Aku Paragane
[ 124 ]
24
AKU PARAGANÉ
takona marang aku
bapa-bapa sing krenteg wayuh
ibu-ibu sing nedya pérak
aku endhog sinimpar saka patarangan
wiji dadi - sinengguh sawijining pepalang
ibuku randha saiki krama manèh
tindak sing ngedohaké rasa
lan bapak séda ninggal randha
asihku rinebut liyan
tresnaku sangisoring semboja
pèpèdna aku ing pantoging pitakon
aku mung bakal bisa ngaku
jaréné anak wong
sapa kang bakal ngrèwès
bocah kuru aking dhedhingklangan turut lurung?
Rachmadi K.
(in: Iesmaniasita, Guritan, Antologi
Sajak-sajak Jawi, Surakarta, 1975).
First published
between 1954 and 1967.