Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/144

— 140 —

ꦏ꧀ꦱꦤꦒꦸꦤꦠꦸꦂꦥꦿꦮꦶꦫ꧈ꦗꦠ꧀ꦩꦶꦏꦲꦶꦁꦱꦱꦺꦴꦭꦃꦲꦺ꧈ꦲꦤꦸꦭꦾꦏꦂꦰꦺꦁꦥꦿꦧꦸ꧈ꦲꦤꦶꦩ꧀ꦧꦭ꧀ꦭꦶꦲꦠ꧀ꦩꦺꦁꦆꦯꦆ꧈ꦢꦮꦸꦢ꧀ꦏꦶꦤꦺꦤ꧀ꦔꦧ꧀ꦢꦺꦏ꧀ꦤ꧈ꦮꦺꦴꦤ꧀ꦠꦼꦤ꧀ꦔꦂꦰꦺꦁꦥꦿꦧꦸ꧈ꦱꦩꦱꦫꦸꦲꦫꦺꦁꦤꦠ꧈ꦢꦮꦸꦢ꧀ꦏꦶꦤꦺꦤ꧀ꦚꦊꦩ꧀ꦥꦸꦁꦔꦂꦰꦱꦁꦲꦗꦶ꧈ꦢꦢꦾꦭꦶꦥꦸꦂꦫꦸꦲꦫ꧉꧄​ꦠꦤ꧀ꦏꦮꦂꦟꦢꦮꦸꦢ꧀ꦤꦩ꧀ꦧꦸꦠ꧀ꦏꦂꦢꦶ꧈ꦏꦭꦏꦭꦲꦔꦺꦴꦠ꧀ꦫꦸꦲꦫꦺꦤ꧀ꦢꦿ꧈ꦚꦊꦩ꧀ꦥꦸꦁꦢꦢꦾꦭꦶꦥꦸꦂꦫꦺ꧈ꦒꦤ꧀ꦠꦾꦲꦶꦁꦏꦁꦮꦶꦤꦸꦮꦸꦱ꧀​ꦠꦾꦁꦦꦶꦭꦶꦱ꧀ꦠꦶꦩ꧀​ꦔ꧀ꦭꦸꦫꦸꦒ꧀ꦒꦶꦩꦭꦶꦃ꧈ꦩꦿꦶꦁꦧꦤꦶꦯꦿꦆꦭ꧀ꦧꦺꦴꦁꦱ꧈ꦱꦩꦾꦲꦏꦸꦏꦸꦮ꧈ꦲꦤꦺꦁꦱꦥꦸꦕꦏ꧀ꦲꦭ꧀ꦢꦏ꧈ꦏꦁꦩꦶꦤꦺꦴꦁꦏꦢꦢꦾꦒꦸꦭ꧀ꦲꦒꦸꦭ꧀ꦭꦶꦁꦗꦸꦫꦶꦠ꧀​ꦱꦺꦤꦥꦠꦶꦓꦺꦴꦭꦶꦪꦠ꧀꧈꧄​ꦢꦼꦢꦼꦒ꧀ꦲꦒꦼꦁꦲꦶꦁꦒꦶꦭ꧀ꦲꦔ꧀ꦭꦁꦏꦸꦁꦔꦶ꧈ꦲꦏꦼꦏꦼꦫꦺꦠꦠꦺꦴꦥꦺꦴꦁꦠꦼꦩ꧀ꦧꦒ꧈ꦲꦥꦶꦟ꧀ꦝꦱꦶꦱꦶꦏ꧀ꦏꦼꦫꦺꦤꦺ꧈ꦠꦤ꧀ꦤꦥꦶꦒꦉꦱ꧀ꦱꦶꦥꦸꦤ꧀​ꦠꦶꦤꦥꦼꦭ꧀ꦭꦤ꧀ꦩꦮꦶꦠꦼꦩ꧀ꦧꦒꦶ꧈ꦥꦿꦏꦺꦴꦱꦥꦿꦮꦶꦫꦺꦁꦥꦿꦁ꧈ꦩꦟ꧀ꦝꦶꦠꦺꦴꦮꦺꦴꦏ꧀ꦩꦸꦁꦒꦸꦃ꧈ꦠꦼꦩ꧀ꦧꦒꦭꦟ꧀ꦝꦺꦪꦤ꧀ꦤꦶꦫ꧈ꦔꦸꦮꦸꦃꦲꦸꦮꦸꦃꦱꦱꦸꦩ꧀ꦧꦂꦲꦩꦶꦤ꧀ꦠꦠꦟ꧀ꦝꦝꦶꦁ꧈ꦩꦁꦏꦤꦮꦸꦮꦸꦱ꧀ꦱꦶꦫ꧉꧄​ꦲꦺꦃꦆꦯꦿꦆꦭ꧀ꦥꦪꦺꦴꦠꦟ꧀ꦝꦶꦁꦗꦸꦫꦶꦠ꧀​ꦲꦩꦶꦭꦶꦃꦲꦗꦸꦒꦥꦿꦮꦶꦫꦺꦁꦥꦿꦁ꧈ꦥꦥꦒ꧀ꦒꦼꦤ꧀ꦤꦥꦪꦺꦴꦲꦺꦚ꧀ꦗꦺꦂ꧈ꦔꦢꦸꦲꦠꦺꦴꦱ꧀ꦱꦶꦁꦧꦭꦸꦁ꧈ꦭꦤ꧀ꦮꦸꦊꦢ꧀ꦢꦺꦲꦶꦁꦏꦁꦏꦸꦏꦸꦭꦶꦠ꧀​ꦥꦣꦠꦏꦼꦂꦭꦸꦢꦶꦫ꧈ꦱꦥꦏꦁꦱꦺꦴꦂꦥꦸꦥꦸꦃ꧈ꦔꦮꦸꦭꦏꦁꦲꦸꦁꦒꦸꦭ꧀ꦲꦶꦁꦥꦿꦁ꧈ꦲꦪ꧀ꦮꦲꦤꦱꦮꦶꦗꦶꦮꦶꦗꦶꦏꦁꦏꦺꦫꦶ꧈ꦏꦧꦺꦃꦢꦢꦾꦠꦮꦤ꧀ꦤꦤ꧀꧈꧄​ꦢꦸꦏ꧀ꦱꦩꦤꦧꦫꦶꦱ꧀ꦱꦶꦁꦆꦯꦿꦆꦭ꧀​ꦩꦱꦁꦒꦿꦃꦲꦤ꧀ꦤꦺꦁꦥꦸ