Kaca:ꦥꦒꦼꦭꦂꦫꦤ꧀.pdf/16

꧇​ ꧒꧓ ꧇

ꦏꦼꦤ꧀​ꦱꦫꦮꦸꦃꦢꦊꦩ꧀ꦲꦶꦁꦏꦁꦯꦶꦟꦸꦲꦸꦤ꧀ꦭꦗꦼꦁꦠꦼꦣꦏ꧀ꦱꦏꦶꦁꦏꦫꦺꦠ꧈​ꦊꦁꦒꦃꦲꦶꦁꦣꦩ꧀ꦥꦂꦧꦁꦱꦭ꧀ꦥꦔꦿꦮꦶꦠ꧀ꦥꦫꦒꦂꦮꦱꦲꦥꦫꦥꦸꦠꦿꦲꦶꦁꦏꦁꦠꦏ꧀ꦱꦶꦃꦠꦶꦩꦸꦂꦱꦲꦮꦢꦾꦲꦺꦱ꧀ꦠꦿꦶ꧈ꦱꦩꦶꦲꦚ꧀ꦗꦸꦫꦸꦒ꧀ꦲꦶꦁꦢꦊꦩ꧀ꦮꦮꦔꦸꦤ꧀​ꦠꦸꦮꦤ꧀ꦩꦪꦺꦴꦂꦧꦫꦺꦴꦤ꧀​​ꦲꦺꦴꦒꦼꦤ꧀ꦝꦺꦴꦉꦥ꧀​​ꦥꦫꦲꦸꦥ꧀ꦱꦶꦂꦔꦢꦼꦒ꧀ꦱꦠꦼꦔꦼꦤ꧀ꦢꦊꦩ꧀​​ꦲꦶꦫꦶꦔ꧀ꦭꦺꦂꦪꦼꦧꦶꦃ꧈ꦥꦫꦥꦸꦁꦒꦮꦲꦤ꧀ꦝꦺꦂꦲꦶꦁꦔꦂꦱꦢꦊꦩ꧀​ꦱꦉꦁꦱꦩ꧀ꦥꦸꦤ꧀ꦱꦶꦉꦥ꧀ꦱꦥꦤꦁꦏꦶꦭ꧀ꦭꦤ꧀​​ꦲꦶꦁꦏꦁꦯꦶꦟꦸꦲꦸꦤ꧀ꦲꦔꦤ꧀ꦢꦶꦏ꧇​ꦲꦢꦶꦦꦡꦶꦦꦿꦶꦁꦒꦭꦪ꧈ꦏꦂꦱꦤꦶꦁꦯꦈꦤ꧀ꦲꦶꦁꦱꦩꦼꦁꦏꦺꦴꦢꦺꦱꦲꦶꦁꦱꦭ꧈ꦲꦶꦁꦯꦸꦤ꧀ꦥꦸꦤ꧀ꦝꦸꦠ꧀ꦗꦼꦤꦼꦁꦔꦺꦢꦺꦱꦲꦶꦁꦱꦭ꧈ꦲꦶꦁꦯꦸꦤ꧀ꦏꦂꦱꦏ꧀ꦲꦏꦺꦢꦢꦶꦤꦒꦫ​ꦤꦶꦁꦯꦸꦤ꧀ꦲꦶꦁꦯꦸꦤ꧀ꦥꦫꦶꦁꦔꦶꦗꦼꦤꦼꦁꦲꦶꦁꦤꦒꦫꦯꦸꦫꦏꦂꦠꦲꦢꦶꦟꦶꦁꦔꦿꦠ꧀​​ꦱꦫꦸꦥꦤꦶꦁꦏꦮꦸꦭꦤꦶꦁꦯꦸꦤ꧀ꦏꦧꦺꦃꦥꦣꦲꦺꦱ꧀ꦠꦺꦴꦏ꧀ꦤ꧉ꦲꦢꦶꦦꦡꦶꦦꦿꦶꦁꦒꦭꦪꦩꦠꦸꦂꦤꦸꦮꦸꦤ꧀ꦱꦤ꧀ꦢꦶꦏ꧈ꦱꦸꦮꦫꦤꦶꦥꦸꦤ꧀ꦱꦢꦪꦮꦢꦾꦧꦭꦩꦮꦸꦫꦃꦲꦤ꧀ꦲꦱꦲꦸꦂꦥꦼꦏ꧀ꦱꦶ꧈ꦱꦱꦶꦉꦥ꧀ꦥꦶꦥꦸꦤ꧀ꦱꦸꦮꦫꦤꦶꦁ​ꦮꦢꦾꦧꦭ꧈ꦲꦶꦁꦏꦁꦯꦶꦟꦸꦲꦸꦤ꧀ꦲꦔꦤ꧀ꦢꦶꦏ꧇ꦦꦔꦸꦭꦸꦦꦼꦏꦶꦲꦶꦧꦿꦲꦶꦩ꧀​ꦱꦶꦫꦢꦺꦴꦔꦏ꧀ꦤꦱ꧀ꦭꦩꦼꦠ꧀ꦠꦶꦁꦯꦸꦤ꧀​ꦭꦤ꧀ꦠꦼꦠꦼꦥ꧀ꦥꦺꦤꦒꦫꦤꦶꦁꦯꦸꦤ꧀ꦲꦶꦁꦯꦸꦫꦏꦂꦠꦲꦢꦶꦟꦶꦁꦔꦿꦠ꧀​​ꦭꦤ꧀ꦱꦮꦢꦾꦧꦭꦤꦶꦁꦯꦸꦤ꧀ꦏꦧꦺꦃ꧈ꦦꦔꦸꦭꦸꦩꦠꦸꦂꦱꦤ꧀ꦢꦶꦏ꧈ꦲꦔꦢꦼꦒ꧀ꦩꦲꦺꦴꦱ꧀ꦢꦺꦴꦔ꧈ꦱꦶꦤꦲꦸꦂꦫꦤ꧀ꦲꦩꦶꦤ꧀ꦤꦶꦥꦸꦤ꧀ꦮꦢꦾꦧꦭꦱꦤꦒꦫꦶ꧉ꦱꦫꦩ꧀ꦥꦸꦁꦔꦶꦁꦲꦤ꧀ꦢꦺꦴꦔ꧈ꦲꦶꦁꦏꦁꦯꦶꦟꦸꦲꦸꦤ꧀ꦲꦔꦤ꧀ꦢꦶꦏ꧇ꦠꦠꦤꦼꦤ꧀ꦏꦒꦸꦁꦔꦤ꧀ꦤꦶꦁꦯꦸꦤ꧀ꦮꦫꦶꦔꦶꦤ꧀ꦏꦼꦩ꧀ꦧꦂ꧈​ꦠꦺꦗꦢꦫꦸ꧈ꦗꦪꦢꦫꦸ꧈