ꦭꦤ꧀ꦲꦥꦲꦢꦠ꧀ꦠꦺꦤꦒꦫꦩꦢꦼꦒ꧀ꦲꦚꦂ꧈ꦲꦠꦸꦂꦫꦶꦥꦸꦤ꧀ꦲ
ꦢꦶꦦꦡꦶꦦꦿꦶꦁꦓꦭꦪ꧇ꦤꦸꦮꦸꦤ꧀ꦱꦤ꧀ꦢꦶꦏ꧈ꦉꦏꦾꦤ꧀ꦦꦡꦶꦃꦏꦭꦶꦃ
ꦥꦶꦱꦤ꧀ꦭꦗꦼꦁꦲꦤꦤꦼꦩ꧀ꦮꦫꦶꦔꦶꦤ꧀ꦏꦼꦩ꧀ꦧꦂ꧉ꦱꦫꦩ꧀ꦥꦸꦁꦔꦶꦁꦥꦤꦤꦼꦩ꧀ꦭꦗꦼꦁꦥꦿ
ꦗꦸꦫꦶꦠ꧀ꦱꦩꦶꦢꦿꦺꦭ꧀꧈ꦱꦱꦶꦱꦶꦃꦢꦿꦺꦭ꧀ꦥꦿꦗꦸꦫꦶꦠ꧀ꦏꦸꦩ꧀ꦥꦼꦤ꧀ꦤꦶꦮ
ꦭꦤ꧀ꦢꦶꦱꦩꦶꦤꦶꦒꦁꦫꦩ꧀ꦧꦃꦲꦤ꧀ꦏꦱꦲꦸꦂꦫꦤ꧀ꦲꦸꦔꦼꦭ꧀ꦭꦶꦥꦸꦤ꧀ꦏꦒꦸꦁꦔ
ꦤ꧀ꦢꦊꦩ꧀ꦩꦫꦶꦪꦼꦩ꧀ꦱꦢꦪꦒꦺꦴꦁꦱꦱꦩꦶꦩꦸꦔꦼꦭ꧀ꦱꦫꦩ꧀ꦥꦸꦁ
ꦔꦶꦥꦸꦤ꧀ꦭꦗꦼꦁꦏꦒꦸꦁꦔꦤ꧀ꦢꦊꦩ꧀ꦒꦺꦴꦁꦱꦏꦾꦲꦶꦱꦸꦫꦏ꧀ꦏꦒ꧀ꦭꦸꦤ꧀ꦝꦸꦁꦔꦤ꧀ꦏꦼꦤ꧀ꦲꦶꦁ
ꦥꦼꦁꦏꦼꦂꦫꦤ꧀ꦢꦊꦩ꧀ꦩꦔꦶꦢꦸꦭ꧀ꦲꦶꦁꦥꦸꦤ꧀ꦢꦶꦝꦮꦃꦲꦶꦥꦸꦤ꧀ꦲꦶꦁꦒꦶꦃ
ꦥꦸꦤꦶꦏꦭꦗꦼꦁꦏꦁꦒꦺꦒꦼꦝꦺꦴꦁꦒꦺꦴꦁꦱ꧈ꦱꦂꦠꦭꦗꦼꦁꦏꦁꦒꦺ
ꦒꦸꦫꦸꦕꦼꦥꦼꦁꦔꦤ꧀ꦱꦶꦠꦶꦁꦒꦶꦭ꧀꧈ꦲꦢꦶꦦꦡꦶꦯꦶꦤ꧀ꦢꦸꦉꦗꦭꦤ꧀ꦦꦿꦶꦁ
ꦒꦭꦪ꧈ꦱꦂꦠꦤꦪꦏꦧꦼꦏꦼꦭ꧀ꦏꦭꦶꦃꦭꦗꦼꦔ꧀ꦮꦁꦱꦸꦭ꧀ꦲꦶꦁꦔꦂꦱ
ꦢꦊꦩ꧀ꦥꦫꦶꦔꦶꦤ꧀ꦏꦶꦢꦸꦭ꧀ꦲꦶꦁꦒꦶꦃꦱꦉꦁꦥꦤꦤꦼꦩ꧀ꦩꦶꦥꦸꦤ꧀ꦲꦶꦁꦏꦁ
ꦗꦼꦤꦼꦁꦔꦶꦧꦼꦏꦼꦭ꧀ꦧꦼꦏꦼꦭ꧀ꦩꦺꦴꦤꦸꦕꦤꦒꦫꦶ꧈ꦥꦤꦫꦒ꧈ꦨꦚꦸꦩ
ꦱꦱꦩ꧀ꦥꦸꦤ꧀ꦱꦩꦶꦮꦁꦱꦸꦭ꧀ꦲꦶꦁꦔꦂꦱꦢꦊꦩ꧀ꦭꦤ꧀ꦥꦚꦼꦁꦏ
ꦭ꧀ꦭꦸꦥꦸꦤ꧀ꦩꦔꦶꦢꦸꦭ꧀ꦏꦶꦪꦲꦶꦠꦸꦩꦼꦁꦒꦸꦔ꧀ꦮꦶꦫꦒꦸꦤ꧈ꦕꦼꦁꦏꦭ꧀ꦭꦶꦥꦸꦤ꧀ꦏ
ꦗꦼꦔ꧀ꦮꦭꦶꦏꦸꦏꦸꦤ꧀ꦥꦛꦺꦴꦏ꧀ꦏꦶꦥꦸꦤ꧀ꦲꦸꦒꦶꦏꦗꦼꦔ꧀ꦮꦭꦶꦏꦸꦏꦸꦤ꧀
ꦭꦗꦼꦁꦒꦶꦤ꧀ꦠꦿꦱꦢꦪ꧈ꦝꦸꦩꦸꦭꦶꦲꦶꦁꦲꦭꦸꦤ꧀ꦲꦭꦸꦤ꧀ꦥꦼꦁꦏꦼꦂꦫ
ꦤ꧀ꦭꦗꦼꦁꦚꦼꦁꦏꦭ꧀ꦩꦱ꧀ꦗꦶꦝꦒꦼꦁ꧈ꦚꦼꦁꦏꦭ꧀ꦧꦺꦠꦺꦁꦏꦸꦩ꧀ꦥꦼ
ꦤꦶ꧈ꦱꦢꦪꦥꦱꦁꦒꦿꦃꦲꦤ꧀ꦤꦶꦥꦸꦤ꧀ꦏꦸꦩ꧀ꦥꦼꦤꦶꦮꦭꦤ꧀ꦢꦶꦱꦩ꧀ꦥꦸꦤ꧀ꦩꦶ
ꦫꦤ꧀ꦠꦺꦴꦱ꧀ꦲꦶꦁꦩꦁꦏꦺꦲꦸꦥꦿꦸꦥ꧀ꦥꦤ꧀ꦲꦶꦁꦱꦸꦫꦟꦒꦫꦤ꧀
ꦮꦺꦠꦤ꧀ꦲꦭꦸꦤ꧀ꦲꦭꦸꦤ꧀ꦩꦱ꧀ꦗꦶꦝꦒꦼꦔ꧀ꦭꦗꦼꦁꦢꦶꦥꦸꦤ꧀ꦠꦫꦸ
