Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/148

— 144 —

ꦠꦤ꧀ꦥꦒꦮꦺ꧈ꦲꦗꦠꦩ꧀ꦧꦸꦃꦒꦸꦭ꧀ꦲꦒꦸꦭ꧀​ꦒꦒꦩꦤ꧀ꦏꦸꦩꦥꦒ꧀ꦔꦗꦸꦫꦶꦠ꧀​ꦲꦱ꧀ꦩꦺꦁꦄꦭ꧀ꦭꦃꦦꦔꦺꦫꦤ꧀​ꦄꦭ꧀ꦭꦃꦏꦁꦩꦭꦸꦲꦸꦂ꧈ꦪꦺꦏꦸꦏꦁꦱꦶꦫꦕꦕꦩꦃ꧈ꦮꦿꦸꦃꦲꦤ꧀ꦤꦶꦫꦥꦠꦶꦩꦸꦲꦶꦁꦢꦶꦤꦲꦶꦏꦶ꧈ꦏꦒꦼꦒꦼꦩ꧀ꦤꦺꦁꦲꦱ꧀ꦠꦺꦁꦮꦁ꧉꧄​ ꦲꦮꦶꦠ꧀ꦢꦺꦤꦺꦄꦭ꧀ꦭꦃꦏꦁꦩꦯꦸꦕꦶ꧈ꦩꦫꦶꦁꦔꦏꦺꦱꦶꦫꦱꦧꦭꦤ꧀ꦠ꧈ꦏꦱꦿꦃꦩꦿꦶꦁꦠꦔꦤ꧀ꦏꦸꦏꦧꦺꦃ꧈ꦱꦸꦥꦪꦩꦤꦸꦱꦮꦿꦸꦃ꧈ꦪꦺꦤ꧀ꦆꦯꦿꦆꦭ꧀ꦚꦠꦤ꧀ꦢꦸꦮꦺꦤ꧀ꦤꦶ꧈ꦄꦭ꧀ꦭꦃꦏꦁꦠꦤ꧀ꦥꦠꦶꦩ꧀ꦧꦁ꧈ꦲꦱ꧀ꦩꦤꦺꦲꦭꦸꦲꦸꦂ꧈ꦩꦶꦂꦰꦤ꧀ꦤꦶꦱꦭꦶꦂꦠꦸꦩꦶꦠꦃ꧈ꦩꦺꦴꦧꦃꦩꦺꦴꦱꦶꦏ꧀ꦏꦧꦺꦃꦠꦤ꧀ꦲꦤꦏꦼꦕꦶꦕꦶꦂ꧈ꦩꦸꦭꦏꦮꦼꦫꦸꦃꦲꦤ꧉꧄ ꦠꦤ꧀ꦱꦫꦺꦴꦤ꧀ꦠꦓꦺꦴꦭꦶꦪꦠ꧀ꦩꦶꦪꦂꦰꦶ꧈ꦤꦸꦭꦾꦩꦗꦸꦲꦩ꧀ꦧꦥꦁꦩꦁꦱꦃꦥꦿꦁ꧈ꦢꦮꦸꦢ꧀ꦠꦿꦁꦒꦶꦤꦱ꧀ꦠꦤ꧀ꦢꦁꦔꦺ꧈ꦧꦟ꧀ꦝꦶꦭ꧀ꦭꦶꦤꦼꦥꦱ꧀ꦱꦩ꧀ꦥꦸꦤ꧀​ꦥꦤ꧀ꦱꦸꦩꦶꦪꦸꦠ꧀ꦱꦺꦭꦔꦺꦔꦶꦁꦔꦶ꧈ꦧꦛꦸꦏ꧀ꦏꦶꦫꦓꦺꦴꦭꦶꦪꦠ꧀​ꦏꦿꦸꦁꦏꦼꦧ꧀ꦲꦩ꧀ꦧꦿꦸꦏ꧀ꦏꦶꦥꦸꦤ꧀​ꦒꦸꦭꦁꦱꦂꦫꦤ꧀ꦲꦤꦺꦁꦏꦶꦱ꧀ꦩ꧈ꦤꦸꦭꦾꦢꦮꦸꦢ꧀ꦔꦽꦧꦠ꧀ꦥꦼꦣꦁꦚꦮꦸꦱ꧀ꦏꦼꦤꦶ꧈ꦠꦶꦤꦶꦒꦱ꧀ꦗꦁꦒꦤꦶꦫ꧉꧄ ꦠꦾꦁꦦꦶꦭꦶꦱ꧀ꦠꦶꦩ꧀ꦱꦏꦭꦁꦏꦸꦁꦒꦶꦫꦶꦱ꧀​ꦩꦶꦪꦠ꧀ꦭꦩꦸꦤ꧀ꦒꦸꦭ꧀ꦲꦒꦸꦭ꧀ꦥꦿꦭꦪ꧈ꦭꦸꦩꦪꦸꦣꦣꦭ꧀ꦧꦫꦶꦱ꧀ꦱꦺ꧈​ꦒꦺꦒꦺꦂꦲꦉꦧꦸꦠ꧀ꦝꦸꦕꦸꦁ꧈ꦧꦶꦭꦸꦁꦭꦸꦁꦔꦤ꧀ꦲꦏꦺꦴꦤ꧀ꦠꦿꦁꦏꦤ꧀ꦠꦿꦶꦁ꧈ꦮꦼꦤꦺꦃꦒꦸꦩ꧀ꦭꦸꦟ꧀ꦝꦸꦁꦗꦸꦫꦁ꧈ꦧꦶꦤꦸꦫꦸꦲꦶꦁꦩꦸꦁꦱꦸꦃ꧈ꦧꦤꦶꦯꦿꦆꦭ꧀ꦱꦸꦫꦏ꧀ꦱꦺꦴꦫ꧈ꦒꦶꦪꦠ꧀ꦏꦼꦥ꧀ꦭꦺꦴꦏ꧀ꦚꦩꦮꦤ꧀ꦠꦶꦮꦤ꧀ꦠꦶ꧈ꦭꦗꦸꦲꦔꦼꦭꦸꦢ꧀ꦩꦼꦁꦱꦃ꧉꧄ ꦠꦾꦁꦆꦯꦿꦆꦭ꧀ꦲꦩ꧀ꦧꦸꦫꦸꦦꦶꦭꦶꦱ꧀ꦠꦶꦩ꧀​ꦔꦤ꧀ꦠꦾꦥꦿꦥ꧀ꦠꦺꦁꦌꦏꦿꦺꦴꦤ꧀ꦠꦸꦮꦶꦤ꧀ꦲꦶꦁꦓꦠ꧀​ꦲꦧꦔꦼꦠ꧀ꦏꦶꦤꦱꦺꦴꦂꦫꦏꦺ꧈