Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/147

— 143 —

ꦤꦿꦠ꧀ꦲꦶꦁꦏꦽꦒꦤꦶꦥꦸꦤ꧀​ꦲꦂꦗꦚꦁꦏꦶꦁꦠꦼꦏꦼꦤ꧀ꦭꦤ꧀ꦧꦟ꧀ꦝꦶꦭ꧀​ꦩꦂꦥꦼꦏ꧀ꦏꦶꦩꦿꦶꦁꦓꦺꦴꦭꦶꦪꦠ꧀​ꦒꦸꦭ꧀ꦲꦒꦸꦭ꧀ꦭꦶꦁꦩꦸꦁꦱꦸꦃ꧈ꦥꦿꦮꦶꦫꦱꦩ꧀ꦧꦢꦲꦶꦁꦥꦿꦁ꧈ꦲꦔꦗꦿꦶꦃꦲꦶꦱꦺꦤꦥꦠꦶꦤꦶꦁꦦꦶꦭꦶꦱ꧀ꦠꦶꦩ꧀​ꦢꦮꦸꦢ꧀ꦢꦠꦤ꧀ꦩꦶꦫꦶꦱ꧀ꦱ꧉꧄​ꦕꦶꦔꦏ꧀ꦱꦒꦸꦁꦏꦁꦱꦩꦾꦤꦶꦔꦭ꧀ꦭꦶ꧈ꦢꦺꦤꦺꦲꦤꦥꦿꦗꦸꦫꦶꦠ꧀ꦩꦥꦒ꧀ꦥꦿꦁ꧈ꦠꦤ꧀ꦱꦶꦮꦃꦭꦤ꧀ꦭꦫꦺꦲꦔꦺꦭ꧀​ꦥꦠꦸꦠ꧀ꦠꦺꦤꦱꦏ꧀ꦒꦿꦸꦩ꧀ꦧꦸꦭ꧀​ꦠꦤ꧀ꦔꦸꦮꦶꦱ꧀ꦱꦶꦩꦿꦮꦱꦺꦁꦒꦼꦚ꧀ꦗꦶꦏ꧀​ꦏꦸꦩꦫꦺꦴꦱꦩ꧀ꦧꦼꦒ꧀ꦲꦥꦿꦁ꧈ꦧꦪꦧꦺꦴꦱꦼꦤ꧀ꦲꦶꦣꦸꦥ꧀​ꦱꦁꦱꦺꦤꦥꦠꦶꦓꦺꦴꦭꦶꦪꦠ꧀​ꦢꦸꦏ꧀ꦲꦸꦤꦶꦔꦢꦺꦤꦥꦠꦶꦤꦶꦁꦆꦯꦿꦆꦭ꧀​ꦏꦁꦲꦂꦰꦠꦟ꧀ꦝꦶꦁꦪꦸꦢ꧉꧄​ꦲꦔ꧀ꦭꦶꦂꦥꦺꦤ꧀ꦢꦃꦭꦫꦺꦲꦔꦺꦤ꧀ꦏꦩ꧀ꦧꦶꦁ꧈ꦱꦿꦸꦲꦩ꧀ꦧꦼꦏꦸꦃꦒꦸꦭ꧀ꦲꦒꦸꦭ꧀ꦓꦺꦴꦭꦶꦪꦠ꧀​ꦧꦺꦴꦕꦃꦲꦔꦺꦴꦤ꧀ꦩꦥꦒ꧀ꦒꦏꦺ꧈ꦱꦸꦤ꧀ꦓꦺꦴꦭꦶꦪꦠ꧀ꦥꦶꦤꦸꦚ꧀ꦗꦸꦭ꧀​ꦮꦸꦣꦸꦗꦸꦫꦶꦠ꧀ꦲꦥꦶꦭꦶꦃꦠꦟ꧀ꦝꦶꦁ꧈ꦥꦿꦮꦶꦫꦩꦺꦴꦤ꧀ꦢꦿꦒꦸꦤ꧈ꦱꦸꦢꦶꦫꦺꦁꦔꦥꦸꦥꦸꦃ꧈ꦲꦥꦤ꧀ꦲꦏꦸꦢꦸꦢꦸꦱꦺꦴꦤ꧈ꦥꦺꦴꦏꦭ꧀ꦭꦶꦫꦔ꧀ꦭꦶꦂꦥꦺꦤ꧀ꦢꦃꦩꦥꦒ꧀ꦲꦚ꧀ꦗꦶꦁ꧈ꦭꦃꦢꦶꦏꦼꦥꦫꦺꦁꦔꦂꦰ꧉꧄​ꦧꦪꦱꦶꦫꦲꦸꦮꦸꦱ꧀ꦧꦺꦴꦱꦼꦤ꧀ꦲꦸꦫꦶꦥ꧀​ꦱꦸꦤ꧀ꦥꦏꦏ꧀ꦏꦺꦒꦒꦏ꧀ꦔꦮꦁꦲꦮꦁ꧈ꦧꦚ꧀ꦕꦏ꧀ꦏꦤ꧀ꦤꦺꦣꦟ꧀ꦝꦁꦲꦏꦺꦃ꧈ꦢꦮꦸꦢ꧀ꦩꦁꦱꦸꦭ꧀ꦭꦶꦮꦸꦮꦸꦱ꧀​ꦤꦺꦴꦫꦒꦩ꧀ꦥꦁꦲꦺꦃꦱꦺꦤꦥꦠꦶ꧈ꦢꦸꦥꦺꦃꦱꦶꦫꦩꦥꦒ꧀ꦥꦿꦁ꧈ꦱꦸꦢꦶꦫꦲꦶꦁꦏꦺꦮꦸꦃ꧈ꦒꦩꦤ꧀ꦠꦸꦩ꧀ꦧꦏ꧀ꦠꦩꦺꦁꦥꦼꦣꦁ꧈ꦲꦗꦲꦒꦺꦱꦶꦫꦧꦫꦶꦧꦶꦤ꧀ꦚꦩ꧀ꦥꦃꦲꦶ꧈ꦧꦫꦶꦱ꧀ꦲꦱ꧀ꦩꦤꦶꦁꦦꦔꦿꦤ꧀꧈꧄​ꦒꦒꦩꦤ꧀ꦏꦸꦲꦩ꧀ꦥꦸꦃꦲꦺꦔꦸꦁꦏꦸꦭ꧀ꦭꦶ꧈ꦭꦭꦟ꧀ꦝꦼꦥ꧀ꦥꦺꦥꦼꦣꦁꦩꦶꦮꦃꦠꦸꦩ꧀ꦧꦏ꧀​ꦏ꧀ꦮꦺꦃꦕꦤ꧀ꦢꦿꦱ