Kaca iki wis divalidasi
SANDHAL
Bathok bolu isi madu
sanajan saben dina diidak-idak
ananging,
durung mesthi barang kang asor
buktine,
sandhal kuwi dianggo marang sapa wae
Manawa ora ana sandhal
sikil mesthi kepanasen
utawa raged
kepiye wae,
sandhal mesthi dibutuhake
GURU
Wong tuwa ing sajroning pawiyatan
digugu lan ditiru
dadi panutaning pra siswa
Minangka satriyaning pawiyatan
kang nuduhake bener lan luput
kabeh siswa antuk pamulangan
era kadang konang
tembunge pait madu
ngadhepi siswa kanthi dhadha longgar
sepi ing pamrih rame ing gawe
Gawe urip luwih becik
amarga piwulange
siswa bodho dadi pinter
amarga kawruhe,
ora ngerti dadi ngerti
amarga pitutUre
siswa kesed dadi sregep
44
Sekar Melathi____Antologi Geguritan Bengkel Sastra Jawa 2005
