꧀ꦱꦩꦾꦢꦶꦮꦱ꧈ꦌꦯꦥ꧀ꦩꦾꦁꦪꦑꦸꦧ꧀ꦏꦁꦲꦫꦶ꧈ꦌꦱꦥ꧀ꦧꦲꦸꦢ꧀ꦲꦩ꧀ꦧꦼꦣꦒ꧀​ꦔꦸꦭꦤ꧀ꦢꦫꦲꦶꦁꦮꦤꦢꦿꦶ꧈ꦧꦺꦤꦺꦃꦭꦮꦤ꧀ꦏꦁꦲꦫꦶ꧈ꦪꦑꦸꦧ꧀ꦲꦭꦸꦱ꧀ꦲꦩ꧀ꦧꦼꦏ꧀ꦏꦶꦥꦸꦤ꧀​ꦔ꧀ꦭꦭꦸꦫꦶꦠꦠꦔꦢꦠ꧀​ꦕꦫꦤꦶꦁꦭꦭꦸꦲꦸꦂꦤꦺꦏꦶ꧈ꦔꦔꦺꦤ꧀ꦏꦺꦮꦤ꧀ꦤꦺꦁꦗꦿꦺꦴꦠꦫꦸꦧ꧀ꦩꦁꦒꦾꦤ꧀ꦤꦶꦫ꧉꧄ꦆꦱ꧀ꦏꦏ꧀ꦠꦽꦱ꧀ꦤꦚꦏꦭꦶꦤ꧀ꦠꦁ꧈ꦩꦫꦶꦁꦌꦯꦥ꧀ꦲꦶꦁꦏꦁꦱꦶꦮꦶ꧈ꦱꦼꦥ꧀ꦠꦣꦲꦂꦲꦺꦴꦭꦃꦲꦤ꧀ꦚ꧈ꦧꦼꦣꦒ꧀ꦒꦤ꧀ꦲꦤ꧀ꦠꦸꦏ꧀ꦮꦤꦢꦿꦶ꧈ꦧꦺꦤꦺꦃꦫꦶꦧ꧀ꦏꦃꦤꦽꦱ꧀ꦤꦤ꧀ꦤꦶ꧈ꦩꦫꦶꦁꦪꦑꦸꦧ꧀ꦥꦸꦠꦿꦤꦶꦥꦸꦤ꧀​ꦲꦱꦶꦒꦶꦠ꧀ꦠꦸꦂꦗꦠ꧀ꦩꦶꦏ꧈ꦏꦸꦩꦤ꧀ꦠꦶꦭ꧀ꦏꦸꦭꦁꦔꦶꦁꦲꦠꦶ꧈ꦏꦮꦸꦮꦸꦱ꧀ꦱꦲꦤꦸꦗꦸꦲꦫꦶꦱꦗꦸꦒ꧉꧄ꦪꦑꦸꦧ꧀ꦭꦒꦾꦁꦒꦺꦴꦣꦺꦴꦒ꧀ꦏꦕꦁ꧈ꦌꦯꦥ꧀ꦥꦿꦥ꧀ꦠꦱꦶꦁꦮꦤꦢꦿꦶ꧈ꦱꦿꦶꦫꦱꦪꦃꦲꦩ꧀ꦧꦼꦣꦒ꧀​ꦩꦾꦠ꧀ꦲꦶꦁꦲꦫꦶꦲꦁ