Guru (Nur Susanty)
[ 58 ]
NUR SUSANTY
SMP Negeri 1 Turi
GURU
Wong tuwa ing sajroning pawiyatan
digugu lan ditiru
dadi panutaning pra siswa
Minangka satriyaning pawiyatan
kang nuduhake bener lan luput
kabeh siswa antuk pamulangan
era kadang konang
tembunge pait madu
ngadhepi siswa kanthi dhadha longgar
sepi ing pamrih rame ing gawe
Gawe urip luwih becik
amarga piwulange
siswa bodho dadi pinter
amarga kawruhe,
ora ngerti dadi ngerti
amarga pitutUre
siswa kesed dadi sregep
[ 59 ]
Kang dikarepake
bisa nyipta siswa taberi
lan karoban manis
bisa mikul dhuwur mendhem jero
migunani kanggo bangsa Ian nagara
Guru,
becik bebudene kaya Prabu Darmakusuma