Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/145

— 141 —

ꦕꦏ꧀ꦏꦶꦁꦲꦂꦒ꧈ꦗꦼꦁꦲꦗꦼꦁꦔꦤ꧀ꦭꦤ꧀ꦏꦸꦮꦸꦤꦺ꧈ꦧꦫꦶꦱ꧀ꦒꦼꦭꦂꦫꦶꦁꦩꦸꦁꦱꦸꦃ꧈ꦒꦶꦫꦶꦒꦶꦫꦶꦭꦶꦂꦫꦺꦴꦧ꧀ꦗꦭꦢꦿꦶ꧈ꦆꦯꦿꦆꦭ꧀ꦢꦸꦏ꧀ꦩꦶꦪꦂꦰ꧈ꦱꦸꦱꦸꦩ꧀ꦧꦂꦫꦶꦁꦩꦸꦁꦱꦸꦃ꧈ꦥꦶꦟ꧀ꦝꦒꦼꦭꦥ꧀ꦔꦩ꧀ꦥꦂꦲꦩ꧀ꦥꦂ꧈ꦫꦗꦯꦈꦭ꧀ꦱꦮꦢꦾꦧꦭꦆꦯꦿꦆꦭ꧀​ꦱꦩꦾꦠꦶꦤ꧀ꦠꦿꦶꦩ꧀ꦠꦾꦱ꧀ꦱꦶꦫ꧉꧄​ ꦏꦕꦫꦶꦠꦥꦿꦥꦸꦠꦿꦆꦯꦆ꧈ꦱꦩꦾꦠꦸꦩꦸꦠ꧀ꦮꦺꦴꦤ꧀ꦠꦼꦤ꧀ꦥꦧꦫꦶꦱ꧀ꦱꦤ꧀​ꦢꦮꦸꦢ꧀ꦠꦸꦏ꧀ꦩꦿꦶꦁꦨꦺꦠ꧀ꦭꦼꦏꦺꦩ꧀​ꦊꦱ꧀ꦠꦤ꧀ꦠꦸꦤ꧀ꦏꦂꦪꦤꦶꦥꦸꦤ꧀​ꦲꦔꦺꦤ꧀ꦩꦺꦤ꧀ꦢꦥꦏꦂꦪꦺꦁꦔꦸꦤꦶ꧈ꦢꦸꦏ꧀ꦤꦭꦶꦏꦱꦩꦤ꧈ꦢꦮꦸꦢ꧀ꦢꦶꦥꦸꦤ꧀ꦲꦸꦠꦸꦱ꧀​ꦠꦶꦠꦶꦚ꧀ꦗꦺꦴꦩꦿꦶꦁꦱꦣꦺꦫꦺꦏ꧀ꦚ꧈ꦏꦁꦭꦒꦾꦤꦺꦁꦥꦧꦫꦶꦱ꧀ꦱꦤ꧀ꦤꦶꦁꦆꦯꦿꦆꦭ꧀​ꦱꦩꦤꦥꦿꦥ꧀ꦠꦤꦶꦫ꧉꧄ ꦲꦔ꧀ꦭꦼꦉꦱ꧀ꦱꦶꦒꦸꦭ꧀ꦲꦒꦸꦭ꧀ꦦꦶꦭꦶꦱ꧀ꦠꦶꦩ꧀​ꦩꦶꦗꦶꦭ꧀ꦱꦏꦶꦁꦧꦫꦶꦱ꧀ꦱꦤ꧀ꦱꦱꦸꦩ꧀ꦧꦂ꧈ꦔꦺꦫꦁꦲꦺꦫꦁꦧꦫꦶꦱ꧀ꦆꦯꦿꦺꦭ꧀​ꦉꦔꦸꦠꦾꦱ꧀ꦱꦶꦫꦢꦮꦸꦢ꧀​ꦥꦶꦠꦏꦺꦤ꧀ꦩꦿꦶꦁꦧꦤꦶꦆꦯꦿꦆꦭ꧀​ꦦꦶꦭꦶꦱ꧀ꦠꦶꦩ꧀ꦲꦶꦏꦸꦱꦥ꧈ꦱꦩꦺꦴꦤꦺꦴꦧꦼꦏ꧀ꦠꦶꦥꦸꦤ꧀​ꦮꦤꦶꦮꦤꦶꦚꦩ꧀ꦥꦃꦲꦤ꧈ꦩꦿꦶꦁꦧꦫꦶꦱ꧀ꦱꦺꦦꦔꦺꦫꦤ꧀ꦏꦁꦩꦲꦭꦸꦮꦶꦃ꧈ꦲꦥꦒꦚ꧀ꦗꦂꦫꦤ꧀ꦤꦠ꧉꧄

ꦭꦩꦸꦤ꧀ꦲꦤꦲꦸꦮꦺꦴꦁꦏꦁꦤꦁꦒꦸꦥ꧀ꦥꦶ꧈ꦚꦶꦂꦤꦏ꧀ꦲꦏꦺꦒꦸꦭ꧀ꦲꦒꦸꦭ꧀ꦩꦁꦏꦤ꧈ꦏꦁꦠꦶꦤꦤ꧀ꦚꦮꦁꦱꦸꦭ꧀ꦭꦤ꧀ꦤꦺ꧈ꦱꦪꦼꦩ꧀ꦧꦫꦱꦁꦥꦿꦧꦸ꧈ꦱꦥꦧꦶꦱꦔꦼꦤ꧀ꦠꦱ꧀ꦱꦶꦏꦂꦢꦶ꧈ꦠꦶꦤꦿꦶꦩꦤ꧀ꦥꦸꦠꦿꦶꦤꦠ꧈ꦭꦤ꧀ꦒꦚ꧀ꦗꦂꦫꦤ꧀ꦥꦿꦧꦸ꧈ꦥꦶꦤꦫꦶꦁꦔꦤ꧀ꦏꦱꦸꦒꦶꦃꦲꦤ꧀​ꦢꦸꦏ꧀ꦩꦶꦪꦂꦰꦢꦮꦸꦢ꧀ꦤꦸꦭꦾꦲꦚꦒꦃꦲꦶ꧈ꦥꦥꦁꦒꦶꦭ꧀ꦭꦶꦫꦺꦁꦤꦠ꧉꧄ ꦤꦔꦶꦁꦢꦮꦸꦢ꧀ꦠꦤ꧀ꦥꦶꦱꦤ꧀ꦲꦔꦶꦚ꧀ꦕꦶꦃ꧈ꦒꦒꦚ꧀ꦗꦂꦫꦤ꧀ꦭꦤ꧀ꦏꦧꦼꦒ꧀ꦗꦤꦶꦫ꧈ꦤꦩꦸꦁꦢꦺꦤꦶꦁꦫꦸꦢꦠꦶꦤ꧀ꦤꦺ꧈