ꦱꦼꦫꦠ꧀ꦱꦺꦭꦫꦱ

[ f.1v ]꧋ꦥꦸꦤꦶꦏ‌​ꦱꦼꦂꦫꦠ꧀‌ꦏꦒꦸꦁ​ꦔꦤ꧀ꦤꦶꦥꦸꦤ꧀ꦚꦚꦃ​ꦱꦏꦺꦧꦼꦂ‌​ꦲꦶꦁ​ꦱꦸꦫꦥꦿꦶꦁꦒ꧋

꧁ꦥꦸꦃ​ꦠꦼꦩ꧀ꦧꦁ​ꦲꦱ꧀ꦩꦫꦢꦺꦴꦤ꧂
꧄ꦠꦠ꧀ꦏꦭ​ꦮꦶꦮꦶꦠ꧀ꦠꦶꦤꦸꦭꦶꦱ꧀ꦲꦶꦁ​ꦢꦶꦠꦼꦤ꧀꧈​ꦔꦲꦢ꧀ꦥꦸꦤꦶꦏ​ꦥꦸꦏꦸꦭ꧀ꦱꦥ꧀ꦠ​ꦲꦶꦁ​ꦮꦪꦃꦲꦺ꧈​ꦏꦮꦤ꧀ꦭꦶꦏꦸꦂ​ꦲꦶꦁ​ꦏꦁ​ꦠꦁ​ꦒꦭ꧀​ꦤꦼꦁ​ꦒꦶꦃ​ꦲꦶꦁ​ꦯꦯꦶ​​ꦱꦥꦂ꧈​ꦠꦲꦸꦤ꧀ꦤꦭꦶꦥ꧀ꦢꦸꦏ꧀ꦠꦶꦤꦸꦫꦸꦤ꧀​​ꦗꦼꦗꦼꦒꦶꦁ​ꦩꦺꦴꦁ​ꦱ​ꦏꦠꦶꦒ꧉​
꧄ꦱꦶꦤꦼꦁ​ꦏꦭꦤ꧀ꦢꦸꦏ꧀ꦠꦶꦤꦸꦭꦶꦱ꧀ꦲꦤꦸꦗꦸ​ꦲꦶꦁ​ꦗ꦳ꦩꦤ꧀ꦤꦶꦫ꧈​ꦱꦺꦮꦸ​ꦥꦶꦠꦸꦁ​ꦔꦠꦸꦱ꧀ꦏꦺꦃꦲꦺ꧈​ꦠꦶꦒꦁ​ꦢꦱ​ꦭꦤ꧀ꦱꦠꦸꦁ​ꦒꦭ꧀​ꦱꦩꦾ​ꦢꦺꦤ꧀ꦲꦺꦁꦔꦼꦠ꧀ꦠꦤ꧈​ꦮꦱ꧀ꦥꦢ​ꦲꦗ​ꦏꦭꦶꦫꦸ꧈​ꦲꦶꦔꦼꦂ​ꦫꦺ​ꦠꦲꦸꦤ꧀ꦭꦤ꧀ꦗꦩ꧀ꦩꦤ꧀꧈​
꧄​ꦲꦤꦼꦝꦺꦁ​ꦥꦔꦏ꧀ꦱꦩꦤꦶꦁ꧈​ꦏꦁ​ꦤꦼꦫꦠ꧀ꦗꦭ꧀ꦩ​ꦲꦩꦸꦝ꧈​ꦏꦁ​ꦏꦶꦤꦸꦢꦁ​ꦲꦶꦁ​ꦱꦼꦱ꧀ꦠꦿꦤꦺ꧈​ꦠꦸꦩꦿꦥ꧀ꦥꦶꦁ​ꦢꦼꦭꦤ꧀ꦕꦁ​ꦏꦼꦂꦠꦱ꧀꧈​ꦲꦭ​ꦤꦼꦁꦒꦶꦃ​ꦲꦧꦺꦴꦁꦒ꧈​ꦠꦤ꧀ꦢꦸꦏ꧀ꦏꦶꦁ​ꦏꦛꦃ​ꦏꦁ​ꦱꦶꦁꦒꦸꦏ꧀​ꦲꦸꦏꦫꦤ꧀ꦚ꧈​ꦠꦸꦤꦭꦶꦮꦠ꧀꧈​

[ f.2r ]

꧄ꦏꦁꦱꦸꦢꦾ​ꦲꦩꦲꦺꦴꦱ꧀ꦡꦸꦮꦶꦤ꧀​ꦱꦩ꧀ꦥꦸꦤ꧀ꦮꦭ꧀ꦒꦶꦠ​ꦲꦶꦁ​ꦤꦭ꧈​ꦲꦶꦁ​ꦠꦼꦩ꧀ꦧꦁ​ꦩꦶꦮꦃꦠꦼꦧꦸꦁꦔꦺ꧈ꦲꦏꦏꦸ​ꦠꦤ꧀ꦥ​ꦠꦼꦏꦼꦤ꧀ꦤꦤ꧀​ꦭꦶꦭ​ꦢꦺꦤ꧀ꦮꦤ꧀ꦕꦺꦤ꧀ꦤꦤ꧈​ꦏꦁ​ꦭꦸꦮꦶꦃꦱꦸꦢꦧꦾꦺꦁ​ꦏꦶꦢꦸꦁ​ꦢꦺꦤꦶꦁꦮꦁ​ꦏꦢꦾ​ꦏꦸꦤ꧀ꦗꦤ꧉
꧄ꦫꦸꦩꦼꦁꦒꦼꦥ꧀ꦲꦸꦩꦒꦼꦩ꧀ꦩꦿꦶꦁꦒꦶꦠ꧀​ꦤꦶꦱ꧀ꦛꦤꦺ​ꦫꦒ​ꦠꦤ꧀ꦏꦺꦠꦁ꧈​ꦭꦶꦂ​ꦱꦱꦮꦶ​ꦲꦸꦥꦩꦶꦤꦺ꧈ꦔꦸꦏꦸꦭꦶ​ꦥꦸꦤꦁ​ꦲꦶꦁ​ꦔꦮꦤ꧀​ꦥꦤ꧀ꦏꦢꦾ​ꦱꦁ​ꦏꦸꦏꦶꦭ꧈​ꦔꦸꦕꦥ꧀ꦠꦤ꧀ꦮꦿꦶꦤ꧀ꦠꦼꦒꦼꦱ꧀ꦱꦶꦥꦸꦤ꧀​ꦥꦱ꧀ꦛꦶ​ꦔꦺꦱꦼꦩꦤ꧀ꦱꦸꦗꦤ꧈

[ f.2v ]

꧄ꦥꦸꦂꦮꦤꦶꦁꦮꦱꦶꦠꦭꦸꦮꦶꦃ꧈ ꦱꦸꦗꦭ꧀ꦩꦢꦶꦲꦩꦁꦏꦸꦫꦠ꧀ ꦩꦂꦩꦕꦶꦠꦿꦤꦺꦫꦠꦸꦤꦺ꧈ ꦱꦁꦏꦤꦺꦯꦯꦶꦥꦸꦂꦤꦩ꧈ ꦱꦶꦢꦶꦏ꧀ꦠꦤ꧀ꦥꦠꦤ꧀ꦝꦶꦁꦔꦤ꧀ ꦧꦒꦸꦱ꧀ꦱꦺꦱꦸꦱꦸꦤꦤꦶꦁꦱꦸꦤ꧀ ꦏꦢꦾꦱꦸꦏ꧀ꦩꦲꦺꦴꦤꦺꦁꦢꦸꦤ꧀ꦚ꧉
꧄ꦏꦢꦶꦏꦸꦩꦭꦲꦶꦁꦔꦸꦏꦶꦂ꧈ ꦱꦸꦱꦸꦤ꧀ꦤꦤ꧀ꦤꦼꦒꦿꦶꦲꦶꦁꦲꦶꦁꦕꦺꦩ꧀ꦥ꧈ ꦭꦶꦂꦤꦧꦶꦪꦸꦱꦸꦥ꧀ꦕꦶꦠꦿꦤꦺ꧈ ꦏꦢꦾꦫꦠꦸꦱꦏꦶꦁꦱ꧀ꦮꦂꦒ꧈ ꦠꦸꦲꦸꦪꦺꦤ꧀ꦥꦶꦤ꧀ꦠꦸꦤꦶꦁꦪꦁ꧈ ꦥꦁꦔꦤ꧀ꦢꦶꦏꦱꦼꦥꦼꦠ꧀ꦩꦢꦸ꧈ ꦏꦁꦔꦱꦸꦏꦥꦲꦶꦠ꧀ꦏꦶꦭꦁ꧈
꧄ꦤꦼꦒꦫꦶꦕꦼꦩ꧀ꦥꦮꦶꦤꦂꦤꦶ꧈ ꦤꦼꦒꦫꦶꦤꦶꦫꦱꦁꦤꦠ꧈ ꦱꦺꦭꦧꦼꦂꦫꦺꦠ꧀ꦧꦶꦱꦶꦏ꧀ꦏꦤꦺ꧈ ꦥꦸꦠꦿꦤꦺꦏꦶꦗꦁꦠꦶꦱꦾꦫ꧈ ꦱꦧꦏ꧀ꦢꦤꦺꦊꦭꦤ꧈ ꦱꦺꦭꦧꦼꦂꦫꦺꦠ꧀ꦗꦺꦼꦤꦼꦁꦫꦠꦸ꧈ ꦲꦚꦏꦿꦮꦠꦶꦲꦶꦁꦕꦼꦩ꧀ꦥ꧈
꧄ꦠꦤ꧀ꦏꦮꦂꦤꦱꦏꦭꦤꦶꦁ꧈ ꦱꦺꦃꦧꦼꦫꦺꦠ꧀ꦗꦸꦩꦼꦤꦼꦁꦤꦠ꧈ ꦏꦼꦭꦁꦏꦸꦁꦢꦺꦤꦶꦫꦏꦲꦺꦴꦠ꧀ ꦲꦩ꧀ꦧꦼꦏ꧀ꦧꦸꦢꦶꦏꦭꦩꦂꦠ꧈ ꦔꦶꦧꦢꦠ꧀ꦠꦺꦠꦤ꧀ꦥꦼꦒꦠ꧀ ꦧꦏ꧀ꦡꦶꦤꦺꦣꦠꦼꦁ​ꦪꦾꦁꦮꦒꦸꦁ꧈ ꦠꦸꦲꦸꦪꦺꦤ꧀ꦏꦭꦶꦥꦠ꧀ꦠꦺꦴꦭꦃ꧈
꧄ꦱꦶꦒꦼꦒꦼꦤ꧀ꦲꦶꦁꦏꦁꦏꦮꦂꦤꦶ ꦱꦺꦃꦧꦼꦂꦫꦺꦠ꧀ꦱꦩ꧀ꦥꦸꦤ꧀ꦱꦸꦩꦭ꧀ꦭꦃ꧈ꦤꦼꦒꦿꦶꦲꦶꦁꦕꦼꦩ꧀ꦥꦏꦤ꧀ꦝꦤꦺ꧈ ꦮꦸꦱ꧀ꦏꦱꦿꦃꦣꦠꦼꦁꦏꦁꦥꦸꦠꦿ꧈ ꦲꦥꦤ꧀ꦠꦶꦭꦂꦮꦮꦼꦏ꧈ ꦏꦁꦏꦕꦠꦸꦂꦱꦩꦶꦗꦭꦸ꧈ ꦏꦸꦤꦼꦁꦏꦼꦏꦱꦶꦲꦺꦥꦸꦠꦿ꧈
꧄ꦫꦢꦺꦤ꧀ꦱꦺꦭꦁꦏꦫꦤꦼꦁꦒꦶꦃ꧈ꦏꦼꦏꦱꦶꦃꦲꦶꦫꦏꦁꦮꦼꦂꦢꦃ꧈ ꦱꦺꦭꦱꦾꦫꦥꦤꦼꦁꦒꦼꦏ꧀ꦏꦺ꧈ ꦏꦁꦱꦸꦩꦼꦤ꧀ꦝꦶꦱꦺꦭꦒꦺꦴꦤ꧀ꦢ꧈ ꦥꦩꦸꦫꦒꦶꦭꦺꦥꦶꦱꦤ꧀ ꦱꦺꦭꦫꦱꦾꦗꦼꦤꦼꦁꦔꦶꦥꦸꦤ꧀ ꦱꦔꦁꦠꦲꦸꦤ꧀ꦲꦶꦁꦏꦁꦪꦸꦱꦾ꧈
꧄ꦱꦱꦺꦢꦤꦺꦱꦿꦶꦧꦸꦥꦠꦶ꧈ ꦲꦮꦼꦠꦮꦶꦱ꧀​ꦒꦤ꧀ꦠꦶꦮꦼꦂꦱ꧈ ꦔꦼꦩꦱ꧀ꦱꦶꦥꦿꦩꦺꦱ꧀ꦮꦫꦶꦤꦺ꧈ ꦠꦸꦩꦸꦠꦸꦂꦣꦠꦼꦁꦏꦁꦫꦏ꧈ ꦱꦩ꧀ꦥꦸꦤ꧀ꦤꦶꦫꦩꦁꦏꦤ꧈ ꦱꦺꦭꦁꦏꦫꦗꦼꦤꦼꦁꦫꦠꦸ꧈ ꦏꦼꦭꦁꦏꦸꦁꦲꦶꦁꦩꦸꦂꦏꦤꦶꦫ꧈
꧄ꦱꦲꦶꦱꦶꦤꦺꦏꦁꦤꦼꦒꦫꦶ꧈ ꦠꦶꦠꦶꦪꦁꦩꦶꦮꦃꦧꦼꦂꦫꦤ꧈ ꦩꦥꦤ꧀ꦏꦶꦤꦸꦏꦸꦠꦤ꧀ꦏꦧꦺꦃ꧈ ꦏꦁꦫꦪꦶꦩꦶꦮꦃꦠꦶꦠꦶꦒ꧈ ꦠꦤ꧀ꦱꦶꦤꦸꦁꦔꦤ꧀ꦮꦫꦶꦱ꧀ꦱꦤ꧀ ꦩꦁꦏꦤꦥꦁꦔꦺꦏꦤꦶꦥꦸꦤ꧀ ꦩꦲꦫꦗꦱꦶꦭꦁꦏꦫ꧈

[ f.3r ]

꧄ꦪꦺꦤ꧀ꦢꦺꦤ꧀ꦮꦺꦃꦲꦤꦮꦼꦮꦫꦶꦱ꧀꧈ꦱꦢꦸꦭꦸꦂꦱꦼꦢꦪ꧈ꦢꦺꦴꦤ꧀ꦚꦧꦼꦂꦫꦤꦭꦤ꧀ꦮꦺꦴꦁꦔꦺ꧈ ꦪꦺꦤ꧀ꦤꦁꦔꦿꦱꦢꦸꦮꦺꦧꦭ꧈ ꦲꦸꦠꦮꦶꦪꦺꦤ꧀ꦱꦸꦒꦶꦃꦲ꧈ ꦧꦺꦴꦏ꧀ꦲꦁꦔꦼꦤ꧀ꦝꦶꦃꦗꦼꦤꦼꦁꦲꦶꦁꦱꦶꦤ꧀ ꦩꦺꦴꦁꦱꦱꦸꦤ꧀ꦡꦸꦭꦸꦱ꧀ꦮꦶꦧꦮ꧈
꧄ ꦩꦁꦏꦤꦱꦗꦿꦺꦴꦤꦶꦁꦔꦠꦶ꧈ ꦱꦶꦫꦫꦢꦺꦤ꧀ꦱꦺꦭꦁꦏꦫ꧈ ꦠꦤ꧀ꦱꦃꦗꦶꦤꦒꦮꦁꦱꦤꦺ꧈ ꦧꦶꦭꦶꦃꦲꦔꦸꦏꦶꦃꦤꦼꦒꦫ꧈ ꦩꦭꦃꦫꦪꦶꦏꦠꦶꦒ꧈ ꦥꦶꦤꦶꦱꦃꦥꦁꦒꦺꦤ꧀ꦤꦤ꧀ꦤꦶꦥꦸꦤ꧀ ꦥꦶꦤꦼꦂꦤꦃꦗꦮꦶꦤꦶꦁꦏꦶꦛ꧈
꧄ꦱꦤ꧀ꦝꦁꦥꦔꦤ꧀ꦢꦺꦤ꧀ꦧꦠꦺꦴꦤ꧀ꦤꦶ꧈ ꦠꦤ꧀ꦱꦶꦤꦸꦁꦏꦶꦫꦁꦭꦁꦏꦸꦁꦔ꧈ ꦏꦼꦭꦁꦏꦸꦁꦧꦸꦠꦉꦥ꧀ꦥꦤ꧀ꦤꦺ꧈ ꦱꦶꦫꦫꦗꦱꦺꦭꦁꦏꦫ꧈ ꦮꦸꦮꦸꦱ꧀ꦱꦼꦤ꧀ꦢꦸꦏ꧀ꦱꦶꦤꦺꦴꦲꦤ꧀ ꦱꦲꦸꦥꦕꦫꦱꦸꦥꦼꦤꦸꦃ꧈ ꦲꦸꦭꦸꦧꦭꦁꦭꦤ꧀ꦥꦁꦭꦶꦩ꧈
꧄ꦩꦶꦮꦃꦏꦁꦱꦼꦤ꧀ꦠꦤꦩꦤ꧀ꦠꦿꦶ꧈ ꦥꦿꦗꦸꦫꦶꦠ꧀ꦏꦁꦒꦶꦤꦺꦴꦁꦱꦺꦴꦁꦔꦤ꧀ ꦏꦶꦤꦺꦤ꧀ꦲꦁꦔꦸꦧꦼꦁꦱꦁꦏꦠꦺꦴꦤ꧀ ꦱꦶꦤꦁꦏꦼꦥ꧀ꦥꦤ꧀ꦡꦸꦧꦏ꧀ꦥꦼꦣꦁ꧈ ꦏꦺꦃꦲꦺꦮꦺꦴꦁꦠꦸꦥꦁꦱꦶꦭ꧈ ꦱꦶꦤꦼꦭꦤ꧀ꦠꦮꦺꦴꦏ꧀ꦭꦤ꧀ꦡꦸꦭꦸꦥ꧀ ꦠꦶꦤꦶꦠꦶꦃꦭꦮꦤ꧀ꦥꦿꦪꦠ꧀ꦤ꧈
꧄ꦱꦗꦮꦶꦤꦶꦁꦮꦺꦴꦠ꧀​ꦫꦼꦫꦮꦶ꧈ ꦩꦤ꧀ꦡꦿꦶꦲꦶꦁꦏꦁꦕꦮꦶꦱ꧀ꦡꦸꦩ꧀ꦧꦏ꧀ ꦱꦩꦶꦭꦶꦤꦶꦒꦒꦩꦤ꧀ꦤꦺ꧈ ꦱꦁꦤꦠꦱꦶꦏꦼꦥ꧀ꦥꦤ꧀ꦤꦶꦫ꧈ ꦧꦼꦣꦶꦭ꧀ꦥꦼꦱꦠꦺꦴꦭ꧀ꦠꦶꦤꦠꦃ꧈ ꦠꦶꦒꦁꦕꦼꦁꦏꦁꦥꦲꦺꦴꦱ꧀ꦱꦶꦥꦸꦤ꧀ ꦲꦶꦁꦔꦥꦶꦠ꧀ꦥꦼꦣꦁꦩꦭꦺꦭ꧈
꧄ꦲꦶꦤ꧀ꦗꦶꦁꦩꦁꦱꦤꦺꦠꦶꦤꦁꦏꦶꦭ꧀ ꦩꦃꦲꦫꦗꦱꦺꦭꦁꦏꦫ꧈ ꦩꦶꦮꦃꦠꦶꦒꦁꦣꦮꦸꦃꦢꦺꦫꦺꦁ꧈ ꦧꦸꦧꦂꦫꦺꦱꦏ꧀ꦱꦤꦲꦥꦾꦏ꧀ ꦲꦶꦁꦔꦭꦸꦤ꧀ꦲꦭꦸꦤ꧀ꦱꦶꦒꦿ꧈ ꦏꦁꦫꦪꦶꦏꦠꦶꦒꦤ꧀ꦤꦶꦥꦸꦤ꧀ ꦲꦂꦱꦱꦺꦴꦮꦤ꧀ꦤꦶꦁꦏꦁꦫꦏ꧈
꧄ꦱꦩꦶꦱꦁꦒꦶꦠ꧀ꦩꦤ꧀ꦠꦿꦶꦧꦫꦶꦱ꧀ ꦥꦼꦥꦼꦏ꧀ꦠꦤ꧀ꦤꦤꦱꦸꦁꦩꦂꦒ꧈ ꦱꦺꦭꦒꦺꦴꦤ꧀ꦢꦫꦶꦱ꧀ꦮꦸꦮꦸꦱ꧀ꦱꦶꦁ꧈ ꦲꦺꦃꦩꦤ꧀ꦠꦿꦶꦥꦫꦥꦁꦭꦶꦩ꧀ꦩ꧈ ꦥꦶꦪꦏ꧀ꦏꦗꦭꦸꦏ꧀ꦭꦮꦁ꧈ ꦲꦶꦁꦱꦸꦤ꧀ꦥꦤ꧀ꦤꦂꦱꦲꦔꦸꦤ꧀ꦗꦸꦁ꧈ ꦲꦶꦁꦥꦢꦤ꧀ꦤꦺꦏꦁꦗꦼꦁꦫꦏ꧈
꧄ꦥꦁꦭꦶꦩ꧀ꦩꦲꦱꦲꦸꦂꦥꦼꦏ꧀ꦱꦶ꧈ ꦒꦸꦱ꧀ꦠꦶꦢꦸꦤꦸꦁꦔꦤ꧀ꦏꦮꦸꦭ꧈ ꦩꦁꦏꦺꦒꦸꦱ꧀ꦠꦶꦫꦢꦶꦔꦤ꧀ꦠꦺꦴꦱ꧀ꦥꦤ꧀ꦭꦒꦶꦲꦠꦸꦂꦲꦸꦤꦶꦔ꧈ ꦲꦶꦁꦏꦁꦗꦼꦁꦫꦏꦠꦸꦮꦤ꧀ ꦥꦢꦸꦏꦭꦺꦫꦺꦃꦫꦸꦩꦸꦲꦸꦤ꧀ ꦱꦩ꧀ꦥꦸꦤ꧀ꦤꦿꦒꦶꦤꦼꦫꦁꦮꦠꦁ꧈

[ f.3v ]

꧄ꦏꦩ꧀ꦥꦃꦱꦠꦿꦶꦪꦏꦠꦿꦶꦤꦶ꧈ꦱꦺꦭꦱꦾꦫꦱꦺꦭꦒꦺꦴꦤ꧀ꦢ꧈ ꦱꦺꦭꦫꦱꦾꦏꦠꦶꦒꦤ꧀ꦤꦺ꧈ ꦱꦏ꧀ꦱꦤꦲꦸꦠꦸꦱ꧀ꦱꦤ꧀ꦩꦼꦢꦭ꧀ ꦥꦿꦗꦸꦫꦶꦠ꧀ꦒꦁꦒꦁꦱꦶꦤꦁ꧈ ꦲꦮꦼꦠꦮꦶꦱ꧀ꦏꦮꦤ꧀ꦥꦸꦭꦸꦃ꧈ ꦥꦿꦥ꧀ꦠꦤꦺꦲꦁꦔ꧀ꦭꦶꦒꦥ꧀ꦝꦁ꧈
꧄ꦲꦶꦁꦏꦁꦲꦁꦔꦠꦸꦂꦫꦶꦱꦩꦶ꧈ ꦥꦿꦥ꧀ꦠꦤ꧀ꦤꦶꦫꦲꦶꦁꦫꦃꦲꦢꦾꦤ꧀ ꦩꦠꦸꦂꦱꦂꦪꦾꦔꦒꦼꦢ꧀ꦧꦲꦺ꧈ ꦫꦲꦢꦾꦤ꧀ꦱꦩꦶꦏꦠꦸꦫꦤ꧀ ꦏꦠꦶꦒꦤ꧀ꦤꦺꦏꦺꦫꦶꦁꦔ꧈ ꦢꦺꦤꦶꦁꦏꦮꦸꦭꦭꦸꦩꦗꦸ꧈ ꦥꦁꦔꦤ꧀ꦢꦶꦏꦤ꧀ꦤꦶꦁꦱꦁꦤꦠ꧈
꧄ꦮꦸꦱ꧀ꦩꦶꦤ꧀ꦠꦂꦏꦁꦢꦺꦤ꧀ꦤꦠꦸꦂꦫꦶ꧈ ꦩꦶꦁꦒꦃꦭꦩ꧀ꦥꦃꦲꦺꦠꦶꦤꦠ꧈ ꦏꦠꦶꦒꦭꦗꦼꦁꦭꦩ꧀ꦥꦃꦲꦺ꧈ ꦥꦿꦥ꧀ꦠꦤꦺꦱꦸꦩꦸꦏꦼꦩ꧀ꦥꦢ꧈ ꦥꦢꦤ꧀ꦤꦶꦫꦏꦁꦫꦏ꧈ ꦤꦸꦭꦾꦱꦩꦶꦏꦶꦤꦺꦤ꧀ꦭꦸꦁꦒꦸꦃ꧈ ꦲꦶꦁꦔꦂꦱꦢꦢꦺꦴꦱ꧀ꦏꦮꦤ꧀ꦱꦥ꧀
꧄ꦥꦼꦥꦼꦏ꧀ꦩꦭꦃꦠꦤ꧀ꦏꦲꦏ꧀ꦱꦶ꧈ ꦱꦁꦤꦠꦢꦺꦤꦶꦁꦏꦁꦮꦺꦴꦁꦱ꧈ ꦏꦠꦶꦒꦏꦩ꧀ꦥꦸꦃꦭꦶꦁꦒꦶꦃꦲꦺ꧈ ꦩꦶꦁꦒꦃꦲꦶꦁꦧꦧꦠꦸꦂꦔꦤ꧀ꦝꦥ꧀ ꦭꦤ꧀ꦥꦤꦏꦮꦤ꧀ꦩꦭꦁ꧈ ꦏꦠꦶꦒꦭꦶꦁꦒꦶꦃꦠꦸꦩꦸꦁꦏꦸꦭ꧀ ꦠꦤ꧀ꦤꦤ꧀ꦠꦫꦮꦱ꧀ꦥꦤ꧀ꦤꦶꦫ꧈
꧄ꦏꦺꦁꦔꦼꦠ꧀ꦠꦤ꧀ꦢꦸꦏ꧀ꦱꦗꦼꦤꦼꦁꦔꦶꦁ꧈ ꦏꦁꦫꦩꦱꦺꦴꦏ꧀ꦱꦶꦤꦠꦠ꧈ ꦲꦶꦁꦱꦧꦼꦤ꧀ꦤꦶꦏꦭꦶꦁꦒꦶꦃꦲꦺ꧈ ꦭꦤ꧀ꦏꦼꦤ꧀ꦤꦱꦏꦂꦱꦤ꧀ꦤꦶꦫ꧈ ꦩꦁꦏꦺꦣꦠꦼꦁꦏꦁꦫꦏ꧈ ꦲꦱꦺꦴꦂꦢꦺꦤ꧀ꦤꦶꦫꦲꦭꦸꦁꦒꦸꦃ꧈ ꦗꦶꦤꦗꦂꦭꦤ꧀ꦥꦤꦏꦮꦤ꧀
꧄ꦠꦸꦩꦸꦁꦏꦸꦭ꧀ꦠꦤ꧀ꦏꦼꦤ꧀ꦤꦲꦁꦭꦶꦁ꧈ ꦱꦏꦠꦶꦒꦩꦶꦗꦶꦭ꧀ꦮꦱ꧀ꦥ꧈ ꦱꦁꦱꦪꦮꦸꦮꦸꦃꦏꦼꦂꦫꦲꦺꦴꦱ꧀ ꦪꦺꦤ꧀ꦤꦫꦱꦶꦤꦥꦱꦥ꧈ ꦩꦁꦏꦺꦢꦺꦤꦶꦁꦏꦁꦫꦏ꧈ ꦭꦶꦁꦒꦶꦃꦠꦼꦧꦃꦥꦶꦤ꧀ꦤꦶꦠꦩ꧀ꦧꦸꦃ꧈ ꦱꦥꦶꦱꦤ꧀ꦤꦺꦴꦫꦱꦶꦤꦥ꧈
꧄ꦱꦏꦛꦃꦲꦶꦁꦏꦁꦤꦶꦔꦭꦶ꧈ ꦩꦤ꧀ꦠꦿꦶꦥꦁꦭꦶꦩ꧀ꦩꦥꦸꦁꦒꦮ꧈ ꦏꦭꦁꦏꦸꦁꦲꦁꦔꦽꦱ꧀ꦩꦤꦃꦲꦺ꧈ ꦣꦠꦼꦁꦫꦢꦺꦤ꧀ꦱꦏꦠꦶꦒ꧈ ꦭꦫꦠꦤ꧀ꦱꦶꦤꦥ꧈ ꦏꦾꦤꦥꦠꦶꦃꦲꦫꦶꦱ꧀ꦩꦠꦸꦂ꧈ ꦣꦠꦼꦁꦫꦗꦺꦁꦱꦺꦭꦁꦏꦫ꧈
꧄ꦤꦸꦲꦸꦤ꧀ꦲꦠꦸꦂꦥꦠꦶꦏ꧀ꦏꦗꦶ꧈ ꦥꦸꦏꦸꦭꦸꦤ꧀ꦥꦠꦶꦏ꧀ꦧꦼꦛꦫ꧈ ꦭꦶꦂꦕꦤ꧀ꦛꦸꦏꦩꦸꦤꦶꦲꦶꦁꦔꦿꦺꦴꦁ꧈ ꦏꦺꦴꦏꦺꦴꦏ꧀ꦧꦼꦭꦸꦏ꧀ꦩꦸꦤꦶꦭꦺꦴꦁꦔꦤ꧀ ꦪꦺꦤ꧀ꦏꦁꦒꦺꦠꦤ꧀ꦏꦁꦒꦺꦪ꧈ꦧꦺꦴꦧꦺꦴꦃꦲꦤꦺꦠꦸꦮꦤ꧀ꦩꦠꦸꦂ꧈ ꦣꦠꦼꦁꦫꦗꦱꦺꦭꦁꦏꦫ꧈

[ f.4r ]

꧄ꦱꦪꦺꦴꦗꦾꦤꦶꦁꦮꦺꦴꦁꦱꦶꦤꦶꦮꦶ꧈ ꦫꦠꦸꦔꦒꦸꦁꦔꦏꦼꦤ꧀ꦏꦼꦭꦂ꧈ ꦢꦸꦩꦺꦃꦠꦲꦒꦸꦁꦮꦢꦾꦤꦺ꧈ ꦮꦁꦱꦸꦭ꧀ ꦢꦺꦤ꧀ꦤꦿꦒꦼꦩ꧀ꦮꦮꦂꦠ꧈ ꦢꦺꦤ꧀ꦉꦩ꧀ꦧꦏ꧀ꦭꦮꦤ꧀ꦧꦭ꧈ ꦥꦸꦤꦶꦏꦥꦩꦶꦉꦁꦔꦸꦭꦸꦤ꧀ ꦥꦿꦪꦺꦴꦒꦶꦤꦺ꧈ꦢꦢꦶꦚꦠ꧈
꧄ꦠꦶꦤꦸꦭꦸꦁꦔꦤ꧀ꦤꦶꦁꦱꦁꦏꦥ꧀ꦠꦶ꧈ ꦲꦶꦁꦱꦤ꧀ꦱꦤꦮꦢꦾꦧꦭ꧈ ꦧꦣꦺꦪꦩꦼꦤꦁꦗꦸꦫꦶꦠ꧀ꦠꦺ꧈ ꦪꦺꦤ꧀ꦲꦸꦒꦶꦫꦠꦸꦥꦸꦤꦶꦏ꧈ ꦠꦤ꧀ꦤꦿꦒꦼꦩ꧀ꦭꦮꦤ꧀ꦧꦭ꧈ ꦠꦤ꧀ꦤꦁꦱꦭ꧀ꦗꦼꦤꦼꦁꦔꦶꦁꦫꦠꦸ꧈ ꦱꦩꦂꦏꦂꦠꦤ꧀ꦤꦶꦁꦤꦼꦒꦫ꧈
꧄ꦱꦸꦒꦶꦪꦱꦸꦤ꧀ꦝꦸꦭ꧀ꦲꦶꦁꦭꦁꦔꦶꦠ꧀ ꦪꦺꦤ꧀ꦠꦤ꧀ꦤꦿꦒꦼꦩ꧀ ꦪꦤ꧀ꦱꦼꦱꦤꦏ꧀ ꦔꦁꦒꦺꦴꦱꦏꦂꦱꦏꦂꦱꦤꦺ꧈ ꦱꦁꦤꦠꦲꦫꦶꦱ꧀ꦔꦤ꧀ꦢꦶꦏ꧈ ꦲꦼꦤ꧀ꦢꦶꦠꦪꦺꦤ꧀ꦩꦼꦤꦁꦔ꧈ ꦏꦼꦭꦩ꧀ꦥꦃꦲꦤ꧀ꦧꦿꦤꦭꦫꦸꦠ꧀ ꦢꦺꦤꦶꦁꦠꦶꦁꦏꦃꦲꦶꦁꦥꦿꦶꦪꦺꦴꦁꦒ꧈
꧄ꦩꦂꦩꦶꦤꦶꦥꦸꦤ꧀ꦱꦏꦾꦺꦃꦔꦗꦶ꧈ ꦮꦗꦶꦧ꧀ꦏꦸꦏꦸꦩ꧀ꦥꦸꦭ꧀ꦧꦼꦂꦫꦤ꧈ ꦲꦶꦁꦒꦶꦃꦥꦸꦤꦶꦏꦏꦂꦪꦤꦺ꧈ ꦢꦢꦺꦴꦱ꧀ꦒꦼꦒꦤ꧀ꦗꦼꦭ꧀ꦭꦶꦁꦥꦿꦗ꧈ ꦱꦺꦭꦁꦏꦫꦔꦤ꧀ꦢꦶꦏ꧈ ꦲꦶꦪꦠꦸꦠꦸꦂꦉꦤ꧀ꦢꦺꦤ꧀ꦝꦥꦸꦂ꧈ ꦲꦸꦮꦥꦠꦶꦃꦲꦗꦩꦁꦩꦁ꧈
꧄ꦲꦥꦥꦿꦪꦺꦴꦒꦤꦺꦥꦠꦶꦃ꧈ ꦊꦭꦏꦺꦴꦤꦶꦁꦏꦸꦤꦏꦸꦤ꧈ ꦠꦸꦠꦸꦂꦫꦱꦮꦏ꧀ꦕꦤ꧀ꦤꦺ꧈ ꦮꦶꦫꦩꦤ꧀ꦠꦿꦺꦶꦲꦠꦸꦂꦱꦼꦩ꧀ꦧꦃ꧈ ꦏꦮꦸꦭꦤꦸꦲꦸꦤ꧀ꦢꦸꦏ꧈ ꦠꦤ꧀ꦮꦺꦴꦤ꧀ꦠꦼꦤ꧀ꦲꦮꦺꦴꦤ꧀ꦤꦶꦁꦱꦂꦗꦸ꧈ ꦲꦶꦁꦱꦱ꧀ꦠꦿꦧꦼꦤ꧀ꦢꦸꦱꦤ꧀ꦠꦤ꧈
꧄ꦏꦁꦒꦸꦩꦼꦭꦂꦲꦶꦁꦢꦸꦩꦢꦶ꧈ ꦭꦮꦤ꧀ꦤꦩ꧀ꦧꦼꦏ꧀ꦏꦺꦤꦭꦺꦤ꧀ꦢꦿ꧈ ꦫꦠꦸꦥꦸꦤꦶꦏꦏꦛꦃꦲꦺ꧈ ꦩꦶꦮꦃꦱꦸꦂꦒꦶꦲꦶꦁꦪꦁꦠꦸꦮꦤ꧀ ꦏꦫꦸꦲꦸꦤ꧀ꦢꦸꦏ꧀ꦲꦧꦮ꧈ ꦗꦸꦩꦼꦤꦼꦁꦔꦶꦁꦕꦼꦩ꧀ꦥꦫꦠꦸ꧈ ꦭꦁꦏꦸꦁꦔꦢꦶꦭ꧀ꦥꦭꦩꦂꦠ꧈
꧄ꦲꦶꦁꦮꦏ꧀ꦡꦸꦤꦺꦲꦗꦼꦁꦭꦭꦶꦱ꧀꧈ꦥꦫꦥꦸꦠꦿꦲꦶꦁꦔꦠꦸꦫꦤ꧀ ꦩꦶꦮꦃꦥꦫꦮꦂꦒꦏꦧꦺꦃ꧈ ꦱꦩꦾꦏꦼꦩ꧀ꦥꦼꦭ꧀ꦲꦶꦁꦔꦗꦼꦁꦔꦤ꧀ ꦲꦶꦁꦏꦁꦮꦺꦴꦁꦱꦱꦼꦢꦪ꧈ ꦥꦼꦥꦼꦏ꧀ꦲꦭꦶꦁꦒꦶꦃꦲꦶꦁꦔꦪꦸꦤ꧀ ꦥꦸꦠꦿꦱꦏꦶꦁꦥꦼꦂꦫꦶꦥꦿꦥ꧀ꦠ꧈
꧄ꦒꦁꦱꦭ꧀ꦱꦼꦢꦪꦏꦁꦱꦶꦮꦶ꧈ ꦲꦺꦪꦾꦁꦥꦢꦸꦏꦱꦸꦂꦒ꧈ ꦥꦠꦸꦠ꧀ꦡꦤ꧀ꦲꦶꦁꦥꦼꦂꦫꦶꦲꦁꦒꦺꦂ꧈ ꦲꦩꦸꦁꦏꦁꦱꦏꦶꦁꦩꦤꦸꦱꦾ꧈ ꦱꦮꦂꦒꦶꦫꦩꦠꦸꦮꦤ꧀ ꦥꦸꦤꦶꦏꦏꦥꦼꦂꦤꦃꦱꦼꦥꦸꦃ꧈ ꦱꦼꦢꦪꦥꦼꦂꦤꦃꦠꦫꦸꦤ꧈

[ f.4v ]

꧄ꦥꦼꦥꦼꦏ꧀ꦏꦁꦥꦸꦠꦿꦲꦭꦶꦁꦒꦶꦃ꧈ ꦲꦶꦪꦠꦸꦮꦤ꧀ꦲꦔꦤ꧀ꦢꦶꦏ꧈ ꦣꦠꦼꦁꦥꦸꦠꦿꦱꦼꦢꦪꦤꦺ꧈ ꦏꦧꦺꦃꦲꦤꦏ꧀ꦏꦶꦁꦱꦸꦤ꧀ꦥꦣ꧈ ꦲꦗꦲꦤꦥꦶꦠꦼꦤꦃ꧈ ꦢꦺꦤ꧀ꦤꦠꦸꦠ꧀ꦱꦤꦏ꧀ꦱꦢꦸꦭꦸꦂ ꦧꦶꦱꦸꦏ꧀​ꦲꦶꦁꦱꦥꦸꦁꦏꦸꦂꦲꦶꦁꦮꦁ꧈
꧄ꦲꦁꦔꦶꦁꦲꦤꦏ꧀ꦏꦶꦁꦱꦸꦤ꧀ꦱꦶꦗꦶ꧈ ꦧꦶꦱꦸꦏ꧀ꦗꦸꦩꦼꦤꦼꦁꦤꦭꦺꦤ꧀ꦢꦿ꧈ ꦤꦼꦒꦫꦲꦶꦏꦶꦏꦢꦸꦮꦺ꧈ ꦲꦩꦸꦁꦲꦤꦏ꧀ꦏꦶꦁꦱꦸꦤ꧀ꦮꦺꦴꦁꦱ꧈ ꦏꦧꦺꦃꦥꦣꦲꦠꦸꦠ꧀ꦡ꧈ ꦥꦤ꧀ꦮꦸꦱ꧀ꦥꦠꦸꦠ꧀ꦭꦮꦤ꧀ꦲꦸꦏꦸꦩ꧀ ꦱꦶꦫꦲꦗꦤꦊꦁꦒꦤ꧈
꧄ꦥꦸꦠꦿꦱꦼꦢꦪꦮꦺꦴꦠ꧀ꦱꦫꦶ꧈ꦏꦮꦸꦭꦱꦼꦢꦾꦱꦸꦩꦺꦴꦁꦒ꧈ ꦲꦶꦁꦏꦁꦗꦼꦁꦫꦩꦏꦂꦱꦤꦺ꧈ ꦣꦠꦼꦁꦮꦺꦴꦁꦱꦲꦶꦁꦏꦁꦮꦼꦂꦢꦃ꧈ ꦥꦤ꧀ꦢꦸꦤꦸꦁꦔꦤꦺꦱꦼꦩ꧀ꦧꦃ꧈ ꦏꦁꦥꦠꦸꦠ꧀ꦗꦸꦩꦼꦤꦼꦁꦫꦠꦸ꧈ ꦲꦩꦼꦁꦏꦸꦮꦲꦶꦁꦤꦼꦒꦫ꧈
꧄ꦱꦩ꧀ꦥꦸꦤꦶꦁꦩꦁꦏꦤꦩꦭꦶꦃ꧈ ꦲꦶꦪꦁꦠꦸꦮꦤ꧀ꦲꦁꦔꦼꦤ꧀ꦢꦶꦏ꧈ ꦥꦔꦸꦭꦸꦔꦤ꧀ꦢꦶꦏꦤ꧀ꦏꦧꦺꦃ꧈ ꦱꦥꦿꦥ꧀ꦠꦤꦺꦲꦶꦁꦔꦗꦼꦁꦔꦤ꧀ ꦲꦶꦪꦁꦠꦸꦮꦤ꧀ꦔꦤ꧀ꦢꦶꦏ꧈ ꦱꦼꦏꦛꦃꦲꦺꦢꦺꦴꦤ꧀ꦚꦤꦶꦥꦸꦤ꧀ ꦥꦁꦔꦸꦭꦸꦲꦶꦁꦏꦂꦱꦤ꧀ꦤꦶꦫ꧈
꧄ꦱꦧꦼꦤ꧀ꦤꦼꦂꦧꦼꦤ꧀ꦤꦼꦂꦫꦺꦲꦶꦏꦶ꧈ ꦢꦺꦤꦶꦁꦲꦤꦏ꧀ꦏꦶꦁꦱꦸꦤ꧀ꦲꦶꦪ꧈ ꦏꦥꦿꦶꦪꦺꦮꦼꦮꦫꦶꦱ꧀ꦱꦤ꧀ꦤꦺ꧈ ꦥꦸꦤ꧀ꦥꦁꦔꦸꦭꦸꦲꦠꦸꦂꦱꦼꦩ꧀ꦧꦃ꧈ ꦥꦸꦠꦿꦠꦸꦮꦤ꧀ꦥꦸꦤꦶꦏ꧈ ꦏꦁꦮꦼꦢꦃꦗꦸꦩꦼꦤꦼꦁꦔꦿꦠꦸ꧈ ꦤꦔꦶꦁꦱꦩ꧀ꦥꦸꦤ꧀ꦱꦶꦤꦸꦁꦢꦸꦤ꧀ꦚ꧈
꧄ꦲꦶꦁꦏꦁꦔꦤꦺꦩ꧀ꦲꦤ꧀ꦢꦼꦂꦧꦺꦤꦶ꧈ꦲꦶꦁꦢꦸꦤ꧀ꦚꦤ꧀ꦤꦶꦥꦸꦤ꧀ꦥꦶꦤꦣ꧈ ꦱꦮꦁꦱꦮꦁꦢꦸꦢꦸꦩ꧀ꦩꦤꦺ꧈ ꦤꦁꦔꦶꦁꦏꦱꦿꦃꦏꦁꦤꦼꦒꦫ꧈ ꦩꦼꦁꦏꦠꦼꦤ꧀ꦲꦸꦏꦸꦩ꧀ꦱꦫꦏ꧀ ꦥꦸꦤꦶꦏꦥꦼꦩ꧀ꦩꦁꦒꦶꦃꦲꦸꦭꦸꦤ꧀ ꦏꦮꦸꦭꦲꦤꦸꦲꦸꦤ꧀ꦢꦸꦏ꧈
꧄ꦏꦫꦤ꧀ꦠꦼꦤ꧀ꦤꦸꦭꦾꦲꦮꦫꦶꦱ꧀ ꦱꦱꦩ꧀ꦥꦸꦤ꧀ꦤꦶꦁꦩꦫꦶꦱ꧀ꦢꦸꦤ꧀ꦚ꧈ ꦫꦩꦥꦢꦸꦏꦏꦁꦢꦼꦂꦧꦺ꧈ ꦤꦼꦒꦫꦶꦩꦸꦭꦾꦲꦶꦁꦕꦼꦩ꧀ꦥ꧈ ꦲꦶꦪꦁꦥꦢꦸꦥꦼꦗꦃ꧈ ꦠꦤ꧀ꦢꦁꦔꦸꦤꦸꦭꦾꦏꦶꦤꦸꦧꦸꦂ꧈ ꦫꦩꦠꦸꦮꦤ꧀ꦢꦢꦺꦴꦱ꧀ꦤꦠ꧈
꧄ꦩꦼꦁꦏꦠꦼꦤ꧀ꦲꦠꦸꦂꦫꦶꦁꦢꦱꦶꦃ꧈ ꦤꦤ꧀ꦝꦼꦱ꧀ꦲꦠꦸꦂꦫꦶꦁꦏꦶꦥꦠꦾ꧈ ꦏꦁꦫꦪꦶꦱꦏꦠꦶꦒꦤ꧀ꦤꦺ꧈ ꦩꦶꦪꦂꦱꦩꦺꦫꦁꦏꦭꦶꦤ꧀ꦠꦁ꧈ ꦲꦂꦱ ꦩꦼꦢꦭ꧀ꦥꦱꦶꦭꦤ꧀ ꦠꦤ꧀ꦲꦩꦶꦠ꧀ꦩꦭꦶꦃꦲꦶꦁꦫꦠꦸ꧈ ꦏꦁꦏꦠꦶꦒꦱꦩ꧀ꦩꦶꦩꦼꦢꦭ꧀

[ f.5r ]

꧄ꦱꦁꦤꦠꦧꦸꦧꦂꦠꦶꦤꦁꦏꦶꦭ꧀ ꦠꦸꦩꦸꦭꦾꦲꦒ꧀ꦭꦶꦱ꧀ꦔꦣꦠ꧀ꦠꦾꦤ꧀ ꦥꦫꦩꦤ꧀ꦠꦿꦶꦧꦸꦧꦂꦏꦧꦺꦃ꧈ ꦱꦏ꧀ꦱꦤꦱꦸꦫꦸꦥ꧀ ꦪꦾꦁꦔꦂꦏ꧈ ꦠꦤ꧀ꦏꦮꦂꦤꦱꦁꦤꦠ꧈ ꦥꦸꦠꦿꦠꦶꦠꦶꦒꦮꦶꦤꦸꦮꦸꦱ꧀ ꦏꦸꦩ꧀ꦥꦸꦭ꧀ꦲꦤꦺꦁꦮꦶꦱ꧀ꦩꦤ꧀ꦤꦶꦫ꧈
꧄ꦠꦼꦁꦔꦃꦢꦭꦸꦮꦼꦠ꧀ꦠꦫꦤ꧀ꦤꦶꦁ꧈ ꦫꦫꦺꦱꦩꦾꦥꦒꦸꦤꦼꦩ꧀ꦩꦤ꧀ ꦱꦺꦭꦫꦱꦲꦶꦁꦮꦸꦮꦸꦱ꧀ꦱꦺ꧈ ꦫꦏꦢꦮꦼꦏ꧀ꦱꦩꦶꦏꦺꦱꦃ꧈ ꦲꦥꦥꦶꦤ꧀ꦤꦿꦶꦃꦲꦶꦁꦕꦼꦥ꧈ ꦩꦺꦴꦁꦱꦗꦸꦩꦼꦤꦼꦁꦔꦫꦠꦸ꧈ ꦲꦁꦔꦸꦂꦏꦺꦱꦃꦲꦁꦊꦭ꧀ꦭꦤ꧈
꧄ꦭꦤ꧀ꦩꦭꦶꦃꦮꦠꦼꦏ꧀ꦏꦶꦁꦔꦗꦶ꧈ ꦲꦶꦁꦏꦁꦱꦩꦶꦱꦸꦒꦶꦃꦮꦺꦴꦁꦱ꧈ ꦱꦩꦶꦢꦢꦺꦴꦱ꧀ꦏꦮꦸꦭꦤ꧀ꦤꦺ꧈ ꦥꦸꦤꦶꦏꦏꦮꦸꦭꦱꦸꦁꦏꦤ꧀ ꦔꦮꦸꦭꦏꦛꦃꦲꦶꦭꦁ꧈ ꦱꦩꦶꦱꦩꦶꦤꦏ꧀ꦏꦶꦁꦫꦠꦸ꧈ ꦠꦼꦏ꧀ꦏꦲꦤ꧀ꦢꦶꦏꦔꦮꦸꦭ꧈
꧄ꦱꦺꦭꦁꦒꦺꦴꦤ꧀ꦢꦲꦁꦔ꧀ꦭꦶꦁꦲꦫꦶꦱ꧀ ꦭꦸꦔꦱꦶꦃꦲꦥꦢꦺꦤ꧀ꦱꦼꦢꦾ꧈ ꦱꦺꦭꦫꦱꦢꦺꦤ꧀ꦮꦸꦮꦸꦱ꧀ꦱꦺ꧈ ꦠꦸꦮꦶꦱꦶꦃꦲꦤꦺꦁꦤꦼꦒꦫ꧈ ꦪꦺꦤ꧀ꦩꦏ꧀ꦱꦶꦃꦲꦤꦺꦁꦕꦼꦩ꧀ꦥ꧈ ꦏꦏꦁ​ꦭꦁꦏꦸꦁꦮꦶꦫꦁꦲꦶꦁꦱꦸꦤ꧀ ꦲꦤꦶꦔꦭꦶꦮꦺꦴꦁꦲꦶꦁꦕꦼꦥ꧈
꧄ꦱꦺꦭꦫꦱꦾꦩꦠꦸꦂꦫꦫꦶꦱ꧀ ꦪꦺꦤ꧀ꦥꦢꦸꦏꦤꦸꦫꦸꦠ꧀ꦏꦂꦱ꧈ ꦱꦥꦫꦺꦤ꧀ꦠꦃꦲꦶꦁꦮꦺꦴꦁꦒꦼꦣꦺ꧈ ꦏꦏꦁꦧꦺꦴꦠꦼꦤ꧀ꦏꦼꦭꦩ꧀ꦥꦃꦲꦤ꧀ ꦮꦶꦫꦁꦠꦼꦩ꧀ꦩꦼꦤ꧀ꦏꦮꦸꦭ꧈ ꦥꦣꦥꦣꦤꦏ꧀ꦏꦶꦁꦫꦠꦸ꧈ ꦠꦼꦏꦥꦢꦸꦏꦏꦤ꧀ꦝꦥ꧀ꦥꦤ꧀
꧄ꦏꦮꦸꦭꦲꦚꦼꦒꦃꦏꦶꦁꦏꦶꦁ꧈ ꦧꦺꦤ꧀ꦗꦁꦪꦺꦤ꧀ꦝꦠꦼꦁꦲꦶꦁꦥꦫꦤ꧀ ꦣꦠꦼꦁꦪꦁꦏꦸꦭꦥꦶꦤ꧀ꦠꦤꦺ꧈ ꦥꦢꦸꦏꦢꦢꦺꦴꦱ꧀ꦱꦤꦠ꧈ ꦱꦺꦭꦒꦺꦴꦤ꧀ꦢꦭꦶꦁꦔꦶꦫ꧈ ꦲꦶꦁꦒꦶꦃꦫꦏꦏꦸꦭꦩꦃꦏꦸꦭ꧀ ꦲꦠꦸꦂꦫꦺꦫꦪꦶꦱꦩ꧀ꦥꦺꦪꦤ꧀
꧄ꦱꦺꦭꦱꦾꦫꦲꦁꦔ꧀ꦭꦶꦁꦲꦫꦶꦱ꧀ ꦪꦺꦤ꧀ꦩꦁꦏꦤꦏꦉꦥ꧀ꦥꦶꦫ꧈ ꦲꦶꦪꦏꦥꦿꦶꦪꦺꦧꦼꦕꦶꦏ꧀ꦏꦺ꧈ ꦭꦸꦔꦲꦗꦏꦮꦼꦤꦁꦔꦤ꧀ ꦪꦪꦶꦢꦺꦤꦶꦁꦮꦺꦴꦁꦕꦼꦩ꧀ꦥ꧈ ꦱꦺꦭꦫꦱꦤꦼꦩ꧀ꦧꦃꦩꦠꦸꦂ꧈ ꦩꦁꦏꦺꦩꦶꦁꦒꦃꦲꦶꦁꦧꦲꦶꦠꦿ꧈
꧄ꦏꦺꦱꦃꦩꦁꦏꦺꦢꦭꦸꦲꦶꦏꦶꦱꦸꦥꦪꦲꦗꦤꦮꦶꦏꦤ꧀ ꦱꦩꦾꦩꦶꦤ꧀ꦠꦂꦏꦠꦶꦒꦤꦺ꧈ ꦥꦸꦤꦁꦮꦺꦴꦁꦲꦧꦲꦸꦉꦏ꧀ꦱ꧈ ꦢꦠꦤ꧀ꦮꦺꦴꦤ꧀ꦠꦼꦤ꧀ꦲꦸꦤꦶꦁꦔ꧈ ꦏꦺꦱꦃꦮꦤ꧀ꦕꦶꦠꦼꦁꦔꦃꦢꦭꦸ꧈ ꦩꦿꦶꦁꦥꦱꦶꦱꦶꦂꦏꦁꦱꦶꦤꦢꦾ꧈

[ f.5v ]

꧄ꦱꦥꦿꦥ꧀ꦠꦤꦺꦲꦶꦁꦥꦱꦶꦱꦶꦂ꧈ ꦲꦏꦛꦃꦥꦸꦤꦁꦧꦲꦶꦠꦿ꧈ ꦗꦸꦏꦸꦁꦏꦸꦤ꧀ꦛꦶꦁꦭꦤ꧀ꦏꦺꦕꦶꦤꦺ꧈ ꦥꦼꦫꦤ꧀ꦠꦶꦪꦺꦤ꧀ꦔꦩ꧀ꦧꦶꦭ꧀ꦲꦸꦭꦩ꧀ ꦗꦗꦂꦱꦼꦏꦺꦴꦁꦩꦪꦁꦔꦤ꧀ ꦲꦠꦺꦩ꧀ꦧꦏ꧀ꦲꦤꦺꦁꦲꦶꦁꦭꦲꦸꦠ꧀ ꦲꦂꦱꦏꦺꦱꦃꦲꦩꦶꦱꦪ꧈
꧄ꦱꦢꦪꦥꦤ꧀ꦢꦶꦥꦸꦤ꧀ꦥꦶꦭꦶꦃ꧈ ꦥꦼꦂꦫꦲꦸꦏꦁꦤꦺꦁꦥꦶꦁꦒꦶꦂꦫꦤ꧀ ꦮꦺꦴꦤ꧀ꦠꦼꦤ꧀ꦥꦩꦶꦱꦪꦤ꧀ꦤꦶꦁꦮꦺꦴꦁ꧈ ꦱꦩꦏ꧀ꦠꦣꦪꦸꦁꦭꦤ꧀ꦭꦪꦂ꧈ ꦏꦩꦸꦤ꧀ꦝꦶꦤꦶꦥꦸꦤ꧀ꦥꦶꦱꦤ꧀ ꦲꦢꦤ꧀ꦠꦶꦤꦶꦠꦶꦪꦤ꧀ꦱꦩ꧀ꦥꦸꦤ꧀ ꦮꦸꦱ꧀​ꦤꦼꦁꦔꦃꦣꦠꦼꦁꦱꦩꦺꦴꦢꦿ꧈
꧄ꦱꦶꦒꦿꦲꦭꦪꦂꦠꦸꦩꦸꦭꦶ꧈ ꦮꦸꦱ꧀ꦭꦼꦥꦱ꧀ꦥꦭꦪꦂꦫꦶꦫ꧈ ꦠꦤ꧀ꦏꦫꦸꦮꦤ꧀ꦤꦶꦁꦱꦼꦢꦾꦤꦺ꧈ ꦱꦺꦭꦫꦱꦲꦠꦸꦫꦶꦫ꧈ ꦏꦏꦁꦮꦺꦴꦤ꧀ꦠꦼꦤ꧀ꦤꦼꦒꦫ꧈ ꦲꦶꦁꦔꦿꦶꦏꦶꦏꦮꦸꦭꦗꦸꦗꦸꦏ꧀ ꦱꦿꦶꦤꦠꦲꦶꦁꦏꦁꦱꦶꦤꦢꦾ꧉
꧅ ꦟꦟ ꧅ꦢꦺꦤꦶꦁꦣꦠꦼꦁꦏꦁꦱꦶꦤꦢꦾ꧈ ꦏꦥꦼꦊꦏ꧀ꦠꦼꦣꦏ꧀ꦏꦶꦁꦔꦔꦶꦤ꧀ ꦏꦧꦶꦪꦱ꧀ꦠꦤ꧀​ꦮꦿꦸꦃꦲꦶꦁꦥꦫꦤ꧀ ꦠꦶꦒꦁꦱꦶꦪꦁꦠꦶꦒꦁꦭꦠꦿꦶ꧈ ꦲꦤꦸꦠ꧀ꦥꦫꦤꦶꦁꦔꦔꦶꦤ꧀ ꦱꦺꦭꦱꦾꦫꦩꦁꦏꦺꦩꦸꦮꦸꦱ꧀ ꦪꦪꦶꦏꦥꦿꦶꦪꦺꦧꦭ꧈ ꦲꦫꦮꦸꦫꦸꦁꦏꦶꦠꦩꦠꦶ꧈ ꦱꦺꦭꦫꦱꦲꦠꦸꦂꦫꦺꦣꦠꦼꦁꦏꦁꦫꦏ꧈
꧄ꦏꦏꦁꦱꦩ꧀ꦥꦸꦤ꧀ꦱꦭꦃꦠꦺꦏꦢ꧀ ꦲꦺꦔꦼꦠ꧀ꦠꦤ꧀ꦤꦫꦒꦲꦶꦏꦶ꧈ ꦪꦺꦤ꧀ꦏꦮꦸꦭꦤ꧀ꦤꦶꦁꦪꦁꦱꦸꦏ꧀ꦩ꧈ ꦏꦁꦠꦤ꧀ꦱꦃꦲꦩꦸꦂꦧꦺꦁꦢꦱꦶꦃ꧈ ꦗꦼꦤꦼꦁꦏꦶꦠꦥꦸꦤꦶꦏꦶ꧈ ꦥꦁꦔꦸꦕꦥ꧀ꦥꦺꦮꦺꦴꦁꦏꦁꦔꦃꦭꦸꦭ꧀ ꦒꦸꦱ꧀ꦠꦶꦢꦺꦢꦺꦏꦮꦸꦭ꧈ ꦏꦮꦸꦭꦥꦤ꧀ꦢꦺꦢꦺꦒꦸꦱ꧀ꦠꦶ꧈ ꦱꦚꦠꦤ꧀ꦤꦺꦏꦮꦸꦭꦠꦤ꧀ꦱꦃꦏꦥꦸꦂꦧ꧈
꧄ꦲꦶꦁꦒꦶꦃꦏꦏꦁꦤꦺꦴꦫꦧꦏꦭ꧀ ꦭꦫꦥꦏꦶꦮꦸꦃꦥꦸꦤꦶꦏꦶ꧈ ꦪꦺꦤ꧀ꦱꦩ꧀ꦥꦸꦤ꧀ꦝꦠꦼꦁꦲꦶꦁꦩꦺꦴꦁꦱ꧈ꦢꦠꦤ꧀ꦏꦺꦔꦶꦁꦢꦺꦤ꧀ꦒꦶꦁꦱꦶꦂꦫꦶ꧈ ꦥꦸꦤꦶꦏꦶꦩꦂꦒꦥꦠꦶ꧈ ꦥꦸꦤꦥꦩꦭꦶꦃꦮꦶꦤꦸꦮꦸꦱ꧀ ꦥꦤ꧀ꦢꦮꦼꦏ꧀ꦭꦶꦤꦩ꧀ꦥꦃꦲꦤ꧀ ꦩꦫꦶꦏꦶꦏꦸꦭꦔꦼꦩꦸꦣꦶ꧈ ꦧꦺꦴꦠꦼꦤ꧀ꦥꦼꦗꦃꦪꦺꦤ꧀ꦢꦺꦫꦺꦁꦣꦠꦼꦁꦲꦶꦁꦩꦺꦴꦁꦱ꧈

[ f.6r ]

꧄ꦱꦺꦭꦫꦱꦣꦠꦼꦁꦮꦸꦠꦠ꧀ ꦲꦂꦱꦤꦼꦒꦼꦂꦫꦶꦏꦩꦸꦣꦶ꧈ ꦫꦶꦤꦁꦏꦸꦭ꧀ ꦢꦺꦤ꧀ꦤꦶꦁꦏꦁꦫꦏ꧈ ꦠꦸꦮꦧꦸꦢꦶꦤꦶꦫꦪꦪꦶ꧈ ꦠꦸꦂꦱꦂꦪꦾꦢꦺꦤ꧀ꦠꦁꦔꦶꦱ꧀ꦱꦶ꧈ꦢꦺꦤꦶꦁꦫꦏꦏꦭꦶꦃꦲꦶꦥꦸꦤ꧀ ꦭꦫꦢꦺꦤ꧀ꦚꦱꦼꦱꦩ꧀ꦧꦠ꧀ ꦫꦩꦠꦶꦔꦭ꧀ꦭꦤꦩꦩꦶ꧈ ꦭꦫꦭꦥꦲꦶꦁꦱꦥꦠꦶꦭꦂꦥꦢꦸꦏ꧈

[ f.6v ]

꧄ꦲꦭꦫꦢꦺꦤ꧀ꦚꦏꦫꦸꦤ꧈ ꦏꦭꦶꦃꦲꦁꦔꦿꦁꦏꦸꦭ꧀ꦏꦁꦫꦪꦶ꧈ ꦮꦺꦴꦤ꧀ꦠꦼꦤ꧀ꦢꦺꦤ꧀ꦤꦶꦁꦱꦺꦭꦫꦱ꧈ ꦠꦤ꧀ꦱꦩꦂꦠꦶꦔꦭꦺꦫꦺꦏꦶ꧈ ꦥꦤ꧀ꦮꦸꦱ꧀ꦠꦶꦠꦃꦲꦶꦁꦮꦶꦢꦶ꧈ ꦱꦏꦂꦱꦤꦺꦪꦾꦁꦢꦶꦤꦸꦤꦸꦁ꧈ ꦮꦼꦏ꧀ꦏꦱ꧀ꦱꦤ꧀ꦲꦫꦶꦱ꧀ꦩꦗꦂ꧈ ꦣꦠꦼꦁꦏꦁꦫꦏꦏꦼꦏꦭꦶꦃ꧈ ꦭꦃꦏꦺꦤ꧀ꦢꦼꦭ꧀ꦭꦫꦏꦱꦩ꧀ꦥꦸꦤ꧀ꦲꦏꦫꦸꦤ꧀ꦤ꧈
꧄ꦮꦁꦱꦸꦭ꧀​ꦫꦏꦠꦼꦠꦼꦥ꧀ꦥꦼꦤ꧀ꦤ꧈ꦲꦶꦁꦔꦶꦩꦤ꧀ꦢꦶꦏꦥꦸꦤꦶꦏꦶ꧈ ꦩꦥꦤ꧀ꦮꦸꦱ꧀ꦠꦶꦠꦃꦲꦶꦁꦱꦸꦏ꧀ꦩ꧈ ꦠꦼꦏ꧀ꦏꦭꦶꦤꦩ꧀ꦥꦃꦲꦤ꧀ꦤꦶꦏꦶ꧈ ꦱꦏꦶꦁꦥꦂꦩꦤ꧀ꦤꦶꦁꦲꦶꦏꦶ꧈ ꦥꦭ꧀ꦮꦤ꧀ꦤꦶꦫꦭꦪꦂꦩꦤ꧀ꦗꦸꦂ꧈ ꦧꦉꦁꦠꦼꦣꦸꦃꦏꦁꦧꦫꦠ꧀ ꦤꦸꦭꦾꦩꦁꦒꦶꦃꦥꦸꦭꦺꦴꦩꦁꦏꦺ꧈ ꦥꦼꦥꦤ꧀ꦠꦼꦱ꧀ꦱꦶꦁꦥꦭ꧀ꦮꦤ꧀ꦚꦢꦸꦒꦶꦣꦫꦠ꧀ꦡꦤ꧀
꧄ꦏꦁꦔꦮꦱ꧀ꦠꦥꦸꦭꦺꦴꦤꦶꦭ꧈ ꦏꦶꦱꦺꦭꦫꦱꦠꦸꦩꦸꦭꦶ꧈ꦲꦤ꧀ꦗꦼꦤꦼꦁꦔꦸꦔꦏ꧀​ꦱꦶꦁꦮꦸꦤ꧀ꦠꦠ꧀ ꦮꦱ꧀ꦥꦲꦺꦴꦱ꧀ꦢꦺꦤ꧀ꦚꦤꦶꦔꦭ꧀ꦭꦶ꧈ ꦲꦶꦁꦣꦫꦠ꧀ꦠꦤ꧀​ꦤꦸꦭꦾꦔ꧀ꦭꦶꦁ꧈ ꦏꦏꦁꦣꦫꦠ꧀ꦠꦤ꧀ꦏꦢꦸꦭꦸ꧈ ꦭꦃꦏꦏꦁꦠꦶꦔꦭ꧀ꦭꦤ꧈ ꦏꦁꦫꦏꦏꦭꦶꦃꦲꦔꦏ꧀ꦱꦶ꧈ ꦣꦠꦼꦁꦥꦸꦭꦺꦴꦩꦤꦃꦲꦺꦏꦢꦾꦱꦶꦤꦶꦫꦩ꧀
꧄ꦲꦣꦼꦩ꧀ꦩꦤꦃꦲꦺꦏꦭꦶꦤ꧀ꦠꦁ꧈ ꦱꦩꦾꦱꦩꦾꦏꦕꦂꦪꦾꦤ꧀ꦤꦶꦔꦭꦶ꧈ ꦏꦁꦫꦏꦏꦭꦶꦃꦲꦔꦸꦕꦥ꧀ ꦪꦪꦶꦕꦁꦕꦁꦔꦼꦤ꧀ꦤꦶꦁꦔꦿꦶꦏꦶ꧈ ꦥꦫꦲꦸꦏꦶꦠꦲꦶꦏꦶ꧈ ꦲꦶꦁꦱꦸꦤ꧀ꦪꦪꦶꦲꦉꦥ꧀ꦩꦸꦣꦸꦤ꧀ ꦏꦥꦶꦔꦶꦤ꧀ꦩꦿꦶꦁꦣꦫꦠ꧀ꦠꦤ꧀ ꦏꦠꦶꦒꦩꦼꦤ꧀ꦠꦱ꧀ꦡꦸꦩꦸꦭꦶ꧈ ꦏꦂꦱꦤ꧀ꦤꦶꦥꦸꦤ꧀ꦲꦩꦼꦁꦲꦩꦼꦁꦥꦸꦭꦺꦴꦤꦶꦭ꧈
꧄ꦏꦮꦂꦤꦲꦥꦸꦭꦺꦴꦤꦶꦭ꧈ ꦧꦧꦤ꧀ꦗꦂꦫꦤ꧀​ꦠꦸꦭꦾꦲꦱꦿꦶ꧈ ꦠꦤ꧀ꦗꦸꦁꦏꦸꦩꦸꦤꦶꦁꦲꦗꦗꦂ꧈ ꦱꦺꦴꦏꦭꦮꦤ꧀ꦤꦒꦱꦫꦶ꧈ ꦕꦼꦩ꧀ꦥꦏꦭꦤ꧀ꦱꦿꦶꦒꦣꦶꦁ꧈ ꦏꦔꦶꦤ꧀ꦤꦤ꧀ꦱꦼꦏꦂꦫꦶꦁꦩꦮꦸꦂ꧈ ꦒ꧀ꦭꦂꦱ꧀ꦏꦂꦩꦺꦴꦤ꧀ꦝꦭꦶꦏ꧈ ꦲꦱꦤ꧀ꦝꦶꦁꦒꦩ꧀ꦧꦶꦂꦩꦼꦭꦛꦶ꧈ ꦧꦼꦧꦤ꧀ꦗꦂꦫꦤ꧀ꦤꦶꦫꦥꦤ꧀ꦝꦶꦠꦠꦥ꧈
꧄ꦱꦠꦿꦶꦪꦲꦶꦁꦏꦁꦠꦶꦠꦶꦒ꧈ ꦱꦩꦾꦉꦩ꧀ꦩꦼꦤ꧀ꦲꦤꦶꦔꦭ꧀ꦭꦶ꧈ ꦠꦸꦩꦶꦔꦭꦶꦁꦱꦂꦪꦱꦼꦏꦂ꧈ꦲꦁꦔꦶꦢꦼꦂꦫꦶꦥꦸꦭꦺꦴꦲꦱꦿꦶ꧈ ꦒꦤ꧀ꦢꦤ꧀ꦚꦩꦂꦧꦸꦏ꧀ꦮꦔꦶ꧈ ꦱꦠꦿꦶꦪꦏꦠꦶꦒꦮꦲꦸ꧈ ꦩꦭꦃꦱꦸꦥꦺꦲꦶꦁꦭꦥ꧈ ꦒꦁꦱꦭ꧀ꦱꦶꦪꦁꦒꦁꦱꦭ꧀ꦭꦠꦿꦶ꧈ ꦭꦩ꧀ꦩꦶꦤꦶꦫꦲꦶꦁꦥꦸꦭꦺꦴꦮꦸꦱ꧀ꦠꦼꦩꦸꦒꦼꦭꦁ꧈

[ f.7r ]

꧄ꦥꦼꦣꦼꦏ꧀ꦥꦼꦂꦤꦃꦲꦶꦥꦸꦤ꧀ꦩꦼꦤ꧀ꦠꦱ꧀ ꦥꦿꦥ꧀ꦠꦥꦼꦂꦤꦃꦲꦶꦁꦧꦼꦤꦮꦶ꧈ ꦲꦁꦱꦿꦱꦤ꧀ꦤꦶꦭꦥꦭꦸꦥ꧈ ꦲꦁꦔꦿꦺꦩ꧀ꦥꦺꦴꦁꦱꦺꦴꦂꦫꦶꦁꦠꦁꦒꦸꦭꦶ꧈ ꦢꦸꦏ꧀ꦏꦺꦱꦃꦲꦶꦥꦸꦤ꧀ꦲꦸꦤꦶ꧈ ꦠꦤ꧀ꦮꦺꦴꦤ꧀ꦠꦼꦤ꧀ꦲꦧꦼꦏ꧀ꦠꦱꦁꦔꦸ꧈ ꦱꦺꦭꦫꦱꦔꦤ꧀ꦢꦶꦏ꧈ ꦪꦪꦶꦭꦺꦫꦺꦃꦣꦶꦩꦶꦤ꧀ꦤꦶꦏꦶ꧈ ꦲꦮꦏ꧀ꦏꦶꦁꦱꦸꦤ꧀ꦪꦪꦶꦠꦼꦏꦭꦸꦱꦸꦭꦸꦥ꧈
꧄ꦱꦺꦭꦒꦺꦴꦤ꧀ꦢꦮꦸꦮꦸꦱ꧀ꦱꦶꦫ꧈ꦏꦮꦸꦭꦩꦼꦁꦏꦠꦼꦤ꧀ꦩꦭꦶꦃ꧈ ꦱꦏꦼꦭꦁꦏꦸꦁꦊꦱ꧀ꦱꦸꦭꦸꦥ꧈ ꦏꦥꦶꦔꦶꦤ꧀ꦲꦩꦁꦒꦶꦃꦧꦸꦏ꧀ꦠꦶ꧈ ꦱꦩꦂꦩꦶꦤ꧀ꦠꦂꦫꦩꦤ꧀ꦤꦶꦁ꧈ ꦱꦏꦶꦁꦲꦮꦏ꧀ꦏꦶꦁꦱꦸꦤ꧀ꦊꦱꦸ꧈ ꦱꦺꦭꦫꦱꦩꦶꦪꦂꦱ꧈ ꦱꦼꦱꦩ꧀ꦧꦠ꧀ꦠꦺꦫꦏꦏꦭꦶꦃ꧈ ꦏꦥꦶꦭꦸꦪꦸꦠꦼꦠꦶꦒꦲꦉꦫꦁꦏꦸꦭ꧀ꦭꦤ꧈
꧄ꦲꦣꦸꦃꦏꦏꦁꦱꦤꦏ꧀ꦏꦶꦁꦮꦁ꧈ ꦏꦮꦸꦭꦩꦼꦁꦏꦠꦼꦤ꧀ꦩꦭꦶꦃ꧈ ꦏꦠꦶꦒꦭꦫꦏꦫꦸꦤ꧈ ꦲꦶꦁꦱꦭꦩ꧀ꦩꦶꦤꦺꦢꦸꦩꦢꦶ꧈ ꦢꦸꦏ꧀ꦲꦤꦲꦶꦁꦤꦼꦒꦫꦶ꧈ ꦠꦲꦸꦠꦠꦺꦩꦸꦏ꧀ꦠꦶꦠꦸꦲꦸ꧈ ꦩꦁꦏꦺꦏꦢꦶꦧꦏ꧀ꦱꦤ꧈ ꦲꦁꦔꦿꦲꦺꦴꦱ꧀ꦭꦫꦏꦼꦥꦠꦶ꧈ ꦱꦺꦭꦱꦾꦫꦱꦼꦱꦩ꧀ꦧꦠ꧀ꦠꦺꦲꦩꦼꦭꦱ꧀ꦲꦂꦱ꧈
꧄ꦲꦣꦸꦃꦫꦩꦠꦶꦔꦭ꧀ꦭꦤ꧈ ꦥꦸꦠꦿꦠꦸꦮꦤ꧀ꦏꦮꦼꦭꦱ꧀ꦱꦱꦶꦃ꧈ ꦤꦺꦴꦫꦮꦸꦫꦸꦁꦪꦪꦶꦏꦶꦠ꧈ ꦩꦠꦶꦲꦤꦺꦁꦥꦸꦭꦺꦴꦔꦿꦶꦏꦶ꧈ ꦱꦺꦭꦒꦺꦴꦤ꧀ꦢꦤꦲꦸꦫꦶ꧈ ꦮꦤ꧀ꦢꦺꦲꦺꦤꦏ꧀ꦏꦶꦁꦤꦼꦩꦸ꧈ ꦲꦶꦁꦏꦁꦢꦢꦶꦲꦸꦱꦢ꧈ ꦥꦼꦂꦫꦶꦃꦲꦠꦶꦤꦶꦁꦱꦸꦤ꧀ꦤꦶꦏꦶ꧈ ꦱꦺꦭꦫꦱꦲꦭꦺꦴꦤ꧀ꦩꦠꦸꦂꦲꦶꦁꦏꦁꦫꦏ꧈
꧄ꦪꦺꦤ꧀ꦩꦼꦁꦏꦠꦼꦤ꧀ꦠꦭꦃꦏꦏꦁ꧈ ꦥꦢꦸꦏꦏꦤ꧀ꦡꦸꦤ꧀ꦤꦶꦁꦔꦿꦶꦏꦶ꧈ ꦱꦩ꧀ꦥꦸꦤ꧀ꦥꦢꦸꦏꦲꦏꦺꦱꦃ꧈ ꦏꦮꦸꦭꦩꦁꦏꦺꦔꦸꦭꦂꦫꦶ꧈ ꦮꦺꦴꦮꦺꦴꦃꦲꦤ꧀ꦤꦶꦁꦔꦫꦶꦏꦶ꧈ ꦭꦃꦪꦺꦤ꧀ꦤꦶꦁꦥꦤ꧀ꦚꦤ꧀ꦤꦤꦶꦁꦱꦸꦤ꧀ ꦥꦸꦭꦺꦴꦥꦸꦤ꧀ꦤꦶꦏꦶꦠꦼꦁꦔꦃ꧈ ꦥꦤ꧀ꦠꦼꦱ꧀ꦮꦺꦴꦤ꧀ꦠꦼꦤ꧀ꦝꦸꦏꦸꦃꦤꦺꦏꦶ꧈ ꦭꦃꦏꦤ꧀ꦡꦸꦤ꧀ꦤꦮꦺꦴꦁꦏꦼꦏꦭꦶꦃꦏꦸꦭꦏꦺꦱꦃ꧈
꧄ꦱꦺꦭꦱꦾꦫꦲꦫꦶꦱ꧀ꦩꦗꦂ꧈ ꦲꦣꦸꦃꦲꦫꦶꦤꦶꦁꦱꦸꦤ꧀ꦒꦸꦱ꧀ꦡꦶ꧈ ꦮꦸꦱ꧀ꦏꦠꦼꦣꦲꦶꦁꦱꦶꦃꦲꦶꦫ꧈ ꦲꦗꦭꦸꦔꦱꦶꦫꦪꦪꦶ꧈ ꦧꦉꦁꦱꦥꦠꦶꦲꦸꦫꦶꦥ꧀ ꦲꦗꦥꦶꦱꦃꦮꦺꦴꦁꦠꦠꦼꦭꦸ꧈ ꦪꦪꦶꦱꦥꦮꦼꦂꦫꦸꦮ꧈ ꦲꦁꦏꦼꦂꦠꦼꦩ꧀ꦩꦼꦤ꧀ꦥꦸꦭꦺꦴꦲꦶꦏꦶ꧈ ꦱꦶꦫꦭꦸꦔꦩꦼꦤꦮꦶꦲꦤꦢꦸꦂꦧꦶꦏ꧀ꦱ꧈

[ f.7v ]

꧄ꦱꦺꦭꦫꦱꦮꦸꦮꦸꦱ꧀ꦱꦶꦫ꧈ ꦏꦁꦏꦁꦢꦶꦏꦩꦼꦤ꧀ꦠꦃꦩꦭꦶꦃ꧈ ꦒꦼꦣꦺꦴꦁꦔꦤꦏꦸꦤ꧀ꦕꦺꦤ꧀ꦤꦤ꧈ ꦲꦶꦁꦥꦠꦶꦠꦤ꧀ꦏꦼꦤ꧀ꦤꦒꦶꦁꦱꦶꦂ꧈ ꦮꦸꦱ꧀ꦥꦤ꧀ꦢꦸꦩ꧀ꦩꦶꦁꦪꦁꦮꦶꦢꦶ꧈ ꦱꦏꦶꦁꦠꦸꦭꦶꦱ꧀ꦭꦺꦴꦃꦲꦶꦁꦩꦃꦥꦸꦭ꧀ ꦭꦃꦥꦢꦸꦏꦏꦤ꧀ꦡꦸꦤ꧀ꦤ꧈ ꦏꦁꦫꦏꦔꦤ꧀ꦢꦶꦏꦲꦫꦶꦱ꧀ ꦭꦃꦠꦲꦶꦪꦪꦪꦶꦏꦁꦥꦼꦤ꧀ꦤꦠ꧀ꦲꦶꦁꦩꦂꦒ꧈
꧄ꦥꦤ꧀ꦱꦩ꧀ꦥꦸꦤ꧀ꦏꦶꦱꦺꦭꦫꦱ꧈ ꦤꦼꦁꦔꦃꦲꦶꦁꦥꦸꦭꦺꦴꦠꦸꦩꦸꦭꦶ꧈ ꦲꦤꦮꦸꦏꦶꦂꦊꦧ꧀ꦧꦏ꧀ꦊꦧꦏ꧀ ꦤꦶꦔꦭ꧀ꦭꦶꦠꦺꦴꦪꦲꦮꦼꦤꦶꦁ꧈ ꦲꦶꦁꦱꦧꦿꦁꦔꦤ꧀ꦏꦲꦺꦏ꧀ꦱꦶ꧈ ꦧꦼꦧꦤ꧀ꦗꦂꦫꦤ꧀ꦮꦺꦴꦃꦲꦶꦁꦲꦤ꧀​ꦧꦸꦠ꧀ ꦏꦁꦥꦼꦊꦩ꧀ꦮꦺꦴꦃꦲꦺꦱꦶꦤꦁ꧈ ꦧꦁꦮꦁꦧꦼꦩ꧀ꦧꦼꦩ꧀ꦏꦮꦺꦤꦶ꧈ ꦗꦼꦂꦫꦸꦏ꧀ꦗꦶꦉꦠ꧀ꦱꦭꦏ꧀ꦏꦥꦸꦤ꧀ꦝꦸꦁꦫꦩ꧀ꦧꦸꦠ꧀ꦡꦤ꧀
꧄ꦱꦼꦏꦛꦃꦲꦶꦁꦏꦁꦮꦺꦴꦮꦺꦴꦃꦲꦤ꧀ ꦥꦤ꧀ꦭꦒꦾꦱꦼꦣꦼꦁꦔꦼꦩꦺꦴꦃꦲꦶ꧈ ꦱꦩꦺꦴꦁꦏꦗꦶꦁꦒꦭꦤ꧀ꦤꦤꦱ꧀ ꦕꦥꦼꦣꦏ꧀ꦭꦤ꧀ꦗꦼꦂꦫꦸꦏ꧀ꦏꦸꦮꦶꦏ꧈ ꦢꦸꦫꦺꦤ꧀ꦩꦁꦒꦶꦱ꧀ꦲꦁꦒꦼꦂꦫꦶꦠ꧀ ꦲꦉꦩ꧀ꦥꦪꦏ꧀ꦮꦺꦴꦃꦲꦺꦲꦤ꧀ꦡꦸꦧ꧀ ꦱꦼꦒꦪꦸꦮꦤ꧀ꦥꦤ꧀ꦏꦼꦤ꧀ꦤ꧈ ꦣꦸꦏꦸꦭꦁꦱꦼꦥ꧀​ꦫꦸꦤ꧀ꦡꦸꦃꦱꦩꦶ꧈ ꦲꦁꦉꦩ꧀ꦥꦪꦏ꧀ꦱꦩꦶꦫꦶꦤꦩ꧀ꦧꦠ꧀ꦠꦤ꧀ꦱꦼꦣꦃ꧈
꧄ꦱꦺꦭꦫꦱꦭꦶꦁꦔꦶꦁꦤꦭ꧈ ꦲꦶꦏꦶꦥꦂꦩꦶꦤꦶꦁꦪꦾꦁꦮꦶꦢꦶ꧈ ꦩꦁꦒꦶꦃꦠꦼꦠꦩ꧀ꦧꦤꦺꦭꦥ꧈ ꦭꦗꦼꦁꦲꦤꦧꦿꦁꦠꦸꦩꦸꦭꦶ꧈ ꦱꦺꦭꦫꦱꦤꦶꦔꦭꦶ꧈ ꦩꦫꦶꦁꦮꦺꦴꦁꦏꦁꦭꦒꦾꦭꦸꦁꦒꦸꦃ꧈ ꦲꦤꦺꦁꦲꦶꦁꦱꦺꦭꦏꦫꦁ꧈ ꦏꦒꦸꦧꦼꦢ꧀ꦢꦶꦁꦲꦪꦺꦴꦠ꧀ꦱꦩ꧀ꦩꦶ꧈ ꦱꦺꦭꦫꦱꦕꦼꦁꦔꦼꦁꦢꦺꦤ꧀ꦤꦶꦫꦠꦸꦩꦶꦁꦔꦭ꧀
꧄ꦏꦼꦏꦱꦶꦃꦲꦺꦲꦶꦁꦏꦁꦠꦥ꧈ ꦲꦮꦱ꧀ꦠꦏꦶꦱꦺꦃꦤꦸꦂꦱꦲꦶꦢ꧀ ꦱꦩ꧀ꦥꦸꦤ꧀ꦲꦁꦱꦭ꧀ꦠꦶꦒꦁꦗꦩꦤ꧀ ꦭꦩꦶꦤ꧀ꦤꦺꦲꦩꦼꦱꦸꦫꦒꦶ꧈ ꦠꦤ꧀ꦩꦮꦶꦣꦲꦂꦒꦸꦭꦶꦁ꧈ ꦩꦸꦁꦏꦸꦏꦸꦱ꧀ꦱꦶꦁꦱꦂꦮꦱꦤ꧀ꦡꦸꦤ꧀ ꦲꦶꦁꦏꦁꦲꦶꦁꦔꦫꦱ꧀ꦲꦫꦱ꧀ ꦏꦁꦩꦶꦤꦺꦴꦁꦏꦣꦲꦂꦤꦺꦏꦶ꧈ꦩꦸꦁꦪꦾꦁꦱꦸꦩ꧀ꦩꦏꦁꦏꦲꦺꦱ꧀ꦛꦶꦲꦶꦗꦿꦺꦴꦤꦭ꧈

[ f.8r ]

꧄ꦏꦒꦾꦠ꧀ꦮꦲꦸꦲꦶꦁꦏꦁꦠꦥ꧈ ꦥꦠꦥꦤ꧀ꦏꦢꦾꦒꦶꦤꦸꦤ꧀ꦗꦶꦁ꧈ ꦲꦭꦶꦁꦒꦶꦃꦭꦶꦂꦏꦗꦸꦁꦗꦸꦁꦔ꧈ ꦉꦧꦃꦏꦪꦺꦴꦤ꧀ꦏꦤꦤ꧀ꦏꦺꦫꦶ꧈ ꦏꦱꦼꦫꦁꦢꦺꦤꦶꦁꦔꦔꦶꦤ꧀ ꦱꦼꦏꦂꦫꦺꦥꦤ꧀ꦱꦩꦾꦫꦸꦤ꧀ꦡꦸꦃ꧈ ꦲꦔꦸꦕꦥ꧀ꦗꦿꦺꦴꦤꦶꦁꦤꦭ꧈ ꦥꦿꦧꦮꦤꦶꦁꦔꦥꦲꦶꦏꦶ꧈ ꦩꦸꦭꦠ꧀ꦩꦸꦫꦶꦁꦏꦠꦶꦔꦭ꧀ꦭꦶꦫꦏꦁꦠꦥ꧈
꧄ꦮꦱ꧀ꦥꦮꦺꦴꦱ꧀ꦮꦲꦸꦏꦁꦠꦥ꧈ ꦪꦺꦤ꧀ꦮꦺꦴꦤ꧀ꦠꦺꦤ꧀ꦤꦿꦫꦺꦏꦁꦥꦿꦥ꧀ꦠꦶ꧈ ꦱꦺꦭꦫꦱꦮꦸꦱ꧀ꦲꦸꦤꦶꦔ꧈ ꦪꦺꦤ꧀ꦮꦺꦴꦤ꧀ꦠꦺꦤ꧀ꦲꦶꦁꦏꦁꦢꦂꦧꦺꦤꦶ꧈ ꦲꦺꦕꦢꦺꦤ꧀ꦚꦤꦶꦔꦭ꧀ꦭꦶ꧈ ꦮꦺꦴꦮꦺꦴꦃꦲꦤ꧀ꦏꦁꦱꦩ꧀ꦩꦶꦫꦸꦤ꧀ꦠꦸꦃ꧈ ꦏꦪꦸꦱꦥꦶꦤ꧀ꦝꦃꦱꦼꦩ꧀ꦥꦭ꧀ ꦱꦔꦼꦠ꧀ꦏꦱꦼꦫꦁꦔꦶꦁꦔꦔꦶꦤ꧀ ꦱꦺꦭꦫꦱꦲꦶꦁꦩꦤꦃꦫꦒꦶꦩꦸꦫꦶꦔꦃ꧈

[ f.8v ]

꧄ꦱꦪꦥꦉꦏ꧀ꦱꦺꦭꦫꦱ꧈ ꦏꦁꦠꦥꦤꦸꦭꦾꦤꦶꦔꦭ꧀ꦭꦶ꧈ ꦏꦒꦾꦠ꧀ꦮꦲꦸꦠꦶꦔꦭ꧀ꦭꦶꦫ꧈ ꦮꦺꦴꦁꦔꦼꦤ꧀ꦢꦶꦧꦪꦥꦸꦤꦶꦏꦶ꧈ ꦫꦫꦺꦭꦸꦕꦸꦲꦥꦼꦏꦶꦏ꧀ ꦢꦺꦤ꧀ꦤꦶꦁꦒꦒꦺꦴꦩ꧀ꦧꦏ꧀ꦏꦏꦸꦤ꧀ꦕꦸꦁ꧈ ꦮꦼꦂꦫꦸꦃꦩꦿꦶꦁꦥꦸꦭꦺꦴꦤꦶꦭ꧈ ꦮꦺꦴꦁꦔꦏꦺꦃꦥꦶꦭꦶꦃꦏꦁꦔꦸꦤ꧀ꦤꦶꦁ꧈ ꦥꦶꦭꦶꦃꦮꦺꦴꦁꦔꦺꦏꦁꦮꦼꦂꦫꦸꦃꦩꦿꦶꦁꦥꦸꦭꦺꦴꦤꦶꦭ꧈
꧄ꦲꦔꦸꦕꦥ꧀ꦱꦗꦿꦺꦴꦤꦶꦁꦤꦭ꧈ ꦥꦤ꧀ꦠꦼꦱ꧀ꦠꦼꦂꦫꦃꦲꦶꦁꦔꦧꦼꦕꦶꦏ꧀ ꦲꦤꦏ꧀ꦥꦸꦠꦸꦤꦶꦫꦩꦁꦏ꧈ ꦩꦸꦭꦤ꧀ꦤꦺꦥꦿꦥ꧀ꦠꦲꦶꦁꦔꦿꦶꦏꦶ꧈ ꦪꦺꦤ꧀ꦢꦸꦢꦸꦮꦺꦴꦁꦔꦧꦼꦕꦶꦏ꧀ ꦩꦺꦴꦁꦱꦏꦱꦶꦪꦏꦠꦼꦩꦸ꧈ ꦥꦠꦥꦤ꧀ꦤꦶꦏꦶꦱꦶꦩ꧀ꦥꦂ꧈ ꦥꦶꦭꦶꦃꦏꦁꦠꦼꦏ꧀ꦏꦩꦫꦶꦏꦶ꧈ ꦭꦤ꧀ꦏꦼꦠꦫꦠꦼꦏ꧀ꦏꦺꦤꦺꦩꦮꦶꦗꦭꦗꦠ꧀
꧄ꦱꦺꦃꦤꦸꦂꦱꦲꦶꦢ꧀ꦲꦔꦼꦤ꧀ꦢꦶꦏ꧈ ꦲꦶꦁꦫꦫꦺꦮꦲꦸꦏꦁꦥꦿꦥ꧀ꦠꦶ꧈ ꦏꦶꦥꦸꦠꦸꦏꦼꦥꦫꦺꦁꦔꦂꦱ꧈ ꦧꦒꦸꦱ꧀ꦭꦶꦁꦒꦶꦪꦲꦶꦁꦔꦿꦶꦏꦶ꧈ ꦲꦫꦧꦪꦤ꧀ꦤꦶꦁꦏꦏꦶ꧈ ꦲꦶꦁꦏꦺꦤꦺꦧꦉꦔꦭꦸꦁꦒꦸꦃ꧈ ꦱꦗꦿꦺꦴꦤ꧀ꦤꦶꦁꦩꦤꦃꦲꦶꦫ꧈ ꦲꦶꦏꦶꦮꦺꦴꦁꦫꦩ꧀ꦩꦺꦲꦶꦁꦧꦸꦢꦶ꧈ ꦱꦸꦤ꧀ꦠꦺꦠꦺꦗꦪꦠꦮꦶꦗꦶꦭꦭꦶꦁꦏꦸꦱꦸꦩ꧀ꦩ꧈
꧄ꦲꦭꦺꦴꦤ꧀ꦠꦏꦶꦱꦺꦭꦫꦱ꧈ ꦏꦁꦠꦥꦮꦸꦱ꧀ꦢꦺꦤ꧀ꦥꦉꦏ꧀ꦏꦶ꧈ ꦩꦭꦂꦲꦱꦸꦁꦔꦲꦸꦱꦢ꧈ ꦩꦫꦁꦭꦫꦭꦥꦩꦩꦶ꧈ ꦲꦩꦸꦁꦠꦭ꧀ꦭꦃꦩꦼꦤ꧀ꦤꦮꦶ꧈ ꦱꦺꦭꦫꦱꦤꦸꦭꦾꦔꦸꦗꦸꦁ꧈ ꦩꦸꦁꦒꦃꦲꦶꦁꦔꦸꦤ꧀ꦝꦏ꧀ꦠꦶꦒ꧈ ꦠꦸꦂꦱꦂꦪꦲꦩꦼꦥꦼꦱ꧀ꦝꦶꦫꦶ꧈ ꦱꦺꦭꦫꦱꦩꦠꦸꦂꦱꦂꦪꦾꦲꦥꦿꦤꦠ꧈
꧄ꦲꦭꦺꦴꦤ꧀ꦩꦠꦸꦂꦱꦺꦭꦫꦱ꧈ ꦤꦸꦲꦸꦤ꧀ꦏꦮꦸꦭꦪꦁꦏꦏꦶ꧈ ꦲꦤꦼꦣꦱꦶꦃꦥꦁꦔꦥꦸꦫ꧈ ꦫꦺꦃꦏꦮꦸꦭꦏꦸꦩꦮꦤ꧀ꦤꦶ꧈ ꦩꦶꦁꦒꦃꦣꦠꦼꦁꦩꦫꦶꦏꦶꦱꦏꦼꦭꦁꦏꦸꦁꦏꦸꦩꦥꦸꦫꦸꦤ꧀ ꦲꦶꦁꦒꦶꦃꦤꦸꦲꦸꦤ꧀꧀ꦥꦢꦸꦏ꧈ ꦫꦺꦃꦲ꧀ꦤꦶꦁꦢꦱꦶꦃꦏꦮꦼꦭ꧀ꦭꦱ꧀ꦲꦱꦶꦃ꧈ ꦱꦺꦃꦤꦸꦂꦱꦲꦶꦢ꧀ꦔꦤ꧀ꦢꦶꦏꦲꦏꦺꦤ꧀ꦩꦉꦏ꧀ꦏ꧈
꧄ꦱꦺꦃꦤꦸꦂꦱꦲꦶꦢ꧀ꦲꦁꦔꦤ꧀ꦢꦶꦏ꧈ ꦏꦏꦶꦥꦸꦠꦸꦱꦏꦶꦁꦔꦼꦤ꧀ꦢꦶ꧈ ꦲꦤ꧀ꦚꦂꦠꦼꦩ꧀ꦧꦺꦤꦺꦏꦠꦶꦔꦭ꧀ ꦥꦸꦤ꧀ꦏꦏꦶꦠꦼꦩ꧀ꦧꦺꦤꦶꦔꦭꦶ꧈ ꦩꦉꦏ꧀ꦝꦠꦼꦁꦪꦁꦮꦶꦢꦶ꧈ ꦲꦥꦲꦶꦁꦏꦁꦱꦶꦫꦗꦭꦸꦏ꧀ ꦭꦃꦩꦫꦱꦸꦗꦂꦮꦲ꧈ ꦏꦶꦥꦸꦠꦸꦢꦶꦥꦸꦤ꧀ꦱꦪꦏ꧀ꦠꦶ꧈ ꦱꦺꦭꦫꦱꦲꦠꦸꦂꦫꦺꦩꦺꦴꦁꦱꦏꦶꦭꦥ꧀ꦥ꧈

[ f.9r ]

꧄ꦱꦺꦃꦤꦸꦂꦱꦲꦶꦢ꧀ꦔꦤ꧀ꦢꦶꦏ꧈ ꦲꦶꦪꦏꦶꦥꦸꦠꦸꦮꦸꦱ꧀ꦔꦂꦠꦶ꧈ ꦱꦶꦤꦁꦱꦁꦪꦭꦏꦸꦤꦶꦫ꧈ ꦗꦶꦤꦒꦢꦺꦤ꧀ꦥꦿꦶꦲꦩꦠꦶ꧈ ꦱꦢꦸꦭꦸꦂꦫꦶꦫꦲꦗꦶ꧈ ꦭꦁꦏꦸꦔꦺꦩꦸꦂꦏꦤ꧀ꦤꦺꦫꦺꦏꦸ꧈ ꦩꦿꦶꦁꦱꦶꦫꦲꦶꦏꦸꦚꦮ꧈ ꦲꦶꦪꦢꦺꦤ꧀ꦤꦼꦥꦿꦶꦃꦏꦱꦺꦱꦶ꧈ ꦭꦏꦸꦤꦶꦫꦥꦿꦥ꧀ꦠꦲꦉꦥ꧀ꦗꦭꦸꦏ꧀ꦱꦼꦒ꧈
꧄ꦲꦶꦁꦏꦺꦤꦺꦠꦭꦺꦴꦁꦏꦱꦼꦒ꧈ ꦥꦸꦤ꧀ꦏꦏꦶꦱꦩ꧀ꦥꦸꦤ꧀ꦲꦸꦢꦤꦶ꧈ ꦲꦺꦴꦫꦏꦠꦼꦩꦸꦲꦶꦁꦱꦼꦒ꧈ ꦩꦸꦁꦒꦤ꧀ꦢꦤꦺꦱꦼꦏꦂꦱꦫꦶ꧈ ꦲꦶꦁꦏꦁꦩꦶꦤꦺꦴꦁꦏꦧꦸꦏ꧀ꦠꦶ꧈ ꦲꦩꦸꦁꦒꦤ꧀ꦢꦤꦺꦏꦁꦱꦤ꧀ꦠꦸꦤ꧀ ꦱꦺꦃꦤꦸꦂꦱꦲꦶꦢ꧀ ꦏꦺꦔꦼꦠ꧀ꦠꦤ꧀ ꦥꦶꦠꦸꦠꦸꦂꦫꦺꦲꦶꦁꦏꦁꦣꦶꦔꦶꦤ꧈ ꦲꦔꦤ꧀ꦢꦶꦏꦤꦸꦂꦱꦲꦶꦢ꧀ꦲꦶꦁꦱꦺꦭꦫꦱ꧈
꧄ꦏꦶꦥꦸꦠꦸꦱꦺꦴꦏ꧀ꦠꦸꦩꦸꦏꦸꦭ꧀ꦭ꧈ ꦱꦺꦭꦫꦱꦲꦤꦸꦏꦼꦩ꧀ꦩꦶ꧈ ꦧꦶꦤꦼꦣꦺꦴꦭ꧀ꦏꦼꦏꦸꦤ꧀ꦕꦸꦁꦔꦶꦫ꧈ ꦲꦁꦱꦭ꧀ꦠꦶꦒꦁꦊꦩ꧀ꦧꦂꦲꦶꦏꦶ꧈ ꦏꦶꦥꦸꦠꦸꦲꦼꦤ꧀ꦚꦏ꧀ꦲꦶꦏꦶ꧈ ꦢꦺꦴꦏ꧀ꦏꦼꦤꦲꦶꦁꦥꦸꦱꦼꦂꦫꦶꦥꦸꦤ꧈ ꦥꦤ꧀ꦮꦉꦥ꧀ꦠꦤ꧀ꦥꦔꦤ꧀ ꦫꦩ꧀ꦧꦸꦠ꧀ꦠꦶꦫꦥꦤ꧀ꦏꦼꦏꦭꦶꦃ꧈ ꦲꦼꦢꦸꦩ꧀ꦩꦼꦤꦏꦶꦥꦸꦠꦸꦱꦊꦩ꧀ꦧꦂꦱꦺꦴꦮꦁ꧈
꧄ꦲꦠꦩ꧀ꦥꦶꦏꦶꦱꦺꦭꦫꦱ꧈ ꦮꦺꦴꦤ꧀ꦠꦼꦤ꧀ꦲꦶꦁꦔꦤ꧀ꦝꦥ꧀ꦥꦶꦤꦸꦤ꧀ꦝꦶ꧈ ꦱꦺꦃꦤꦸꦂꦱꦲꦶꦢ꧀ꦲꦔꦤ꧀ꦢꦶꦏ꧈ ꦲꦸꦮꦶꦱ꧀ꦭꦸꦔꦲꦢꦺꦤ꧀ꦤꦒ꧀ꦭꦶꦱ꧀ ꦲꦒꦺꦧꦸꦣꦭ꧀ꦭꦩꦤꦶꦁ꧈ ꦔꦸꦭꦺꦴꦤ꧀ꦲꦤꦢꦺꦱꦲꦒꦸꦁ꧈ ꦲꦶꦏꦸꦢꦺꦤ꧀ꦥꦫꦤ꧀ꦤꦤ꧈ ꦧꦺꦱꦸꦏ꧀ꦪꦺꦤ꧀ꦥꦿꦥ꧀​ꦠꦺꦁꦤꦼꦒꦫꦶ꧈ ꦢꦢꦶꦏꦼꦩ꧀ꦧꦁꦲꦶꦁꦥꦪꦸꦢꦤ꧀ꦥꦸꦠꦸꦱꦶꦫ꧈
꧄ꦱꦺꦭꦫꦱꦤꦸꦭꦾꦤꦼꦩ꧀ꦧꦃ꧈ ꦩꦿꦶꦁꦔꦂꦱꦤꦸꦭꦾꦔꦸꦗꦸꦁꦔꦶ꧈ ꦪꦁꦏꦏꦶꦤꦸꦲꦸꦤ꧀ꦏꦮꦸꦭ꧈ ꦲꦤꦸꦲꦸꦤ꧀ꦧꦼꦂꦏꦠ꧀ꦏꦶꦪꦲꦶ꧈ ꦲꦶꦁꦏꦸꦭꦲꦶꦁꦪꦁꦏꦏꦶ꧈ ꦱꦏꦼꦭꦁꦏꦸꦁꦤꦼꦣꦤꦸꦲꦸꦤ꧀ ꦱꦺꦃꦤꦸꦂꦱꦲꦶꦢ꧀ꦔꦤ꧀ꦢꦶꦏ꧈ ꦲꦶꦪꦥꦸꦠꦸꦢꦺꦤ꧀ꦤꦒꦼꦭꦶꦱ꧀ ꦤꦔꦶꦁꦱꦶꦫꦢꦺꦤ꧀ꦤꦠꦶꦲꦠꦶꦲꦶꦁꦩꦂꦒ꧈
꧄ꦧꦶꦱꦸꦏ꧀ꦱꦶꦫꦤꦼꦩꦸꦧꦪ꧈ ꦤꦔꦶꦁꦠꦤ꧀ꦏꦼꦤꦲꦶꦁꦥꦠꦶ꧈ ꦲꦶꦏꦸꦒꦸꦱ꧀ꦠꦶꦭꦩ꧀ꦥꦃꦲꦤ꧈ ꦪꦺꦤ꧀ꦤꦸꦮꦶꦱ꧀ꦠꦼꦏꦺꦁꦤꦼꦒꦫꦶ꧈ ꦗꦩ꧀ꦩꦏ꧀ꦏꦶꦁꦮꦺꦴꦁꦔꦗꦸꦫꦶꦠ꧀ ꦲꦶꦁꦧꦺꦱꦸꦏ꧀ꦱꦶꦫꦠꦶꦤꦼꦩꦸ꧈ ꦲꦶꦁꦏꦁꦢꦢꦶꦏꦩꦸꦭꦾꦤ꧀ ꦲꦸꦮꦶꦱ꧀ꦗꦁꦗꦶꦤꦶꦁꦪꦁꦮꦶꦢꦶ꧈ ꦱꦶꦫꦧꦺꦱꦸꦏ꧀ꦢꦢꦏꦭꦶꦥ꦳ꦲꦶꦁꦢꦺꦴꦠ꧉

[ f.9v ]

꧄ꦱꦺꦭꦫꦱꦲꦔꦤ꧀ꦢꦶꦏ꧈ ꦱꦺꦃꦤꦸꦂꦱꦲꦶꦢ꧀ꦲꦗꦩ꧀ꦥꦺꦤ꧀ꦤꦶ꧈ ꦱꦸꦤ꧀ꦠꦼꦠꦼꦣꦲꦶꦁꦪꦾꦁꦱꦸꦩ꧀ꦩ꧈ ꦱꦏꦺꦃꦢꦺꦮꦥꦣꦲꦱꦶꦃ꧈ ꦗꦪꦲꦱꦶꦫꦧꦺꦤ꧀ꦗꦶꦁ꧈ ꦲꦮꦺꦃꦲꦩꦂꦒꦫꦃꦲꦪꦸ꧈ ꦩꦭꦶꦏꦠ꧀ ꦫꦸꦩꦼꦏ꧀ꦱꦲ꧈ ꦲꦶꦁꦱꦭꦩ꧀ꦩꦶꦤꦶꦁꦢꦸꦩꦢꦶ꧈ ꦩꦸꦒꦩꦸꦒꦗꦶꦤꦸꦗꦸꦁꦔꦗꦼꦤꦼꦁꦔꦶꦫ꧈
꧄ꦮꦸꦱ꧀ꦱꦩꦶꦠ꧀ꦏꦶꦱꦺꦭꦫꦱ꧈ ꦲꦭꦺꦴꦤ꧀ꦢꦺꦤ꧀ꦤꦶꦫꦭꦸꦩꦫꦶꦱ꧀ ꦭꦩ꧀ꦥꦃꦲꦶꦫꦏꦼꦧ꧀ꦠꦺꦁꦔꦤ꧀ ꦱꦫꦶꦫꦊꦱ꧀ꦱꦸꦏꦼꦥꦠꦶ꧈ ꦥꦿꦥ꧀ꦠꦥꦶꦁꦒꦶꦂꦥꦱꦶꦱꦶꦂ꧈ ꦏꦮꦂꦤꦲꦲꦶꦁꦏꦁꦏꦤ꧀ꦠꦸꦤ꧀ ꦫꦃꦲꦢꦺꦤ꧀ꦱꦺꦭꦱꦾꦫ꧈ ꦱꦺꦭꦒꦺꦴꦤ꧀ꦢꦠꦤ꧀ꦱꦃꦤꦁꦔꦶꦱ꧀ ꦱꦺꦭꦫꦱꦏꦁꦱꦶꦤꦩ꧀ꦧꦠ꧀ꦠꦶꦁꦏꦫꦸꦤ꧀ꦤ꧈
꧄ꦱꦺꦭꦱꦾꦫꦥꦤ꧀ꦏꦫꦸꦤ꧈ ꦱꦂꦪꦾꦭꦶꦁꦣꦠꦼꦁꦏꦁꦫꦪꦶ꧈ ꦱꦺꦭꦒꦺꦴꦤ꧀ꦢꦢꦸꦒꦤ꧀ꦤꦶꦫ꧈ ꦱꦺꦭꦫꦱꦧꦪꦩꦠꦶ꧈ ꦭꦃꦥꦪꦺꦴꦠꦶꦤꦸꦠ꧀ꦧꦸꦫꦶ꧈ ꦧꦉꦁꦩꦠꦶꦮꦺꦴꦁꦠꦠꦼꦭꦸ꧈ ꦠꦤ꧀ꦢꦁꦔꦸꦤꦸꦭꦾꦥꦿꦥ꧀ꦠ꧈ ꦱꦺꦭꦫꦱꦱꦏꦶꦁꦮꦶꦁꦏꦶꦁ꧈ ꦱꦂꦪꦾꦲꦁꦔ꧀ꦭꦶꦁ꧈ꦫꦏꦏꦫꦸꦤꦔꦥꦲ꧈
꧄ꦱꦺꦭꦫꦱꦲꦩꦶꦪꦂꦱ꧈ ꦪꦺꦤ꧀ꦱꦾꦫꦤ꧀ꦤꦶꦁꦫꦏꦤꦁꦔꦶꦱ꧀ ꦥꦶꦤꦼꦛꦸꦏ꧀ꦤꦿꦶꦤꦁꦏꦸꦭ꧀ꦲꦺꦁꦒꦭ꧀ ꦏꦁꦫꦪꦶꦲꦒ꧀ꦭꦶꦱ꧀​ꦤꦸꦏꦼꦩ꧀ꦩꦶ꧈ ꦏꦁꦫꦏꦔꦤ꧀ꦢꦶꦏꦫꦶꦱ꧀ ꦲꦣꦸꦃꦒꦸꦱ꧀ꦠꦶꦲꦫꦶꦤꦶꦁꦱꦸꦤ꧀ ꦱꦸꦤ꧀ꦚꦤꦮꦸꦱ꧀ꦥꦭꦱ꧀ꦠꦿ꧈ ꦱꦺꦭꦫꦱꦩꦠꦸꦂꦫꦫꦶꦱ꧀ ꦭꦃꦏꦺꦤ꧀ꦢꦼꦭꦫꦏꦱꦩ꧀ꦥꦸꦤ꧀ꦲꦏꦫꦸꦤ꧀ꦤ꧈
꧄ꦪꦺꦤ꧀ꦢꦺꦤ꧀ꦤꦶꦁꦥꦢꦸꦏꦭꦥ꧈ ꦥꦸꦤꦶꦏꦠꦼꦠꦧꦥꦼꦂꦫꦶꦃ꧈ ꦫꦩ꧀ꦧꦸꦠ꧀ꦏꦮꦸꦭꦱꦊꦩ꧀ꦧꦂ꧈ ꦢꦺꦴꦏ꧀ꦏꦼꦤ꧀ꦤꦲꦶꦁꦥꦸꦱꦼꦂꦫꦶꦏꦶ꧈ ꦒꦮꦺꦗꦶꦩꦠ꧀ꦥꦫꦶꦥꦶꦃ꧈ ꦮꦉꦏ꧀ꦠꦤ꧀ꦩꦁꦔꦤ꧀ꦤꦶꦏꦸ꧈ ꦏꦁꦫꦏꦲꦶꦏꦩꦺꦴꦗꦂ꧈ ꦱꦗꦿꦺꦴꦤ꧀ꦤꦶꦁꦩꦤꦃꦥꦿꦶꦧꦢꦶ꧈ ꦥꦤ꧀ꦠꦼꦱ꧀ꦪꦪꦶꦲꦺꦴꦭꦶꦃꦫꦃꦲꦼꦩ꧀ꦩꦠ꧀ꦲꦶꦁꦪꦁꦱꦸꦏ꧀ꦩ꧈
꧄ꦱꦂꦪꦾꦲꦤꦩ꧀ꦥꦤꦶꦱꦶꦒꦿ꧈ ꦮꦲꦸꦏꦁꦫꦏꦏꦼꦏꦭꦶꦃ꧈ ꦢꦶꦤꦸꦩ꧀ꦩꦤ꧀ꦱꦊꦩ꧀ꦧꦂꦱꦺꦴꦮꦁ꧈ ꦱꦩ꧀ꦥꦸꦤ꧀ꦏꦶꦤꦂꦪꦥꦫꦶꦥꦶꦃ꧈ ꦠꦸꦩꦸꦭꦾꦱꦼꦒꦼꦂꦱꦩ꧀ꦩꦶ꧈ ꦱꦺꦭꦫꦱꦤꦸꦭꦾꦩꦸꦮꦸꦱ꧀ ꦫꦏꦲꦤꦼꦣꦩꦶꦁꦒꦃ꧈ ꦲꦶꦁꦥꦭꦾꦱꦩꦾꦔꦸꦭꦂꦫꦶ꧈ ꦤꦼꦒꦫꦒꦸꦁꦠꦶꦤꦼꦩ꧀ꦧꦁꦪꦸꦢꦏꦼꦤ꧀ꦤꦏ꧉

[ f.10r ]

꧄ ꦫꦢꦺꦤ꧀ꦏꦠꦶꦒꦫꦁꦏꦸꦭ꧀ꦭꦤ꧀ꦲꦤꦺꦁꦔꦤ꧀ꦝꦥ꧀​ꦮꦽꦏ꧀ꦱꦒꦼꦁꦥꦸꦤꦶꦏꦶ꧈ ꦫꦢꦺꦤ꧀ ꦱꦺꦭꦫꦱꦩꦠꦸꦂ꧈ ꦏꦏꦁꦢꦮꦼꦏ꧀ꦲꦧꦶꦣꦭ꧀ꦝꦠꦼꦁꦥꦭ꧀ꦮ꧈ ꦏꦁꦫꦏꦲꦫꦶꦱ꧀ꦲꦩꦸꦮꦸꦱ꧀ ꦪꦪꦶꦧꦼꦤꦼꦂꦱꦶꦫꦲꦸꦒ꧈ ꦥꦸꦭꦺꦴꦏꦶꦏꦭꦶꦮꦠ꧀ꦱꦶꦔꦶꦠ꧀꧈
꧄ꦫꦢꦺꦤ꧀ꦱꦺꦭꦒꦺꦴꦤ꧀ꦢꦔꦸꦕꦥ꧀ ꦪꦪꦶꦥꦪꦺꦴꦥꦣꦲꦊꦭꦺꦴꦭꦺꦴꦤ꧀ꦤꦶ꧈ ꦩꦼꦤꦮꦶꦱꦼꦊꦏ꧀ ꦫꦺꦴꦧ꧀ꦧꦤ꧀ꦚꦸ꧈ ꦢꦢꦶꦠꦤ꧀ꦧꦶꦱꦩꦸꦁꦒꦃꦣꦠꦼꦁꦥꦭꦾ꧈ ꦠꦤ꧀ꦢꦁꦔꦸꦲꦤꦸꦭꦾꦫꦮꦸꦃ꧈ ꦩꦿꦶꦁꦥꦿꦲꦸꦲꦺꦴꦤꦺꦁꦥꦶꦒꦶꦂꦫꦤ꧀ ꦱꦩꦺꦴꦢꦿꦲꦶꦁꦥꦸꦭꦺꦴꦲꦶꦏꦶ꧈ [ f.10v ]

꧄ꦮꦸꦱ꧀ꦩꦤ꧀ꦕꦭ꧀ꦱꦏꦶꦁꦥꦶꦒꦶꦂꦫꦤ꧀ ꦥꦸꦭꦺꦴꦤꦶꦭꦱꦶꦊꦩ꧀ꦢꦠꦤ꧀ꦏꦲꦏ꧀ꦱꦶ꧈ ꦩꦔꦸꦭꦺꦴꦤ꧀ꦥꦭꦪꦂꦫꦶꦥꦸꦤ꧀ ꦱꦺꦭꦫꦱꦤꦺꦁꦮꦸꦤ꧀ꦠꦠ꧀ ꦫꦏꦏꦭꦶꦃꦢꦢꦶꦗꦸꦫꦸꦧꦠꦸꦔꦪꦸꦤ꧀ ꦏꦛꦃꦧꦲꦶꦠꦏꦼꦥꦥꦏ꧀ ꦏꦥꦭ꧀ꦥꦿꦒꦠꦭꦤ꧀ꦏꦺꦕꦶ꧈
꧄ꦮꦸꦱ꧀ꦩꦤ꧀ꦕꦭ꧀ꦱꦏꦶꦁꦥꦶꦒꦶꦂꦫꦤ꧀ ꦥꦸꦭꦺꦴꦤꦶꦭꦱꦶꦊꦩ꧀ꦢꦠꦤ꧀ꦏꦲꦏ꧀ꦱꦶ꧈ ꦩꦔꦸꦭꦺꦴꦤ꧀ꦥꦼꦭꦪꦂꦫꦶꦥꦸꦤ꧀ ꦱꦺꦭꦫꦱꦤꦺꦁꦮꦸꦤ꧀ꦠꦠ꧀ ꦫꦏꦏꦭꦶꦃꦢꦢꦶꦗꦸꦫꦸꦧꦠꦸꦔꦪꦸꦤ꧀ ꦏꦛꦃꦧꦲꦶꦠꦿꦏꦥꦥꦒ꧀ ꦏꦥꦭ꧀ꦥꦿꦒꦠꦭꦤ꧀ꦏꦺꦕꦶ꧈
꧄ꦲꦤꦥꦭꦾꦊꦭꦪꦂꦫꦤ꧀ ꦏꦼꦣꦥ꧀ꦏꦼꦣꦥ꧀​ꦲꦶꦏꦥꦭ꧀ꦮꦤꦶꦁꦲꦁꦒꦿꦶꦱ꧀ ꦮꦺꦴꦁꦩꦼꦭꦤꦸꦒꦁꦱꦼꦭꦸꦥ꧀ ꦮꦺꦴꦤ꧀ꦠꦼꦤꦩꦭꦶꦃꦏꦠꦶꦔꦭ꧀ꦭꦤ꧀ ꦊꦭꦪꦂꦫꦤ꧀ ꦥꦼꦭꦭꦁꦔꦺꦮꦺꦴꦁꦧꦭꦶꦠꦸꦁ꧈ ꦱꦲꦶꦁꦮꦺꦴꦁꦠꦸꦭꦁꦧꦮꦁ꧈ ꦏꦁꦔꦭꦺꦴꦏ꧀ꦧꦼꦧꦗꦺꦴꦲꦶꦏꦶ꧈
꧄ꦱꦺꦭꦒꦺꦴꦤ꧀ꦢꦲꦔꦤ꧀ꦢꦶꦏ꧈ ꦲꦶꦏꦪꦪꦶꦠꦶꦔꦭ꧀ꦭꦤꦢꦺꦤ꧀ꦪꦏ꧀ꦠꦶ꧈ ꦮꦺꦴꦁꦠꦸꦭꦁꦧꦮꦁꦥꦸꦤꦶꦏꦸ꧈ ꦧꦶꦭꦸꦏ꧀ꦲꦂꦱꦧꦼꦧꦗꦏ꧀ ꦢꦺꦤ꧀ꦤꦒꦤ꧀ꦕꦁ꧈ꦪꦪꦶꦏꦶꦠꦧꦺꦴꦏ꧀ꦱꦶꦤꦸꦱꦸꦭ꧀ ꦏꦼꦧꦠ꧀ꦠꦶꦁꦪꦺꦤ꧀ꦱꦶꦤꦸꦱꦸꦭ꧀ꦭ꧈ ꦠꦤ꧀ꦮꦤ꧀ꦢꦺꦢꦺꦤ꧀ꦤꦼꦢꦺꦴꦭ꧀ꦧꦶꦗꦶꦁ꧈
꧄ꦮꦺꦴꦤ꧀ꦠꦼꦤ꧀ꦩꦭꦶꦃꦊꦭꦪꦂꦫꦤ꧀ ꦭꦪꦂꦏꦱ꧀ꦠꦸꦧ꧀​ꦧꦲꦶꦠꦱꦏꦶꦁꦥꦽꦁꦒꦶ꧈ ꦏꦁꦭꦪꦂꦱꦸꦠꦿꦮꦺꦴꦁꦔꦼꦫꦸꦩ꧀ ꦭꦪꦂꦩꦫꦶꦮꦺꦴꦁꦱꦸꦫꦠ꧀ ꦲꦼꦗꦺꦴꦁꦕꦶꦤ꧈ꦭꦪꦂꦒꦺꦴꦣꦺꦴꦁꦥꦿꦶꦁꦠꦶꦤꦸꦠꦸꦱ꧀ ꦲꦤꦭꦪꦂꦕꦶꦤ꧀ꦝꦺꦏꦼꦩ꧀ꦧꦁ꧈ ꦲꦤꦼꦁꦒꦶꦃꦥꦭ꧀ꦮꦱꦶꦏꦼꦭꦶꦁ꧈
꧄ꦲꦤꦲꦶꦁꦏꦁꦭꦪꦂꦩꦸꦛ꧈ ꦏꦁꦱꦮꦼꦤꦺꦃꦭꦪꦂꦫꦺꦏꦱ꧀ꦠꦸꦧ꧀​ꦏꦸꦤ꧀ꦤꦶꦁ꧈ ꦏꦁꦥꦭ꧀ꦮꦲꦱꦿꦁꦔꦱꦼꦭꦸꦂ꧈ ꦏꦥꦥꦏ꧀ꦥꦶꦢꦸꦭꦸꦂꦫꦤ꧀ ꦠꦶꦤꦶꦔꦭ꧀ꦭꦤ꧀ꦭꦶꦂꦥꦺꦤ꧀ꦢꦃꦏꦏꦸꦥꦸꦠꦫꦸꦁ꧈ ꦲꦤꦏꦁꦭꦪꦂꦩꦔꦺꦠꦤ꧀ ꦱꦮꦼꦤ꧀ꦤꦺꦃꦔꦸꦭꦺꦴꦤ꧀ꦧꦼꦧꦭꦶꦏ꧀꧈
꧄ꦲꦥꦤ꧀ꦢꦸꦭꦸꦂꦲꦥꦥꦒꦤ꧀ ꦥꦭ꧀ꦮꦲꦩ꧀​ꦧꦤ꧀​ꦭꦪꦂꦫꦺꦏꦱ꧀ꦠꦸꦧ꧀ꦮꦶꦭꦶꦱ꧀ ꦮꦺꦴꦁꦩꦶꦤꦁꦏꦧꦸꦃꦏꦸꦩꦼꦤ꧀ꦝꦸꦁ꧈ ꦭꦪꦂꦫꦺꦭꦸꦁꦱꦺꦱꦺꦠ꧈ ꦥꦭ꧀ꦮꦱꦶꦪꦼꦩ꧀​ꦭꦪꦂꦫꦺꦥꦼꦂꦫꦢꦩꦸꦫꦸꦧ꧀ ꦏꦢꦸꦠ꧀ꦭꦪꦂꦫꦶꦁꦮꦺꦴꦁꦗꦮ꧈ ꦏꦼꦥꦥꦒ꧀ꦒꦤ꧀ꦲꦤ꧀ꦤꦏꦺꦤ꧀ꦤꦶ꧈

[ f.11r ]

꧄ꦣꦶꦩꦤ꧀ꦤꦭꦸꦥꦸꦤ꧀ꦚꦠꦤ꧀ꦤꦃ꧈ ꦩꦸꦮꦠ꧀ꦲꦥꦧꦸꦣꦏ꧀ꦝꦶꦩꦤꦥꦼꦒꦶ꧈ ꦏꦁꦠꦶꦤꦏꦺꦤ꧀ꦤꦏ꧀ꦲꦩꦸꦮꦸꦱ꧀ ꦱꦪꦲꦫꦁꦣꦶꦕꦼꦩ꧀ꦥ꧈ ꦠꦶꦣꦏ꧀ꦩꦸꦮꦠ꧀​ꦱꦶꦁꦥꦿꦲꦸꦏꦶꦠꦱꦸꦁꦒꦸ꧈ ꦏꦶꦤꦏꦸꦢꦣꦫꦶꦩꦤ꧈ ꦣꦶꦩꦤꦠꦼꦩ꧀ꦥꦠ꧀​ꦤꦼꦒꦫꦶ꧈
꧄ꦱꦸꦩꦲꦸꦂꦥꦸꦤꦁꦤꦏꦸꦢ꧈ ꦱꦪꦩꦲꦸꦥꦼꦒꦶꦤꦼꦒꦫꦶꦠꦸꦏꦶꦤ꧀ ꦱꦪꦲꦺꦴꦫꦁꦤꦒꦿꦶꦲꦼꦫꦸꦩ꧀ ꦠꦥꦶꦣꦶꦭꦸꦮꦂꦏꦸꦛ꧈ ꦥꦭ꧀ꦮꦤ꧀ꦤꦶꦥꦸꦤ꧀ꦮꦸꦱ꧀ꦭꦗꦸ꧈ꦤꦺꦴꦫꦏꦢꦸꦭꦸ꧈ ꦱꦩ꧀ꦥꦸꦤ꧀ꦠꦼꦧꦃꦊꦭꦶꦮꦠ꧀ꦠꦤ꧀ ꦱꦮꦼꦤꦺꦃꦏꦫꦶꦏꦮꦸꦫꦶ꧈
꧄ꦮꦺꦴꦤ꧀ꦠꦼꦤ꧀ꦩꦭꦶꦃꦏꦠꦶꦔꦭ꧀ꦭꦤ꧀ ꦏꦼꦛꦶꦥ꧀ꦏꦼꦛꦶꦥ꧀​ꦭꦪꦂꦏꦠꦺꦴꦤ꧀ꦱꦲꦶꦭꦶꦂ꧈ ꦮꦸꦱ꧀ꦱꦶꦊꦩ꧀ꦝꦫꦠ꧀ꦠꦤ꧀​ꦒꦸꦤꦸꦁ꧈ꦲꦩꦸꦁꦥꦁꦔꦸꦭꦸꦭꦶꦠꦁ꧈ ꦭꦤ꧀ꦱꦽꦁꦔꦺꦔꦺ꧈ꦱꦺꦭꦫꦱꦭꦪꦂꦫꦶꦥꦸꦤ꧀ ꦠꦶꦒꦁꦢꦭꦸꦠꦶꦒꦁꦱꦶꦪꦁ꧈ ꦢꦸꦏ꧀ꦏꦠꦼꦣꦏ꧀ꦏꦤ꧀ꦲꦶꦁꦔꦔꦶꦤ꧀
꧄ꦥꦼꦥꦼꦠꦼꦁꦲꦁꦔꦶꦤ꧀ꦠꦸꦁꦒꦫ꧈ ꦱꦶꦭꦶꦂꦮꦼꦁꦔꦶ꧈ꦠꦼꦣꦏ꧀ꦏꦁꦥꦸꦤꦁꦔꦔꦶꦤ꧀ ꦲꦤꦸꦠ꧀ꦥꦫꦤꦶꦁꦥꦼꦂꦫꦲꦸ꧈ ꦠꦤ꧀ꦏꦼꦤꦱꦶꦤꦪꦸꦠ꧀ꦠꦤ꧀ ꦔꦸꦕꦸꦂꦫꦔꦶꦤ꧀​ꦠꦶꦒꦁꦱꦶꦪꦁꦠꦶꦒꦁꦢꦭꦸ꧈ ꦏꦧꦶꦪꦱ꧀ꦠꦶꦧꦺꦁꦣꦫꦠ꧀ꦠꦤ꧀ ꦲꦶꦁꦔꦠꦱ꧀ꦲꦸꦭꦸꦏꦥꦶꦁꦒꦶꦂ꧈
꧄ꦠꦶꦧꦲꦶꦁꦥꦩꦶꦒꦶꦂꦢꦺꦱ꧈ ꦥꦱꦶꦱꦶꦂꦫꦺ꧈ꦲꦁꦔꦺꦠꦤ꧀ꦩꦮꦶꦏꦭꦶ꧈ ꦠꦼꦩ꧀ꦧꦶꦂꦲꦺꦴꦩ꧀ꦧꦏ꧀ꦏꦶꦥꦸꦤ꧀ꦲꦒꦸꦁ꧈ ꦧꦁꦏꦠ꧀ꦲꦤꦼꦩ꧀ꦥꦸꦃꦏꦫꦁ꧈ ꦱꦺꦭꦫꦱꦲꦤ꧀ꦗꦼꦤ꧀ꦤꦼꦁꦔꦶꦁꦮꦸꦫꦶꦩꦸꦮꦸꦱ꧀ ꦏꦏꦁꦲꦶꦏꦠꦁꦒꦸꦃꦲꦤ꧈ ꦲꦶꦁꦥꦸꦤ꧀ꦢꦶꦭꦧꦸꦃꦥꦸꦤꦶꦏꦶ꧈
꧄ꦤꦸꦭꦾꦏꦒꦶꦠꦶꦏ꧀ꦏꦶꦁꦲꦺꦴꦩ꧀ꦧꦏ꧀ ꦧꦧꦂꦥꦶꦱꦤ꧀​ꦥꦭꦾꦥꦼꦗꦃꦏꦧꦤ꧀ꦠꦶꦁ꧈ ꦩꦿꦶꦁꦣꦫꦠ꧀ꦠꦤ꧀ꦭꦶꦂꦱꦶꦤꦸꦫꦸꦁ꧈ ꦱꦺꦭꦫꦱꦩꦊꦩ꧀ꦥꦠ꧀ ꦗꦁꦗꦶꦤꦶꦁꦪꦁꦥꦸꦤꦶꦏꦶꦏꦏꦁꦠꦶꦤꦼꦩꦸ꧈ ꦧꦁꦧꦁꦮꦺꦠꦤ꧀ꦮꦪꦃꦲꦶꦫ꧈ ꦱꦩꦾꦭꦶꦁꦒꦶꦃꦲꦶꦁꦥꦱꦶꦱꦶꦂ꧈
꧄ꦥꦩꦶꦁꦒꦶꦂꦫꦤ꧀ꦲꦶꦁꦤꦼꦒꦫ꧈ ꦲꦠꦱ꧀ꦲꦸꦭꦸ꧈ꦮꦱ꧀ꦠꦤꦺꦏꦁꦤꦼꦒꦫꦶ꧈ ꦮꦶꦤꦱ꧀ꦠꦤ꧀ꦤꦤ꧀ꦢꦺꦱꦩꦸꦤ꧀ꦝꦸ꧈ꦏꦸꦤꦼꦁ​ꦫꦫꦺꦠꦶꦠꦶꦒ꧈ꦪꦺꦤ꧀ꦤꦶꦁꦢꦭꦸꦥꦤꦸꦱꦸꦥ꧀ꦥꦶꦁꦲꦭꦱ꧀ꦲꦠꦸꦫꦸ꧈ ꦱꦩ꧀ꦥꦸꦤ꧀ꦲꦁꦱꦭ꧀ꦠꦶꦒꦁꦝꦶꦤꦪꦺꦤ꧀ꦱꦶꦪꦁꦲꦤꦺꦁꦒꦒꦶꦱꦶꦏ꧀꧈

[ f.11v ]
꧄ꦠꦤ꧀ꦏꦺꦴꦕꦥ꧀ꦥꦮꦺꦴꦁꦠꦶꦠꦶꦒꦏꦮꦸ ꦮꦸꦱ꧀ꦱ꧈ꦮꦺꦴꦤ꧀ꦠꦼꦤ꧀ꦝꦸꦝꦠꦸꦂꦥꦼꦏꦶꦂ꧈ ꦲꦮꦶꦱ꧀ꦩꦲꦶꦁꦝꦺꦱꦩꦸꦤ꧀ꦝꦸ꧈ ꦲꦮꦱ꧀ꦠꦏꦶꦭꦸꦧꦩ꧈ꦤꦼꦁꦒꦶꦃ꧈ꦢꦂꦧꦺ꧈ꦲꦤꦏ꧀ꦮꦢꦺꦴꦤ꧀ꦱꦶꦗꦶꦲꦪꦸ꧈ꦒꦮꦺꦤꦺꦠꦤ꧀ꦱꦃꦕꦺꦴꦏ꧀ꦩꦸꦭꦂ꧈ꦲꦤꦁꦔꦶꦱ꧀​ꦫꦲꦶꦤꦮꦺꦁꦔꦶ꧉
꧄ꦤꦶꦫꦸꦩ꧀ꦱꦫꦶꦮꦱ꧀ꦠꦤ꧀ꦤꦶꦫ꧈ ꦥꦤ꧀ꦏꦠꦶꦭꦂ꧈ꦲꦶꦁ​ꦫꦺꦤꦢꦺꦫꦺꦁ​ꦭꦩꦶ꧈ꦒꦁꦱꦭ꧀ꦱꦱꦶꦭꦩ꧀ꦩꦶꦤꦶꦥꦸꦤ꧀꧈ꦤꦁꦔꦶꦱ꧀ꦱꦂ​ꦪꦮꦼꦕꦤ꧈ꦫꦩꦏꦸꦭꦲꦔꦶꦥꦶꦏꦭꦤ꧀ꦤꦶꦁꦝꦭꦸ꧈ꦏꦠꦺꦴꦤ꧀ꦮꦂꦤꦤꦺꦒꦸꦩꦮꦁ꧈ ꦫꦫꦺꦠꦶꦠꦶꦒꦲꦥꦼꦏꦶꦏ꧀​꧈
꧄ꦢꦮꦼꦏ꧀​ꦫꦩꦲꦸ ꦭꦂ​ꦫꦤ꧈ꦮꦺꦠꦤ꧀ꦏꦺꦴꦤꦺꦴꦥꦼꦂꦤꦃꦲꦺꦢꦸꦏ꧀ꦲꦁꦔꦶꦥꦶ꧈ꦢꦺꦢꦺꦫ​ꦫꦺꦩꦸ ꦏ꧀ꦠꦶꦲꦶꦏꦸ꧈ꦤꦁꦔꦶꦁꦲꦁꦱꦭ꧀ꦭꦺꦏꦸꦤ꧈ ꦏꦮꦼꦭꦱ꧀ꦱꦱꦶꦃ꧈ ꦤꦩꦠꦫꦫꦺꦥꦸꦤꦶꦏꦸ꧈ꦤꦁꦔꦶꦁ​ꦲꦁꦱꦭ꧀ꦭꦺꦲꦶꦁꦏꦸꦤ꧈ꦲꦶꦏꦸꦠꦼꦂ​ꦫꦃꦲꦶꦁꦧꦸꦥꦠꦶ꧉
꧄ꦥꦼꦏꦶꦂꦭꦸꦧꦩꦲꦔꦸꦕꦥ꧀​ꦲꦔꦸꦭꦺꦛꦺꦏ꧀​ꦉꦫꦱꦤ꧀ꦤꦶꦫꦲꦶꦏꦶ꧈ꦱꦭꦃꦲꦺ ꦱꦪꦲꦤ꧀ꦢ​ꦫꦸꦁ꧈ꦲꦔꦤ꧀ꦢꦼꦭ꧀ꦪꦶꦁꦱꦸꦥꦼꦤ꧀ꦤ꧈ꦮꦺꦴꦁꦔꦔꦶꦥꦶꦧꦧꦺꦴꦠꦤ꧀ꦏꦼꦤ꧀ꦤꦧꦶ ꦤꦱ꧀ꦠꦸ꧈ꦲꦥꦲ꧀ꦲꦏꦺꦃ꧈ ꦲꦶꦥꦺꦤ꧀ꦢꦺꦴꦫ꧈ꦲꦶꦏꦸꦠꦤ꧀ꦏꦼꦤ꧀ꦤꦥꦶꦤꦱ꧀ꦛꦶ꧉
꧄ꦲꦗꦠꦲꦁꦏꦪꦱꦶꦫ꧈ ꦮꦺꦴꦁꦏꦁꦔꦫꦶꦥ꧀​ꦪꦶꦥꦺꦤꦺꦏꦝꦁꦱꦶꦱꦶꦥ꧀ ꦱꦲꦺꦁꦒꦔꦩ꧀ꦧꦶꦭ꧀ꦢꦺꦴꦁꦔꦶꦏꦸ꧈ ꦮꦸꦱ꧀ꦏꦁꦒꦺꦴꦠꦶꦔꦭ꧀ꦠꦸꦁꦒꦭ꧀​ꦱꦸꦥꦼꦤ꧀ꦤꦤ꧀ꦤꦺꦩꦼꦤꦮꦏꦼꦤꦧꦶꦤꦱ꧀ꦠꦸ꧈ ꦗꦫꦶꦁꦠꦸꦫꦸꦤꦶꦁꦏꦸꦲꦺꦏꦿꦩ꧀꧈
꧄ꦩꦸꦤꦗꦠ꧀ꦲꦼꦤꦼꦁꦔꦺꦫꦺꦏꦶ꧉
꧄ꦱꦲꦸꦗꦂ​ꦫꦺꦏꦸꦲꦏꦸꦭ꧀ꦭꦃ꧈ ꦥꦤꦶꦔꦭ꧀ꦭꦺꦩꦏ꧀ꦏꦿꦶꦥꦠ꧀ꦠꦺꦴꦭꦃꦪꦸꦒꦶ꧈ꦥꦔꦩ꧀ꦧꦸꦥꦩꦶꦲꦂꦱꦺꦏꦸ꧈ꦲꦸꦱꦶꦏꦶꦁ​ꦢꦢꦶꦱꦺꦩ꧀ꦧꦃꦲꦤ꧀​ꦧꦫꦁꦥꦺꦴꦭꦃ꧈ꦮꦸꦱ꧀ꦲꦺꦴꦫꦲꦤꦏꦢꦸꦭꦸ꧈ꦮꦸꦱ꧀ꦔꦁꦒꦺꦴꦥꦤꦶꦔꦭ꧀ꦠꦸꦁꦒꦭ꧀​ꦠꦃ​ꦪꦸꦤ꧀ꦩꦭꦸꦏꦺꦏꦸꦱꦶꦁꦒꦶꦃ [ f.12r ]

꧄ꦲꦶꦏꦸꦠꦲꦶꦏꦩꦁꦏꦤ꧈ꦱꦸꦥꦼꦤ꧀ꦤꦤ꧀ꦤꦺꦲꦶꦏꦸꦠꦤ꧀ꦏꦼꦤꦱꦶꦱꦶꦥ꧀​​ꦲꦸꦮꦸꦱ꧀ꦠꦩꦼꦤꦼꦁꦔꦧꦧꦸ꧈ꦱꦼꦝꦼꦁꦲꦗꦏꦫꦸꦤ꧈ꦲꦶꦁꦱꦸꦤ꧀ꦤꦶꦏꦶ꧈ꦱꦸꦱꦃꦲꦠꦶꦢꦸꦫꦸꦁꦩꦤ꧀ꦠꦸꦤ꧀​ꦱꦠꦶꦭꦂ​ꦫꦺꦲꦶꦧꦸꦤꦶꦫ꧈ꦢꦸꦫꦸꦁꦔꦺꦤꦏ꧀ꦝꦲꦂꦒꦸꦭꦶꦁ
꧄ꦤꦶꦫꦸꦩ꧀ꦱꦫꦶꦲꦔꦤ꧀ꦢꦶꦏ꧈ꦲꦝꦃꦫꦩꦩꦁꦏꦺꦩꦤꦶꦫꦥꦸꦫꦶꦏ꧀꧈​ꦪꦺꦤ꧀ꦠꦤ꧀ꦏꦼꦥꦁꦒꦶꦃ​ꦮꦺꦴꦁꦔꦶꦏꦸ꧈ꦭꦃ​​ꦫꦩꦲꦸꦭꦠ꧀ꦠꦤ꧈ꦏꦸꦭꦲꦸꦒꦔꦶꦥꦶꦢꦠꦤ꧀ꦥꦠꦶꦠꦸꦫꦸ꧈ꦏꦸꦭꦠꦁꦔꦶꦩꦏ꧀ꦱꦶꦃ​ꦮꦪꦃ꧈ꦢꦭꦃ​ꦩꦁꦏꦺꦏꦤ꧀ꦠꦺꦴꦱ꧀ꦩꦏ꧀ꦱꦶꦃ
꧄ꦪꦺꦤ꧀ꦤꦮꦺꦠ꧀ꦩꦼꦁꦏꦠꦼꦤ꧀ꦤꦿꦩ꧈ꦢꦠꦤ꧀ꦮꦤ꧀ꦢꦺꦏꦮꦸꦭꦥꦼꦗꦃ​ꦧꦿꦁꦠꦶ꧈ꦏꦺꦮꦼꦂ​ꦫꦤ꧀ꦏꦁ​ꦫꦩꦲꦩꦸꦮꦸꦱ꧀​ꦱꦂ​ꦪꦔꦿꦁꦏꦸꦭ꧀ꦏꦁꦥꦸꦠꦿꦲꦶꦪꦒꦸꦱ꧀ꦠꦶ꧈ꦭꦃ​ꦩꦼꦤꦼꦁꦔꦲꦤ꧀ꦏꦶꦁꦱꦸꦤ꧀​ꦏꦫꦶꦪꦱꦶꦫꦩꦭꦸꦔ꧈ꦏꦶꦭꦸꦧꦩꦱꦶꦒꦿꦩꦶꦗꦶꦭ꧀
꧄ꦊꦥꦱ꧀ꦭꦩ꧀ꦥꦃꦲꦺꦩꦔꦺꦠꦤ꧀​ꦏꦶꦭꦸꦧꦩꦲꦤꦸꦫꦸꦠ꧀ꦥꦶꦒꦶꦂꦥꦱꦶꦱꦶꦂ꧈ꦭꦩ꧀ꦥꦃꦲꦶꦫꦩꦤ꧀ꦝꦼꦏ꧀ꦩꦁꦔꦸ꧈ꦠꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦱꦶꦤꦢꦾ꧈ꦩꦭꦃ​ꦮꦪꦃ​ꦭꦶꦁꦱꦶꦂꦏꦶꦭꦺꦤ꧀​ꦠꦼꦏꦺꦁ​ꦮꦏ꧀ꦠꦸ꧈ꦏꦶꦭꦸꦧꦩꦲꦱꦼꦩ꧀ꦧꦪꦁ꧈ꦭꦺꦴꦲꦺꦴꦂꦱꦤ꧀ꦝꦥ꧀ꦥꦶꦁꦱꦸꦭꦱꦿꦶ
꧄ꦱꦧꦏ꧀ꦢꦤ꧀ꦤꦶꦫꦱꦼꦩ꧀ꦧꦪꦁꦤꦸꦭꦾꦔꦺꦠꦤ꧀​ꦭꦸꦧꦩꦲꦤꦶꦔꦭꦶ꧈ꦫꦫꦺꦠꦼꦠꦶꦒꦲꦭꦸꦁꦒꦸꦃ꧈ꦲꦮꦱ꧀ꦢꦺꦤ꧀ꦚꦠꦸꦩꦶꦔꦭ꧀​ꦢꦺꦤꦺꦧꦒꦸꦱ꧀​ꦫꦫꦺꦏꦠꦶꦒꦤꦺꦮꦲꦸ꧈ꦫꦫꦺꦔꦼꦤ꧀ꦢꦶꦲꦶꦏꦶꦧꦪ꧈ꦢꦺꦤ꧀ꦤꦺꦏꦠꦶꦒꦤꦺꦥꦼꦏꦶꦏ꧀
꧄ꦭꦸꦧꦩꦩꦔꦸꦏꦕꦂ​ꦪꦤ꧀​ꦥꦶꦤꦫꦤ꧀ꦤꦤ꧀ꦲꦤꦺꦁꦱꦺꦴꦂ​ꦫꦺꦱꦸꦭꦱꦿꦶ꧈ꦭꦸꦧꦩꦲꦫꦶꦱ꧀ꦲꦩꦸꦮꦸꦱ꧀​ꦲꦺꦃꦠꦺꦗꦱꦸꦊꦏ꧀ꦱꦤ꧈ꦧꦒꦸꦱ꧀ꦥꦸꦤ꧀ꦢꦶꦥꦶꦤꦁꦏꦤ꧀ꦤꦶꦁꦢꦸꦏ꧀ꦏꦶꦁꦢꦁꦔꦸꦩꦤ꧀ꦤꦶꦫꦠꦼꦩ꧀ꦧꦺꦠꦸꦩꦶꦔꦭ꧀​ꦱꦺꦭꦫꦱꦲꦤꦲꦸꦫꦶ

[ f.12v ]

꧄ꦏꦮꦸꦭꦮꦺꦴꦁꦩꦼꦤ꧀ꦝꦁꦏꦺꦤ꧀ꦠꦂ꧈ꦱꦒꦺꦤ꧀ꦏꦩ꧀ꦥꦶꦂ꧈ꦱꦏꦶꦁꦕꦼꦩ꧀ꦥꦲꦭꦩ꧀ꦩꦶ꧈ꦮꦶꦤꦱ꧀ꦠꦤ꧀​ꦮꦺꦢꦁꦊꦭꦏꦸ꧈ꦮꦺꦴꦁꦠꦸꦩ꧀ꦥꦼꦂꦕꦶꦤꦮꦼꦠ꧀ꦠꦤ꧀​ꦫꦫꦺꦥꦤꦱ꧀​ꦤꦺꦁꦒ꧀ꦤꦼꦫꦲꦏꦺꦃ​ꦤꦸꦤ꧀ꦝꦸꦁ꧈ꦩꦭꦃ​ꦱꦁꦤꦠꦲꦶꦁꦕꦼꦩ꧀ꦥ꧈ꦩꦿꦶꦁ​ꦏꦮꦸꦭꦲꦤ꧀ꦚꦂ​ꦥꦠꦶ
꧄ꦧꦪꦭꦩꦶꦱꦶꦫꦚꦮ꧈ꦲꦤꦺꦁꦏꦺꦤꦺ꧈ꦢꦺꦫꦺꦁ​ꦲꦩꦁꦒꦶꦃꦥꦤ꧀ꦠꦶ꧈ꦲꦶꦁꦒꦶꦃꦥꦩꦤ꧀ꦱꦩ꧀ꦥꦸꦤ꧀ꦲꦤ꧀ꦠꦸꦏ꧀​ꦠꦶꦒꦁꦢꦭꦸꦏꦮꦸꦭ꧈ꦏꦶꦭꦸꦧꦩꦩꦸꦮꦸꦱ꧀ꦚꦮꦲꦤꦏ꧀ꦏꦶꦁꦱꦸꦤ꧀​ꦥꦸꦤ꧀ꦥꦩꦤ꧀ꦏꦂ​ꦪꦤꦼꦤ꧀ꦧꦥ꧈ꦭꦃꦥꦪꦺꦴꦩꦿꦶꦁ​ꦮꦶꦱ꧀ꦩꦒꦸꦱ꧀ꦠꦶ
꧄ꦱꦺꦭꦫꦱꦲꦔꦤ꧀ꦢꦶꦏ꧈ꦒꦶꦃꦏꦠꦼꦝ꧈ꦱꦶꦲꦤ꧀ꦢꦶꦏꦩꦿꦶꦁ​ꦏꦩꦶ꧈ꦱꦺꦭꦱꦾꦫꦲꦫꦶꦱ꧀ꦩꦸꦮꦸꦱ꧀​ꦥꦤ꧀ꦠꦼꦱ꧀ꦱꦺꦏꦲꦶꦥꦩꦤ꧀​ꦪꦺꦤ꧀ꦮꦺꦴꦤ꧀ꦠꦼꦤ꧈ꦲꦶꦁ​ꦢꦺꦱꦔꦫꦶꦏꦶꦧꦶꦱꦸꦏ꧀​ꦠꦤ꧀ꦮꦤ꧀ꦢꦺꦢꦢꦶꦥꦶꦠꦼꦤꦃ꧈ꦥꦤ꧀ꦏꦮꦸꦭꦫꦫꦺꦱꦶꦔꦶꦠ꧀
꧄ꦮꦺꦴꦤ꧀ꦠꦼꦤ꧀ꦤꦶꦁꦔꦫꦶꦏꦶꦥꦩꦤ꧀꧈ꦢꦠꦤ꧀ꦮꦤ꧀ꦢꦺꦏꦮꦂ​ꦠꦲꦶꦁꦤꦼꦒꦫꦶ꧈ꦏꦠꦺꦴꦤ꧀​ꦪꦺꦤ꧀ꦤꦿꦫꦺꦏꦸꦩꦸꦏꦸꦱ꧀​ꦠꦤ꧀ꦮꦤ꧀ꦢꦺꦏꦸꦭꦥꦼꦗꦃ꧈ꦏꦶꦭꦸꦧꦩ꧈ꦲꦱꦿꦸꦲꦶꦁꦥꦩꦸꦮꦸꦱ꧀ꦱꦶꦥꦸꦤ꧀​ꦥꦸꦤ꧀ꦥꦩꦤ꧀ꦏꦂ​ꦪꦤꦼꦤ꧀ꦝꦝ꧈ꦧꦶꦱꦸꦏ꧀​ꦪꦺꦤ꧀ꦤꦤꦧꦶꦭꦃ​ꦲꦶ
꧄ꦲꦤꦏ꧀ꦧꦒꦸꦱ꧀ꦪꦏ꧀ꦡꦺꦤ꧀ꦤꦤ꧈ꦥꦤ꧀ꦱꦶꦱꦶꦥꦩꦤ꧀​ꦒꦸꦱ꧀ꦠꦶꦲꦏꦼꦤꦼꦤ꧀ꦱꦶꦮꦶ꧈ꦭꦶꦂ​ꦩꦸꦭꦠ꧀ꦠꦶꦁꦏꦩꦭ꧀ꦲꦶꦁꦱꦸꦤ꧀​ꦲꦭꦺꦴꦤ꧀ꦤꦿꦢꦺꦤ꧀ꦠꦶꦠꦶꦒ꧈ꦠꦼꦏ꧀ꦏꦤꦼꦝ꧈ꦲꦶꦁꦱꦸꦤ꧀ꦩꦸꦭꦶꦃꦔꦮꦸꦲꦮꦸ꧈ꦪꦺꦤ꧀ꦢꦺꦤꦶꦁꦒꦸꦱ꧀ꦠꦶꦲꦶꦁꦥꦼꦗꦃ꧈ꦢꦠꦤ꧀ꦏꦼꦤ꧀ꦤꦲꦺꦴꦮꦃꦒꦶꦁꦱꦶꦂ
꧄ꦏꦶꦧꦒꦸꦱ꧀ꦥꦕꦸꦮꦤ꧀ꦭꦶꦩ꧀ꦥꦢ꧀​ꦲꦶꦁꦔꦲꦸꦫꦶꦥ꧀ꦥꦠꦶꦱꦩ꧀ꦥꦸꦤ꧀ꦥꦶꦤꦱ꧀ꦛꦶ꧈ꦲꦭꦺꦴꦤ꧀ꦱꦺꦭꦫꦱꦩꦸꦮꦸꦱ꧀​ꦝꦸꦩꦠꦼꦁꦲꦶꦁꦏꦁ​ꦫꦏ꧈ꦢꦮꦼꦏ꧀​ꦫꦏꦱꦶꦲꦺꦥꦩꦤ꧀ꦢꦶꦏꦠꦸꦫꦸꦠ꧀​​ꦲꦶꦁ​ꦭꦫꦥꦠꦶꦱꦶꦤꦺꦴꦁꦒ꧈ꦏꦁ​ꦫꦏꦤꦸꦫꦸꦠ꧀ꦱꦏꦧ꧀ꦠꦶ꧈

[ f.13r ]

꧄ꦮꦸꦱ꧀ꦧꦶꦤꦼꦏ꧀ꦠꦩꦤ꧀ꦠꦸꦏ꧀ꦱꦶꦒꦿ꧈ꦠꦤ꧀ꦏꦮꦂꦤꦲꦶꦁꦩꦂꦒꦱꦩ꧀ꦥꦸꦤ꧀ꦥꦿꦥ꧀ꦠꦶ꧈ꦮꦏ꧀ꦠꦸꦲꦱꦂ​ꦮꦤ꧀ꦕꦶꦤꦶꦥꦸꦤ꧀​ꦥꦿꦥ꧀ꦠꦤ꧀ꦤꦶꦫꦲꦶꦁ​ꦮꦶꦱ꧀ꦩ꧈ꦏꦶꦭꦸꦧꦩ꧈ꦲꦤꦏ꧀ꦏꦺꦲꦶꦁ​ꦔꦸꦮꦸꦃꦱꦩ꧀ꦥꦸꦤ꧀​ꦤꦶꦫꦸꦩ꧀ꦱꦫꦶꦩꦫꦺꦤꦺꦲ꧈ꦒꦮꦲꦏꦼꦭꦱꦲꦒꦼꦭꦶꦱ꧀
꧄ꦱꦺꦭꦱ꧀ꦮꦫꦮꦸꦮꦸꦱ꧀ꦱꦶꦫꦱꦩ꧀ꦥꦸꦤ꧀ꦥꦩꦤ꧀​ꦧꦶꦭꦶꦃ​ꦮꦺꦴꦤ꧀ꦠꦼꦤ꧀ꦲꦸꦤ꧀ꦢꦤ꧀ꦤꦶ꧈ꦥꦸꦤ꧀ꦥꦩꦤ꧀ꦲꦏꦼꦤ꧀ꦏꦠꦺꦁꦱꦸꦤ꧀​ꦥꦸꦭꦸꦤ꧀ꦤꦤ꧀ꦤꦺꦥꦸꦤ꧀ꦥꦩꦤ꧀꧈​ꦭꦃ​ꦪꦺꦤ꧀ꦮꦺꦴꦤ꧀ꦠꦼꦤ꧀ꦠꦠꦺꦴꦁꦒꦭꦺꦴꦂꦏꦶꦭꦺꦤ꧀ꦏꦶꦢꦸꦭ꧀​ꦥꦕꦸꦮꦤ꧀ꦏꦧꦾꦤ꧀ꦠꦫꦲ꧈ꦢꦶꦥꦸꦤ꧀ꦮꦼꦭꦱ꧀ꦝꦠꦼꦁꦏꦩꦶ
꧄ꦮꦂꦤꦤꦼꦤ꧀ꦢꦺꦮꦶꦫꦸꦩ꧀ꦱꦼꦏꦂ꧈ꦲꦩꦫꦤꦶꦝꦠꦼꦁꦏꦁ​ꦫꦩꦲꦫꦶꦫꦶꦃ꧈ꦲꦸꦤꦶꦪꦺꦤ꧀ꦝꦠꦼꦁꦔꦤ꧀ꦩꦲꦸ꧈ꦱꦂ​ꦪꦧꦼꦏ꧀ꦠꦏꦼꦭꦱ꧈ꦲꦂ​ꦱꦒꦼꦭꦂ꧈ꦲꦶꦁ​ꦧꦭꦺꦩꦁꦏꦾꦲꦢꦸꦭꦸ꧈ꦠꦼꦠꦩꦸꦏꦁ​ꦲꦤꦺꦁꦩꦤꦃ​ꦤꦶꦫꦸꦩ꧀ꦱꦫꦶꦤꦸꦭꦾꦧꦭꦶꦏ꧀
꧄ꦩꦊꦧ꧀ꦧꦼꦠ꧀ꦩꦁꦔꦸꦤꦺꦁꦮꦶꦱ꧀ꦩ꧈ꦲꦤꦶꦔꦭꦶ꧈ꦱꦠꦿꦶꦪꦲꦤꦺꦴꦩ꧀ꦲꦥꦼꦏꦶꦏ꧀​ꦭꦶꦂ​ꦢꦶꦤꦲꦸꦢ꧀ꦩꦤ꧀ꦤꦃ​ꦲꦶꦥꦸꦤ꧀​ꦒꦸꦩꦼꦧꦾꦂꦲꦶꦁ​ꦮꦂꦢꦪ꧈ꦏꦶꦭꦸꦧꦩꦔꦤ꧀ꦕꦂ​ꦫꦤꦶ꧈ꦲꦶꦁꦏꦁ​ꦫꦮꦸꦃ꧈ꦱꦺꦭꦱꦾꦫꦱꦺꦭꦒꦺꦴꦤ꧀ꦢ꧈ꦱꦺꦭꦫꦱꦱꦩꦾꦭꦶꦁ​ꦒꦶꦃ
꧄ꦲꦤꦺꦁ​ꦧꦭꦺꦱꦏꦠꦶꦒ꧈ꦤꦶꦫꦸꦩ꧀ꦱꦫꦶꦲꦺꦴꦤꦺꦁꦗꦿꦺꦴꦮꦶꦱ꧀ꦩꦭꦶꦁꦒꦶꦃ꧈ꦏꦭꦶꦪꦤ꧀ꦥꦮꦺꦴꦁꦔꦤ꧀ꦤꦶꦥꦸꦤ꧀​ꦏꦁ​ꦮꦱ꧀ꦠꦤꦶꦗꦸꦩꦼꦤ꧀ꦤ꧈ꦲꦭꦺꦴꦤ꧀ꦩꦠꦸꦂꦩꦂꦩꦶꦤꦶꦥꦸꦤ꧀ꦢꦶꦏꦩꦁꦔꦸ꧈ꦲꦺꦔꦼꦠ꧀ꦏꦭꦢꦸꦏ꧀ꦱꦸꦥꦼꦤ꧀ꦤ꧈ꦱꦶꦤꦧꦼꦂ​ꦫꦤ꧀ꦝꦁꦝꦁꦒꦼꦤ꧀ꦝꦶꦱ꧀

[ f.13v ]

꧄ꦩꦶꦭꦤꦶꦁ​ꦱꦸꦤ꧀ꦧꦧꦺꦴꦩꦼꦤꦼꦁꦔꦶꦏꦶꦥꦤ꧀ꦏꦺꦔꦼꦠ꧀ꦠꦤ꧀​ꦮꦲꦸꦏꦁꦱꦸꦥꦼꦤ꧈ꦲꦶꦪꦩꦁꦏꦤꦫꦸꦥꦤ꧀ꦤꦺ꧈ꦠꦶꦠꦶꦒꦧꦒꦸꦱ꧀ꦧꦒꦸꦱ꧀​ꦝꦸꦃ​ꦱꦶꦫꦩꦢꦺꦤꦺꦲꦧꦁꦏꦶꦠ꧀​ꦲꦔꦸꦭꦠ꧀ꦡꦶꦱꦸꦥꦼꦤ꧀ꦤ꧈ꦤꦶꦗꦸꦩꦼꦤ꧀ꦤ꧈ꦩꦠꦸꦂ꧈ꦏꦶꦤꦺꦤ꧀ꦲꦩ꧀ꦧꦾꦤ꧀ꦠꦫꦏ꧀ꦏꦼꦤ꧈ꦏꦥꦸꦭꦸꦤ꧀ꦤꦤ꧀​ꦲꦶꦁꦠꦼꦠꦺꦴꦁꦒꦏꦤꦤ꧀ꦏꦺꦫꦶ꧈ꦫꦸꦩ꧀ꦱꦫꦶꦱꦸꦏꦧꦸꦔꦃ
꧄ꦏꦶꦭꦸꦧꦩꦲꦤꦏ꧀ꦏꦺ

ꦢꦺꦤ꧀ꦧꦶꦱꦶꦏ꧀​ꦤꦶꦤꦶꦱꦶꦫꦪꦲꦺꦴꦭꦃ​ꦲꦺꦴꦭꦃ​ꦲ꧈ꦱꦤꦏ꧀ꦏꦶꦫꦥꦤ꧀ꦏꦭꦸꦮꦺꦤ꧀​ꦱꦏ꧀ꦱꦤꦏꦁ​ꦔꦶꦁꦔꦸꦮꦸꦃ​ꦤꦶꦫꦸꦩ꧀ꦱꦫꦶꦱꦸꦩ꧀ꦩꦲꦸꦂꦲꦫꦶꦱ꧀​ꦮꦸꦱ꧀ꦢꦩꦼꦭ꧀ꦲꦩ꧀ꦧꦼꦁꦏꦸꦭ꧈ꦠꦼꦏꦢꦶꦏꦭꦸꦁꦒꦸꦃ꧈ꦤꦶꦫꦸꦩ꧀ꦱꦫꦶꦲꦺꦴꦭꦃꦲꦺꦴꦭꦃ꧈ꦭꦤ꧀ꦗꦸꦩꦼꦤ꧀ꦤꦠꦤ꧀ꦢꦁꦔꦸꦤꦸꦭꦾꦩꦃꦒꦼꦂꦫꦶꦥ꧀​꧈​ꦏꦶꦭꦸꦧꦩꦲꦔꦸꦕꦥ꧀​

[ f.14r ]​
꧄ꦭꦃꦏꦤ꧀ꦠꦸꦤ꧀ꦤꦚꦮꦲꦤꦺꦁꦁꦁꦔꦿꦶꦏꦶ꧈​ꦲꦶꦁꦱꦸꦤ꧀ꦤꦂꦱꦭꦸꦔꦲꦱꦼꦩ꧀ꦧꦪꦁ꧈​ꦫꦸꦩ꧀ꦱꦫꦶꦭꦸꦁꦒꦸꦃꦲꦏꦺꦤꦺ꧈​ꦫꦺꦮꦁꦔꦤꦲꦭꦸꦁꦒꦸꦃ꧈​ꦲꦗꦱꦶꦫꦲꦒꦺꦱꦼꦱꦗꦶ꧈​ꦲꦶꦁꦱꦸꦤ꧀ꦤꦂꦱꦱꦼꦩ꧀ꦧꦪꦁ꧈​ꦫꦸꦩ꧀ꦱꦫꦶꦱꦸꦩꦲꦸꦂ꧈​ꦝꦮꦼꦏ꧀ꦏꦿꦩꦱꦼꦩ꧀ꦧꦪꦁꦔ꧈​ꦲꦫꦶꦤꦶꦁꦱꦸꦤ꧀ꦱꦸꦤ꧀ꦤꦿꦮꦁꦔꦤꦺꦲꦭꦶꦁꦒꦶꦃ꧈​ꦲꦸꦧꦩꦝꦠꦼꦁꦭꦁꦒꦂ​
꧄ꦠꦼꦠꦁꦒꦤꦺꦥꦝꦲꦁꦁꦔꦿꦺꦴꦮꦁꦔꦶ꧈ꦤꦶꦮꦸꦭꦤ꧀ꦗꦂꦏꦶꦝꦸꦭ꧀ꦱꦩ꧀ꦩꦶꦥꦿꦥ꧀ꦠ꧈​ꦭꦮꦤ꧀ꦤꦶꦥꦼꦂꦫꦮꦤ꧀ꦏꦶꦭꦺꦤ꧀​ꦫꦺꦴꦤ꧀ꦝꦭꦺꦴꦂꦥꦝꦫꦮꦸꦃ꧈​ꦲꦺꦴꦫꦩꦤ꧀ꦤꦶꦁꦏꦁꦝꦺꦤ꧀ꦤꦿꦱꦤ꧀ꦤꦶ꧈​ꦥꦪꦺꦴꦤꦺꦴꦤ꧀ꦠꦺꦴꦤ꧀​ꦮꦺꦴꦁꦔꦤ꧀ꦚꦂ꧈​ꦮꦂꦠꦤ꧀ꦤꦺꦲꦧꦒꦸꦱ꧀​ꦏꦾꦲꦶꦝꦸꦮꦺꦥꦸꦭꦸꦤ꧀ꦤꦤ꧀​ꦫꦫꦺꦲꦤꦺꦴꦩ꧀​ꦠꦶꦠꦶꦒꦮꦼꦂꦤꦤꦺꦥꦼꦏꦶꦏ꧀​ꦒꦼꦧꦏ꧀ꦒꦤ꧀ꦏꦁꦮꦺꦴꦁꦥꦿꦥ꧀ꦠ
꧄

꧄ꦤꦶꦫꦸꦩ꧀ꦱꦫꦶꦮꦸꦱ꧀ꦱ​ꦉꦁꦲꦭꦶꦁꦒꦶꦃꦩꦶꦫꦶꦁꦩꦶꦫꦶꦁ꧈​ꦩꦤ꧀ꦤꦃꦲꦺꦏꦒꦶꦮꦁ꧈​ꦱ​ꦉꦁꦭꦶꦁꦒꦶꦃꦲꦺꦴꦤꦺꦁꦧꦭꦺ꧈​ꦒꦤ꧀ꦠꦭ꧀ꦭꦺꦩꦸꦁꦠꦠꦼꦭꦸ꧈​ꦲꦶꦁꦤꦼꦤꦩ꧀ꦥꦤ꧀ꦱꦭꦏꦲꦢꦶ꧈​ꦮꦺꦴꦁꦧꦒꦸꦱ꧀ꦭꦃꦩꦸꦕꦁꦔ꧈ꦱꦺꦭꦱꦾꦫꦩꦸꦮꦸꦱ꧀​ꦏꦁꦁꦁꦁ​​ꦔꦼꦩ꧀ꦧꦺꦴꦏ꧀​​​​​ꦏꦮꦸꦭꦤꦼꦝ꧈ꦱꦩ꧀ꦥꦸꦤ꧀ꦭꦩꦶꦏꦮꦸꦭꦧꦺꦴꦠꦼꦤ꧀ꦔꦶꦤꦁꦔꦶ꧈ꦩꦶꦮꦃꦱꦤꦏ꧀ꦏꦮꦸꦭ꧈ [ f.14v ]
꧄ꦤꦶꦫꦸꦩ꧀ꦱꦫꦶꦮꦸꦮꦸꦱ꧀ꦱꦶꦁꦲꦩꦤ꧀ꦤꦶꦱ꧀​ꦤꦺꦴꦫꦠꦸꦭꦸꦱ꧀ꦲꦤ꧀ꦢꦶꦏꦱꦼꦱꦤꦏ꧀​ꦪꦺꦤ꧀ꦢꦺꦫꦺꦁꦔꦶꦤꦁꦗꦩ꧀ꦧꦺꦤꦺ꧈​ꦢꦸꦩꦺꦃꦠꦩꦸꦁꦠꦼꦠꦼꦭꦸ꧈ꦲꦔꦶꦤꦁꦔꦱꦸꦫꦸꦃꦱꦕꦤ꧀ꦝꦶꦏ꧀​ꦭꦮꦤ꧀ꦗꦩ꧀ꦧꦺꦱꦩꦪꦁ꧈ꦩꦺꦴꦁꦱꦏꦶꦫꦁꦱꦸꦫꦸꦃꦩꦸꦭꦤ꧀ꦤꦺꦲꦩꦸꦁꦠꦼꦠꦶꦒꦱꦤꦏ꧀ꦏꦸꦭ꧈ꦠꦶꦠꦶꦒꦏꦁꦲꦤꦺꦁꦔꦠꦶ꧈ꦱꦂꦮꦶꦲꦁꦔ꧀ꦭꦶꦫꦶꦏ꧀ꦔꦶꦮ꧈
꧄ꦱꦺꦭꦱꦾꦫꦲꦫꦶꦤꦺꦢꦺꦤ꧀ꦭꦶꦫꦶꦏ꧀​ꦱꦉꦁꦢꦸꦭꦸꦮꦁꦱꦤꦺꦏꦠꦶꦒ꧈​ꦱꦉꦁꦱꦩꦾꦗꦸꦥꦸꦠ꧀ꦗꦩ꧀ꦧꦺ꧈ꦏꦶꦒꦩꦸꦕꦁꦱꦩ꧀ꦥꦸꦤ꧀​ꦤꦶ​ꦫꦸꦩ꧀ꦱꦫꦶꦲꦔ꧀ꦭꦶꦔꦶꦁꦲꦠꦶ꧈ꦏꦥꦿꦶꦪꦺꦥꦺꦴꦭꦃꦲꦶꦁꦮꦁ꧈​ꦏꦁꦩꦤꦃꦠꦒꦶꦪꦸꦂ꧈ꦪꦺꦤ꧀ꦤꦶꦁꦱꦸꦤ꧀ꦩꦼꦭꦁ​ꦔꦶꦁꦤꦭ꧈ꦲꦱꦼꦱꦤꦏ꧀​ꦏꦁꦩꦸꦭꦠ꧀ꦩꦭꦁꦔꦠꦺꦤꦶ꧈ꦲꦔꦸꦂ​ꦱꦸꦤ꧀ꦤꦿꦱꦸꦏ꧀ꦥꦶꦱꦤ꧀
꧄ꦢꦶꦩꦺꦤ꧀ꦥꦝ​ꦱꦸꦤ꧀ꦧꦱꦤꦶ​ꦲꦝꦶ꧈ꦤꦸꦭꦾ​ꦲꦔ꧀ꦭꦶꦁꦗꦸꦩꦼꦤ꧀ꦤ​ꦩꦺꦤꦺꦪ꧈​ꦲꦁ​ꦊꦭꦪꦤ꧀ꦤꦤꦏꦺꦤꦺ꧈​ꦲꦶꦁ​ꦏꦺꦴꦤꦺꦴ​ꦲꦏꦺꦃ​ꦧꦠꦸꦂ꧈ꦲꦺꦴꦫꦏꦸꦫꦁ​ꦲꦶꦁ​ꦔ꧀ꦭꦢꦺꦤ꧀ꦤꦶ꧈​ꦤꦶ​ꦮꦸꦭꦤ꧀ꦗꦂꦲꦔꦸꦕꦥ꧀ꦧꦸꦃꦲꦼꦤ꧀ꦤꦩꦫꦶꦁꦱꦸꦤ꧀​ꦲꦒꦺꦱꦶꦫꦩꦂ​ꦫꦤꦲ꧈ꦲꦢꦤ꧀ꦏꦺꦱꦃꦗꦸꦩꦼꦤ꧀ꦤꦩꦼꦤ꧀ꦝꦼꦏ꧀ꦲꦶꦁꦮꦸꦫꦶ꧈ꦫꦸꦩ꧀ꦱꦫꦶꦲꦫꦶꦱ꧀ꦩꦗꦂ꧈
꧄ꦤꦶꦫꦸꦩ꧀ꦱꦫꦶ​ꦭꦶꦁꦔꦶꦫ​ꦲꦩꦤꦶꦱ꧀​ꦲꦫꦶꦤꦶꦁꦱꦸꦤ꧀ꦏꦠꦶꦒꦱꦶꦫꦩ꧀ꦩ꧈ꦏꦫꦸꦲꦸꦤ꧀ꦢꦶꦥꦸꦤ꧀ꦲꦫꦺꦫꦺꦃ꧈ꦫꦩꦢꦶꦏ​ꦥꦤ꧀ꦢꦁꦔꦸ꧈ꦲꦤꦺꦁꦩꦱ꧀ꦗꦶꦢ꧀ꦏꦼꦭꦮꦤ꧀ꦱꦤ꧀ꦠꦿꦶ꧈ꦮꦸꦮꦠꦼꦏ꧀ꦏꦶꦁꦱꦧꦤ꧀​ꦪꦺꦤ꧀ꦱꦼꦩ꧀ꦧꦪꦁꦢꦭꦸꦫꦫꦺꦏꦠꦶꦒꦮꦼꦕꦤ꧈ꦲꦶꦁꦒꦶꦃꦏꦏꦁꦤꦸꦲꦸꦤ꧀​ꦥꦱꦶꦲꦤ꧀ꦢꦶꦏꦺꦏꦶꦠꦤ꧀ꦱꦒꦼꦠ꧀ꦩꦁꦱꦸꦭ꧀ꦭꦤ꧈
꧄ꦥꦤ꧀ꦠꦸꦩꦼꦏ꧀ꦮꦲꦸꦥꦸꦠꦿꦏꦠꦿꦶꦲꦶꦁꦱꦼꦢꦾꦤꦺ꧈ꦮꦲꦸꦲꦂꦱꦱꦶꦫꦩ꧀​ꦩꦿꦶꦁꦧꦺꦗꦶꦲꦶꦏꦱꦼꦢꦾꦤꦺ꧈ꦭꦩ꧀ꦥꦃꦲꦺꦩꦤ꧀ꦝꦼꦏ꧀ꦧꦁꦔꦸ꧈ꦮꦲꦸꦩꦸꦭꦠ꧀ꦥꦝꦁꦔꦶꦁꦱꦱꦶ꧈ꦱꦁꦱꦪꦩꦔꦸꦭꦫꦏꦺꦠꦁꦢꦸꦢꦸꦏꦶꦁꦢꦔꦸ꧈ꦭꦒꦾꦢꦸꦏ꧀ꦲꦤꦺꦁꦤꦼꦒꦫ꧈ꦤꦁꦔꦶꦁꦠꦭ꧀ꦭꦃꦱꦶꦤꦩꦸꦂꦱꦩꦸꦂꦫꦶꦁꦔꦠꦶ꧈ꦢꦢꦾ​ꦲꦔꦼꦤꦺꦲꦶꦭꦁ꧈ [ f.15r ]
꧄ꦱꦩꦾ​ꦱꦶꦫꦩ꧀ꦏꦠꦶꦒ​ꦲꦶꦁꦧꦺꦗꦶꦥꦝꦁ​ꦮꦸꦭꦤ꧀ꦱꦱꦶꦏꦥꦸꦂ​ꦮꦤ꧀ꦤꦤ꧀​ꦥꦿꦥ꧀ꦠꦲꦶꦁ​ꦧꦺꦗꦶ​ꦭꦩ꧀ꦥꦃꦲꦺ꧈​ꦱꦺꦭꦱꦾꦫ​ꦲꦩꦸꦮꦸꦱ꧀​ꦱꦺꦭꦫꦱ​ꦢꦶꦥꦸꦤ꧀ꦠꦏꦺꦤꦶꦪꦪꦶꦮꦸꦱ꧀ꦧꦭꦺꦏ꧀ꦱꦶꦫ꧈​ꦲꦠꦮ​ꦱꦶꦃ​ꦢꦸꦫꦸꦁꦏꦁ​ꦫꦪꦶ​ꦱꦶꦃꦱꦲꦸꦂ​ꦫꦶ​ꦫꦢꦺꦫꦺꦁꦧꦭꦺꦏ꧀ꦏꦏꦁ​ꦏꦮꦸꦭ​ꦥꦸꦤꦶꦏꦶ꧈​ꦠꦤ꧀ꦝꦤꦺ​ꦪꦪꦶ​ꦲꦥ꧈
꧄ꦠꦤ꧀ꦝꦤ꧀ꦤꦶꦥꦸꦤ꧀ꦏꦏꦁꦏꦸꦭꦔꦶꦥꦶ꧈​ꦥꦤ꧀ꦏꦼꦥꦁꦒꦶꦃꦏꦼꦭꦮꦤ꧀ꦮꦤꦸꦢꦾꦕꦶꦤꦼꦏꦼꦭ꧀ꦱꦶꦤꦸꦁ​ꦔꦤ꧀ꦒꦤ꧀ꦠꦺꦤ꧀​ꦱꦶꦫ​ꦠꦩ꧀ꦥꦤꦶ​ꦲꦶꦏꦸ꧈ꦧꦺꦴꦠꦼꦤ꧀ꦤꦂꦱ​ꦏꦸꦭꦤꦩ꧀ꦥꦺꦤ꧀ꦤꦶ꧈​ꦏꦏꦁꦏꦼꦭꦮꦤ꧀ꦤꦱ꧀ꦠ꧈ꦤꦁꦔꦶꦁꦭꦮꦤ꧀ꦲꦸꦤ꧀ꦠꦸ꧈ꦱꦸꦤ꧀ꦕꦏꦺꦴꦠ꧀ꦭꦛꦶꦤꦺꦥꦶꦱꦤ꧀​ꦫꦏꦏꦭꦶꦃ​ꦒꦸꦩꦸꦗꦼꦁ​ꦲꦤꦸꦠꦸꦥ꧀ꦭꦛꦶ꧈ꦩꦸꦁꦱꦩꦺꦴꦤꦺꦴꦏꦺꦮꦭ꧈
꧄ꦩꦸꦒꦏꦶꦛꦶꦁ​ꦏꦏꦁ​ꦧꦺꦴꦠꦼꦤ꧀ꦲꦸꦤꦶꦁ꧈ꦤꦸꦭꦏꦏꦁ​ꦭꦃ​ꦪꦺꦤ꧀ꦩꦼꦁꦏꦠꦼꦤ꧈​ꦩꦸꦒ​ꦧꦸꦱꦸꦁ​ꦩꦸꦒ​ꦒꦺꦴꦤ꧀ꦝꦺꦴꦏ꧀​ꦱꦺꦭꦒꦺꦴꦤ꧀ꦢ​ꦫꦶꦱ꧀ꦮꦸꦮꦸꦱ꧀​ꦪꦪꦶ​ꦲꦶꦁꦱꦸꦤ꧀ꦤ​ꦠꦏꦺꦤ꧀ꦩꦭꦶꦃ​ꦭꦃ​ꦩꦫ​ꦠꦸꦠꦸꦒ꧀ꦒꦼꦤ꧀ꦤꦱꦺꦭꦫꦱ​ꦩꦸꦮꦸꦱ꧀​ꦏꦸꦭ​ꦢꦺꦤ꧀ꦤ​ꦗꦃ​ꦩꦿꦶꦁ​ꦮꦶꦱ꧀ꦩ꧈ꦲꦶꦁ​ꦮꦤꦶꦠ​ꦱꦸꦤ꧀ꦤꦼꦩ꧀ꦧꦤ꧀ꦠꦸꦂꦱꦸꦤ꧀ꦤꦩ꧀ꦧꦸꦁꦔꦶ꧈ꦱꦂ​ꦮꦶ​ꦱꦸꦤ꧀ꦲꦸꦫꦸꦱ꧀ꦥꦶꦱꦤ꧀
꧄ꦱꦺꦭꦱꦾꦫꦲꦁ​ꦔꦿꦁꦏꦸꦭ꧀ꦏꦁ​ꦫꦪꦶꦲꦫꦶꦤꦶꦁꦱꦸꦤ꧀ꦲꦥꦲꦫꦤ꧀ꦤꦶꦏ꧈​ꦱꦺꦭꦫꦱ​ꦭꦺꦴꦤ꧀ꦤ​ꦠꦸꦂꦫꦺ꧈ꦮꦶꦏꦤ꧀ꦤꦶꦁ​ꦮꦶꦱ꧀ꦩꦤꦶꦥꦸꦤ꧀​ꦏꦸꦭꦠꦸꦠꦸꦒ꧀ꦒ​ꦏꦼꦤ꧀ꦠꦩꦭꦶꦃ꧈ꦢꦁ​ꦔꦸꦲꦶꦁ​ꦥꦒꦸꦭꦶꦁ​ꦔꦤ꧀​ꦮꦺꦴꦁ​ꦮꦢꦺꦴꦤ꧀ꦲꦁꦒꦫꦸꦠ꧀​ꦲꦤ꧀ꦗꦶꦮꦶꦠ꧀ꦚꦼꦛꦺꦠ꧀ꦲꦩꦸꦭꦂꦤꦸꦠꦼꦤ꧀ꦏ​ꦏꦁ​ꦱꦸꦤ꧀ꦱꦫꦺꦏ꧀ꦏ​ꦏꦼꦤ꧀ꦠꦸꦩꦸꦭꦶ꧈ꦠꦸꦂ​ꦱꦸꦤ꧀ꦧꦤ꧀ꦠꦭ꧀ꦭꦶ​ꦲꦱ꧀ꦠ꧈
꧄ꦲꦥꦤ꧀ꦢꦁ​ꦔꦸꦢꦺꦤ꧀ꦤꦶꦫꦲꦒꦺꦴꦱ꧀ꦛꦶ꧈ꦲꦤꦺꦁꦧꦺꦗꦶ​ꦮꦲꦸꦲꦥꦒꦸꦲꦾꦤ꧀​ꦤꦸꦭꦾ​ꦱꦶꦫꦩ꧀ꦏꦠꦶꦒꦤꦺꦮꦂꦤꦤ꧀ꦤꦼꦤ꧀ꦲꦶꦁꦏꦁꦏꦤ꧀ꦠꦸꦤ꧀​ꦤꦶ​ꦫꦸꦩ꧀ꦱꦫꦶ​ꦏꦼꦭꦮꦤ꧀ꦕꦺꦛꦶ꧈ꦲꦸꦩꦠꦸꦂꦏꦺꦤ꧀ꦗꦸꦩꦼꦤ꧀ꦤꦝꦠꦼꦁꦤꦶꦫꦸꦩ꧀ꦱꦤ꧀ꦠꦸꦤ꧀​ꦱꦩ꧀ꦥꦸꦤ꧀ꦒꦸꦱ꧀ꦠꦶꦫꦢꦶꦩꦶꦫꦁ​ꦲꦶꦁ​ꦮꦺꦴꦁ​ꦲꦶꦏꦭꦶꦂ​ꦢꦂꦧꦺꦫꦱꦤꦶꦁ​ꦔꦠꦶꦥꦸꦤꦶꦏꦮꦺꦴꦁꦥꦼꦱꦗ꧈ [ f.15v ]ꦫꦱꦤꦶꦁ​ꦔꦠꦶꦥꦸꦤꦶꦏꦮꦺꦴꦁꦥꦿꦱꦗ꧈
꧄ꦱꦩꦥꦸꦤ꧀ꦒꦸꦱ꧀ꦠꦶꦫꦢꦶꦲꦔꦼꦠꦮꦶꦱ꧀​ꦢꦶꦥꦸꦤ꧀ꦏꦢꦶꦱꦝꦺꦫꦺꦏ꧀ꦥꦿꦶꦪꦁꦒ꧈ꦫꦸꦩ꧀ꦱꦫꦶꦲꦭꦺꦴꦤ꧀ꦱꦲꦸꦂꦫꦺ꧈ꦮꦶꦠꦺꦧꦧꦸꦠꦾꦱ꧀ꦲꦶꦁꦱꦸꦤ꧀꧈ꦥꦤ꧀ꦏꦥꦶꦔꦶꦤ꧀ꦢꦢꦸꦭꦸꦂ​ꦪꦏ꧀ꦠꦶ꧈ꦪꦺꦤ꧀ꦮꦂꦤꦤꦺꦱꦸꦤ꧀ꦮꦁ​ꦮꦁ꧈ꦭꦶꦂꦥꦂꦠꦠꦸꦩꦸꦫꦸꦤ꧀​ꦏꦸꦩꦺꦥꦾꦂ​ꦫꦲꦺꦴꦱ꧀ꦱꦶꦁꦩꦤꦃ꧈ꦩꦸꦭꦤꦶꦁꦱꦸꦤ꧀ꦏꦝꦁ​ꦭꦭꦶꦏꦝꦁ​ꦔꦶꦭꦶꦁ꧈ꦢꦢꦾꦱꦭꦶꦫꦭꦸꦥ꧈
꧄ꦮꦸꦱ꧀ꦩꦊꦧ꧀ꦧꦼꦠ꧀ꦮꦶꦱ꧀ꦩꦫꦸꦩ꧀ꦱꦫꦶ꧈​ꦲꦂꦱꦩꦶꦥꦶꦱ꧀ꦧꦸꦫꦠ꧀ꦥꦒꦒꦤ꧀ꦢꦤ꧀​ꦪꦸꦝꦲꦔꦼꦭꦩꦺꦴꦁ​ꦲꦫꦤꦺ꧈ꦲꦏꦼꦝꦶꦏ꧀​ꦫꦕꦶꦏ꧀ꦏꦶꦥꦸꦤ꧀​ꦩꦸꦁꦱꦼꦏꦮꦤ꧀ꦤꦿꦕꦶꦏꦤ꧀ꦤꦺꦏꦶ꧈ꦥꦭꦭꦤ꧀ꦠꦼꦩꦸꦭꦮꦏ꧀​ꦲꦸꦤꦼꦩ꧀ꦢꦠꦤ꧀ꦏꦤ꧀ꦠꦸꦤ꧀​ꦥꦸꦕꦸꦏ꧀ꦢꦠꦤ꧀ꦏꦭꦶꦤ꧀ꦠꦁ​ꦔꦤ꧀​ꦏꦮꦿꦸꦃ​ꦲꦤ​ꦮꦂꦤꦤ꧀ꦤꦺ​ꦒꦺꦴꦤ꧀ꦢꦮꦼꦮꦁ​ꦔꦷꦲꦶꦏꦸꦤꦱ꧀ꦠꦶꦠꦺꦏ꧀ꦏꦼꦤ꧀ꦤ꧈
꧄ꦮꦺꦴꦤ꧀ꦠꦼꦤ꧀ꦩꦭꦶꦲ꧀ꦮꦱ꧀ꦠꦤ꧀ꦤꦺꦮꦼꦮꦁ​ꦔꦶ꧈ꦧꦸꦧꦸꦫꦠꦤ꧀ꦮꦁꦔꦶꦠꦸꦂ​ꦥꦿꦪꦺꦴꦒꦧꦭꦶꦧꦂꦩꦁꦒꦶꦱ꧀ꦮꦱ꧀ꦠꦤ꧀ꦤꦺ꧈ꦲꦏꦛꦃ​ꦫꦕꦶꦏ꧀ꦏꦶꦥꦸꦤ꧀​ꦠꦼꦩꦸꦒꦶꦫꦶꦁ​ꦭꦩ꧀ꦥꦸꦪꦁ​ꦮꦁ​ꦔꦶ꧈ꦕꦼꦤ꧀ꦝꦤꦢꦱ꧀ꦏꦮꦸꦂꦫꦾꦤ꧀​ꦥꦸꦭꦱꦫꦶꦏꦼꦤ꧀ꦕꦸꦂ꧈ꦗꦶꦠꦼꦚ꧀ꦕꦼꦁꦏꦺꦃ​ꦏꦗꦼꦁꦠꦶꦤ꧀ꦗ​ꦗꦼꦫꦸꦏ꧀ꦥꦸꦫꦸꦠ꧀​ꦕꦼꦤ꧀ꦝꦤꦠꦼꦏꦶꦩꦼꦱꦸꦪꦶ꧈ꦭꦔꦺꦴꦝꦺꦴꦁꦒꦺꦴꦤ꧀ꦢ꧀ꦥꦸꦫ꧈
꧄ꦲꦶꦁ​ꦔꦸꦏꦸꦥ꧀ꦥꦤ꧀ꦭꦮꦔꦼꦝꦶꦱ꧀ꦲꦧꦿꦶꦠ꧀​ꦧꦤ꧀ꦚꦺꦴꦤ꧀ꦤꦤ​ꦭꦤ꧀ꦤ꧀ꦲꦶꦂꦏꦸꦏꦸꦩ꧀ꦩꦤ꧀​ꦏꦸꦤ꧀ꦕꦶꦤꦺꦢꦺꦤ꧀ꦧꦼꦤꦼꦩ꧀ꦧꦲꦺ꧈ꦕꦼꦩ꧀ꦥꦏꦢꦠꦤ꧀ꦏꦤ꧀ꦠꦸꦤ꧀​ꦥꦤ꧀ꦥꦶꦤꦁ​ꦒꦁꦱꦼꦏꦂ​ꦫꦺꦝꦶꦩꦶꦤ꧀​ꦧꦶꦤꦼꦤꦼꦩ꧀ꦏꦁꦱꦥꦶꦤ꧀ꦝꦃ꧈​ꦥꦶꦤꦶꦥꦶꦱ꧀ꦢꦺꦤ꧀ꦊꦩ꧀ꦧꦸꦠ꧀​​ꦏꦗꦼꦁꦒꦱ꧀ꦠꦸꦫꦶ​ꦫꦮꦁ​ꦚ꧈​ꦏꦮꦿꦸꦃ​ꦲꦤ꧈ꦫꦕꦶꦏ꧀ꦏꦺꦧꦭꦶꦧꦂ​ꦩꦁꦒꦶꦱ꧀​ꦲꦶꦏꦸꦤꦱ꧀ꦠꦶꦠꦺꦏ꧀ꦏꦼꦤ꧀ꦤ꧈
꧄ꦯꦯꦩ꧀ꦥꦸꦤꦶꦁꦤꦶ​ꦢꦺꦮꦶ​ꦫꦸꦩ꧀ꦱꦫꦶ꧈​ꦲꦉꦫꦕꦶꦏ꧀​ꦧꦸꦫꦠ꧀ꦏꦁ​ꦔꦸꦠꦩ꧈​ꦕꦼꦕꦝꦁꦩꦫꦁ​ꦮꦁꦱꦤ꧀ꦤꦺ꧈​ꦢꦺꦤ꧀ꦤꦶꦁ​ꦮꦸꦭꦤ꧀ꦗꦂꦏꦶꦢꦸꦭ꧀​ꦱꦏꦶꦁꦥꦮꦺꦴꦤ꧀ꦥꦝꦠꦸꦠ꧀ꦮꦶꦁꦏꦶꦁ꧈​ꦩꦊꦧꦼꦠ꧀ꦝꦠꦼꦁ​ꦮꦶꦱ꧀ꦩꦱꦩꦾ​ꦩꦉꦏ꧀ꦭꦸꦁꦒꦸꦃ​ꦤꦶꦥ [ f.16r ]ꦫꦮꦤ꧀ꦲꦤꦸꦠ꧀ꦮꦸꦠꦠ꧀​ꦱꦩꦾꦩꦉꦏꦤꦺꦁꦥꦒꦼꦭꦂ​ꦫꦤ꧀ꦭꦶꦁꦒꦶꦃ​꧈​ꦫꦸꦩ꧀ꦱꦫꦶꦲꦫꦶꦱ꧀ꦩꦗꦂ꧈
꧄ꦮꦸꦱ꧀ꦥꦭꦱ꧀ꦛꦱꦼꦱꦗꦺꦤ꧀ꦤꦺꦲꦱꦿꦶ꧈​ꦤꦶ​ꦮꦸꦭꦤ꧀ꦗꦂꦩꦸꦮꦸꦱ꧀ꦩꦼꦭꦱ꧀ꦲꦂꦱ꧈​ꦱꦩ꧀ꦥꦸꦤ꧀ꦱꦸꦩꦲꦺꦴꦱ꧀ꦱꦏꦧꦺꦃ꧈ꦤꦶꦥꦼꦂ​ꦫꦮꦤ꧀ꦲꦩꦸꦮꦸꦱ꧀​ꦝꦸꦃꦏꦮꦸꦭꦠꦏꦺꦤ꧀ꦱ​ꦪꦏ꧀ꦠꦶ​ꦩꦂꦒꦥꦸꦤꦥꦢꦶꦏꦲꦶꦁ​ꦫꦫꦺꦏꦁ​ꦫꦮꦸꦃ꧈​ꦢꦺꦤ꧀ꦤꦶꦁ​ꦮꦂꦤ​ꦤ꧀ꦤꦺꦭꦶꦂ​ꦥꦂꦠ꧈​ꦤꦶ​ꦫꦸꦩ꧀ꦱꦫꦶꦲꦫꦶꦱ꧀ꦢꦺꦤ꧀ꦤꦶꦫꦤꦲꦸꦫꦶꦱꦢꦸꦭꦸꦂꦩꦶꦩꦶꦱꦤ꧀ꦤ​ꦤ꧀
꧄ꦲꦶꦁꦥꦶꦱꦃ​ꦲꦺꦲꦶꦁꦱꦸꦤ꧀ꦱꦺꦗꦺꦤ꧀ꦤꦿꦒꦶꦥꦪꦺꦴ​ꦪꦪꦶ​ꦲꦠꦶꦭꦶꦏ꧀ꦱꦶꦫꦩꦏꦮꦂꦠꦩꦠꦶ​ꦲꦸꦗꦂ​ꦫꦺꦤꦶ​ꦮꦸꦭꦤ꧀ꦗꦂ​ꦲꦩꦸꦮꦸꦱ꧀​ꦲꦶꦁꦏꦁ​ꦱꦼꦥꦸꦃ​ꦥꦸꦤꦶꦏ​ꦥꦸꦤ꧀ꦢꦶ꧈​ꦮꦼꦂꦤꦤꦺꦏꦪ​ꦏꦺꦩ꧀ꦧꦂꦥꦝ​ꦧꦒꦸꦱ꧀ꦧꦒꦸꦱ꧀​ꦠꦤ꧀ꦤ​ꦤ​ꦲꦶꦁꦏꦁꦏꦕꦶꦮ​ꦤꦶ​ꦫꦸꦩ꧀ꦱꦫꦶ​ꦮꦸꦮꦸꦱ꧀ꦱꦺ​ꦲꦫꦸꦩ꧀ꦲꦩꦤꦶꦱ꧀​ꦮꦠꦼꦏ꧀ꦱꦧꦺꦧꦺꦠ꧀ꦠꦶꦫ꧈
꧄ꦤꦶꦮꦸꦭꦤ꧀ꦗꦫꦁ​ꦔ꧀ꦭꦶꦔꦱꦶꦃ​ꦲꦱꦶꦃ​ꦏꦸꦭꦔꦺꦔꦺꦂ​ꦲꦶꦁ​ꦩꦫꦶꦏꦶ​ꦥꦶꦱꦤ꧀​ꦗꦸꦫꦸ​ꦢꦁ​ꦔꦺꦱꦸꦏ꧀ꦱꦸꦫꦺ꧈​ꦱꦸꦤ꧀ꦱꦼꦱꦩ꧀ꦧꦶꦲꦤ꧀ꦤꦸꦠꦸ꧈ꦤꦶꦥꦫꦮꦤ꧀ꦲꦭꦺꦴꦤ꧀ꦤ꧀ꦲꦸꦫꦶ꧈​ꦚꦲꦶ​ꦮꦺꦴꦁꦱꦲꦤ꧀ꦢꦶꦏ꧈ꦱꦸꦤ꧀ꦭꦩꦂ​ꦲꦶꦁꦧꦺꦱꦸꦏ꧀​ꦏꦁ​ꦔꦤꦺꦴꦩ꧀ꦩꦶꦮꦃ​ꦏꦁ​ꦠꦸꦮ꧈ꦝꦶ​ꦔꦃ​ꦲꦤꦺ​ꦲꦗ​ꦭꦶꦪ​ꦤ꧀ꦏꦁ​ꦢꦸꦮꦺꦤ꧀ꦤꦶ꧈ꦱꦸꦤ꧀ꦠꦸꦏꦸꦏꦤꦺꦱ꧀ꦏꦫ꧈
꧄ꦤꦶ​ꦫꦸꦩ꧀ꦱꦫꦶ​ꦱꦲꦸꦫꦺ​ꦲꦩꦤꦶꦤ꧀​ꦲꦺꦴꦫꦫꦧꦶꦏꦧꦺꦃꦱꦤꦏ꧀ꦏꦶꦁ​ꦮꦁ꧈​ꦪꦺꦤ꧀ꦢꦸꦫꦸꦁ​ꦭꦏꦶꦱꦤꦏ꧀ꦏꦺ꧈​ꦮꦠꦼꦏ꧀ꦱꦧꦺꦧꦺꦠ꧀ꦠꦶꦁꦱꦸꦤ꧀​ꦱꦥ​ꦠꦸꦮꦲꦭꦏꦶ​ꦝꦶꦔꦶꦤ꧀​ꦤꦶ​ꦮꦸꦭꦤ꧀ꦗꦂ​ꦲꦔꦸꦕꦥ꧀​ꦢꦂꦩꦤ꧀ꦤꦺ​ꦏꦁ​ꦔꦤ꧀ꦠꦸꦏ꧀​ꦠꦤ꧀ꦏꦠꦫ​ꦮꦸꦮꦸꦱ꧀ꦱꦶꦫ​ꦏꦶꦭꦸꦧꦩꦮ​ꦲꦸ​ꦩꦤ꧀ꦠꦸꦏ꧀ꦱꦏꦶꦁꦩꦱ꧀ꦗꦶꦢ꧀​ꦢꦺꦤ꧀ꦲꦶꦫꦶꦁ​ꦱꦤ꧀ꦠꦿꦶ​ꦥꦥꦠ꧀​
꧄​ꦏꦶꦭꦸꦧꦩ​ꦲꦔꦸꦲꦶꦁꦱꦶꦮꦶ​ꦤꦶꦫꦸꦩ꧀ꦱꦫꦶ​ꦲꦼꦤ꧀ꦢꦶꦱꦏꦤ꧀ꦏꦶꦫ꧈​ꦥꦝ​ꦩꦿꦶꦁꦔꦼꦤ꧀ꦢꦶꦥ [ f.16v ]ꦫꦤ꧀ꦤꦺ꧈​ꦤꦶ​ꦫꦸꦩ꧀ꦱꦫꦶ​ꦱꦸꦩꦲꦸꦂ꧈ꦢꦶꦮꦼꦏ꧀ꦱꦶꦫꦩ꧀ꦮꦲꦸ​ꦩꦿꦶꦁ​ꦧꦺꦗꦶ꧈​ꦏꦮꦸꦭ​ꦩꦶꦥꦶꦱ꧀ꦮꦶꦢ꧈​ꦭꦸꦧꦩ​ꦲꦩꦸꦮꦸꦱ꧀​ꦧꦧꦺꦴꦮꦸꦱ꧀ꦢꦲꦸꦏꦠ꧀ꦠꦶꦫ꧈​ꦲꦸꦭꦶꦃꦱꦤꦏ꧀​ꦮꦼꦂꦤꦤꦺꦲꦤꦺꦴꦩ꧀ꦲꦥꦼꦏꦶꦏ꧀​ꦲꦶꦁꦏꦁꦲꦶꦁ​ꦔꦸꦕꦥ꧀ꦥꦿꦥ꧀ꦠ꧈​
꧄ꦲꦶꦁꦏꦁ​ꦩꦼꦤ꧀ꦠꦱ꧀ꦲꦱꦶꦫꦤ꧀ꦲꦶꦁꦧꦺꦗꦶ꧈ꦫꦫꦺꦠꦶꦒ​ꦱꦩ꧀ꦥꦸꦤꦭꦶꦁꦒꦶꦃ​ꦱꦩꦾ꧈​ꦭꦸꦧꦩꦱꦸꦏ​ꦲꦶꦁ​ꦠꦾꦱ꧀ꦱꦺ꧈​ꦫꦸꦩ꧀ꦱꦫꦶꦤꦸꦭꦾꦩꦠꦸꦂ꧈​ꦲꦠꦸꦂ​ꦧꦸꦫꦠ꧀ꦥꦿꦥ꧀ꦠꦲꦭꦶꦁꦒꦶꦃ​ꦠꦤ꧀ꦤꦫꦱꦫꦸꦩꦱ꧈​ꦥꦱꦗ​ꦲꦩꦸꦮꦸꦱ꧀​​ꦪꦪꦶꦥꦝꦧꦧꦸꦫꦠ꧀ꦠ꧈​ꦫꦫꦺꦠꦶꦒꦩꦠꦸꦂ​ꦱꦼꦥ꧀ꦢꦤ꧀ꦤꦺꦲꦩꦤꦶꦱ꧀​ꦏꦁꦔꦼꦩ꧀ꦧꦺꦴꦏ꧀ꦮꦸꦱ꧀ꦏꦠꦼꦝ꧈
꧄ꦏꦶ​ꦭꦸꦧꦩ​ꦮꦸꦮꦸꦱ꧀ꦱꦶꦁꦲꦩꦤꦶꦱ꧀​ꦲꦗꦏꦼꦩ꧀ꦧ​ꦲꦶꦏꦸꦱꦤ꧀ꦤꦏ꧀ꦏꦶꦫ꧈​ꦲꦗ​ꦱꦸꦩꦼꦭꦁ​ꦲꦠꦶꦤ꧀ꦤꦺ꧈​ꦕꦶꦤꦤ꧀ꦝꦏ꧀ꦲꦱ꧀ꦠꦤ꧀ꦤꦶꦥꦸꦤ꧀​ꦧꦶꦤꦸꦫꦠ꧀ꦠꦤ꧀ꦮꦂꦒꦤ꧀ꦤꦺꦱꦩꦶ꧈​ꦠꦸꦩꦸꦏꦸꦭ꧀ꦠꦸꦂꦥꦱꦗꦏꦠꦶꦒꦤ꧀ꦤꦺꦱꦩ꧀ꦥꦸꦤ꧀​ꦮꦸꦱ꧀ꦥꦭꦱ꧀ꦛꦧꦶꦤꦸꦫꦠ꧀ꦠꦤ꧀​ꦱꦏꦠꦶꦒ​ꦲꦫꦶꦤꦺ​ꦠꦤ꧀ꦱꦃꦢꦺꦤ꧀ꦭꦶꦫꦶꦁ꧈ꦢꦺꦤ꧀ꦤꦶꦁ​ꦢꦺꦮꦶ​ꦫꦸꦩ꧀ꦱꦼꦏꦂ꧈
꧄ꦱꦱꦩ꧀ꦥꦸꦤ꧀ꦤꦶꦁ​ꦧꦶꦤꦸꦫꦠ꧀ꦢꦤ꧀ꦱꦩꦶꦤꦸꦭꦾ​ꦩꦼꦢꦭ꧀​ꦲꦶꦁꦏꦁ​ꦥꦸꦥꦸꦤ꧀ꦝꦸꦠ꧀ꦠꦤ꧀​ꦱꦏ꧀ꦱꦤꦲꦝꦲꦂ​ꦏꦧꦺꦃꦥꦤ꧀ꦗꦁꦒꦺꦴꦂ​ꦫꦶꦗꦁ​ꦔꦶꦥꦸꦤ꧀​ꦤꦶ​ꦫꦸꦩ꧀ꦱꦫꦶ​ꦏꦁꦩꦼꦩꦤꦶꦱ꧀ꦱꦶ꧈​ꦮꦸꦭꦤ꧀ꦗꦂꦔꦼꦔꦲꦼꦠ꧀ꦲꦸꦭꦩ꧀​ꦱꦩꦾ​ꦝꦲꦂ​ꦱꦩ꧀ꦥꦸꦤ꧀​ꦕꦫꦶꦏ꧀ꦏꦤ꧀ꦮꦸꦱ꧀ꦲꦶꦁ​ꦔꦩ꧀ꦧꦶꦭ꧀ꦭꦤ꧀ꦱꦶꦤꦸꦁ​ꦔꦏꦼꦤꦶꦁꦗꦮꦶꦱꦤ꧀ꦠꦿꦶꦤꦺꦫꦺꦏꦶ꧈​ꦫꦩꦺꦝꦲꦂꦕꦫꦶꦏ꧀ꦏꦤ꧀​
꧄ꦏꦶ​ꦭꦸꦧꦩ​ꦭꦶꦁ​ꦔꦶꦫ​ꦲꦩꦤꦶꦱ꧀​ꦲꦤꦏ꧀ꦏꦶꦁꦱꦸꦤ꧀​ꦥꦝꦲꦱꦫꦺꦪ​ꦲꦤꦸꦭꦾ​ꦥꦝꦲꦱꦫꦺ​꧈ꦲ꧀ꦤꦼꦁꦔꦼꦤ꧀ꦤ​ꦮꦶꦤꦸꦮꦸꦱ꧀​ꦲꦤꦺꦁ​ꦝꦸꦏꦸꦃꦱꦩ꧀ꦥꦸꦤ꧀ꦲꦭꦩꦶ꧈​ꦮꦸꦱ꧀ꦮꦪꦃꦱꦥꦿꦗ꧈ꦏꦠꦤ꧀ꦱꦃ​ꦥꦶꦤꦸꦥꦸꦗꦸ꧈​ꦱꦩ꧀ꦥꦸꦤ꧀ꦤ​ꦤ꧀ꦠꦸꦏ꧀ꦠꦶꦒꦁ​ꦮꦂꦱꦭꦩ꧀ꦩꦶꦤ꧀ꦤꦶꦥꦸꦤ꧀​ꦢꦮꦲꦼꦏ꧀ꦱꦶꦤꦭꦶꦤꦤ꧀ꦒꦼꦤ꧀ꦝꦶꦁ꧈​ꦲꦥꦤ꧀ꦠꦶꦤꦼꦩ꧀ꦧꦁꦢꦸꦂꦩ꧉
꧄ [ f.17r ]ꦲ꧀ꦤꦼꦁꦤꦼꦤ꧀ꦤꦲꦶꦁ​ꦩꦁꦏꦺ​ꦥꦼꦏꦶꦂ​ꦭꦸꦧꦩ꧈​ꦭꦮꦤ꧀ꦤꦿ​ꦢꦺꦤ꧀ꦥꦸꦤꦶꦏꦶ꧈ꦏꦕꦥ꧀ꦥ​ꦱꦁ​ꦤꦠ꧈​ꦲꦶꦁ​ꦔꦠꦱ꧀ꦲꦸꦭꦸ​ꦲꦶꦏ​ꦤꦼꦁꦒꦶꦃ​ꦮꦱ꧀ꦠꦤ꧀ꦤꦺ​ꦤꦼꦒꦫꦶꦧꦭꦤ꧀ꦤꦺꦲꦶꦱ꧀ꦭꦩ꧀​ꦤꦁ​ꦔꦶꦁ​ꦫꦠꦸꦤꦺ​ꦏꦥꦶꦂ
꧄ꦏꦭꦶꦃ​ꦥꦠꦶꦃ​ꦲꦶꦏꦸꦫꦠꦸ​ꦲꦤꦼꦤꦼꦏ꧈​ꦤꦁ​ꦔꦶꦁꦥꦿꦏꦺꦴꦱꦲꦺꦁ​ꦗꦸꦫꦶꦠ꧀​ꦮꦤ꧀ꦕꦶꦝꦮꦸꦃ​ꦠꦶꦒ꧈ꦱꦿꦶ​ꦤꦭꦺꦤ꧀ꦢꦿ​ꦱꦶꦤꦺꦴꦮꦤ꧀​ꦥꦶꦤꦉꦏ꧀ꦲꦤꦺꦁ​ꦱꦶꦠꦶꦒꦶꦭ꧀​ꦥꦼꦥꦼꦏ꧀ꦱꦢꦪ꧈ꦱꦤ꧀ꦠꦤꦭꦮꦤ꧀ꦩꦤ꧀ꦠꦿꦶ
꧄ꦲꦤꦺꦁꦔꦂꦱ​ꦮꦶꦫꦩꦤ꧀ꦠꦿꦶꦤꦶꦁꦤꦼꦒꦫ​ꦉꦏꦾ​ꦥꦠꦶꦃ​ꦲꦶꦤ꧀ꦢꦿꦧꦸꦩꦶ꧈ꦱꦁ​ꦤꦠ​ꦔꦤ꧀ꦢꦶꦏ꧈​ꦲꦺꦃ​ꦥꦠꦶꦃ​ꦭꦃ​ꦩꦁꦱꦲ​ꦲꦶꦁ​ꦔꦂꦱꦤꦶꦁ​ꦔꦺꦴꦁ​ꦢꦺꦤ꧀ꦲꦒ꧀ꦭꦶꦱ꧀​ꦥꦠꦶꦃ​ꦮꦺꦴꦠ꧀ꦱꦼꦏꦂ꧈ꦱꦁ​ꦤꦠ​ꦤꦸꦭꦾ​ꦲꦔ꧀ꦭꦶꦁ

[ f.17v ]
꧄ ꦏꦏꦁ​ꦥꦠꦶꦃ​ꦲꦶꦁꦱꦸꦤ꧀ꦢꦭꦸ​ꦲꦱꦸꦥꦼꦤ꧀ꦤ꧈ꦲꦥ​ꦮꦃ​ꦲꦤ꧀ꦤꦤ꧀ꦤꦺꦏꦶ꧈​ꦲꦤꦶꦔꦭ꧀ꦭꦶ​ꦠꦺꦗ꧈​ꦥꦿꦤꦃ​ꦲꦺ​ꦲꦶꦁ​ꦭꦺꦂ​ꦮꦺꦠꦤ꧀​ꦔꦢꦼꦏ꧀ꦩꦝꦁ​ꦔꦶ​ꦱꦧꦸꦩꦶ꧈​ꦠꦺꦗ​ꦠꦶꦠꦶꦒ​ꦥꦝ​ꦲꦒꦼꦁ​ꦲ​ꦲꦶꦁꦒꦶꦭ꧀
꧄ ​ꦠꦺꦗ​ꦲꦶꦏꦸꦲꦶꦁ​ꦩꦸꦭ​ꦏꦢꦾ​ꦢꦶꦤꦭꦃ​ꦠꦼꦏ​ꦲꦁ​ꦔ꧀ꦭꦺꦤ꧀ꦠꦧ꧀ꦩꦩꦶ꧈​ꦲꦶꦁ​ꦏꦼꦝꦠꦺꦴꦤ꧀ꦤꦶꦁ​ꦮꦁ꧈​ꦩꦸꦫꦸꦧ꧀ꦲꦏꦠꦂ​ꦏꦠꦂ​ꦲꦸꦩꦃ​ꦲꦶꦁꦱꦸꦤ꧀ꦏꦧꦺꦃ​ꦲꦼꦤ꧀ꦠꦶꦁ꧈​ꦒꦭꦏ꧀ꦏꦁ​ꦠꦺꦗ꧈ꦠꦼꦏꦲꦧꦸꦫꦸꦩꦩꦶ
꧄ ꦲꦶꦁꦱꦸꦤ꧀ꦩꦭꦃ​ꦩꦼꦭꦪꦸ​ꦏꦫꦁꦏꦁ​ꦫꦁꦏꦁ​꧈​ꦲꦔꦸꦁꦱꦶꦢꦺꦤ꧀ꦠꦸꦠꦸꦠꦶꦢꦺꦤ꧀ꦤꦶꦁ​ꦠꦺꦗꦲꦶꦏ꧈​ꦲꦶꦁꦱꦸꦤ꧀ꦏꦼꦧꦾꦸꦂ​ꦫꦶꦁ​ꦠꦺꦴꦪ꧈​ꦏꦤ꧀ꦝꦼꦏ꧀ꦠꦺꦗ​ꦲꦔꦤ꧀ꦠꦺꦤ꧀ꦤꦶ꧈​ꦠꦤ꧀ꦢꦁ​ꦔꦸꦲꦶꦁ​ꦮꦁ꧈​ꦏꦒꦺꦠ꧀ꦠꦸꦩꦸꦭꦾꦠꦁ​ꦔꦶ
꧄ ꦠꦶꦒꦁꦢꦭꦸ​ꦱꦩꦁꦱꦤ꧀ꦤꦶꦁꦱꦸꦤ꧀ꦠꦸꦫꦸꦮ꧈​ꦲꦫꦠꦸꦮꦁꦱꦺꦴꦏ꧀ꦏꦺꦥꦶ꧈ꦲꦸꦫꦤꦤ​ꦭꦶꦪꦤ꧀​ꦏꦁꦏꦠꦺꦴꦤ꧀ꦲꦶꦁꦱꦸꦥꦼꦤ꧀ꦤ꧈​ꦠꦺꦗ​ꦏꦠꦺꦴꦤ꧀ꦱꦪ​ꦲꦶꦁꦒꦶꦭ꧀​ꦔꦭꦶꦃ​ꦲꦶꦁ​ꦥꦸꦫ꧈ꦩꦝꦁ​ꦔꦶꦮꦺꦴꦁꦱꦤꦼꦒꦿꦶ
꧄ ꦲꦶꦏꦸ​ꦥꦠꦶꦃꦔꦪ​ꦔꦥꦠ​ꦲꦶꦁ​ꦱꦶꦫ꧈​ꦮꦃ​ꦲꦤꦤ꧀ꦤꦺꦢꦺꦤ꧀ꦤꦒ꧀ꦭꦶꦱ꧀​ꦥꦠꦶꦃ​ꦲꦶꦤ꧀ꦢꦿꦏꦶꦱ꧀ꦩ꧈​ꦩꦠꦸꦂ​ꦱꦂꦲꦾ​ꦮꦺꦴꦠ꧀ꦱꦼꦏꦂ꧈​ꦱꦸꦏꦏꦶꦤ꧀ꦤꦼꦛꦺꦴꦏ꧀ꦏꦒꦸꦱ꧀ꦠꦶ꧈​ꦲꦤꦸꦲꦸꦤ꧀ꦢꦸꦏ​꧈ꦥꦸꦏꦸꦭꦸꦤ꧀ꦥꦢꦸꦏꦗꦶ
꧄ ꦲꦔꦤ꧀ꦢꦶꦏꦱꦁꦤꦠ​ꦱꦸꦤ꧀ꦏꦒꦮꦺꦴꦏ꧀ꦏꦤ꧀​ꦏꦁꦠꦺꦗꦏꦁꦤꦸꦭꦶꦢꦢꦶ꧈ꦫꦸꦥꦲꦼꦠꦺꦴꦁꦒ꧀ꦝꦃꦲꦤꦺꦁ​ꦏꦼꦝꦠꦺꦴꦤ꧀ꦤꦶꦁ​ꦮꦁ​꧈​ꦫꦸꦥꦤ꧀ꦤꦺꦲꦩꦕꦮꦂꦤꦶ꧈ꦲꦩ꧀ꦧꦸꦤ꧀ꦤꦺꦲꦶꦏ꧈ꦲꦤꦧꦁꦕꦶꦤ꧀ꦭꦤ꧀ꦮꦁ​ꦔꦶ꧈
꧄ ꦫꦸꦥ​ꦠꦲꦶ​ꦲꦤꦏꦁ​ꦫꦸꦥꦧꦼꦧꦛꦁ꧈​ꦧꦁꦒꦶ​ꦧꦁꦒꦶ​ꦏꦁ​ꦮꦂꦤꦶ꧈​ꦲꦤꦩꦢꦸꦏꦶꦭꦁ꧈​ꦏꦁ​ꦫꦸꦥꦏꦏꦼꦩ꧀ꦧꦁ​ꦔꦤ꧀​ꦕꦤ꧀ꦝꦤꦒꦫꦸꦒꦱ꧀ꦠꦾꦫꦶ꧈​ꦭꦃꦲꦂꦠꦺꦤ꧀ꦤ​ꦤꦢꦺꦤ꧀ꦤꦶꦫꦏꦁ​ꦥꦠꦶꦃ
꧄ ꦏꦾꦤꦥꦠꦶꦃ​ꦲꦱꦿꦸ​ꦲꦶꦁ​ꦥꦤꦸꦲꦸꦤ꧀ꦤꦶꦫ꧈​ꦠꦸꦒꦼꦭ꧀ꦭꦺ​ꦗꦺꦴꦁꦒ​ꦩꦩꦶ꧈​ꦒꦸꦱ꧀ꦠꦶꦠꦤ꧀ꦊꦁ​ꦒꦤ꧈​ꦥꦠꦶꦏ꧀ꦧꦼꦛꦫꦕꦧꦂ​ꦏꦭꦶꦤ꧀ꦠꦁ​ [ f.18r ]ꦧꦺꦴꦠꦼꦤ꧀ꦒꦢꦸꦒꦶ꧈​ꦲꦔꦂꦠꦺꦴꦱ꧀ꦱꦤ꧈​ꦲꦶꦁꦱꦸꦥꦼꦤ꧀ꦤꦤꦼꦂꦥꦠꦶ
꧄ ꦲꦔꦤ꧀ꦢꦶꦏꦱꦁ​ꦤꦠ​ꦲꦱꦼꦩꦸꦢꦸꦏ꧈​ꦝꦠꦼꦁ​ꦥꦫꦧꦸꦥꦠꦶ꧈​ꦩꦼꦤꦮꦤ​ꦧꦶꦱ꧈​ꦲꦁ​ꦔꦂꦠꦺꦤ꧀ꦤꦶ​ꦱꦸꦥꦼꦤ꧀ꦤ꧈​ꦱꦢꦪ​ꦲꦱꦲꦸꦂꦥꦏ꧀ꦱꦶ꧈ꦱꦉꦁꦲꦤꦼꦩ꧀ꦧꦃ​ꦲꦶꦁꦒꦶꦃ​ꦧꦺꦴꦠꦼꦤ꧀ꦲꦢꦸꦒꦶ
꧄ ꦱꦏꦾꦺꦃꦲꦶꦁ​ꦮꦺꦴꦁ​ꦱꦶꦫ​ꦩꦼꦤ꧀ꦤꦮꦤꦧꦶꦱꦲꦗ​ꦔꦤ꧀ꦠꦶꦠꦶꦤꦫꦶꦱꦼꦢꦪꦩꦠꦸꦂ​ꦫ꧈​ꦱꦥ​ꦱꦺꦧ​ꦤ꧀ꦲꦤꦼꦩ꧀ꦧꦃꦱꦩꦾ​ꦲꦠꦸꦂ​ꦥꦠꦶ​ꦲꦸꦫꦶꦥ꧀​ꦫꦥꦼꦠꦶꦁꦏꦶꦱ꧀ꦩ꧈​ꦮꦼꦢꦤ꧀ꦤꦤꦺ​ꦮꦢꦾꦭꦶꦠ꧀​
꧄ ꦭꦁꦏꦸꦁꦢꦸꦏꦮꦲꦸ​ꦱꦿꦶꦤꦭꦺꦤ꧀ꦢꦿꦲꦶꦏ꧈​ꦝꦠꦼꦔꦽꦏꦾꦤꦥꦠꦶꦃ​ꦱꦶꦫ​ꦲꦭꦸꦔꦲ꧈​ꦲꦗꦠꦏꦼꦭꦪꦠ꧀ꦠꦤ꧀​ꦲꦔꦸꦭꦠ꧀ꦠ​ꦤꦏꦁꦧꦁꦏꦶꦠ꧀​ꦠꦧꦶꦠ꧀ꦮꦱ꧀ꦥꦢ꧈​ꦥꦕꦸꦮꦤ꧀ꦲꦗꦩꦸꦭꦶꦃ
꧄ ꦪꦺꦤ꧀ꦤꦢꦸꦫꦸꦁ​ꦲꦭꦺꦃ​ꦏꦁꦧꦶꦱ​ꦲꦧꦠꦁ꧈​ꦏꦁ​ꦥꦠꦶꦃ​ꦱꦸꦤ꧀ꦥꦠꦺꦤ꧀ꦤꦶꦢꦺꦤ꧀ꦤꦺꦁꦒꦭ꧀ꦩꦶꦪꦁꦔ꧈​ꦏꦶ​ꦥꦠꦶꦃ​ꦱꦶꦒꦿꦤꦼꦩ꧀ꦧꦃ​ꦮꦸꦱ꧀ꦲꦩꦶꦠ꧀ꦠꦸꦩꦸꦭꦾꦩꦶꦗꦶꦭ꧀​ꦭꦩ꧀ꦥꦃꦲꦺꦱꦶꦒꦿ​ꦉꦏꦾꦤ​ꦥꦠꦶꦃ​
꧄ ꦱꦩ꧀ꦥꦸꦤ꧀ꦩꦼꦢꦭ꧀ꦱꦗꦮꦶꦤꦶꦁꦒꦼꦭꦺꦝꦺꦒ꧀ꦒꦤ꧀​ꦏꦁꦠꦸꦩꦸꦠ꧀​ꦢꦺꦤ꧀ꦲꦩ꧀ꦥꦶꦂ​ꦫꦶ​꧈ꦏꦾꦤꦥꦠꦶꦃ​ꦱꦶꦫꦲꦤꦸꦭꦾ​ꦤꦶꦠꦶꦃ​ꦏꦸꦢ꧈​ꦲꦤꦼꦫꦥ꧀ꦏꦭꦶꦃꦥ꧀ꦏꦛꦶꦏ꧀​ꦲꦺꦁꦔꦲꦼꦠ꧀ꦠꦥꦠꦾ꧈​ꦩꦔꦶꦭꦺꦤ꧀ꦭꦩ꧀ꦥꦃ​ꦤꦺꦏꦶ
꧄ ꦮꦺꦴꦁꦱꦤ​ꦏ꧀ꦏꦺꦗꦶꦤꦸꦗꦸꦒ꧀ꦲꦶꦁ​ꦗꦮꦶꦏꦶꦛ꧈​ꦮꦱ꧀ꦠꦏꦶꦲꦸꦗꦸꦩ꧀ꦱꦶꦢꦶꦏ꧀​ꦠꦤ꧀ꦏꦮꦂꦤꦺꦁ​ꦤꦂꦒ꧈​ꦒꦤ꧀ꦕꦔ꧀ꦭꦩ꧀ꦥꦃꦲꦺ​ꦏꦸꦢ꧈​ꦮꦸꦱ꧀ꦥꦿꦥ꧀ꦠ​ꦏꦫꦁꦥꦩꦶꦁꦒꦶꦂ​꧈​ꦠꦤ꧀ꦢꦁ​ꦔꦸ​ꦥꦿꦥ꧀ꦠ​꧈​ꦮꦸꦱ꧀ꦕꦸꦩꦼꦝꦏ꧀ꦏꦶꦥꦠꦶꦃ​
꧄ ​ꦲꦸꦗꦸꦩ꧀ꦱꦶꦢꦶꦏ꧀ꦲꦫꦶꦱ꧀ꦢꦺꦤ꧀ꦤꦶꦫꦲꦠꦤ꧀ꦚ꧈​ꦧꦒꦺ​ꦪꦏꦾꦥꦠꦶꦃ​ꦱꦸꦤ꧀ꦧꦝꦺ​ꦠꦱꦶꦫ​ꦪ​ꦠ​ꦲꦶꦁ​ꦭꦏꦸꦤ꧀ꦤꦶꦫꦏꦪ​ꦲꦤ​ꦒꦮꦺ​ꦥꦠꦶ꧈ꦥꦠꦶꦃ​ꦢꦿꦧꦶꦱ꧀ꦩ꧈​ꦱꦲꦸꦂ​ꦫꦺꦲꦮꦺꦴꦂ​ꦠꦁ​ꦔꦶꦱ꧀​
꧄ ​ꦲꦶꦪ​ꦏꦏꦁ​ꦲꦸꦗꦸ [ f.18v ]ꦩ꧀ꦩꦸꦭꦤꦶꦁꦱꦸꦤ꧀ꦥꦿꦥ꧀ꦠ꧈​ꦲꦗꦸꦗꦸꦏ꧀ꦝꦠꦼꦁ​ꦔꦿꦶꦏꦶ꧈​ꦲꦶꦁ​ꦱꦸꦤ꧀ꦤꦺꦴꦫ​ꦥꦤ​ꦲꦤ꧀ꦗꦭꦸꦏ꧀ꦠꦸꦭꦸꦁ​ꦲꦶꦁ​ꦮꦁ​꧈​ꦏꦾꦥꦠꦶꦃ​ꦱꦶꦒꦿ​ꦧꦶꦧꦶꦱꦶꦏ꧀​ꦲꦸꦗꦸꦩ꧀ꦲꦔꦸꦕꦥ꧀​ꦭꦃ​ꦲꦶꦪꦏꦾꦲꦶꦥꦠꦶꦃ​
꧄ ꦲꦶꦁꦱꦸꦤ꧀ꦱꦁꦒꦸꦥ꧀ꦲꦔꦂꦠꦺꦤꦶꦲꦠꦸꦂ​ꦉꦤ꧀ꦤ꧈​ꦩꦫꦁ​ꦱꦿꦶꦤꦶꦫꦥꦠꦶ꧈ꦩꦤꦶꦫ​ꦮꦸꦱ꧀ꦮꦶꦏꦤ꧀ꦲꦶꦥꦺꦤꦶꦁ​ꦱꦿꦶ​ꦤꦭꦺꦤ꧀ꦢꦿ꧈​ꦤꦁ​ꦔꦶꦁ​ꦲꦶꦁꦱꦸꦤ꧀ꦲꦉꦥ꧀ꦗꦁꦗꦶ​ꦲꦶꦁ​ꦏꦁ​ꦱꦸꦤ꧀ꦠꦼꦝ꧈​ꦤꦼꦭꦩ꧀ꦩꦺꦱꦿꦶ​ꦧꦸꦥꦠꦶ
꧄ ꦭꦮꦤ꧀ꦱꦶꦫꦏꦶꦥꦠꦶꦃ​ꦥꦝ​ꦱꦼꦭꦩ꧀ꦩꦏꦾꦥꦠꦶꦃ​ꦲꦤꦲꦸꦂ​ꦫꦶ꧈ꦲꦶꦁꦒꦶꦃ​ꦠ​ꦭꦃ​ꦏꦏꦁ​ꦱꦩ꧀ꦥꦸꦤ꧀ꦠ​ꦏꦼꦭꦪꦠ꧀ꦠꦤ꧀​ꦠꦸꦩꦸꦭꦾ​ꦱꦩꦶ​ꦲꦤꦶꦠꦶꦃ​ꦏꦭꦶꦃ​ꦏꦸꦢ꧈​ꦏꦼꦭꦮꦤ꧀ꦲꦸꦗꦸꦩ꧀ꦱꦶꦢꦶꦏ꧀
꧄ ꦒꦼꦒꦤ꧀ꦕꦁꦔꦤ꧀ꦏꦶꦥꦠꦶꦃ​ꦲꦱꦼꦱꦤ꧀ꦢꦼꦂ​ꦫꦤ꧀​ꦏꦶ​ꦲꦸꦗꦸꦩ꧀ꦱꦶꦢꦶꦏ꧀ꦲꦶꦏꦶ꧈​ꦥꦿꦥ꧀ꦠꦤꦺ​ꦲꦶꦁ​ꦏꦶꦛ​꧈​ꦒꦂꦗꦶꦠ​ꦏꦛꦃ​ꦩꦸꦭꦠ꧀​ꦱꦥꦿꦥ꧀ꦠ​ꦤꦶꦫ​ꦏꦶꦥꦠꦶꦃ​꧈ꦏꦩ꧀ꦥꦃ​ꦏꦁ​ꦏꦸꦢ​꧈​ꦤꦺꦁ​ꦒꦼꦭꦺꦝꦺꦒ꧀ꦒꦤ꧀ꦗꦮꦶ
꧄ ꦱꦿꦶ​ꦤꦭꦺꦤ꧀ꦢꦿ​ꦲꦫꦶꦱ꧀ꦢꦺꦤ꧀ꦤꦶꦫꦔꦤ꧀ꦢꦶꦏ꧈​ꦲꦶꦁꦏꦺꦤꦺ​ꦥꦉꦏ꧀ꦩꦩꦶ꧈​ꦲꦒ꧀ꦭꦶꦱ꧀ꦲꦔꦤ꧀ꦢꦶꦏꦤ꧀​ꦥꦠꦶꦃ​ꦲꦶꦁ​ꦥꦤꦁ​ꦏꦶꦭ꧀ꦭꦤ꧀​ꦏꦭꦶꦪꦤ꧀ꦏꦶ​ꦲꦸꦗꦸꦩ꧀ꦱꦶꦢꦶꦏ꧀​ꦲꦩꦩꦼꦤ꧀ꦝꦥ꧀ꦥꦤ꧀​ꦥꦠꦶꦃ​ꦭꦤ꧀ꦲꦸꦗꦸꦁ​ꦱꦶꦢꦶꦏ꧀
꧄ ​ꦱꦿꦶ​ꦤꦭꦺꦤ꧀ꦢꦿ​ꦲꦶꦁꦔꦠꦱ꧀ꦲꦸꦭꦸꦔꦤ꧀ꦢꦶꦏ꧈​ꦝꦠꦼꦁ​ꦉꦏꦾꦤꦥꦠꦶꦃ꧈​ꦲꦸꦭꦶꦃ​ꦱꦶꦫ​ꦥꦠꦾ​ꦩꦫꦁ​ꦏꦁꦧꦶꦱꦚꦺꦛ꧈​ꦱꦏꦛꦃ​ꦲꦺꦲꦶꦥꦺꦤ꧀ꦩꦩꦶ꧈​ꦥꦠꦶꦃ​ꦠꦸꦂꦱꦼꦩ꧀ꦧꦃ꧈​ꦥꦸꦤꦶꦏ​ꦏꦁꦏꦥꦶꦫꦶꦁ
꧄ ꦏꦏꦁ​ꦥꦠꦶꦃ​ꦏꦶ​ꦲꦸꦗꦸꦩ꧀​ꦏꦺꦴꦤ꧀ꦩꦫꦁ​ꦔꦂꦱ꧈ꦩꦼꦁꦏꦺꦴ​ꦱꦸꦤ꧀ꦠꦼꦠꦏꦺꦴꦤ꧀ꦤꦶ꧈ꦏꦾꦥꦠꦶꦃ​ꦲꦔꦸꦕꦥ꧀​ꦏꦶ​ꦲꦸꦗꦸꦩ꧀ꦥꦼꦏꦼꦤ꧀ꦤꦶꦫ꧈​ꦲꦶꦁꦔꦤ꧀ꦢꦶꦏꦤ꧀ꦢꦺꦤꦶꦁꦒꦸꦱ꧀ꦠꦶ꧈​ꦩꦁꦱꦃ​ꦲꦶꦁ​ꦔꦂꦱ꧈​ꦮꦲꦸꦏꦶ [ f.19r ]ꦲꦸꦗꦸꦩ꧀ꦱꦶꦢꦶꦏ꧀​
꧄ ꦱꦿꦶ​ꦤꦭꦺꦤ꧀ꦢꦿꦫꦶꦱ꧀ꦢꦺꦤ꧀ꦤꦶꦫ​ꦔꦤ꧀ꦢꦶꦏ꧈​ꦲꦶ​ꦏꦺꦤꦺꦥꦉꦏ꧀ꦩꦩꦶ꧈​ꦲꦺꦃ​ꦏꦶ​ꦲꦸꦗꦸꦩ꧀ꦱꦶꦫ꧈​ꦧꦶꦱꦔꦂꦠꦶꦱꦸꦥꦼꦤ꧀ꦤ꧈​ꦏꦶ​ꦲꦸꦗꦸꦩ꧀ꦲꦠꦸꦂ​ꦫꦺꦲꦫꦶꦱ꧀​ꦲꦶꦁꦒꦶꦃ​ꦱꦁ​ꦤꦠ꧈​ꦏꦮꦸꦭꦲꦤꦁꦒꦸꦥ꧀ꦥꦶ
꧄ ꦤꦁ​ꦔꦶꦁ​ꦮꦺꦴꦤ꧀ꦠꦼꦤ꧀ꦏꦮꦸꦭꦠꦼꦝ​ꦱꦁ​ꦤꦠ꧈​ꦪꦺꦤ꧀ꦱꦩ꧀ꦥꦺꦪꦤ꧀ꦝꦠꦼꦁꦔꦶ꧈​ꦲꦱꦿꦸꦲꦔꦤ꧀ꦢꦶꦏ꧈​ꦩꦁꦏꦺꦱꦿꦶꦩꦫꦤꦠ​꧈​ꦲꦗ​ꦱꦶꦫ​ꦮꦭꦁ​ꦔꦠꦶ꧈​ꦱꦏꦉꦥ꧀ꦥꦶꦫꦩꦼꦁꦏꦺꦴꦲꦶꦁꦱꦸꦤ꧀ꦤꦼꦏꦤꦶ
꧄ ​ꦱꦏꦉꦩꦸꦩꦺꦴꦁꦱꦱꦸꦤ꧀ꦱꦸꦮꦭꦤ꧀ꦤꦤ꧈​ꦧꦝꦺꦤꦤ​ꦲꦶꦏꦸꦝꦶꦔꦶꦤ꧀​ꦲꦶꦁꦱꦸꦤ꧀ꦢꦼꦊꦁꦠꦺꦗ꧈​ꦥꦽꦤꦃ​ꦲꦺꦲꦼꦭꦺꦴꦂ​ꦮꦺꦠꦤ꧀​ꦲꦸꦗꦸꦩ꧀ꦱꦶꦢꦶꦏ꧀ꦩꦠꦸꦂ​ꦲꦫꦶꦱ꧀​ꦱꦩ꧀ꦥꦸꦤ꧀ꦢꦺꦤꦺ​ꦥꦗꦂ꧈​ꦏꦮꦸꦭꦔꦮꦶꦏꦤ꧀ꦤꦶ
꧄ ​ꦲꦶꦁꦱꦸꦥꦼꦤ꧀ꦤꦥꦢꦸꦏꦤꦶꦔꦭꦶꦠꦺꦗ꧈​ꦠꦶꦠꦶꦒ​ꦏꦁ​ꦏꦲꦺꦱꦶ꧈​ꦱꦏꦶꦁ​ꦔꦭꦺꦴꦂ​ꦮꦺꦠꦤ꧀​ꦱꦸꦩꦺꦴꦫꦺꦴꦠ꧀ꦝꦠꦼꦁ​ꦥꦸꦫ꧈​ꦏꦧꦂ​ꦱꦲꦶꦱꦶꦤꦶꦁ​ꦥꦸꦫꦶ꧈​ꦩꦭꦃ​ꦱꦁ​ꦤꦠ​ꦩꦼꦭꦗꦼꦁꦢꦺꦤ꧀ꦠꦸꦠꦸꦠꦶ
꧄ ꦱꦿꦶꦤꦭꦺꦤ꧀ꦢꦿꦩꦼꦭꦗꦼꦁꦏꦫꦁꦏꦁ​ꦫꦁꦏꦁ​ꦥꦢꦸꦏ​ꦏꦼꦧꦾꦸꦂ​ꦮꦫꦶꦃ​ꦩꦸꦫꦸꦥ꧀ꦭꦶꦂ​ꦢꦃ​ꦲꦤ꧈​​ꦠꦺꦗ​ꦔꦢꦼꦒꦶꦁ​ꦥꦸꦫ꧈​ꦲꦩꦝꦁꦔꦶꦮꦺꦴꦁ​ꦱꦧꦸꦩꦶ꧈​ꦢꦸꦏ꧀ꦲꦤꦺꦁꦏꦼꦢꦃ​ꦲꦶꦱꦶꦤꦶꦁꦩꦺꦴꦤ꧀ꦮꦂꦤꦶ
꧄ ꦫꦸꦥ​ꦠꦲꦶ​ꦲꦤꦏꦁ​ꦫꦸꦥ​ꦧꦛꦁ꧈​ꦲꦩ꧀ꦧꦸꦤꦺ​ꦩꦺꦴꦕꦮꦂꦤꦶ​꧈​ꦩꦩ꧀ꦧꦸꦏꦏꦼꦩ꧀ꦧꦁ​ꦔꦤ꧀​ꦲꦺꦂꦒꦸꦭꦺꦴꦭꦤ꧀ꦲꦺꦂꦩꦮꦂ꧈​ꦠꦤ꧀ꦤꦥꦶ​ꦒꦫꦸꦏꦱ꧀ꦠꦸꦫꦶ꧈​ꦒꦫꦸꦏꦊꦩ꧀ꦧꦏ꧀​ꦱꦮꦂꦤꦶꦤꦶꦁ​ꦏꦁ​ꦮꦁ​ꦔꦶ
꧄ ꦲꦔꦤ꧀ꦢꦶꦏ​ꦮꦲꦸ​ꦱꦁ​ꦱꦿꦶ​ꦤꦫꦢꦶꦥ꧈​ꦧꦼꦠꦸꦭ꧀ꦏꦠꦭꦸ​ꦲꦶꦤꦶ​ꦲꦶꦪꦲꦂꦠꦺꦤ꧀ꦤꦤ​꧈​ꦏꦥꦫꦺꦏꦼꦤ꧀ꦤꦶꦁ​ꦱꦶꦫ꧈​ꦲꦸꦗꦸꦩ꧀ꦱꦶꦢꦶꦏ꧀ꦩꦠꦸꦂ​ꦫꦫꦶꦱ꧀​ꦠꦺꦗ​ꦠꦶꦠꦶꦒ꧈​ꦗꦼꦤ꧀ꦤꦼꦁꦔꦶꦁ​ꦮꦺꦴꦁꦔꦧꦼꦕꦶꦏ꧀​
꧄ ​ꦤꦼꦁꦒꦶꦃ​ꦮꦺꦴꦤ꧀ꦠꦼꦤ꧀ꦤꦿꦫꦺꦠꦶꦠꦶꦒꦩꦺꦴꦭꦤ꧈​ꦱꦶꦤꦶꦪꦤ꧀ꦲꦶꦁ​ꦪꦁ​ꦮꦶꦢꦶ꧈ꦲꦸꦗꦂ​ꦫꦺ [ f.19v ]ꦥꦺꦠꦁ​ꦔꦤ꧀​ꦩꦁꦏꦺꦮꦸꦱ꧀ꦲꦤꦺꦁ​ꦢꦺꦱ꧈​ꦥꦩꦶꦁꦒꦶꦂꦠꦸꦮꦤ꧀ꦲꦶꦁ​ꦔꦿꦶꦏꦶ꧈ꦫꦫꦺꦥꦸꦤꦶꦏ꧈ꦏꦁ​ꦧꦝꦺ​ꦢꦢꦺꦴꦱ꧀ꦲꦗꦶ
꧄ ꦒꦶꦃ​ꦥꦸꦤꦶꦏꦪꦺꦤ꧀ꦝꦠꦼꦁ​ꦫꦃꦩꦠꦶꦁ​ꦔꦭ꧀ꦭꦃꦏꦁ​ꦲꦁꦒꦼꦕꦼꦏ꧀ꦤꦼꦒꦫꦶ꧈​ꦲꦁ​ꦔꦿꦸꦱꦏ꧀ꦥꦢꦸꦏ​ꦲꦶꦁꦏꦁ​ꦒꦼꦤ꧀ꦠꦺꦴꦱ꧀ꦱꦶꦤꦠ꧈​ꦲꦶꦁ​ꦔꦠꦱ꧀ꦱꦸꦭꦸꦤꦼꦒꦫꦶ꧈​ꦭꦁꦏꦸꦁ​ꦢꦶꦏ꧀ꦗꦪ꧈​ꦏꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁꦩꦸꦱꦸꦲꦶ
꧄ ꦧꦭꦺꦏ꧀ꦥꦶꦱꦤ꧀ꦮꦤ꧀ꦕꦶꦤ꧀ꦤꦺꦫꦫꦺ​ꦥꦸꦤꦶꦏ꧈​ꦢꦺꦤ꧀ꦤꦶꦁꦱꦼꦩꦸꦤꦺꦏꦸꦥꦶ꧈​ꦒꦼꦝꦃ​ꦲꦶꦱꦶꦒꦺꦴꦤ꧀ꦢ꧈ꦲ

ꦩꦶꦱ꧀ꦧꦱꦶꦤ꧀ꦥꦸꦤꦶꦏ꧈​ꦠꦼꦒꦼꦱꦺ​ꦱꦿꦶ​ꦤꦫꦥꦠꦶ꧈​ꦥꦤ꧀ꦤꦫꦶꦠꦸꦮꦤ꧀​ꦲꦮꦺꦴꦤ꧀ꦥꦼꦤꦼꦠ꧀ꦏꦥꦸꦱ꧀ꦛꦶ​
꧄ ꦥꦿꦤ꧀ꦢꦺꦤꦺꦥꦸꦤ꧀ꦏꦛꦃ​ꦫꦠꦸ​ꦲꦸꦭꦸꦧꦭꦁ​꧈​ꦲꦶꦁꦒꦶꦃ [ f.20r ]ꦧꦺꦴꦠꦼꦤ꧀ꦔꦸꦫꦸꦠꦶ꧈​ꦫꦫꦺꦏꦸꦏꦸꦮꦱ꧈​ꦭꦤ꧀ꦮꦸꦱ꧀ꦗꦁ​ꦗꦶꦤꦶꦁ​ꦔꦭ꧀ꦭꦃ꧈​ꦤꦼꦒꦫꦠꦸꦮꦤ꧀ꦲꦶꦁ​ꦔꦿꦶꦏꦶ꧈​ꦥꦱ꧀ꦛꦶ​ꦪꦺꦤ꧀ꦧꦸꦧꦂ꧈​ꦱꦗꦿꦺꦴꦤꦶꦁ​ꦠꦲꦸꦤꦶꦏꦶ
꧄ ꦒꦶꦃ​ꦥꦸꦤꦶꦏꦻꦁꦏꦁ​ꦩꦼꦤꦼꦁ​ꦤꦭꦺꦤ꧀ꦢꦿ꧈​ꦱꦲꦺꦁꦒ​ꦤꦸꦠꦼꦤ꧀ꦩꦠꦶ꧈​ꦲꦶꦁ​ꦯꦯꦶ​ꦥꦸꦤꦶꦏ꧈​ꦫꦫꦺ​ꦏꦁꦱꦏꦠꦶꦒ꧈​ꦩꦤꦮꦶ​ꦠꦤ꧀ꦠꦸꦭꦸꦱ꧀ꦒꦸꦱ꧀ꦠꦶ꧈​ꦫꦸꦱꦏ꧀ꦥꦢꦸꦏ꧈​ꦥꦸꦤꦶꦏ​ꦲꦠꦸꦂ​ꦩꦩ꧀ꦩꦶ
꧄ ​ꦲꦩꦸꦁꦱꦱꦶ​ꦥꦸꦤꦶꦏ​ꦥꦢꦸꦏ​ꦤꦠ꧈​ꦪꦺꦤ꧀ꦤꦂꦱ​ꦲꦔꦸꦁ​ꦏꦸꦭꦶ꧈​ꦲꦶꦁ​ꦫꦫꦺ​ꦥꦸꦤꦶꦏ​꧈​ꦪꦺꦤ꧀ꦲꦸꦒꦶ​ꦢꦠꦤ꧀ꦥꦼꦗꦃ꧈​ꦲꦶꦁ​ꦯꦯꦶ​ꦱꦥꦂ​ꦥꦸꦤꦶꦏꦶ​꧈​ꦔꦺꦤ꧀ꦗꦶꦁ​ꦱꦩ꧀ꦥꦺꦪꦤ꧀​ꦢꦠꦤ꧀ꦮꦺꦴꦤ꧀ꦠꦼꦤ꧀ꦏꦁ​ꦚꦁꦒꦶ
꧄ ꦏꦢꦾ​ꦢꦸꦏ​ꦲꦠꦸꦂ​ꦫꦺ​ꦝꦠꦼꦁ​ꦏꦁ​ꦤꦠ꧈​ꦮꦲꦸ​ꦏꦶꦲꦸꦗꦸꦩ꧀ꦱꦶꦢꦶꦏ꧀꧈​ꦪ​ꦠ​ꦱꦿꦶ​ꦤꦭꦺꦤ꧀ꦢꦿ꧈​ꦲꦩꦶꦪꦂꦱ​ꦩꦁꦏꦤ꧈​ꦧꦿꦩꦠꦾꦤ꧀ꦤꦶꦫ​ꦠꦤ꧀ꦱꦶꦥꦶ꧈​ꦮꦼꦢꦤꦲꦧꦁ꧈​ꦏꦢꦾ​ꦩꦼꦠꦸꦮ​ꦒꦼꦤ꧀ꦤꦶ
꧄ ꦱꦶꦒꦿ​ꦔꦸꦱ꧀ꦕꦸꦫꦶꦒ​ꦱꦿꦶ​ꦤꦫ​ꦤꦠ꧈​ꦩꦼꦂ​ꦫꦁ​ꦊꦁꦔꦼꦤ꧀ꦧꦿꦶꦧꦢꦶ꧈​ꦔꦸꦤ꧀ꦢꦼꦂ​ꦥꦸꦥꦸ​ꦏꦶꦮ꧈ꦲꦂ​ꦪ​ꦲꦱꦸꦩ꧀ꦧꦂ​ꦱꦸꦩ꧀ꦧꦂ​꧈​ꦭꦃ​ꦢꦼꦊꦁ​ꦔꦼꦤ꧀ꦲꦸꦗꦸꦩ꧀ꦱꦶꦢꦶꦏ꧀​ꦠꦺꦴꦠꦺꦴꦤ꧀ꦤꦼꦤ꧀ꦥꦝ꧈​ꦏꦱ​ꦏ꧀ꦠꦺꦤ꧀ꦤꦶꦁ​ꦱꦸꦤ꧀ꦤꦶꦏꦶ
꧄ ​ꦠꦼꦒꦸꦃ​ꦮꦤ꧀ꦤꦶ​ꦏꦫꦺꦴꦱꦤ꧀ꦮꦶꦱ꧀ꦲꦤꦺꦁ​ꦲꦶꦁ​ꦮꦁ꧈​​ꦲꦺꦤ꧀ꦚꦺꦴꦁ​ꦧꦼꦧꦭꦸꦁ​ꦮꦼꦱꦶ​ꦏꦸꦭꦶꦠ꧀ꦏꦸꦠꦩ꧀ꦧꦒ꧈​ꦒꦼꦒꦭ​ꦱꦸꦱꦸꦩ꧀ꦲꦶꦁ​ꦮꦁ​ꦩꦤꦲꦫꦁ​ꦚꦁ​ꦧꦼꦂ​ꦫꦤ꧀ꦤꦶ꧈​ꦠꦸꦂ​ꦱꦲꦾꦩꦼꦂ​ꦫꦁ꧈​ꦲꦮꦏ꧀ꦏꦶꦫ​ꦥꦿꦶꦧꦢꦶ
꧄ ꦩꦭꦃ​ꦠꦸꦒꦼꦭ꧀ꦕꦸꦫꦶꦒꦤ꧀ꦤꦶꦫ​ꦱꦁ​ꦤꦠ꧈​ꦱꦩ꧀ꦥꦸꦤ꧀ꦢꦢꦺꦴꦱ꧀ꦏꦼꦏꦭꦶꦃ​ꦱꦁꦤꦠ​ꦱꦿꦸꦩꦸꦗꦂ​꧈​ꦩꦤꦲꦶꦠꦸꦫꦸꦥꦤ꧀ꦚ꧈​ꦭꦃꦥꦁꦒꦶꦭ꧀ꦝꦠꦼꦁ​ꦏꦼꦩ꧀ꦩꦫꦶ꧈​ꦲꦺꦴꦫꦁꦚꦁ​ꦠꦶꦒ꧈​ꦏꦼꦭꦮꦤ꧀ꦧꦏꦭ꧀ꦭꦲꦶ
꧄ ꦩꦼꦁꦏꦺꦴꦲꦏꦸꦥꦸꦗꦶ​ꦲꦼꦭꦸ​ꦲꦏꦸꦮꦱ꧈​ꦱꦸꦫꦸꦝꦠꦼꦁꦏꦼꦩ꧀ꦩꦫꦶ꧈​ꦲꦏꦸ​ꦲꦗꦏ꧀ꦠꦸꦗꦃ꧈​ꦤꦸꦭꦾ​ꦲꦔꦸꦤꦸꦱ꧀ꦥꦼꦝꦁ​꧈ꦱꦶ [ f.20v ]ꦱꦶꦱꦶꦤꦺꦧꦼꦠ꧀ꦭꦩ꧀ꦧꦸꦁ​ꦔꦺꦏꦺꦫꦶ꧈​ꦩꦸꦮꦼꦂꦏꦁꦥꦼꦝꦁ꧈​ꦊꦩ꧀ꦩꦼꦱ꧀ꦏꦢꦾ​ꦒꦸꦭꦭꦶ​​
꧄​ꦔꦸꦉꦏ꧀ꦏꦏꦼꦤ꧀ꦲꦶꦁ​ꦤꦺꦠꦿ​ꦤꦶꦫ​ꦱꦁ​ꦏꦠꦺꦴꦁ​ꦱꦶꦫ​ꦱꦿꦶ​ꦤꦫꦥꦠꦶ꧈​ꦥ꧀ꦝꦁ​ꦔꦺꦢꦺꦤ꧀ꦩꦩꦃ​ꦉꦩꦸꦏ꧀ꦏꦢꦾ​ꦒꦊꦥꦁ꧈​ꦥ꧀ꦝꦁ​ꦠꦤ꧀ꦤꦫꦸꦥ​ꦮꦼꦱꦶ​ꦱꦂ​ꦪ​ꦱꦸꦱꦸꦩ꧀ꦧꦂ​꧈​ꦧꦼꦤ꧀ꦢꦸꦤꦶꦫ​ꦠꦤ꧀ꦱꦶꦥꦶ
꧄ꦲꦸꦗꦸꦩ꧀ꦱꦶꦢꦶꦏ꧀ꦭꦸꦥꦁꦒꦶꦭ꧀ꦲꦫꦁ​ꦚꦁ​ꦠꦶꦒ꧈​ꦪꦺꦤ꧀ꦤꦏꦸ​ꦥꦼꦱ꧀ꦛꦶ​ꦧꦿꦤꦶ꧈​ꦩꦫꦶ​ꦱꦩꦠꦸꦗꦃ꧈​ꦲꦼꦭꦸ​ꦠꦼꦭꦭꦸ​ꦗꦲꦢ꧀​ꦥꦿꦏꦠꦃ​ꦲꦤ꧀ꦠꦿ​ꦝꦏ꧀ꦧꦲꦶꦏ꧀​ꦱꦁ​ꦤꦠ​ꦔꦸꦕꦥ꧀ꦝꦠꦼꦁ​ꦮꦺꦴꦁ​ꦱꦸꦫꦺꦁ​ꦥꦠꦶ
꧄ꦏꦱ꧀ꦥꦺꦒꦁ​ꦱꦶ​ꦲꦸꦕꦶ​ꦲꦤꦸꦭꦾ​ꦚꦤ꧀ꦝꦏ꧀​ꦧꦮꦏ꧀ꦠꦫꦸꦏ꧀ꦥꦼꦂ​ꦫꦺꦱ꧀ꦱꦶ꧈​ꦪꦠ​ꦮꦸꦱ꧀ꦕꦶꦤꦤ꧀ꦝꦏ꧀​ꦮꦲꦸ​ꦢꦺꦤꦶꦁ​ꦮꦺꦴꦁ​ꦏꦛꦃ​ꦱꦩ꧀ꦥꦸꦤ꧀ꦢꦺꦤ꧀ꦏꦸꦤ꧀ꦗꦫꦮꦼꦱ꧀ꦱꦶ꧈​ꦢꦸꦏ​ꦱꦁ​ꦤꦠ​꧈​ꦝꦠꦼꦁ​ꦏꦾꦤꦥꦠꦶꦃ​
꧄​ꦪꦺꦤ꧀ꦠ​ꦲꦗ​ꦱꦶꦫ​ꦏꦮꦶꦭ​ꦏꦸꦭ​ꦮꦱ꧀​​​ꦠꦸꦒꦼꦭ꧀ꦗꦁ​ꦒ​ꦩꦸꦊꦁ​ꦔꦶꦠ꧀​​ꦭꦶꦮꦠ꧀ꦲꦭꦱꦶꦫ꧈​ꦠꦤ꧀ꦮꦿꦸꦃ​ꦲꦶꦁ​ꦱꦸꦧꦱꦶꦠ꧈​ꦲꦁ​ꦔꦠꦸꦂ​ꦫꦏꦼꦤ꧀ꦮꦺꦴꦁ​ꦧꦫꦶꦁ꧈​ꦭꦶꦪꦤ꧀ꦱꦶꦁ​ꦱꦶꦫ꧈​ꦮꦸꦱ꧀ꦩꦲꦸꦱꦶꦫꦩꦠꦶ
꧄ꦱꦏꦛꦃꦲꦶꦁ​ꦏꦁ​ꦱꦺꦧ​ꦏꦺꦴꦗꦼꦩ꧀ꦩꦶꦁ​ꦊꦩ꧀ꦩꦃ꧈​ꦲꦤꦶꦔꦭꦶ​ꦱꦁ​ꦔꦗꦶ꧈​ꦲꦸꦥꦩꦶ​ꦤꦶꦁꦱꦠꦱꦶꦤꦩ꧀ꦧꦼꦂꦱꦏꦶꦁ​ꦮꦶꦪꦠ꧀​ꦱꦶꦉꦥ꧀ꦠꦤ꧀ꦤꦤꦏꦸꦭꦶꦱꦶꦏꦶꦁ​ꦗꦿꦺꦴ​ꦲꦶꦁ​ꦗꦧ꧈​ꦱꦼꦭꦧꦺꦴꦏꦶꦁꦏꦁꦒꦼꦤ꧀ꦝꦶꦁ
꧄꧁꧂꧄ꦱꦁ​ꦤꦠ​ꦔꦤ꧀ꦢꦶꦏꦲꦫꦶꦱ꧀​ꦤꦸꦢꦶꦁ​ꦔꦶ​ꦱꦂ​ꦪ​ꦲꦤ꧀ꦤꦼꦤ꧀ꦠꦏ꧀​ꦝꦠꦼꦁ​ꦏꦾꦥꦠꦶꦃ​ꦠꦩꦁꦏꦺꦴ꧈​ꦭꦃ​ꦥꦠꦶꦃ​ꦱꦶꦫ​ꦔꦩ꧀ꦧꦶꦭ​ꦱꦏꦺꦃꦲꦺ​ꦧꦺꦴꦕꦃ​ꦭꦤꦁ꧈​ꦒꦼꦝꦺ​ꦕꦶꦭꦶꦲꦗꦏꦤ꧀ꦠꦸꦤ꧀​ꦧꦼꦧꦼꦛꦺꦏ꧀ꦏꦤ​ꦢꦺꦤ꧀ꦤꦶꦫ꧈​
꧄ꦱꦮꦶꦗꦶꦲꦗ​ꦤ​ꦏꦫꦶ꧈​ꦤꦢꦾꦤ꧀ꦲꦤꦏ꧀ꦏꦶꦁ​ꦥꦤ꧀ꦝꦶꦠ꧈​ꦥꦝ​ꦥꦠꦺꦤ꧀ꦤꦤꦏꦧꦺꦃ꧈​ꦲꦗ​ꦲꦤ​ꦏꦭꦶꦮꦠ꧀ꦠꦤ꧀​ꦠꦼ [ f.21r ]ꦏꦺꦁ​ꦥꦩꦶꦁꦒꦶꦂ​ꦢꦺꦱ꧈​ꦪꦺꦤ꧀ꦤꦤꦏꦁ​ꦏꦫꦶꦧꦶꦱꦸꦏ꧀꧈​ꦱꦸꦤ꧀ꦤꦼꦩ꧀ꦥꦸꦃ​ꦲꦏꦼꦤ꧀ꦲꦶꦁ​ꦱꦶꦫ
꧄ꦗꦸꦫꦁ​ꦊꦩ꧀ꦥꦸꦠ꧀ꦤ꧀ꦲꦶꦠ꧀ꦠꦤꦶꦁꦔꦂꦢꦶ꧈​ꦢꦺꦤ꧀ꦤꦒꦼꦩ꧀ꦩꦼꦠ꧀ꦲꦸꦭꦠ꧀ꦠꦤ꧈​ꦲꦗ​ꦤꦻꦴꦫꦶꦥ꧀ꦏꦧꦺꦃꦲꦺ꧈​ꦧꦕꦃꦧꦺꦴꦏ꧀ꦢꦢꦶꦢꦸꦂꦧꦭ꧈ꦱꦩ꧀ꦥꦸꦤꦶꦫꦔꦤ꧀ꦢꦶꦏ꧈​ꦠꦸꦩꦸꦭꦾ​ꦗꦼꦁꦏꦂ​ꦱꦁꦥꦿꦧꦸ꧈​ꦒꦶꦤꦉꦧꦼꦏ꧀ꦲꦶꦁ​ꦧꦼꦝꦪ
꧄ꦏ​ꦮꦂꦤꦲꦏꦾꦤꦥꦠꦶꦃ꧈​ꦏꦼꦭꦁꦏꦸꦁꦱꦸꦱꦃ​ꦲꦶꦁ​ꦩꦤꦃ꧈​ꦏꦢꦾ​ꦠꦸꦩꦺꦠꦺꦱ꧀ꦮꦱ꧀ꦥꦤꦺ꧈​ꦱꦒꦸꦁ​ꦔꦺꦩꦤ꧀ꦠꦿꦶꦥꦸꦁꦒꦮ꧈​ꦩꦶꦮꦃ​ꦥꦫ​ꦱꦠꦿꦶꦪ꧈​ꦕꦲꦺꦴꦱ꧀ꦱꦶꦁꦥꦱꦺꦴꦮꦤ꧀ꦏꦸꦥꦸꦭ꧀​ꦔꦤ꧀ꦠꦶ​ꦠꦶꦧ​ꦭꦤ꧀ꦱꦁ​ꦤꦠ
꧄ꦏꦊꦱꦶꦏꦶꦁꦏꦮꦸꦭꦭꦶꦠ꧀​ꦏꦪꦲꦥ​ꦲꦶꦏꦶꦗꦩ꧀ꦩꦤ꧀​ꦠꦼꦏꦲꦏꦺꦃ​ꦧꦸꦤ꧀ꦠꦫꦶꦤꦺꦪꦺꦤ꧀ꦤꦶꦁ​ꦥꦤ꧀ꦚꦤ​ꦩꦤꦶꦫ꧈​ꦥꦱ꧀ꦛꦶ​ꦏꦪꦏꦶꦪꦩ꧀ꦩꦠ꧀​ꦲꦶꦁꦏꦁ​ꦢꦸꦮꦺꦲꦤꦏ꧀ꦗꦭꦸ꧈​ꦠꦤ꧀ꦮꦤ꧀ꦢꦺꦏꦺꦭꦁꦔꦤ꧀ꦠꦿꦶꦱ꧀ꦤ
꧄ꦏꦾꦤ​ꦥꦠꦶꦃ​ꦲꦱꦿꦸꦲ​ꦔ꧀ꦭꦶꦁ꧈​ꦲꦶꦁ​ꦱꦏꦺꦃꦥꦫ​ꦥꦸꦁꦒꦮ꧈​ꦱꦠꦿꦶꦪꦥꦁ​ꦭꦶꦩ​ꦏꦧꦺꦃ꧈​ꦥꦸꦤ꧀ꦤꦿꦩ​ꦲꦤ꧀ꦝꦮꦸꦃ​ꦲ꧀ꦤ꧈​ꦥꦁ​ꦔꦤ꧀ꦢꦶꦏꦱꦁ​ꦤꦠ꧈​ꦲꦶꦁꦏꦁ​ꦢꦂꦧꦺ​ꦲꦤꦏ꧀ꦗꦭꦸ꧈​ꦢꦺꦤ꧀ꦱꦩꦾꦲꦁ​ꦔꦠꦸꦉꦤ꧀ꦤ
꧄ꦭꦤ꧀ꦱꦏꦺꦃꦥꦫ​ꦥꦿꦗꦸꦫꦶꦠ꧀​ꦭꦩ꧀ꦥꦃ​ꦲꦶꦫ​ꦭꦸꦩꦏ꧀ꦱꦤ꧈​ꦲꦩꦶꦢꦼꦂ​ꦩꦠꦼꦤ꧀ꦤꦶꦫꦫꦺ꧈​ꦭꦃ​ꦱꦏꦾꦺꦃ​ꦲꦶꦁ​ꦏꦗꦶꦤꦼꦩ꧀ꦩꦤ꧀​ꦱꦶꦫꦱꦸꦤ꧀ꦲꦤ꧀ꦢꦸꦩꦥꦫꦤ꧀​ꦲꦒꦮ​ꦲ​ꦮꦺꦴꦁ​ꦮꦺꦴꦁ​ꦔꦺꦮꦸ꧈ꦱꦏꦾꦺꦃꦢꦭꦤ꧀ꦠꦸꦒꦸꦂ​ꦫꦤ꧀ꦤ
꧄ꦩꦼꦤꦮ​ꦤ​ꦮꦺꦴꦁ​ꦏꦁ​ꦚꦶꦭꦶꦧ꧀​ꦭꦭꦶꦱꦶꦲꦺ​ꦩꦿꦶꦁ​ꦱꦁ​ꦤꦠ꧈​ꦠꦿꦶꦱ꧀ꦤ​ꦩꦿꦶꦁ​ꦲꦤꦏ꧀ꦏꦿꦧꦶꦤꦺ꧈​ꦠꦤ꧀ꦮꦤ꧀ꦢꦺ​ꦢꦺꦤ꧀ꦒꦮꦭꦸꦁ​ꦔ꧈​ꦥꦕꦸꦮꦤ꧀ꦏꦱꦶꦭꦶꦧ꧀ꦧꦤ꧀​ꦧꦶꦱꦸꦏ꧀ꦧꦼꦤ꧀ꦢꦸꦤꦺ​ꦱꦁꦥꦿꦧꦸ꧈​ꦥꦼꦗꦃ​ꦲꦺꦲꦶꦁ​ꦏꦁꦥꦽꦤ꧀ꦤꦺꦱ꧀ꦱꦤ꧀​
꧄ꦱꦼꦢꦪ​ꦲꦱꦲꦸꦂ​ꦥꦼꦏ꧀ꦱꦶ꧈​ꦱꦒꦸꦁ​ꦔꦺꦏꦁꦏꦠꦶꦧ [ f.21v ]ꦭꦤ꧀​ꦮꦸꦱ꧀ꦩꦁ​ꦏꦠ꧀ꦲꦶꦏ​ꦭꦩ꧀ꦥꦃ​ꦲꦺ꧈​ꦩꦼꦁ​ꦏꦤ​ꦩꦤ꧀ꦠꦿꦶ​ꦥꦸꦁꦒꦮ​꧈​ꦲꦶꦁꦏꦁ​ꦔꦩꦮꦶꦱꦸꦠ꧈​ꦩꦤ꧀ꦠꦸꦏ꧀ꦱꦩꦾ​ꦔꦸꦱꦥ꧀ꦥꦶ​ꦭꦸꦃ꧈​ꦏꦺꦮꦼꦤ꧀ꦢꦿꦤ꧀ꦲꦗꦿꦶꦃ​ꦲꦶꦁ​ꦤꦠ
꧄​ꦮꦸꦱ꧀ꦧꦸꦧꦂ​ꦱꦢꦪ​ꦱꦩꦶ꧈​ꦏꦾꦤ​ꦥꦠꦶꦃ​ꦮꦸꦱ꧀ꦭꦸꦮꦂ​ꦫꦤ꧀​ꦲꦶꦱ꧀ꦩꦸꦱꦸꦁꦏꦮ​ꦩꦤ꧀ꦠꦸꦏ꧀ꦏꦺ꧈​ꦥꦸꦁ​ꦒꦮ​ꦏꦭꦸꦩꦏ꧀ꦱꦤ​꧈ꦥꦿꦥ꧀ꦠ​ꦲꦶꦁ​ꦗꦮꦶꦏꦶꦛ꧈​ꦏꦁ​ꦠꦁ​ꦔꦶꦱ꧀ꦲꦸꦩꦾꦁ​ꦒꦸꦩꦸꦫꦸꦃ꧈ꦏꦢꦾ​ꦒꦺꦒꦺꦂ​ꦲꦶꦁ​ꦔꦶꦤ꧀ꦠꦼꦂ​ꦫꦤ꧀
꧄ꦏꦁ​ꦊꦁ​ꦒꦤ​ꦢꦺꦤ꧀ꦥꦠꦺꦤ꧀ꦤꦶ꧈​ꦏꦁ​ꦤꦸꦠꦸꦠ꧀ꦱꦩꦾꦧꦶꦤꦼꦠ꧀ꦠ꧈​ꦠꦼꦧꦺ​ꦥꦶꦠꦸꦁ​ꦢꦶꦤ​ꦩꦁꦏꦺ꧈​ꦲꦸꦭꦶꦃ​ꦲꦺ​ꦧꦼꦧꦼꦛꦺꦏ꧀ꦧꦕꦲꦺꦴꦭꦺꦃꦲꦺꦠꦶꦒꦁ​ꦤꦩ꧀ꦧꦁ꧈​ꦲꦶꦁꦏꦁ​ꦩꦼꦭꦪꦸ​ꦢꦺꦤ꧀ꦱꦸꦱꦸꦭ꧀​ꦢꦺꦤꦶꦁ​ꦲꦶꦁꦏꦁ​​ꦭꦁ​ꦭꦁ​ꦢꦭꦤ꧀​
꧄ꦲꦏꦺꦃꦧꦮꦤ꧀ꦤꦶꦁ​ꦮꦺꦴꦁꦕꦶꦭꦶꦏ꧀​ꦲꦁ​ꦔꦸꦏꦸꦮꦶ​ꦠꦽꦱ꧀ꦤ​ꦤꦶꦫ꧈​ꦲꦤ​ꦏꦺꦤ꧀ꦤꦶꦫꦺꦴꦤ꧀ꦝ​ꦏꦶꦭꦺꦤ꧀​ꦭꦤꦁ​ꦮꦪꦃ​ꦱꦥꦿꦗꦏꦤ꧀​ꦮꦲꦸ​ꦮꦸꦱ꧀ꦥꦶ​ꦤꦫꦤ꧀ꦤꦤ꧀​ꦤꦸꦭꦾ​ꦢꦺꦤ꧀ꦒꦸꦭꦸꦁ​ꦔꦶ​ꦏꦱꦸꦂ꧈​ꦲꦩꦿꦶꦃ​ꦲꦗ​ꦏꦮꦼꦤ꧀ꦤꦁ​ꦔꦤ꧀​
꧄​ꦏꦶꦛꦶꦁ​ꦏꦶꦛꦶꦁ​ꦢꦺꦤ꧀ꦠꦏꦺꦤ꧀ꦤꦶ꧈​ꦔꦏꦸ​ꦭꦫ​ꦢꦸꦮꦺꦲꦤꦏ꧀​ꦢꦺꦤ꧀ꦥꦤ꧀ꦗꦶꦁ​ꦔꦶꦮꦠꦸꦫꦺꦴꦤ꧀ꦤꦺ꧈​ꦏꦠꦺꦴꦤ꧀ꦱꦶꦏꦶꦭꦺ​ꦲꦔꦺꦴꦝ꧈​ꦪꦠ​ꦢꦺꦤ꧀ꦠꦸꦩ꧀ꦧꦏ꧀ꦥꦶꦱꦤ꧀​ꦲꦗꦸꦂ​ꦠꦼꦏꦤ꧀ꦏꦱꦸꦂ​ꦫꦶꦥꦸꦤ꧀​ꦢꦺꦤ꧀ꦧꦾꦺꦴꦏꦶ​ꦒꦒꦩꦤ꧀ꦏꦛꦃ
꧄ꦮꦺꦴꦤ꧀ꦠꦼꦤ꧀ꦮꦶꦤꦸꦮꦸꦱ꧀ꦩꦭꦶꦃ꧈​ꦲꦤꦏ꧀ꦏꦺ​ꦥꦠꦶꦒꦶ​ꦮꦺꦠꦤ꧀​ꦲꦩꦸꦁ​ꦱꦮꦶꦗꦶꦲꦤꦏ꧀ꦏꦺ​ꦢꦺꦤ꧀ꦲꦸꦩ꧀ꦥꦼꦠ꧀ꦠꦤꦼꦤ꧀ꦲꦶꦁ​ꦗꦸꦒꦁ​꧈​ꦢꦺꦤ꧀ꦥꦼꦤ꧀ꦝꦼꦩ꧀ꦥꦶꦤ꧀ꦝꦃ​ꦩꦏꦩ꧀​ꦱꦸꦭꦱꦶꦃ​ꦫꦸꦫꦸꦧ꧀ꦧꦺꦝꦸꦮꦸꦂ꧈​ꦔꦸꦭꦺꦴꦤ꧀ꦢꦒ [ f.22r ]ꦤ꧀ꦱꦶꦤꦸꦁ​ꦩꦺꦱꦤ꧀
꧄​ꦥꦫꦤ꧀ꦢꦺꦤꦺ​ꦭꦩꦶꦭꦩꦶ​꧈​ꦏꦧꦧꦂ​ꦢꦺꦤꦶꦁ​ꦠꦠꦺꦴꦁꦒ꧈​ꦏꦁꦥꦝ​ꦱꦼꦂ​ꦫꦶꦏ꧀ꦏꦠꦶꦤꦺ꧈​ꦮꦿꦸꦃ​ꦭꦒꦶꦏꦶꦤꦶꦫꦶꦩ꧀ꦱꦼꦏꦂ꧈​ꦥꦗꦂ​​ꦫꦶꦁ​ꦏꦗꦶꦤꦼꦩ꧀ꦩꦤ꧀​ꦥꦶꦤ꧀ꦤꦫꦤ꧀ꦤꦤ꧀ꦏꦶ​ꦤꦫꦸꦧꦸꦠ꧀​ꦢꦺꦤꦶꦁ​ꦒꦼꦒꦩꦤ꧀ꦲꦏꦛꦃ
꧄ꦏꦛꦃ​ꦥꦿꦠꦶꦁ​ꦏꦃ​ꦲꦺꦱꦩꦶ꧈​ꦮꦺꦴꦤ꧀ꦠꦼꦤ꧀ꦩꦭꦶꦃ​ꦏꦮꦸꦮꦸꦱ꧈​ꦲꦶꦁꦢꦺꦤꦱ​ꦩꦸꦤ꧀ꦝꦸꦮꦱ꧀ꦠꦤꦺ​ꦏꦶꦭꦸꦧꦩ​ꦮꦱ꧀ꦠꦤꦶꦫ꧈​ꦏꦝꦠꦼꦁ​ꦔꦤ꧀ꦒꦼꦒꦩꦤ꧀​ꦢꦺꦱ​ꦤ꧀ꦤꦺ​ꦱꦩ꧀ꦥꦸꦤ꧀ꦢꦺꦤ꧀ꦏꦼꦥꦸꦁ꧈​ꦥꦶꦤꦶꦮꦪꦃ​ꦏꦗꦶꦤꦼꦩꦤ꧀
꧄​ꦮꦺꦴꦁꦱꦼꦏꦮꦤ꧀ꦏꦁ​ꦊꦧꦼꦠ꧀ꦠꦶ꧈​ꦏꦤ꧀ꦝꦼꦏ꧀ꦲꦶꦁ​ꦩꦱ꧀ꦗꦶꦝ꧀ꦏꦶꦮꦭ꧈​ꦲꦏꦺꦤ꧀ꦩꦼꦢꦭ꧀ꦭ​ꦏꦁ​ꦢꦂꦧꦺ꧈​ꦩꦱ꧀ꦗꦶꦢ꧀ꦏꦶ​ꦭꦸꦧꦩꦩꦼꦢꦭ꧀​ꦤꦸꦭꦾ​ꦲꦊꦭꦶꦁꦒꦶꦃ​ꦪꦤ꧀​ꦏꦗꦶꦤꦼꦩ꧀ꦩꦤ꧀ꦱꦩꦾ​ꦩꦸꦮꦸꦱ꧀​ꦥꦥꦠ꧀ꦱꦩꦶ​ꦲꦮꦼꦕꦤ
꧄ꦏꦮꦸꦭ​ꦲꦶꦏꦶ​ꦏꦶꦪꦲꦶ꧈​ꦲꦤ꧀ꦝꦮꦸꦃꦲꦏꦼꦤ꧀ꦠꦶꦧꦭ꧀ꦭꦤ꧀​ꦲꦶꦁꦒꦸꦱ꧀ꦠꦶ​ꦢꦺꦱ​ꦏꦧꦺꦃꦲꦺ꧈​ꦱꦏ​ꦛꦃ​ꦲꦺ​ꦮꦺꦴꦁ​ꦥꦿꦗꦏ꧈​ꦥꦶꦤꦸꦤ꧀ꦝꦸꦠ꧀ꦲꦶꦁ​ꦱꦁ​ꦤꦠ꧈​ꦱꦤꦸꦒꦭ꧀ꦲꦗ​ꦤ​ꦏꦤ꧀ꦠꦸꦤ꧀​ꦗꦼꦁꦔꦤ꧀ꦢꦶꦏ​ꦲꦠꦸꦂ​ꦉꦤ꧀ꦤ​
꧄​ꦱꦶꦁ​ꦱꦥꦏꦪꦸꦤ꧀

[ f.22v ]ꦤ​ꦲꦸꦫꦶꦥ꧀​ꦢꦺꦤ꧀ꦤꦺꦁ​ꦒꦭ꧀ꦲꦁꦔꦠꦸꦂ​ꦉꦤ꧀ꦤ꧈​ꦩꦸꦁꦧꦶꦤꦧꦼꦛꦺꦏ꧀ꦏꦶꦩꦮꦺꦴꦤ꧀​ꦪꦺꦤ꧀ꦤꦫꦢꦺꦤ꧀ꦤꦠꦸꦂ​ꦉꦤ꧀ꦤ꧈​ꦥꦤ꧀ꦏꦛꦃ​ꦏꦁ​ꦫꦶꦤꦼꦏ꧀ꦱ꧈​ꦠꦶꦤꦠꦧ꧀ꦧꦤ꧀ꦱꦶꦤꦭꦸꦱꦸꦂ꧈​ꦥꦿꦗꦏ​ꦤꦺꦏꦛꦃ​ꦥꦼꦗꦃ
꧄​ꦏꦮꦸꦭ​ꦥꦤ꧀ꦩꦏ꧀ꦱꦶꦃ​ꦲꦶꦭꦶꦁ꧈​ꦲꦤ꧀ꦢꦶꦏ​ꦒꦸꦫꦸ​ꦏꦮꦸꦭ​꧈ꦲꦺꦩꦤ꧀ꦤꦿꦸꦱꦏ꧀ꦏꦭꦶꦁꦒꦶꦃ​ꦪꦺ꧈​ꦩꦂꦩꦶꦤꦺ​ꦏꦮꦸꦭ​ꦥꦿꦥ꧀ꦠ꧈​ꦥꦸꦫꦸꦤ꧀ꦲꦤꦁ​ꦒꦸꦃꦲꦤ꧈​ꦲꦤ꧀ꦢꦶꦏ​ꦒꦮꦲ​ꦲꦶꦏꦸ꧈​ꦱꦩ꧀ꦥꦸꦤ꧀ꦊꦒ​ꦲꦶꦁꦏꦁ​ꦠꦶꦠꦃ
꧄ꦏꦮꦸꦭ​ꦠꦼꦝ​ꦲꦶꦁꦩꦁꦏꦶꦤ꧀​ꦩꦼꦤꦮꦶ​ꦝ​ꦠꦼꦁ​ꦮꦺꦴꦁ​ꦏꦛꦃ꧈​ꦢꦢꦺꦴꦱ꧀ꦥꦸꦤꦥ​ꦠꦼꦩꦃꦲꦺꦏꦶꦭꦸꦧꦩ​ꦲꦮꦼꦕꦤ꧈​ꦱꦂ​ꦮꦶ​ꦲꦔꦼꦩꦸꦮꦱ꧀ꦥ꧈​ꦱꦏꦺꦃ​ꦲꦺ​ꦥꦿꦗꦏ​ꦏꦲꦸꦩ꧀​ꦥꦝ​ꦏꦸꦩ꧀ꦥꦸꦭ꧀ꦩꦫꦺꦤꦺꦲ
꧄ꦱꦢꦺꦱꦩꦸꦤ꧀ꦝꦸ​ꦢꦺꦤ꧀ꦏꦼꦫꦶꦏ꧀​ꦱꦏꦛꦃꦲꦺ​ꦧꦕꦃ​ꦭꦤꦁ​꧈​ꦲꦶꦁ​ꦱꦭ꧀ꦠꦶꦒꦁ​ꦢꦱꦒꦸꦁꦔꦺ꧈​ꦲꦤ​ꦏ꧀ꦏꦺ​ꦩꦂꦧꦺꦴꦠ꧀ꦏꦭꦶꦥꦃ꧈​ꦩꦸꦢꦶꦤ꧀ꦏꦼꦠꦶꦧꦺꦥꦶꦱꦤ꧀​ꦱꦸꦒꦶꦃ​ꦲꦶꦁꦏꦁ​ꦢꦂꦧꦺꦱꦸꦤꦸ꧈​ꦭꦤ꧀ꦤꦁ​ꦱꦩ꧀ꦥꦸꦤ꧀ꦱꦩꦶ​ꦏꦱꦿꦃ
꧄​ꦥꦸꦤꦁꦏꦗꦶ​ꦤꦼꦩ꧀ꦩꦤ꧀ꦲꦔ꧀ꦭꦶꦁ꧈​ꦩꦸꦭꦲꦩꦶꦁꦱꦥꦸꦤꦶꦏ꧈​ꦒꦸꦁꦔꦺ​ꦥꦿꦗꦏꦲꦶꦁꦏꦺꦤꦺ꧈​ꦥꦕꦸꦮꦤ꧀ꦲꦤꦏꦤ꧀ꦠꦸꦤ꧀ꦤ꧈​ꦏꦶ​ꦭꦸꦧꦩ​ꦮꦼꦕꦤ꧈​ꦧꦪꦧꦠꦼꦤ꧀ꦮꦺꦴꦤ꧀ꦠꦼꦤ꧀ꦏꦤ꧀ꦠꦸꦤ꧀​ꦩꦤ꧀ꦤꦶꦫ​ꦠꦤ꧀ꦢꦂꦧꦺ​ꦲꦤꦏ꧀​
꧄ꦢꦸꦮꦺ​ꦲꦤꦏ꧀ꦮꦢꦺꦴꦤ꧀ꦱꦶꦗꦶ꧈​ꦲꦶꦁꦒꦶꦃ​ꦥꦼꦏꦼꦤꦶꦫ​ꦮꦶꦏꦤ꧀​ꦲꦩꦸꦁ​ꦥꦸꦤꦶꦏ​ꦏꦛꦃ​ꦲꦺ꧈​ꦲꦩꦶꦠ꧀ꦥꦸꦤꦁꦏꦗꦶꦤꦼꦩ꧀ꦩꦤ꧀​ꦏꦧꦺꦃ​ꦥꦝ​ꦭꦸꦩ꧀ꦩꦩ꧀ꦥꦃ꧈​ꦱꦏꦺꦃꦒꦼꦒꦩꦤ꧀ꦮꦸꦱ꧀ꦩꦸꦤ꧀ꦢꦸꦂ꧈​ꦏꦶꦭꦸꦧꦩ​ꦩꦠꦸꦏ꧀ꦱꦶꦒꦿ
꧄ꦱꦥꦿꦥ꧀ꦠꦤꦺ​ꦮꦶꦱ꧀ꦩꦩꦁꦏꦶꦤ꧀​ꦥꦶꦤ [ f.23r ]ꦥꦒ꧀ꦒꦶꦁ​ꦥꦸꦠꦿꦤ꧀ꦤꦶꦫ꧈​ꦱꦼꦏꦮꦤ꧀ꦔꦸ​ꦗꦸꦁ​ꦔꦶꦏ​ꦧꦺꦃꦱꦏꦼꦭꦁꦏꦸꦁ​ꦧꦸꦔꦃ​ꦤꦶꦫꦸꦩ꧀ꦱꦫꦶ​ꦏꦫꦸꦤ꧈​ꦲꦶꦁꦔꦿꦁꦏꦸꦭ꧀ꦱꦂ​ꦪ​ꦲꦩꦸꦮꦸꦱ꧀​ꦫꦩꦏꦥꦂ​ꦫꦺꦤ꧀ꦠꦃꦤꦠ
꧄​ꦭꦸꦧꦩ​ꦲꦫꦶꦱ꧀ꦤꦲꦸꦫꦶ꧈​ꦲꦝꦸꦃ​ꦲꦤꦏ꧀ꦏꦶꦁ​ꦱꦸꦤ꧀ꦤꦼꦩꦱ꧀​ꦥꦫꦺꦤ꧀ꦠꦃ​ꦲꦶꦁ​ꦫꦠꦸ​ꦩꦼꦁꦏꦺꦴ꧈​ꦲꦔꦼꦂ​ꦫꦶꦒꦶ​ꦧꦕꦃ​ꦭꦤꦁ​꧈​ꦱꦁ​ꦱꦥ​ꦲꦢꦼꦂꦧꦺꦪ꧈​ꦥꦿꦗꦏꦫꦺꦃꦲꦶꦁ​ꦫꦠꦸ꧈​ꦠꦶꦤ꧀ꦤꦿꦥꦏꦼꦤ꧀ꦲꦶꦥꦫꦺꦤ꧀ꦠꦃ
꧄ꦱꦸꦥꦩꦶ​ꦲꦂꦱꦤ꧀ꦤꦶꦫꦺꦏꦶ꧈​ꦤꦶꦫꦸꦩ꧀ꦱꦱꦶ​ꦠꦤ꧀ꦥꦔꦸꦕꦥ꧀​ꦲꦶꦁꦏꦁ​ꦩꦫꦱ꧀ꦠꦺꦲꦠꦶꦤꦺ꧈​ꦲꦭꦺꦴꦤ꧀ꦩꦠꦸꦂ​ꦩꦿꦶꦁ​ꦏꦁ​ꦫꦩ꧈​ꦭꦃ​ꦏꦥꦫꦺꦥꦸꦤ꧀ꦤꦿꦩ꧈​ꦱꦤꦏ꧀ꦏꦮꦸꦭ​ꦠꦼꦠꦼꦭꦸ꧈​ꦢꦪꦤ꧀ꦤꦺꦭꦃ​ꦪꦺꦤ꧀ꦒꦼꦱꦁ​ꦔ
꧄ꦏꦮꦿꦸꦃ​ꦲꦤ​ꦥꦱ꧀ꦛꦶ​ꦩꦠꦶ꧈​ꦥꦫꦤ꧀ꦠꦥꦺꦴꦭꦃ​ꦩꦤꦶꦫ꧈​ꦪꦪꦶ​ꦏꦥꦿꦶꦪꦺ​ꦢꦪꦤ꧀ꦤꦺ꧈​ꦭꦃ​ꦪꦺꦤ꧀ꦤꦺꦴꦫ​ꦪꦪꦶ​ꦭꦸꦔ꧈​ꦔꦸꦁ​ꦱꦶ​ꦭꦶꦪꦤꦼꦒꦫ꧈​ꦲꦺꦩꦤ꧀ꦩꦠꦶꦱꦤꦏ꧀ꦏꦶꦁꦱꦸꦤ꧀​ꦢꦸꦫꦸꦁ​ꦩꦸꦏ꧀ꦠꦶ​ꦱꦶꦁ​ꦤꦼꦒꦫ
꧄​ꦲꦔꦸꦂ​ꦭꦸꦔ​ꦱꦏꦶꦁ​ꦔꦿꦶꦏꦶ​꧈​ꦲꦶꦁꦱꦸꦤ꧀ꦩꦶꦭꦸꦭꦫꦭꦥ꧈​ꦲꦶꦁꦱꦸꦤ꧀ꦱꦸꦏꦤ꧀ꦏꦫꦶꦩꦁꦏꦺꦴ꧈​ꦱꦥ​ꦫꦤ꧀ꦤꦺ​ꦪꦪꦶ​ꦭꦸꦔ​꧈​ꦱꦏꦏ꧀ꦏꦺꦢꦺꦤ꧀ꦕꦁꦏꦶꦁ​ꦔ꧈​​ꦪꦺꦤ꧀ꦠꦼꦏꦲꦶꦁ​ꦥꦫꦤ꧀ꦧꦶꦱꦸꦏ꧀​ꦢꦢꦶꦪ​ꦱꦤꦏ꧀ꦏꦮꦸꦭ
꧄​ꦏꦶꦭꦸꦧꦩ​ꦩꦸ​ꦮꦸꦱ꧀ꦲꦫꦶꦱ꧀​ꦲꦶꦏꦸ​ꦲꦶꦮꦸꦃ​ꦲꦺ​ꦱꦶꦧꦥ꧈​ꦱꦶꦁ​ꦔꦼꦤ꧀ꦢꦶ​ꦩꦂꦒꦤ꧀ꦤꦺ​ꦭꦺꦴꦭꦺꦴꦱ꧀​ꦏꦛꦃ​ꦢꦭꦤ꧀ꦠꦶꦤꦸꦒꦸꦂ​ꦫꦤ꧀​ꦮꦠꦼꦏ꧀ꦏꦺ​ꦧꦶꦤꦫꦶꦱ꧀ꦱꦤ꧀​ꦱꦏꦶꦁ​ꦔꦼꦤ꧀ꦢꦶ​ꦩꦂꦒꦤ꧀ꦤꦶꦥꦸꦤ꧀​ꦲꦶꦏꦸ​ꦲꦶꦮꦸꦃ​ꦲꦺ​ꦱꦶꦧꦥ
꧄ꦱꦺꦭꦫꦱ [ f.23v ]ꦩꦸꦮꦸꦱ꧀ꦱꦫꦶꦱ꧀​ꦲꦗꦤꦏꦁ​ꦮꦭꦁ​ꦢꦿꦶꦪ꧈​ꦢꦺꦤ꧀ꦒꦮꦥꦶꦱꦤ꧀ꦢꦶꦩꦺꦤ꧀ꦤꦺ꧈​ꦢꦺꦤꦶꦁ​ꦏꦺꦴꦏꦺꦴꦤ꧀ꦤꦤꦺꦤꦠ꧈​ꦱꦸꦩꦺꦴꦁꦒ​ꦪꦺꦤꦥꦼꦗꦃꦲ꧈​ꦲꦗꦢꦶꦫ​ꦩꦶꦭꦸꦩꦶꦭꦸ꧈​ꦲꦶꦁ​ꦥꦠꦶ​ꦩꦺꦴꦁꦱ​ꦱꦮꦤ꧀ꦢꦺꦪ
꧄ꦏꦶꦭꦸꦧꦩ​ꦲꦤꦲꦸꦫꦶ꧈​ꦤꦢꦾꦤ꧀ꦢꦢꦶꦪ​ꦏꦼꦭꦭꦂ​꧈​ꦥꦸꦤ꧀ꦥꦩꦤ꧀ꦧꦉꦁ​ꦔꦭꦺꦴꦤ꧀ꦗꦺꦴꦂ꧈​ꦲꦶꦏꦶ​ꦱꦶꦭꦶꦃ​ꦲꦤꦏ꧀ꦏꦶꦁ​ꦮꦁ​꧈​ꦧꦧꦺꦴꦃ​ꦲꦤ꧀ꦤꦺꦏꦮꦸꦭ꧈​ꦮꦗꦶꦧ꧀ꦲꦶꦱ꧀ꦠꦶꦪꦂ​ꦏꦫꦸꦲꦸꦤ꧀​ꦮꦺꦴꦁ​ꦭꦫ​ꦮꦼꦤ꧀ꦤꦁ​ꦠꦼꦠꦧ
꧄ꦲꦶꦁ​ꦥꦠꦶ​ꦢꦶꦥꦸꦤ꧀ꦱꦶꦁꦒꦃ​ꦲꦶ꧈​ꦲꦶꦏꦸ​ꦲꦶꦱ꧀ꦠꦶꦪꦂ​ꦫꦺꦒꦼꦱꦁ꧈​ꦏꦁ​ꦭꦪꦏ꧀ꦥꦤꦼꦝꦤ꧀ꦤꦶꦁ​ꦮꦺꦴꦁ꧈​ꦩꦸꦒ​ꦱꦶꦁꦒꦃ​ꦲꦼꦤ꧀ꦤꦺꦁ​ꦧꦭ꧈​ꦱꦼꦭꦩ꧀ꦩꦼꦠ꧀ꦠꦶꦁ​ꦱꦫꦶꦫ꧈​ꦏꦶꦱꦺꦭꦢꦺꦴꦤ꧀ꦢꦱꦸꦩꦲꦸꦂ꧈​ꦥꦤ꧀ꦧꦺꦴꦠꦼꦤ꧀​ꦏꦺꦔꦶꦁ​ꦱꦸꦩꦶꦁꦒꦃ
꧄​ꦤꦶꦫꦸꦩ꧀ꦱꦫꦶ​ꦔꦿꦁꦏꦸꦭ꧀ꦲꦫꦶꦱ꧀​ꦲꦶꦁ​ꦮꦂ​ꦒꦤꦶꦫ​ꦏꦁꦠꦶꦒ꧈​ꦲꦝꦸꦃ​ꦪꦪꦶꦏꦥꦫꦶꦩꦺꦤ꧀​ꦩꦫꦲꦝꦶ​ꦤꦶꦁꦱꦶꦏꦏꦁ꧈​ꦱꦶꦫ​ꦠꦼꦏꦲꦶꦁ​ꦥꦼꦗꦃ​꧈ꦥꦿꦭꦶꦮꦠ꧀ꦥꦤꦼꦝꦤ꧀ꦤꦶꦁꦱꦸꦤ꧀​ꦏꦁꦝꦶꦔꦶꦤ꧀ꦥꦝꦩꦠꦶꦪ
꧄ꦱꦺꦭꦫꦱ​ꦩꦸꦮꦸꦱ꧀ꦲꦫꦶꦱ꧀​ꦝꦠꦼꦁ​ꦏꦶ​ꦥꦼꦏꦶꦂ​ꦭꦸꦧꦩ꧈​​ꦧꦺꦴꦠꦼꦤ꧀ꦥꦼꦗꦃ​ꦏꦸꦭꦩꦁꦏꦺ꧈​ꦲꦤ꧀ꦢꦶꦏ​ꦠꦭꦶꦭꦏ꧀ꦏꦼꦤ꧀ꦤ꧈​ꦏꦸꦭꦥꦿꦭꦧꦶ​ꦱꦸꦂ​ꦪ꧈​ꦧꦠꦼꦤ꧀ꦥꦠꦶꦥꦠꦶ​ꦱꦸꦫꦸꦥ꧀​ꦪꦺꦤ꧀ꦢꦺꦫꦺꦁ​ꦥꦠꦶ​ꦲꦶꦁ​ꦩꦺꦴꦁꦱ
꧄ꦭꦸꦧꦩ​ꦲꦔ꧀ꦭꦶꦁ​ꦲꦫꦶꦫꦶꦃ​꧈​ꦲꦶꦪꦲꦤꦏ꧀ꦏꦶꦥꦸꦤ꧀ꦧꦥ꧈​ꦲꦶꦪꦱꦶꦭꦶꦃ​ꦏꦪꦥꦿꦶꦪꦺ꧈​ꦱꦺꦭꦫꦱ​ꦮꦸꦮꦸꦱ꧀ꦲꦶꦫ꧈​ꦢꦺꦤ꧀ꦤꦶꦁ​ꦢꦪꦏꦮꦸꦭ꧈​ꦏꦸꦭ​ꦏꦺꦱꦃ​ꦮꦺꦴꦁ​ꦠꦠꦼꦭꦸ꧈ꦏꦾꦲꦶ​ꦢꦶꦏꦏꦠꦸꦤ꧀ꦤ
꧄ꦏꦶ​ꦭꦸꦧꦩ​ꦲꦤꦲꦸꦫꦶ꧈​ꦲꦝꦸꦃ​ꦚꦮ​ꦧꦪꦏꦼ [ f.24r ]ꦤ꧀ꦤꦥꦤ꧀ꦮꦸꦱ꧀ꦏꦥꦼꦒꦠ꧀ꦠꦤ꧀ꦏꦧꦺꦃ꧈​ꦲꦉꦥ꧀ꦔꦸꦱꦶꦔꦼꦤ꧀ꦢꦶꦱꦶꦫ꧈​ꦩꦺꦴꦁꦱ​ꦮꦸꦫꦸꦁꦏꦕꦼꦒꦠ꧀​ꦲꦔꦸꦂ​ꦩꦠꦶ​ꦧꦉꦁ​ꦔꦶꦁꦱꦸꦤ꧀​ꦒꦸꦱ꧀ꦠꦶ​ꦱꦶꦫꦲꦗ​ꦭꦸꦔ
꧄ꦱꦺꦭꦫꦱ​ꦲꦤꦲꦸꦫꦶ​ꦏꦢꦺꦴꦱ꧀ꦧꦺꦴꦠꦼꦤ꧀ꦤꦏꦥꦼꦗꦃ​꧈​ꦪꦺꦤ꧀ꦩꦏ꧀ꦱꦶꦃ​ꦫꦶꦤꦼꦏ꧀ꦱꦫꦺꦃꦲꦺ꧈​ꦏꦶ​ꦭꦸꦧꦩ​ꦲꦮꦼꦕꦤ꧈​ꦏꦥꦿꦶꦪꦺ​ꦏꦏꦁ​ꦔꦶꦫ꧈​ꦤꦶꦫꦸꦩ꧀ꦱꦫꦶ​ꦲꦗꦏꦤ꧀ꦠꦸꦤ꧀​ꦒꦮꦤꦼꦤ꧀ꦱꦥꦫꦤ꧀ꦤꦶꦫ
꧄ꦢꦺꦤꦶꦁ​ꦠꦭꦃ​ꦲꦶꦁꦱꦸꦤ꧀ꦒꦸꦱ꧀ꦠꦶꦤꦢꦾꦤ꧀ꦠꦸꦩꦼꦏ꧀ꦏ​ꦲꦶꦁ​ꦥꦼꦗꦃ​ꦲꦶꦁꦱꦸꦤ꧀ꦭꦏꦺꦴꦤ꧀ꦤꦤꦺꦝꦺꦮꦺ꧈​ꦱꦺꦴꦏ꧀ꦱꦶꦫꦻꦴꦒꦠꦸꦭꦸꦱ꧀ꦱꦱꦭꦩ꧀ꦩꦼꦠ꧀ꦠ​ꦲꦶꦁ​ꦥꦫꦤ꧀​ꦢꦢꦶꦪ​ꦱꦶꦫ​ꦮꦺꦴꦁ​ꦲꦒꦸꦁ​꧈​ꦭꦤ꧀ꦲꦤꦏ꧀ꦏꦶꦁꦱꦸꦤ꧀ꦱꦼꦢꦪ
꧄​ꦤꦢꦾꦤ꧀ꦠꦸꦩꦼꦏ​ꦲꦶꦁ​ꦥꦠꦶ꧈​ꦲꦶꦁꦱꦸꦤ꧀ꦭꦶꦭ​ꦲꦶꦁꦔꦏ꦳ꦺꦫꦠ꧀​ꦥꦤ꧀ꦮꦸꦱ꧀ꦲꦤ​ꦏꦭꦸꦃ​ꦲꦤꦺ꧈​ꦮꦸꦱ꧀ꦱꦸꦤ꧀ꦮꦸꦫꦸꦏ꧀ꦔꦗꦶ​ꦏꦸꦲꦿꦤ꧀​ꦭꦒꦶ​ꦲꦭꦶꦠ꧀ꦠꦶꦁ​ꦏꦸꦤꦔꦗꦶ​ꦏꦸꦠꦧ꧀ꦱꦩ꧀ꦥꦸꦤ꧀ꦥꦸꦠꦸꦱ꧀​ꦩꦭꦃ​ꦠꦼꦏꦺꦁ​ꦏꦮꦩ꧀ꦥꦸꦂꦤꦤ꧀
꧄​ꦲꦩꦸꦁꦠ​ꦢꦺꦤ꧀ꦤꦠꦶ​ꦲꦠꦶ꧈​ꦢꦺꦤ꧀ꦥꦚ꧀ꦕꦼꦂ​ꦫꦶꦁ​ꦥꦤꦫꦶꦩ꧈​ꦲꦶꦁ​ꦥꦁꦔꦺꦫꦤ꧀ꦏꦁꦱꦱꦾ​ꦔꦿꦺꦴꦃ꧈ꦭꦮꦤ꧀ꦲꦶꦏꦸ​ꦏꦏꦁ​ꦔꦶꦫ꧈​ꦲꦶꦏꦸ​ꦒꦮꦤꦼꦤ꧀ꦭꦸꦁꦔ꧈​ꦧꦉꦁ​ꦩꦠꦶ​;ꦲꦤ꧀ꦱꦶꦫꦺꦏꦸ꧈​ꦲꦗꦥꦶꦱꦃ​ꦱꦏꦶꦁꦱꦶꦫ
꧄​ꦱꦺꦭꦫꦱꦱꦉꦁ​ꦥꦩꦶꦠ꧀​ꦏꦼꦭꦮꦤ꧀ꦏꦶ​ꦱꦺꦭꦒꦺꦴꦤ꧀ꦢ꧈​ꦱꦺꦭꦱꦾꦫ​ꦢꦺꦤ꧀ꦮꦸꦮꦸꦱꦺ꧈​ꦏꦁ​ꦔꦼꦩ꧀ꦧꦺꦴꦏ꧀ꦥꦸꦤꦥꦏꦂꦱ꧈​ꦠꦸꦩꦸꦠ꧀ꦲꦸꦠꦮꦶ​ꦲꦫ꧈​ꦩꦼꦤ꧀ꦤꦠꦤ꧀ꦏꦼꦭꦂꦧꦶꦱꦸꦏ꧀​ꦲꦔꦼꦭꦩ꧀ꦥꦃꦲꦶ​ꦭꦫ​ꦭꦥ
꧄​​ꦫꦸꦩ꧀ꦱꦫꦶꦲꦁꦔꦿꦁꦏꦸꦭ꧀ꦲꦫꦶꦱ꧀​ꦮꦲꦸ [ f.24v ]ꦝꦠꦼꦁ​ꦔꦫꦶꦤꦶꦫ꧈​ꦲꦝꦸꦃ​ꦪꦪꦶ​ꦱꦸꦤ꧀ꦲꦼꦩꦱ꧀​ꦲꦸꦥꦩꦢꦺꦤ꧀ꦏꦫꦺꦏ꧀ꦏꦼꦤ꧀ꦤ꧈​ꦥꦱ꧀ꦛꦶꦭꦃ​ꦪꦺꦤ꧀ꦊꦁ​ꦒꦤ꧈​ꦲꦔꦸꦂ​ꦩꦠꦶꦤꦺꦁ​ꦢꦼꦭꦁꦒꦸꦁ꧈ꦱꦸꦩꦤ꧀ꦢꦺ​ꦥꦶꦱꦃ​ꦭꦤ꧀ꦱꦶꦫ
꧄​ꦥꦤꦼꦝꦤꦶꦁ​ꦱꦸꦤ꧀ꦲꦶꦁ​ꦮꦶꦢꦶ꧈​ꦲꦶꦁ​ꦮꦼꦁ​ꦔꦶꦭꦮꦤ꧀ꦤꦿꦲꦶꦤ꧈​ꦧꦉꦁ​ꦩꦠꦶꦭꦤ꧀ꦲꦮꦏ꧀ꦏꦺ꧈​ꦱꦤ꧀ꦧꦶꦱꦸꦤ꧀ꦲꦤꦺꦁ​ꦔꦏ꦳ꦺꦫꦠ꧀​ꦮꦺꦴꦁꦠꦠꦼꦭꦸ​ꦥꦁꦒꦶꦪ꧈​ꦢꦢꦶꦪꦱꦢꦸꦭꦸꦂ​ꦲꦶꦁ​ꦱꦸꦤ꧀​ꦲꦶꦏꦸꦱꦼꦠꦾꦤ꧀ꦤꦶꦁ​ꦱꦶ​ꦏꦏꦁ
꧄ꦪꦺꦤ꧀ꦩꦼꦁꦏꦠꦼꦤ꧀ꦤꦏꦶꦪꦲꦶ꧈​ꦢꦺꦤ꧀ꦥꦼꦤꦼꦠ꧀ꦏꦮꦸꦭꦠꦶꦭꦂ꧈​ꦢꦺꦤ꧀ꦤꦒꦸꦁ​ꦥꦁꦔꦥꦸꦤ꧀ꦠꦼꦤ꧀ꦤꦺ꧈ꦏꦶꦭꦸꦧꦩ​ꦲꦫꦶꦱ꧀ꦩꦸꦗꦂ꧈​ꦥꦸ​ꦩ꧀ꦩꦲꦗꦥꦼꦥꦺꦏ꧈​ꦭꦃ​ꦩꦶꦪꦁ​ꦔ​ꦩꦸꦥꦸꦁ​ꦢꦭꦸ꧈​ꦩꦭꦂ​ꦲꦗ​ꦏꦮꦼꦤ꧀ꦤꦁ​ꦔꦤ꧀​
꧄ꦥꦸꦠꦿꦱꦼꦏꦮꦤ꧀ꦠꦸꦂꦧꦼꦏ꧀ꦠꦶ꧈​ꦧꦉꦁ​ꦲꦤꦼꦩ꧀ꦧꦃ​ꦱꦼꦢꦪ꧈​​ꦱꦺꦭꦱꦾꦫ​ꦢꦺꦤ꧀ꦮꦸꦮꦸꦱ꧀ꦱꦺ꧈ꦏꦶꦪꦲꦶ​ꦲꦩꦶꦠ꧀ꦏꦮꦸꦭ꧈​ꦲꦤꦏ꧀ꦩꦤꦶꦫꦤꦼꦝ꧈​ꦩꦤꦮꦤꦢꦸꦢꦸꦤꦶꦥꦸꦤ꧀​ꦲꦗꦏꦸꦫꦁ​ꦥꦔꦥꦸꦫ
꧄ꦱꦏꦠꦶꦒ​ꦲꦩ꧀ꦭꦱ꧀ꦱꦱꦶꦃ꧈​ꦢꦺꦤꦶꦁꦤꦼꦝ​ꦥꦁ​ꦔꦥꦸꦫ꧈​ꦭꦸꦧꦩꦩꦼꦢꦭ꧀ꦮꦱ꧀ꦥꦤꦺ꧈​ꦥꦸꦠꦿ​ꦱꦼꦏꦮꦤ꧀ꦮꦸꦱ꧀ꦩꦢꦭ꧀​ꦱꦩꦶꦏꦼꦏꦤ꧀ꦛꦺꦤ꧀ꦲꦱ꧀ꦠ꧈​ꦲꦶꦁꦠꦼꦁꦔꦃ​ꦤꦶꦏꦺꦤ꧀ꦤꦿꦸꦩ꧀ꦱꦤ꧀ꦠꦸꦤ꧀​ꦱꦩ꧀ꦥꦸꦤ꧀ꦊꦥꦱ꧀ꦭꦩ꧀ꦥꦃ​ꦲꦶꦫ
꧄ꦠꦼꦁꦔꦃ​ꦢꦭꦸꦮꦼꦠꦫꦤ꧀ꦤꦶꦁ꧈​ꦏꦺꦱꦃ​ꦲꦺꦲꦁꦠ​ꦤ꧀ꦔꦶꦢꦸꦭ꧀ꦔꦺꦠꦤ꧀​ꦱꦏ꧀ꦱꦤꦏꦠꦶꦔꦭ꧀ꦧꦲꦺ꧈​ꦲꦶꦁꦩꦂꦒꦶ​ꦒꦼꦤ꧀ꦤꦶ​ꦲꦥꦝꦁ꧈​ꦱꦺꦭꦫꦮꦼꦕꦤ꧈​ꦲꦶꦁꦏꦁꦏꦼꦩꦶꦠ꧀ꦲꦶꦁ​ꦢꦼꦭꦁꦒꦸꦁ꧈​ꦭꦃꦏꦏꦁ​ꦩꦼꦒꦠꦿꦺꦴꦏ꧀ꦏꦼꦤ꧀ꦤ
꧄꧁꧂꧄ꦏꦒꦼꦏ꧀ꦩꦁꦏꦺꦲꦼꦤ꧀ꦒꦺꦤ꧀ꦤꦶꦫ​ꦲꦊꦭꦏꦸ꧈​ꦤꦶꦔꦭꦶꦲꦤꦮꦺꦴꦁꦧꦫꦶꦱ꧀​ꦲꦶꦁꦩꦂꦒꦱꦩꦶꦲꦠꦸꦒꦸꦂ꧈​ꦲꦸꦢꦏꦮꦶꦱ꧀ꦮꦺꦴꦁꦤꦼꦩ꧀ꦧꦶꦠꦶꦁꦏꦠꦺꦴꦤ꧀ꦒꦼꦤ꧀ꦤꦶꦤꦶꦥꦸꦤ꧀ꦩꦺꦴꦤ꧀ꦠꦺꦴꦂ꧈ [ f.25r ]
꧄ꦱꦺꦭꦫꦱꦩꦠꦸꦂ​ꦲꦶꦁꦏꦁ​ꦫꦏꦮꦲꦸ꧈ꦏꦏꦁ​ꦢꦺꦤ꧀ꦥꦿꦪꦶꦠ꧀ꦤ​ꦱꦩꦶ꧈​ꦥꦸꦤꦶꦏꦩꦂꦒꦤ꧀ꦤꦶꦁ​ꦭꦩ꧀ꦥꦸꦱ꧀​ꦏꦁꦤꦼꦩ꧀ꦧꦺꦴꦏ꧀ꦏꦤ꧀ꦮꦸꦫꦸꦁ​ꦩꦠꦶ꧈​ꦱꦶꦁꦥꦸꦤ꧀ꦢꦶ​ꦩꦂꦒꦤ꧀ꦤꦶꦁ​ꦭꦺꦴꦭꦺꦴꦱ꧀
꧄ꦤꦶꦫꦸꦩ꧀ꦱꦫꦶ​ꦲꦢꦤꦿꦺꦩꦤꦺꦢꦺꦤ꧀ꦒꦼꦭꦸꦁ꧈​ꦤꦸꦭꦾ​ꦲꦤꦶꦁꦱꦼꦠ꧀ꦠꦶꦠꦥꦺꦃꦧꦼꦁꦏꦸꦁꦱꦂ​ꦪ​ꦲꦩꦸꦮꦸꦱ꧀​ꦧꦺꦴꦏ꧀ꦔꦥꦪꦺꦤ꧀ꦧꦉꦁ​ꦩꦠꦶ꧈​ꦮꦺꦴꦁ​ꦥꦥꦠ꧀ꦧꦉꦁ​ꦲꦁ​ꦔꦼꦭꦺꦴꦤ꧀ꦗꦺꦴꦂ
꧄ꦲꦺꦴꦫꦩꦫꦱ꧀​ꦲꦺꦴꦫꦧꦫꦁ​꧈​ꦲꦠꦶꦤꦶꦁꦱꦸꦤ꧀​ꦤꦢꦾꦤ꧀ꦩꦠꦶ​ꦪꦠꦤ꧀ꦒꦶꦱꦶꦂ꧈​ꦧꦧꦺꦴ​ꦲꦤꦺ​ꦮꦺꦴꦁ​ꦠꦸꦩꦸꦮꦸꦃ꧈​ꦢꦸꦢꦸꦏꦮꦸꦭꦤꦶꦁ​ꦮꦶꦢꦶ꧈​ꦪꦺꦤ꧀ꦊꦁ​ꦒꦤ​ꦲꦶꦁꦥꦏꦺꦴꦤ꧀​
꧄ꦤꦁ​ꦔꦶꦁ​ꦲꦤꦪꦪꦶ​ꦲꦭꦺꦃ​ꦲꦶꦁꦱꦸꦤ꧀ꦒꦸꦫꦸ꧈​ꦥꦼꦫꦤ꧀ꦠꦶꦤꦺꦮꦺꦴꦁꦩꦼꦩꦭꦶꦁ​꧈​ꦱꦶꦱꦶꦉꦥ꧀ꦏꦫꦁꦝꦤ꧀ꦤꦶꦏꦸ꧈​ꦲꦫꦤ꧀ꦤꦺꦥꦤ꧀ꦭꦸꦮꦶꦃ​ꦩꦤ꧀ꦢꦶꦱꦸꦚ꧀ꦕꦕꦏ꧀ꦏꦺ​ꦥꦝ​ꦩꦼꦁꦏꦺꦴ
꧄ꦥꦤ꧀ꦮꦸꦱ꧀ꦲꦶꦝꦼꦥ꧀ꦥꦝꦻꦁꦱꦸꦤ꧀​ꦪꦺꦤ꧀ꦤꦪꦸꦤ꧀​ꦲꦔ꧀ꦊꦏꦱ꧀ꦱꦏꦼꦤ꧀ꦠꦸꦩꦸꦭꦶ꧈​ꦲꦁꦔꦿꦲꦸꦥ꧀ꦊꦩꦃ​ꦏꦫꦸꦲꦸꦤ꧀ꦢꦺꦤ꧀ꦱꦮꦸꦂ​ꦏꦤꦤ꧀ꦭꦤ꧀ꦏꦺꦫꦶꦥꦶꦁꦠꦶꦒꦱꦸꦤ꧀ꦕꦕꦏ꧀ꦩꦁꦏꦺꦴ
꧄ꦱꦺꦭꦲꦔꦩ꧀ꦧꦼꦁ​ꦔꦶꦁ​ꦮꦸꦮꦸꦱ꧀​ꦱꦶꦥꦸꦤ꧀​ꦏꦏꦁ​ꦲꦼꦩ꧀ꦧꦺꦴꦏ꧀ꦧꦺꦴꦠꦼꦤ꧀ꦩꦤ꧀ꦢꦶ꧈​ꦩꦸꦮꦸꦃꦲꦶꦒꦭꦏ꧀ꦏꦶꦁ​ꦩꦸꦱꦸꦃ​ꦲꦸꦤꦶꦁ​ꦔ​ꦭꦩꦺꦴꦤ꧀ꦮꦺꦴꦁꦔꦺꦱ꧀ꦠꦿꦶ꧈​ꦱꦥꦫꦤ꧀ꦏꦶꦠ​ꦢꦺꦤ꧀ꦱꦼꦂꦫꦺꦴꦠ꧀
꧄ꦏꦮꦂꦤꦥꦭꦃꦲꦺꦏꦔ꧀ꦭꦒꦶꦱꦸꦒꦸꦂ꧈ꦠꦤ꧀ꦱꦃ​ꦏꦱꦸꦏꦤ꧀ꦤꦶꦁ​ꦭꦠꦿꦶ꧈​ꦔꦉꦧꦧ꧀ꦲꦤꦚꦊꦩ꧀ꦥꦸꦁ꧈ꦏꦁꦩꦼꦩꦕꦢꦺꦤ꧀ꦤꦼꦒꦺꦴꦁꦔꦶ꧈​ꦥꦥꦼꦤ꧀ꦝꦶꦭ꧀ꦏꦶꦤꦂ​ꦪꦲꦼꦒꦺꦴꦁ
꧄ꦮꦺꦴꦁꦏꦁꦔꦸꦢꦸꦠ꧀ꦢꦩꦂ​ꦫꦺꦠꦧ꧀ꦱꦃ​ꦢꦺꦤ꧀​ꦫꦸꦧꦸꦁ꧈ꦱꦼꦱꦒꦺꦴꦏ꧀ꦏꦤ꧀ꦒꦤ꧀ꦠꦶꦒꦤ꧀ꦠꦶ꧈​ꦱꦺꦭ​ꦫꦱꦲꦫꦶꦱ꧀ꦩꦸꦮꦸꦱ꧀​​ꦏꦥꦫꦺꦥꦸꦤ꧀ꦏꦶꦠꦲꦶꦏꦶ꧈ꦱꦶꦁꦥꦸꦤ꧀ꦢꦶꦢꦼꦢꦭꦤ꧀ꦭꦺꦴꦭꦺꦴꦱ꧀​
꧄ꦪꦺꦤ꧀ꦩꦼꦏ꧀ꦱꦲꦢꦶꦱꦼꦂꦫꦁꦧꦺꦴꦠꦼꦤ꧀ꦮꦸꦫꦸꦁ꧈​ꦏꦕꦼꦏꦼꦭ꧀ꦢꦶꦤꦥꦸꦤꦶꦏꦶ꧈ꦏꦁ​ꦫꦏ​ꦏꦭꦶꦃ​ꦲꦩꦸ [ f.25v ]ꦮꦸꦱ꧀​ꦭꦃ​ꦪꦺꦤ꧀ꦤꦺꦴꦫꦪꦪꦶ​ꦧꦭꦶꦃ​ꦫꦸꦩ꧀ꦱꦫꦶ​ꦲꦠꦸꦂ​ꦫꦶꦫ​ꦭꦺꦴꦤ꧀​
꧄ꦮꦸꦱ꧀ꦠꦪꦪꦶ​ꦥꦝ​ꦩꦼꦤꦼꦁꦔ​ꦏꦫꦸꦲꦸꦤ꧀ꦤꦶꦫꦸꦩ꧀ꦱꦫꦶ​ꦩꦫꦝꦶꦔꦶꦤ꧀​ꦱꦶꦒꦿꦔꦩ꧀ꦧꦶꦭ꧀ꦊꦩꦃ​ꦱꦩ꧀ꦥꦸꦤ꧀​ꦲꦩꦠꦼꦏ꧀ꦱꦶꦱꦶꦉꦥ꧀ꦲꦒ꧀ꦭꦶꦱ꧀​ꦔꦢꦼꦏ꧀ꦱꦸꦏꦸꦤꦺꦏꦔ꧀ꦮꦶꦪꦺꦴꦱ꧀
꧄ꦏꦁꦱꦮꦶꦗꦶ​ꦱꦶꦏꦶꦭ꧀ꦠꦸꦩꦸꦥꦁ​ꦲꦶꦁ​ꦥꦸꦥꦸ꧈​ꦤꦸꦭꦾ​ꦲꦧꦭꦁ​ꦭꦤ꧀ꦱꦶꦠꦶ꧈​ꦱꦩ꧀ꦥꦸꦤ꧀ꦥꦶꦁ​ꦏꦭꦶꦃ꧈​ꦲꦔꦸꦠꦸꦱ꧀​ꦲꦤ​ꦚꦥꦮꦺꦴꦁꦱꦮꦶꦗꦶ꧈​ꦱꦥꦲꦔꦢꦼꦒꦶꦁꦏꦺꦴꦤꦺꦴ
꧄ꦪꦠꦏꦒꦺꦠ꧀ꦧꦠꦸꦂ​ꦫꦺꦥꦝꦱꦸꦩꦲꦸꦂ꧈​ꦲꦤ​ꦲꦸꦮꦺꦴꦁ​ꦱꦏꦶꦁꦔꦼꦤ꧀ꦢꦶ꧈​ꦲꦤꦲꦶꦁꦧꦶꦁꦏꦺꦴꦤ꧀ꦤꦺꦴꦩꦲꦸ꧈​ꦩꦸꦝꦸꦏ꧀ꦩꦸꦏ꧀ꦏꦺꦩꦫꦶꦏꦶ꧈​ꦭꦃ​​ꦲꦶꦏꦸ​ꦱꦶꦃ​ꦲꦥꦏꦠꦺꦴꦤ꧀
꧄ꦮꦺꦴꦁꦱꦏꦮꦤ꧀​ꦧꦠꦸꦂꦏꦛꦃ​ꦒꦺꦮꦺꦴꦁ​ꦔꦶꦏꦸ꧈​ꦥꦝ​ꦢꦺꦤ꧀ꦲꦁꦔꦠꦶꦪꦠꦶ꧈ꦲꦶꦏꦸꦮꦺꦴꦁ​ꦔꦉꦥ꧀ꦩꦉꦗꦸꦭ꧀ꦧꦠꦸꦂ​ꦕꦼꦒꦠꦼꦤ꧀ꦤꦒ꧀ꦭꦶꦱ꧀​​ꦫꦸꦩ꧀ꦱꦫꦶꦩꦫꦲꦔꦼꦭꦺꦴꦗꦺꦴꦏ꧀
꧄​ꦥꦿꦠꦺꦁ​ꦔꦂꦱꦤ꧀ꦤꦶꦁ​ꦧꦫꦶꦱ꧀​ꦤꦸꦭꦾ​ꦲꦁꦒꦸꦠꦸꦠ꧀​ꦭꦤ꧀ꦊꦩꦃ​ꦱꦼꦥꦶꦱꦤ꧀ꦩꦤꦶꦁ꧈​ꦮꦸꦱ꧀ꦗꦁꦏꦼꦥ꧀ꦧꦭꦶꦥꦶꦁꦠꦼꦭꦸ꧈​ꦮꦺꦴꦁ​ꦏꦁꦧꦫꦶꦱ꧀ꦲꦁꦔꦿꦱꦤꦶꦁ꧈ꦲꦫꦶꦥ꧀ꦠꦸꦫꦸ​ꦏꦶꦁ​ꦏꦭꦺꦴꦗꦺꦴꦂ
꧄ꦱꦏꦶꦁ​ꦱꦔꦼꦠ꧀ꦱꦶꦱꦶꦉꦥꦺ​ꦏꦁꦝꦸꦩꦮꦃ꧈​ꦱꦏꦛꦃꦲꦺꦲꦶꦁꦏꦁ​ꦏꦼꦩꦶꦠ꧀​ꦲꦤ​ꦠꦸꦫꦸꦱꦩ꧀ꦧꦶ​ꦭꦸꦁꦒꦸꦃ꧈​ꦮꦺꦴꦁꦏꦁ​ꦚꦥ​ꦲꦶꦁ​ꦲꦶꦁ​ꦫꦸꦩ꧀ꦱꦫꦶ꧈​ꦠꦸꦫꦸ​ꦔꦢꦼꦏ꧀ꦱꦩ꧀ꦧꦶ​ꦔꦺꦴꦫꦺꦴꦏ꧀
꧄ꦤꦶꦫꦸꦩ꧀ꦱꦫꦶ​ꦒꦸꦥꦸꦃ​ꦱꦶꦫꦤꦸꦭꦾ​ꦮꦁꦱꦸꦭ꧀​ꦩꦫꦤ꧀ꦤꦶꦁ​ꦝꦠꦼꦁ​ꦏꦁ​ꦫꦪꦶ꧈​ꦪꦪꦶ​ꦥꦪꦺꦴꦥꦝ​ꦮꦁꦱꦸꦭ꧀​ꦢꦺꦤ꧀ꦒꦤ꧀ꦗꦔꦗꦧꦫꦶꦧꦶꦤ꧀​ꦩꦸꦥꦸꦁ​ꦮꦸꦱ꧀ꦥꦝ​ꦲꦤ꧀ꦝꦼꦏꦺꦴꦏ꧀​
꧄ꦲꦶꦁꦏꦂꦱ​ꦤꦺ​ꦫꦪꦶ​ꦤꦫꦱꦏꦠꦼꦭꦸ꧈​ꦲꦤ꧀ꦝꦺꦫꦺꦏ꧀ꦏꦁ​ꦫꦏ​꧈​ꦱꦩꦶ꧈​ꦪꦠꦭꦩꦸꦤ꧀ꦮꦢꦺꦴꦤ꧀​​ꦥꦸꦤ꧀ꦗꦸꦭ꧀​ꦲꦪꦸ​ꦫꦸꦥꦤ꧀ꦤꦺꦠꦸꦂ [ f.26r ]ꦱꦏ꧀ꦠꦶ꧈​ꦧꦺꦴꦪ​ꦠꦸꦏ꧀ꦱꦶꦃꦲꦶꦁ​ꦩꦤꦺꦴꦤ꧀​
꧄​ꦲꦒ꧀ꦭꦶꦱ꧀ꦩꦶꦠꦂꦩꦁꦏꦺꦏꦮꦂꦤ​ꦲꦮꦲꦸ꧈​ꦢꦺꦤ꧀ꦱꦼꦂ​ꦫꦁ​ꦠꦼꦁꦔꦃ​​ꦲꦺꦧꦫꦶꦱꦔꦶꦢꦼꦏ꧀ꦲꦶꦢꦼꦏ꧀ꦮꦺꦴꦁ​ꦠꦸꦫꦸ꧈​ꦮꦼꦤꦺꦃ​ꦠꦸꦫꦸꦤꦺ​ꦲꦭꦶꦁꦒꦶꦃ꧈​ꦱꦂ​ꦮꦶꦔꦝꦼꦥ꧀ꦥꦶ​ꦕꦼꦕꦼꦥꦺꦴꦤ꧀​​
꧄ꦭꦒꦶ​ꦩꦁ​ꦔꦤ꧀ꦏꦱꦶꦉꦥ꧀ꦲꦤꦸꦭꦾ​ꦠꦸꦫꦸ꧈​ꦱꦼꦏꦸꦭꦺꦩꦏ꧀ꦱꦶꦃꦲꦶꦁꦥꦶꦥꦶ꧈​ꦔꦩꦺꦭꦤ꧀ꦏꦧꦸꦫꦸꦠꦸꦫꦸ꧈​ꦢꦺꦤꦶꦁ​ꦮꦺꦴꦁꦏꦁ​ꦭꦒꦶ​ꦔꦶꦱꦶꦁ꧈​ꦠꦸꦫꦸꦤ꧀ꦤꦺꦩꦏ꧀ꦱꦶꦃ​ꦗꦼꦗꦼꦁꦏꦸ
꧄ꦏꦒꦺꦴꦮꦺꦴꦏ꧀ꦏꦤ꧀​ꦱꦏꦺꦲꦶꦁꦏꦁ​ꦮꦺꦴꦤ꧀​ꦠꦸꦫꦸꦱꦺꦭꦫꦱꦤꦶꦔꦭ꧀ꦭꦶ​ꦢꦶꦒꦥꦂꦫꦺ​ꦲꦝꦫꦸꦝꦸꦠ꧀​​ꦱꦩ꧀ꦥꦸꦤ꧀ꦲꦁ​ꦭꦶꦮꦠ꧀ꦠꦶ​ꦧꦫꦶꦱ꧀​ꦏꦁ​ꦫꦪꦶ​ꦏꦠꦶꦒ​ꦒꦮꦺꦴꦏ꧀​
꧄​ꦤꦸꦭꦾ​ꦤꦼꦒꦠ꧀ꦏꦶ​ꦱꦺꦭꦫꦱ​ꦩꦿꦶꦁ​ꦔꦪꦸꦤ꧀​ꦩꦠꦸꦂꦝꦠꦼꦁ​ꦫꦏꦏꦭꦶꦃ​ꦏꦏꦁ​ꦏꦸꦭꦥꦩꦶꦠ꧀ꦮꦁꦱꦸꦭ꧀​ꦏꦁꦠꦸꦫꦸꦏꦮꦸꦭꦠꦁ​ꦔꦶ꧈​ꦩꦁꦏꦶꦤ꧀ꦏꦸꦭꦭꦮꦤ꧀ꦒꦸꦕꦺꦴ
꧄ꦱꦩ꧀ꦥꦸꦤ꧀ꦠꦸꦩꦸꦠ꧀ꦥꦢꦸꦏꦏꦭꦶꦃ​ꦢꦶꦢꦶꦥꦸꦤ꧀​ꦩꦁꦏꦺꦏꦮꦸꦭꦏꦼꦩ꧀ꦧꦂ​ꦫꦶ꧈​ꦱꦏꦶꦁ​ꦥꦤꦱ꧀ꦲꦠꦶꦤꦶꦁꦱꦸꦤ꧀​ꦏꦠꦸꦮꦺꦴꦤꦺꦫꦠꦸ​ꦏꦥꦶꦂ꧈​ꦥꦫꦺꦤ꧀ꦠꦃꦲꦺ​ꦏꦪꦧꦼꦒꦺꦴꦏ꧀
꧄ꦏꦮꦸꦭꦤꦺꦱꦼꦏꦧꦺꦃꦲꦺ​ꦥꦝꦩꦼꦱꦸꦩ꧀​ꦠꦼꦏꦤꦼꦩ꧀ꦧꦃ​ꦲꦶꦁ​ꦮꦺꦴꦁ​ꦏꦥꦶꦂ꧈​ꦲꦱꦼꦭꦩꦺ​ꦲꦫꦃꦲꦸꦫꦸꦃ꧈​ꦲꦔꦸꦂꦏꦮꦸꦭ꧈​ꦲꦩꦸꦏꦺ꧈​ꦱꦺꦭꦒꦺꦴꦤ꧀ꦢꦩꦸꦮꦸꦱ꧀ꦲꦭꦺꦴꦤ꧀​
꧄ꦲꦗꦒꦸꦱ꧀ꦠꦶ​ꦱꦺꦭꦫꦱꦲꦫꦶꦱ꧀​ꦩꦸꦮꦸꦱ꧀​ꦲꦥꦧꦼꦕꦶꦏꦺꦪꦺꦤ꧀ꦲꦸꦮꦶꦱ꧀​ꦏꦕꦼꦏꦼꦭꦏꦶꦠꦲꦶꦏꦸ꧈​ꦠꦤ꧀ꦮꦤ꧀ꦢꦺ​ꦏꦶꦠꦔꦼꦩ꧀ꦩꦱ꧀ꦱꦶ꧈​ꦲꦔꦸꦂ​ꦲꦗ​ꦭꦸꦁ​ꦔ​ꦱꦶꦁ​ꦒꦺꦴꦤ꧀​
꧄​ꦱꦺꦭꦫꦱ​ꦲꦩꦏ꧀ꦱ꧈​ꦠꦸꦩꦸꦭꦾ​ꦮꦁꦱꦸꦭ꧀​ꦱꦏꦺꦃ​ꦮꦺꦴꦁꦠꦸꦫꦸ​ꦢꦺꦤ꧀ꦠꦁ​ꦔꦶ꧈​ꦪ​ꦲꦗ​ꦧꦭꦸꦧꦸꦃ꧈​ꦢꦺꦤ꧀ꦝꦸꦥꦏ꧀ꦏꦤ​ꦢꦺꦤ꧀ꦧꦶꦛꦶ꧈​ꦱꦮꦼꦤꦺꦃ​ꦢꦺꦤ꧀ꦤꦺꦴ [ f.26v ]ꦪꦺꦴꦒ꧀ꦒꦪꦺꦴꦏ꧀
꧄​ꦭꦃ​ꦠꦁꦔꦶꦪ​ꦠꦼꦏꦱꦶꦫ​ꦢꦺꦤ꧀ꦤꦠꦸꦫꦸ꧈​ꦏꦧꦺꦴꦫꦺꦴꦱ꧀ꦱꦤ꧀​ꦱꦶꦫ​ꦲꦶꦏꦶ꧈​ꦢꦶꦥꦸꦤ꧀ꦕꦺꦴꦭꦺꦴꦏ꧀ꦩꦠꦤ꧀ꦤꦶꦥꦸꦤ꧀​ꦱꦿꦥꦤ꧀ꦢꦺꦤꦺꦤꦺꦴꦫ​ꦠꦁ​ꦔꦶ꧈​ꦲꦺꦕꦩꦏ꧀ꦱꦶꦃ​ꦢꦺꦤ꧀ꦚ​ꦔꦫꦺꦴꦏ꧀​
꧄ꦱꦺꦭꦱ꧀ꦮꦫꦲꦫꦶꦤ꧀ꦤꦺ​ꦠꦤ꧀ꦱꦃ​ꦢꦺꦤ꧀ꦲꦸꦮꦸꦃ꧈​ꦮꦸꦱ꧀ꦱꦼꦝꦼꦁ​ꦱꦼꦩꦺꦴꦤꦺꦴꦪꦪꦶ꧈​ꦩꦫꦺꦤꦺꦪ​ꦪꦪꦶ​ꦲꦸꦮꦸꦱ꧀​ꦲꦔꦸꦭꦸꦁ​ꦔ​ꦒꦼꦭꦶꦱ꧀​ꦒꦼꦭꦶꦱ꧀​ꦥꦪꦺꦴꦱꦮꦢꦶꦤꦺ​ꦲꦢꦺꦴꦃ​
꧄​ꦱꦺꦭꦫꦱ​ꦭꦸꦔ​ꦱꦩ꧀ꦧꦶꦫꦶꦲꦩꦸꦮꦸꦱ꧀​ꦫꦠꦸꦤꦺꦏꦏꦁ​ꦲꦶꦁꦧꦶꦗꦶꦁ꧈​ꦱꦸꦤ꧀ꦩꦭꦶꦁ​ꦔꦤ꧀ꦤꦺ​ꦪꦺꦤ꧀ꦠꦸꦫꦸ꧈​ꦱꦸꦤ꧀ꦠꦶꦒꦱ꧀ꦩꦸꦂꦢꦤ꧀ꦤꦺꦧꦺꦗꦶꦁ꧈​ꦱꦸꦤ꧀ꦱꦶꦉꦥ꧀ꦏꦪꦩꦁꦏꦺꦴꦤꦺꦴ
꧄ꦱꦶꦱꦶꦉꦥ꧀ꦥꦺꦏꦏꦁ​ꦔꦼꦩ꧀ꦧꦺꦴꦏ꧀ꦲꦶꦏꦩꦲꦸ꧈​ꦲꦶꦁꦏꦮꦸꦭꦮꦸꦱ꧀ꦏꦲꦠꦶ꧈​ꦱꦺꦭꦒꦺꦴꦤ꧀ꦢꦲꦫꦸꦱ꧀ꦩꦸꦮꦸꦱ꧀​ꦲꦗꦒꦮꦺ​ꦠꦶꦏꦃ​ꦪꦪꦶ꧈​ꦭꦒꦶ​ꦲꦥ​ꦏꦶꦠ​ꦩꦁꦏꦺꦴ
꧄ꦢꦸꦫꦸꦁ​ꦏꦫꦸꦮꦤ꧀ꦱꦶꦱꦶꦉꦥꦺꦢꦤ꧀ꦒꦸꦁꦒꦸꦁ꧈​ꦱꦺꦭꦫꦱ​ꦤꦲꦸꦫꦶ꧈​ꦒꦶꦃ​ꦥꦸꦤꦶꦏꦸꦚꦠꦤ꧀ꦤꦶꦥꦸꦤ꧀​ꦩꦭꦶꦃꦱꦸꦤ꧀ꦒꦸꦒꦃꦠꦤ꧀ꦠꦁ​ꦔꦶ꧈​ꦩꦏ꧀ꦱꦶꦃꦠꦸꦫꦸ​ꦠꦶꦁꦏꦭꦺꦴꦗꦺꦴꦂ
꧄ꦏꦮꦸꦮꦸꦱ꧈ꦏꦁ​ꦏꦼꦩꦶꦠ꧀ꦲꦤꦺꦁ​ꦢꦼꦭꦁꦒꦸꦁ꧈​ꦧꦁ​ꦧꦁ​ꦮꦺꦠꦤ꧀ꦥꦝ​ꦠꦁ​ꦔꦶ꧈ꦏꦛꦃ​ꦲꦁ​ꦔꦿꦱ​ꦏꦒꦼꦠꦸꦤ꧀​ꦢꦺꦤ꧀ꦤꦶꦁ​ꦠꦸꦫꦸꦤ꧀ꦤꦺꦏꦥꦠꦶ꧈​ꦫꦩꦺꦲꦩꦶꦕꦺꦴꦫꦺꦁ​ꦕꦺꦮꦺꦴꦏ꧀​
꧄ꦥꦸꦁꦒꦮꦤꦺꦏꦗꦶꦤꦼꦩꦤ꧀ꦠꦁ​ꦔꦶ​ꦠꦸꦫꦸ꧈​ꦭꦸꦁꦒꦸꦃ​ꦮꦺ​ꦲꦧꦧꦂ​ꦭꦩ꧀ꦥꦶꦠ꧀​ꦥꦶꦤꦉꦏ꧀ꦏꦶꦁ​ꦏꦤ꧀ꦕꦤ꧀ꦤꦶꦥꦸꦤ꧀​ꦱꦩꦾ​ꦲꦮꦱ꧀ꦲꦤꦶꦔꦭ꧀ꦭꦶ꧈​ꦥꦸꦤꦥ​ꦤꦺꦁ​ꦧꦛꦸꦏ꧀ꦏꦠꦺꦴꦤ꧀
꧄ꦱꦥꦱꦶꦠꦼꦤ꧀ꦏꦏꦶꦪꦲꦶ​ꦤꦼꦂ​ꦫꦠ꧀ꦥꦸꦤꦶꦏꦸ꧈​ꦧꦛꦸꦏ꧀ꦲꦤ꧀ꦢꦶꦏ​ꦏꦶꦪꦲꦶ꧈ꦱꦶꦒꦿꦤꦸꦭꦾ​ꦲꦩꦸꦮꦸꦱ꧀​ꦮꦕꦤ꧀ꦤꦼꦤ꧀​ꦢꦺꦤ꧀ꦥꦉꦏ꧀ꦩꦩꦶ꧈​ꦪꦺꦤ꧀ꦤꦫꦲ [ f.27r ]
꧄​ꦲꦶꦁꦏꦁꦮꦤꦶꦮꦤꦶꦤꦸꦭꦶꦱ꧀ꦧꦛꦸꦏ꧀ꦏꦶꦁꦱꦸꦤ꧀​ꦠꦤ꧀ꦧꦸꦃ​ꦭꦏꦸꦤꦺ​ꦱꦶꦧꦼꦭꦶꦱ꧀​ꦏꦭꦶꦮꦺꦴꦤ꧀ꦤꦺꦤꦺꦴꦫ​ꦔꦏꦸ꧈​ꦩꦸꦒ​ꦒꦺꦴꦤ꧀ꦝꦺꦴꦏ꧀ꦩꦸꦒ​ꦏꦶꦛꦶꦁ​꧈​ꦩꦸꦒꦧꦸꦱꦸꦁ​ꦩꦸꦒꦕꦺꦏꦺꦴꦠ꧀
꧄ꦮꦸꦱ꧀ꦮꦶꦤꦕ​ꦮꦲꦸ​ꦢꦺꦤ꧀ꦤꦶꦁ​ꦏꦤ꧀ꦕꦺꦴꦤ꧀ꦤꦶꦥꦸꦤ꧀​꧈ꦏꦸꦤꦼꦁ​ꦲꦸꦤꦶꦤꦺꦏꦁꦠꦸꦭꦶꦱ꧀​ꦢꦺꦤ꧀ꦤꦶꦫꦥꦝ​ꦧꦭꦸꦧꦸꦃꦥꦺꦔꦼꦠ꧀ꦲꦶꦏꦶ​ꦱꦸꦫꦠ꧀ꦩꦩꦶ꧈​ꦱꦺꦭꦫꦱ​ꦲꦫꦤ꧀ꦤꦶꦁ​ꦮꦺꦴꦁ
꧄ꦮꦺꦴꦁ​ꦱꦏꦮꦤ꧀ꦲꦶꦁꦱꦸꦤ꧀ꦱꦏꦶꦁ​ꦢꦺꦱꦩꦸꦤ꧀ꦝꦸ꧈​ꦭꦸꦔꦤ꧀ꦤꦶꦁꦱꦸꦤ꧀ꦏꦥꦠꦺꦤ꧀ꦲꦶꦱ꧀ꦡꦿꦶ꧈ꦏꦶ​ꦭꦸꦧꦩ​ꦲꦶꦁꦏꦁ​ꦱꦸꦤꦸ꧈​ꦱꦸꦱꦸꦭ꧀ꦊꦤ꧀ꦪꦺꦤ꧀ꦱꦶꦫꦮꦤ꧀ꦤꦶ꧈​ꦏꦼꦩ꧀ꦧꦸꦭ꧀ꦭꦤ꧀ꦤ​ꦮꦺꦴꦁ​ꦱꦼꦩꦺꦴꦤ꧀ꦤꦺꦴ
꧄ꦲꦩꦶꦪꦂꦱꦱꦼꦢꦪ​ꦲꦶꦁ​ꦮꦸꦮꦸꦱ꧀​ꦱꦶꦥꦸꦤ꧀​ꦠꦭꦶꦁ​ꦔꦤ꧀ꦲꦔ꧀ꦭꦶꦂꦱꦶꦤꦼꦧꦶꦠ꧀​ꦭꦃ​ꦱꦸꦱꦸꦊꦤ꧀ꦭꦫꦺ​ꦲꦶꦏꦸ꧈​ꦲꦗꦮꦼꦢ꧀ꦢꦶ​ꦱꦭꦶꦤ꧀ꦝꦶꦁ꧈​ꦥꦸꦥꦸꦃ​ꦫꦫꦱ꧀ꦢꦿꦶꦪ​ꦔꦤ꧀ꦠꦺꦴꦱ꧀
꧄꧁꧂
꧄ ꦠꦤ꧀ꦤꦢꦁ​ꦔꦸ​ꦱꦶꦤꦸꦱꦸꦭ꧀ꦠꦸꦩꦸꦭꦶ​ꦲꦶꦁꦏꦁ​ꦮꦲꦸ​ꦭꦺꦴꦱ꧀꧈ꦠꦶꦪꦁ​ꦏꦮꦤ꧀ꦢꦱꦫꦺꦫꦺꦃ​ꦲꦤꦺ꧈​ꦢꦺꦤ꧀ꦧꦲꦶꦏ꧀ꦏꦏꦼꦤ꧀ꦢꦸꦩꦺꦃ​ꦮꦺꦴꦁꦏꦼꦝꦶꦏ꧀​ꦥꦶꦫ​ꦠ​ꦮꦺꦴꦁ​ꦱꦶꦗꦶ꧈​ꦩꦺꦴꦁꦱꦠꦤ꧀ꦏꦱꦸꦱꦸꦭ꧀
꧄ꦲꦱꦸꦫꦏ꧀ꦱꦸꦫꦏ꧀ꦱꦩꦂꦒꦶꦩꦂꦒꦷ꧈​ꦏꦁꦏꦩ꧀ꦥꦩꦁꦏꦺꦴ꧈ꦱꦺꦭꦫꦱ​ꦮꦲꦸ​ꦲꦶꦁ​ꦭꦩ꧀ꦥꦃ​ꦲꦺ꧈ꦭꦤ꧀ꦏꦁ​ꦫꦒꦏꦠꦶꦒꦩꦶꦫꦤ꧀ꦠꦶ꧈​ꦪꦺꦤ꧀ꦧꦫꦶꦱ꧀ꦤꦸꦠꦸꦠꦶ꧈​ꦱꦾꦫꦤ꧀ꦤꦶꦁ​ꦒꦸꦩꦸꦫꦸꦃ꧈
꧄ꦱꦺꦭꦱꦾꦫ​ꦲꦁꦔ꧀ꦭꦶꦁ​ꦲꦶꦁꦏꦁ​ꦫꦪꦶ꧈​ꦪꦪꦶ​ꦤꦫꦒꦺꦴꦫꦺꦴꦃꦏꦪꦺꦁ​ꦔꦥꦲꦶꦁ​ꦩꦁꦏꦺꦲꦏꦭ꧀ꦭꦺ꧈ꦮꦸꦱ꧀ꦢꦺꦤ꧀ꦏꦼꦥꦸꦁꦮꦏꦸꦭ꧀​ꦢꦺꦤ꧀ꦤꦶꦢꦼꦂ​ꦫꦶ꧈​ꦫꦸꦩ꧀ꦱꦫꦶꦤꦸꦏꦼꦩ꧀ꦩꦶꦲꦝꦸꦃꦲꦫꦶꦤꦶꦁꦱꦸꦤ꧀​
꧄ꦪꦺꦤ꧀ꦤꦶꦁ​ꦩꦼꦁꦏꦺꦴ​ꦲꦫꦮꦸꦫꦸꦁ​ꦩꦠꦶ꧈​ꦱꦭꦃꦱꦶꦗꦶ​ꦭꦩꦺꦴꦤ꧀​ꦏꦕꦼꦏꦼꦭ꧀ꦭꦱꦶꦗꦶꦧꦺꦭꦏꦧꦺꦃ꧈​ꦱꦺꦭꦫꦱꦮꦸꦮꦸꦱꦺ​ꦲꦩꦤꦶꦱ꧀​ꦭꦃ​ꦠꦢꦶꦏ​ꦲꦶꦏꦶꦢꦺꦤ꧀ꦒꦤ꧀ꦕꦁꦭꦸꦩꦪꦸ [ f.27v ]
꧄ꦩꦔꦶꦢꦸꦭ꧀ꦭ​ꦏꦏꦁ​ꦢꦺꦤ꧀ꦭꦭꦶꦱ꧀​ꦧꦼꦏ꧀ꦠꦤꦼꦤ꧀ꦏꦁꦔꦼꦧꦺꦴꦏ꧀​ꦢꦶꦢꦶꦩꦺꦤ꧀ꦤꦶꦁ​ꦏꦸꦭꦏꦁ​ꦔꦭꦺꦝꦺꦏ꧀​ꦱꦩ꧀ꦥꦸꦤ꧀ꦢꦺꦤ꧀ꦤꦶꦁ​ꦮꦺꦴꦁ​ꦏꦼꦏꦭꦶꦃ​ꦱꦺꦭꦒꦺꦴꦤ꧀ꦢ​ꦲꦁꦔ꧀ꦭꦶꦁ​꧈​ꦧꦼꦤ꧀ꦤꦼꦂ​ꦪꦪꦶ​ꦥꦪꦺꦴ
꧄ꦏꦁ​ꦫꦏ​ꦭꦶꦭꦃꦢꦺꦤ꧀ꦥꦝ​ꦧꦼꦕꦶꦏ꧀​​ꦲꦗ​ꦥꦠꦶꦲꦢꦺꦴꦃ꧈ꦱꦺꦭꦒꦺꦴꦤ꧀ꦢ​ꦲꦫꦶꦱ꧀ꦲꦶꦁ​ꦮꦸꦮꦸꦱꦺ꧈​ꦪꦪꦶ​ꦲꦥ​ꦩꦁꦏꦺ​ꦏꦁ​ꦤꦂꦢꦶ꧈ꦒꦼꦒꦩꦤꦶꦁꦗꦸꦫꦶꦠ꧀​ꦭꦺꦴꦁꦏ​ꦧꦠ​ꦮꦠꦸ
꧄ꦱꦺꦭꦫꦱ​ꦩꦁꦏꦾꦲꦤꦲꦸꦫꦶ꧈​ꦒꦶꦒꦶꦠꦶꦏ꧀ꦏꦶꦩꦮꦺꦴꦤ꧀꧈​ꦢꦾꦤ꧀ꦱꦶꦤꦸꦫꦏ꧀ꦱꦸꦫꦏ꧀ꦲꦶꦁ​ꦮꦺꦴꦁꦔꦏꦺꦃ꧈ꦲꦤ​ꦲꦶꦁꦏꦁ​ꦲꦕꦮꦶꦱ꧀ꦠꦼꦠꦭꦶ꧈​ꦱꦶꦁ​ꦩꦫꦁ​ꦢꦺꦤ꧀ꦒꦶꦠꦶꦏ꧀​꧈ꦔꦩꦸꦏ꧀ꦭꦤ꧀ꦥꦥꦼꦤ꧀ꦝꦸꦁ
꧄ꦲꦤ​ꦲꦶꦁꦏꦁ​ꦤꦼꦂ​ꦫꦗꦁ​ꦱꦶꦁ​ꦮꦸꦫꦶ꧈​ꦱꦺꦭꦒꦺꦴꦤ꧀ꦢ​ꦢꦺꦤ꧀ꦧꦾꦺꦴꦏ꧀​ꦠꦤ꧀ꦮꦸꦤꦶꦁ​ꦔꦤ꧀ꦮꦲꦸ​ꦲꦶꦁ​ꦮꦸꦫꦶꦤꦺ꧈​ꦱꦺꦭꦫꦱ​ꦤꦼꦂ​ꦫꦗꦁ​ꦤꦼꦩ꧀ꦥꦶꦭꦶꦁ​꧈​ꦱꦶꦁ​ꦩꦫꦢꦺꦤ꧀ꦒꦠꦶꦏ꧀​꧈​ꦏꦸꦤ꧀ꦢꦸꦂ​ꦲꦶꦁꦏꦁ​ꦔꦼꦥꦸꦁ​꧈

[ f.28r ]
꧄ꦱꦺꦭꦒꦺꦴꦤ꧀ꦢ​ꦲꦺꦁꦔꦼꦠ꧀ꦏꦁ​ꦤꦺꦁ​ꦮꦸꦫꦶ꧈​ꦲꦶꦁꦱꦤꦏ꧀ꦏꦺꦏꦫꦺꦴ꧈​ꦥꦤ꧀ꦩꦼꦭꦗꦼꦁꦢꦺꦤ꧀ꦤꦥꦿꦶꦏ꧀ꦱꦒꦺꦴꦤ꧀ꦤꦺ꧈​ꦠꦤ꧀ꦏꦠꦶꦔꦭ꧀ꦚꦤ꧀ꦤꦤꦺꦮꦸꦱ꧀ꦠꦼꦧꦶꦃ꧈​ꦕꦼꦁꦏꦺꦭꦏ꧀ꦲꦧꦭꦶꦏ꧀꧈​ꦝꦠꦼꦁꦲꦫꦶꦤꦶꦥꦸꦤ꧀꧈​
꧄ꦱꦥꦿꦥ꧀ꦠꦤ꧀ꦤꦺꦝꦠꦼꦁꦲꦶꦁꦏꦁꦔꦿꦪꦶ꧈​ꦤꦸꦭꦾꦩꦸꦮꦸꦱ꧀ꦲꦭꦺꦴꦤ꧀꧈​ꦥꦪꦺꦴꦭꦸꦁꦔꦪꦪꦶꦱꦏꦶꦁꦏꦺꦤꦺ꧈​ꦱꦩꦶꦏꦺꦱꦃꦏꦁ​ꦫꦫꦺꦏꦼꦏꦭꦶꦃ꧈​ꦮꦺꦴꦤ꧀ꦠꦼꦤ꧀ꦝꦠꦼꦁꦩꦭꦶꦃꦒꦼꦒꦩꦤ꧀ꦏꦁꦤꦸꦱꦸꦭ꧀​
꧄ꦭꦁꦏꦸꦁꦏꦛꦃꦒꦼꦒꦩꦤ꧀ꦏꦁꦥꦿꦥ꧀ꦠꦶ꧈​ꦲꦔꦼꦥꦸꦁꦲꦁꦔꦿꦩ꧀ꦥꦺꦴꦏ꧀꧈​ꦱꦺꦭꦫꦱꦲꦫꦶꦱ꧀ꦲꦶꦁꦮꦸꦮꦸꦱ꧀ꦱꦶꦁ꧈ꦏꦏꦁꦔꦶꦏꦥꦝꦠꦼꦏꦩꦤ꧀ꦤꦶꦁꦤꦸꦭꦾꦢꦺꦤ꧀ꦡꦸꦧꦏ꧀ꦏꦶ꧈​ꦮꦺꦴꦁꦏꦛꦃꦩꦫꦶꦧꦸꦃ​
꧄ꦥꦁꦔꦩꦸꦏ꧀ꦏꦺꦮꦺꦴꦁ​ꦭꦺꦴꦫꦺꦴꦭꦶꦂꦠꦼꦂꦗꦶꦠ꧀꧈​ꦠꦤ꧀ꦏꦼꦤ꧀ꦤꦫꦶꦤꦩ꧀ꦥꦺꦴꦏ꧀​ꦏꦁꦱꦮꦼꦤ꧀ꦤꦺꦃꦏꦁꦱꦮꦼꦤꦺꦃꦏꦉꦧꦸꦠ꧀ꦠꦸꦧꦏ꧀ꦏꦺ꧈​ꦱꦺꦭꦫꦱꦩ꧀ꦥꦸꦤ꧀꧈​ꦩꦊꦱ꧀ꦩꦭꦶꦃ꧈​ꦏꦁꦏꦠꦸꦧꦏ꧀ꦩꦠꦶ꧈​ꦲꦤꦏꦁꦏꦒꦼꦧꦸꦏ꧀

[ f.28v ]
꧄ꦱꦺꦭꦒꦺꦴꦤ꧀ꦢ​ꦲꦺꦁꦔꦼꦠ꧀ꦏꦁꦤꦺꦁ​ꦮꦸꦫꦶ꧈​ꦲꦶꦁꦱꦤꦏ꧀ꦏꦺ​ꦏꦫꦺꦴ꧈​ꦥꦤ꧀ꦩꦼꦭꦗꦼꦁ​ꦢꦺꦤ꧀ꦥꦫꦶꦏ꧀ꦱ​ꦒꦺꦴꦤꦺ꧈​ꦠꦤ꧀ꦏꦠꦶꦁ​ꦔꦭ꧀ꦒꦺꦴꦤꦺ​ꦮꦸꦱ꧀ꦠꦼꦧꦶꦃ​ꦕꦁꦏꦺꦭꦏ꧀ꦝꦠꦼꦁ​ꦲꦫꦶꦤꦶꦥꦸꦤ꧀​
꧄ꦏꦁꦱꦮꦼꦤꦺꦃ​ꦠꦶꦤꦸꦧꦏ꧀ꦏꦶꦏꦶꦕꦶꦂ꧈​ꦲꦤꦒꦼꦂꦫꦺꦴꦒꦼꦂꦫꦺꦴ꧈​ꦗꦭꦸꦏ꧀ꦠꦸꦭꦸꦁ​ꦮꦸꦱ꧀ꦲꦢꦺꦴꦃ​ꦧꦠꦸꦂ​ꦫꦺ꧈​ꦥꦤ꧀ꦮꦸꦱ꧀ꦏꦸꦤ꧀ꦢꦸꦂ​ꦒꦼꦒꦩꦤ꧀ꦤꦿꦺꦴꦁ​ꦧꦶꦠꦶꦁ꧈​ꦢꦺꦤꦶꦁ​ꦮꦺꦴꦁ​ꦏꦼꦏꦭꦶꦃꦥꦼꦂꦏꦺꦴꦱꦤꦺ​ꦭꦁꦏꦸꦁ​
꧄ꦱꦩ꧀ꦥꦸꦤ꧀ꦱꦶꦂꦤꦏꦸꦢꦸꦂ​ꦥꦸꦤꦁ​ꦧꦫꦶꦱ꧀​ꦩꦼꦭꦪꦸ​ꦥꦸꦤꦁ​ꦮꦺꦴꦁ​꧈​ꦱꦺꦭꦒꦺꦴꦤ꧀ꦢ​ꦲꦫꦶꦱ꧀ꦲꦶꦁ​ꦮꦸꦮꦸꦱ꧀ꦱꦺ꧈​ꦥꦪꦺꦴ​ꦪꦪꦶ​ꦩꦼꦭꦪꦸ​ꦢꦺꦤ꧀ꦤꦒ꧀ꦭꦶꦱ꧀​ꦩꦸꦥꦸꦁ​ꦏꦸꦢꦸꦂ​ꦱꦩꦶ꧈​ꦪꦪꦶ​ꦧꦫꦶꦱ꧀ꦮꦲꦸ꧈
꧄​​ꦤꦼꦝꦏꦏꦁ​ꦏꦶꦠ​ꦥꦝꦤꦸꦭꦶ꧈​ꦤꦸꦱꦸꦭ꧀ꦏꦏꦁ​ꦔꦼꦩ꧀ꦧꦺꦴꦏ꧀​ꦧꦫꦶꦱ꧀ꦮꦲꦸꦮꦸꦱ꧀ꦩꦸꦭꦶꦃꦏꦸꦛꦤꦺ​ꦥꦱ꧀ꦛꦶꦩꦠꦸꦂ​ꦩꦫꦁ​​ꦒꦸꦱ꧀ꦠꦶꦤꦺꦏꦶ꧈​ꦠꦤ꧀ꦮꦤ꧀ꦢꦺ​ꦲꦁꦔꦸꦁꦏꦶꦃꦱꦼꦥꦫꦤ꧀ꦢꦺꦤ꧀ꦱꦸꦱꦸꦭ꧀​꧈
꧄ꦒꦼꦒꦤ꧀ꦕꦁꦔꦤ꧀ꦱꦺꦭꦫꦱꦏꦭꦶꦃ꧈​ꦏꦮꦸꦮꦸꦱ꧀ꦱꦩꦁꦏꦺꦴ꧈​ꦧꦫꦶꦱ꧀ꦲꦶꦏ​ꦏꦁꦏꦸꦢꦸꦂ​​ꦭꦩ꧀ꦥꦃ​ꦲꦺ꧈​ꦲꦤꦧꦼꦤ꧀ꦕꦃ​ꦲꦤ​ꦲꦶꦁꦏꦁ​ꦏꦤ꧀ꦤꦶꦤ꧀​ꦩꦶꦮꦃ​ꦲꦶꦁꦏꦁ​ꦩꦠꦶ​꧈​ꦱꦮꦼꦤꦺꦃ​ꦢꦺꦤ꧀ꦠꦤ꧀ꦝꦸ꧉
꧄ꦢꦾꦤ꧀ꦮꦂꦤꦤꦼꦤ꧀ꦭꦩ꧀ꦥꦃꦲꦺ​ꦫꦸꦩ꧀ꦱꦫꦶ꧈ꦤꦸꦱꦸꦥ꧀ꦲꦶꦁ​ꦒꦼꦫꦸꦩ꧀ꦧꦸꦭ꧀​ꦲꦶꦁ​ꦒꦶꦒꦶꦂ​ꦮꦸꦏꦶꦂ​ꦲꦶꦏ​ꦲꦼꦁꦒꦺꦤꦶꦁ​ꦱꦺꦭꦱꦾꦫ​ꦮꦼꦭꦱ꧀ꦲꦤꦶꦔꦭꦶꦭꦶꦁ​ꦔꦶꦫ​ꦲꦩꦤꦶꦱ꧀​ꦲꦝꦸꦃ​ꦱꦤꦏ꧀ꦏꦶꦁ​ꦱꦸꦤ꧀꧈
꧄ꦏꦏꦁ​ꦔꦼꦩ꧀ꦧꦺꦴꦏ꧀ꦩꦁꦏꦺꦧꦺꦴꦠꦺꦤꦁꦒꦼꦩꦼꦱꦃ​ꦱꦩ꧀ꦥꦸꦤ꧀ꦤꦢꦺꦴꦃ꧈​ꦪꦺꦤ꧀ꦭꦸꦩꦩ꧀ꦥꦃ​ꦢꦶꦥꦸꦤ꧀ꦤꦿꦶꦫꦶꦃ​ꦧꦲꦺ꧈​ꦧꦶꦭꦶꦃ​ꦢꦢꦺꦴꦱ꧀ꦒꦼꦂ​ꦫꦃ​꧈ꦢꦶꦏꦒꦸꦱ꧀ꦡꦶ꧈​ꦮꦺꦴꦁ​ꦠꦠꦺ​ꦲꦩꦸꦏ꧀ꦠꦶ꧈​ꦠꦤ꧀ꦤꦶꦭꦺꦴꦏ꧀ꦭꦸꦩꦏꦸ꧈ [ f.29r ]​
꧄ꦤꦶꦫꦸꦩ꧀ꦱꦫꦶ​ꦭꦶꦁ​ꦔꦶꦫ​ꦲꦩꦤꦶꦱ꧀​ꦪꦪꦶ​ꦥꦝ​ꦲꦱꦸꦃ꧈​ꦲꦉꦥ꧀​ꦫꦺꦫꦺꦤ꧀ꦲꦶꦏꦸ​ꦱꦩ꧀ꦧꦶ​꧈ꦏꦺꦤꦺꦥꦼꦒꦼꦭ꧀ꦠꦼꦩꦼꦤ꧀ꦲꦶꦁꦱꦸꦤꦶꦏꦶ꧈​ꦫꦺꦫꦺꦤ꧀ꦲꦔꦼꦤ꧀ꦠꦺꦤꦶ꧈​ꦩꦫꦁ​ꦲꦫꦶꦤꦶꦁꦱꦸꦤ꧀꧈
꧄ꦱꦺꦭꦱꦾꦫ​ꦩꦁꦏꦺ​ꦲꦤꦸꦫꦸꦠꦶ꧈​ꦱꦏꦂꦱꦏꦁꦔꦼꦩ꧀ꦧꦺꦴꦏ꧀​ꦲꦫꦺꦫꦺꦤ꧀ꦤ​ꦱꦺꦴꦂ​ꦏꦸꦱꦩ꧀ꦧꦶ꧈​ꦏꦺꦤꦺꦏꦏꦁꦔꦼꦩ꧀ꦧꦺꦴꦏ꧀​ꦏꦤ꧀ꦠꦸꦤ꧀ꦤ​ꦲꦶꦁ​ꦔꦿꦶꦏꦶ꧈​ꦱꦼꦩ꧀ꦩꦁꦔꦺ​ꦏꦁ​ꦔꦠꦶ꧈​ꦩꦫꦁꦲꦫꦶꦤꦶꦁꦱꦸꦤ꧀꧈
꧄ꦪꦺꦤ꧀ꦏꦮꦸꦭꦏꦏꦁ​ꦤꦺꦴꦫ​ꦧꦭꦶꦏ꧀​ꦥꦱ꧀ꦛꦶ​ꦥ꧀ꦗꦃ​ꦭꦺꦴꦤꦤ꧀ꦗꦺꦴꦂ꧈​ꦢꦶꦏ​ꦏꦺꦱꦃ​ꦲꦶꦁ​ꦢꦺꦱ​ꦏꦁ​ꦒꦼꦝꦺ꧈​ꦤꦶꦫꦸꦩ꧀ꦱꦫꦶ​ꦮꦸꦮꦸꦱ꧀ꦱꦶꦁꦲꦩꦤ꧀ꦤꦶꦱ꧀​ꦊꦁꦱꦧꦪ​ꦥꦠꦶꦱꦸꦤ꧀ꦠꦤ꧀ꦧꦼꦠꦃꦏꦤ꧀ꦠꦸꦤ꧀꧈
꧄ꦢꦾꦤ꧀ꦮꦼꦂꦤꦤꦼꦤ꧀ꦮꦲꦸ​ꦲꦶꦁꦏꦁ​ꦔꦶꦏꦶꦭ꧀​ꦱꦩꦾꦥꦥꦼꦭꦪꦺꦴꦤ꧀​ꦱꦺꦭꦒꦺꦴꦤ꧀ꦢ​ꦱꦺꦭꦫꦱ​ꦩꦁꦏꦺ꧈​ꦒꦼꦒꦼꦂ​ꦮꦸꦏꦶꦂ​ꦲꦶꦁꦏꦁ​ꦢꦶꦥꦸꦤ꧀ꦤꦶꦢꦼꦂ​ꦫꦶ꧈​ꦠꦤ꧀ꦢꦁꦔꦸ​ꦏꦼꦥꦁꦒꦶꦃ꧈​ꦏꦁ​ꦫꦏꦢꦸꦭꦸ꧉
꧄ꦱꦺꦭꦱꦾꦫ​ꦤꦶꦔꦭ꧀ꦭꦶꦏꦁ​ꦫꦪꦶ꧈​ꦫꦶꦤꦁꦏꦸꦭ꧀ꦱꦏꦫꦺꦴ꧈ꦚꦤ꧀ꦤꦶꦱꦸꦤ꧀ꦮꦸꦱ꧀ꦩꦠꦶ​ꦏꦫꦺꦴꦤ꧀ꦤꦺ꧈​ꦲꦺꦴꦫ​ꦚꦤ​ꦠꦼꦠꦼꦩꦸ​ꦏꦫꦺꦴꦤ꧀ꦤꦺ꧈ꦫꦸꦩ꧀ꦱꦫꦶ​ꦲꦤꦁ​ꦔꦶꦱ꧀​ꦲꦝꦸꦃ​​ꦲꦫꦶꦤꦶꦁꦱꦸꦤ꧀꧈
꧄ꦱꦩꦾ​ꦭꦺꦫꦺꦃ​ꦲꦶꦁ​ꦱꦺꦴꦂ​ꦫꦶꦁ​ꦏꦸꦱꦩ꧀ꦧꦶ꧈​ꦮꦺꦴꦁ​ꦱꦼꦏꦮꦤ꧀ꦤꦱꦸꦃ​ꦱꦺꦭꦱꦾꦫꦲꦫꦶꦱ꧀ꦲꦶꦁ​ꦮꦸꦮꦸꦱꦺ​ꦩꦸꦱꦸꦃꦲꦶꦫ​ꦪꦪꦶꦲꦺꦴꦤꦺꦁ​ꦔꦼꦤ꧀ꦢꦶ꧈​ꦏꦁ​ꦫꦪꦶ​ꦤꦲꦸꦫꦶꦩꦏ꧀ꦱꦶꦃ​ꦮꦺꦴꦤ꧀ꦠꦼꦤ꧀ꦥꦸꦁꦏꦸꦂ꧈
꧄ꦩꦂꦒꦶꦲꦒꦼꦁ​ꦮꦲꦸꦏꦁ​ꦢꦺꦤ꧀ꦠꦶꦠꦶꦃꦧꦫꦶꦱꦺ​ꦲꦒꦭꦺꦴꦁꦏꦮꦸꦭ​ꦤꦶꦩ꧀ꦥꦁ​ꦲꦶꦁ​ꦮꦺꦴꦤ​ꦲꦒꦺ꧈​ꦠꦤ꧀ꦤꦚꦤ​ꦏꦮꦸꦭꦏꦼꦥꦁ​ꦒꦶꦃꦩꦺꦃꦧꦲꦺ​ꦔꦼꦩ꧀ꦩꦱ꧀ꦱꦶ꧈​ꦢꦸꦏ꧀ꦲꦥꦿꦁ​ꦲꦶꦁ​ꦮꦲꦸ꧈ [ f.29v ]
꧄​ꦤꦶꦫꦸꦩ꧀ꦱꦫꦶ​ꦲꦁꦔꦿꦁꦏꦸꦭ꧀ꦏꦁ​ꦫꦪꦶ​ꦲꦝꦸꦃꦱꦤꦏ꧀ꦏꦶꦁꦔꦺꦴꦁ​꧈​ꦏꦤꦸꦒꦿꦃꦲꦤ꧀ꦤꦶꦁ​ꦔꦭ꧀ꦭꦃꦢꦢꦶꦤꦺ꧈​ꦢꦁ​ꦔꦸ​ꦒꦸꦱ꧀ꦡꦶ​ꦏꦱꦥꦸꦠꦶꦁ​ꦮꦼꦁ​ꦔꦶ꧈​ꦧꦧꦁ​ꦮꦺꦠꦤ꧀ꦩꦶꦪꦺꦴꦱ꧀​
꧄ꦤꦶꦫꦸꦩ꧀ꦱꦫꦶ​ꦲꦫꦶꦱ꧀ꦲꦮꦸꦮꦸꦱꦺ꧈​ꦊꦱꦸꦠꦼꦩꦼꦤ꧀ꦲꦮꦏ꧀ꦏꦶꦁꦱꦸꦤꦶꦏꦶ꧈ꦲꦔꦩ꧀ꦧꦶꦭ​ꦮꦫꦶꦃ꧈​ꦏꦫꦺꦴ​ꦲꦫꦶꦤꦶꦁꦱꦸꦤ꧀꧈
꧄​ꦱꦺꦭꦱꦾꦫꦲꦏꦺꦤ꧀ꦤꦶꦁ​ꦏꦁ​ꦫꦪꦶ꧈​ꦲꦫꦶꦤꦶꦁꦱꦸꦤ꧀ꦏꦫꦺꦴ꧈​ꦔꦸꦭꦠ꧀ꦠꦤꦠꦺꦴꦪ​ꦱꦩ꧀ꦥꦸꦤ꧀ꦤꦒꦺ꧈​ꦱꦺꦭꦒꦺꦴꦤ꧀ꦢꦱꦺꦭꦫꦱ​ꦲꦩꦶꦠ꧀꧈​ꦱꦩꦾ​ꦲꦔꦸꦭꦠꦶꦠꦸꦩꦶꦢꦏ꧀ꦩꦁ​ꦔꦸꦭꦺꦴ꧉
꧄​ꦥꦶꦥꦶꦱꦃ​ꦲꦤ꧀ꦢꦺꦤ꧀ꦚ​ꦲꦔꦸꦭꦂ​ꦫꦶ​ꦠꦺꦴꦪ꧈​ꦱꦁꦱꦪꦢꦺꦴꦃ​ꦢꦾꦤ꧀ꦮꦼꦂ​ꦤꦤꦼꦤ꧀ꦲꦶꦁꦏꦁ​ꦏꦫꦶ​ꦒꦺꦴꦤ꧀ꦤꦺ꧈​ꦤꦶ​ꦫꦸꦩ꧀ꦱꦫꦶ​ꦭꦶꦁ​ꦔꦶꦫ​ꦲꦩꦤꦶꦱ꧀​ꦲꦶꦁꦱꦸꦤ꧀ꦤꦂꦱ​ꦪꦪꦶ꧈​ꦱꦝꦺꦭꦲꦠꦸꦫꦸ꧉
꧄ꦱꦺꦭꦱꦾꦫ​ꦱꦧ꧀ꦢꦤꦺ​ꦲꦩꦤ꧀ꦤꦶꦱ꧀​ꦢꦮꦼꦏ꧀ꦏꦏꦁ​ꦔꦼꦩ꧀ꦧꦺꦴꦏ꧀​ꦢꦶꦏ​ꦱꦫꦺ​ꦏꦸꦭ​ꦏꦼꦩꦶꦠ꧀ꦠꦤꦺ꧈​ꦲꦶꦁꦠꦾꦱ꧀ꦏꦢꦶ​ꦢꦸꦭꦸꦂ​ꦱꦪꦏ꧀ꦠꦶ꧈​ꦲꦶꦁꦥꦁ​ꦔꦶꦝꦼꦥ꧀ꦤꦺꦏꦶ꧈​ꦭꦶꦤ꧀ꦠꦁ​ꦩꦂꦩꦶꦤꦶꦥꦸꦤ꧀꧈
꧄ꦱꦺꦭꦱꦾꦫ​ꦱꦶꦒꦿ​ꦢꦺꦤ꧀ꦚ​ꦔꦩ꧀ꦧꦶꦭ꧀​ꦫꦺꦴꦤ꧀ꦤꦶꦁ​ꦗꦠꦶ​ꦲꦤꦺꦴꦩ꧀​ꦥꦤ꧀ꦏꦶꦤꦂ​ꦪ​ꦭꦺꦩꦺꦠ꧀ꦲꦱꦫꦺ꧈​ꦤꦸꦭꦾ​ꦒ꧀ꦭꦶꦱ꧀ꦲꦔꦼꦩ꧀ꦥꦂꦠꦸꦩꦸꦭꦶ꧈​ꦲꦤ꧀ꦤꦺꦤ꧀ꦢꦿꦫꦸꦩ꧀ꦱꦫꦶ꧈​ꦱꦺꦭꦱꦾꦫ​ꦠꦸꦁꦒꦸ꧉
꧄​ꦒꦺꦤ꧀ꦚ​ꦲꦒꦸꦭꦶꦁ​ꦤꦒꦏꦥꦸꦭꦶꦂ​꧈​ꦱꦸꦩꦸꦏꦼꦩ꧀ꦏꦁ​ꦮꦁꦏꦺꦴꦁꦲꦱ꧀ꦠꦏꦶꦮ​ꦤꦺꦴꦁꦒ​ꦥꦼꦧꦪꦸꦤ꧀ꦤꦺ​ꦲꦱ꧀ꦡꦠꦼꦁ​ꦔꦼꦤ꧀ꦲꦱꦿꦶ​ꦤꦺꦴꦁꦒ​ꦥꦶꦥꦶ꧈​ꦮꦗꦤ꧀ꦤꦶꦥꦸꦤ꧀ꦏꦺꦔꦶꦱ꧀​ꦭꦶꦂ​ꦠꦺꦠꦺꦱ꧀ꦱꦶꦁ​ꦧꦤ꧀ꦚꦸ꧈ [ f.30r ]
꧄ꦱꦶꦱꦶꦤꦺꦴꦩ꧀ꦩꦺ​ꦭꦶꦂ​ꦏꦱꦶꦭꦶꦂ​ꦲꦶꦁ​ꦔꦔꦶꦤ꧀​ꦱꦪ​ꦲꦁ​ꦔꦿꦺꦴ​ꦔꦿꦺꦴꦩ꧀ꦥꦾꦺꦴꦃ​ꦩꦁꦒꦶꦱ꧀ꦏꦉꦁ​ꦔꦠ꧀ꦒꦼꦱꦼꦁ​ꦭꦛꦶꦤꦺ꧈​ꦒꦼꦭꦸꦁ​ꦭꦸꦏꦂ​ꦏꦏꦼꦩ꧀ꦧꦼꦤ꧀ꦔꦶꦱꦶꦱ꧀​ꦥꦼꦧꦪꦸꦤ꧀ꦱꦱꦶꦱꦶꦃ​ꦏꦠꦶꦔꦭ꧀ꦲꦸ​ꦩꦤ꧀ꦕꦸꦂ꧉
꧄ꦱꦺꦭꦱꦾꦫ​ꦲꦮꦼꦭꦱ꧀ꦤꦶ​ꦔꦭ꧀ꦭꦶ꧈​ꦲꦶꦁ​ꦩꦤꦃ​ꦲꦺ​ꦲꦺꦮꦺꦴꦂ꧈​ꦥꦤ꧀ꦏꦒꦶꦮꦁ​​ꦲꦩꦮꦁ​ꦮꦼꦂ​ꦤꦶꦤꦺ꧈​ꦥꦧꦪꦸꦤ꧀ꦤꦺꦭꦶꦂ​ꦥꦺꦤ꧀ꦢꦃ​ꦒꦝꦶꦁ꧈​ꦲꦤꦪꦸꦠ꧀ꦡꦏꦥ꧀ꦠꦶ꧈​ꦲꦩꦸꦮꦸꦱ꧀ꦗꦿꦺꦴ​ꦏꦭ꧀ꦧꦸ꧉
꧄ꦢꦲꦸꦭꦠꦺ​ꦲꦶꦁꦏꦁ​ꦔꦒꦼꦩ꧀ꦧꦶꦗꦶꦁ꧈​ꦩꦫꦁ​ꦏꦏꦁ​ꦔꦼꦩ꧀ꦧꦺꦴꦏ꧀꧈​ꦢꦺꦤꦶꦁ​ꦠꦸꦲꦸ​ꦲꦺꦤ꧀ꦢꦃꦲꦶꦁ​ꦮꦂꦤꦤꦺ꧈​ꦥꦼꦧꦪꦸꦤ꧀ꦤꦶꦁ​ꦢꦺꦤ꧀ꦤꦶꦁ​ꦧꦸꦤ꧀ꦢꦺꦂ​ꦏꦸꦤ꧀ꦤꦶꦁ​ꦲꦶꦁꦏꦂꦱꦤꦺꦫꦺꦏꦶ꧈​ꦠꦶꦤꦸꦠꦸꦥ꧀ꦥꦤ꧀ꦏꦩ꧀ꦥꦸꦃ꧉
꧄ꦤꦁꦔꦶꦁ​ꦠꦭꦃꦏꦒꦼꦥꦺꦴꦏ꧀ꦏ​ꦲꦶꦏꦶ꧈​ꦏꦒꦺꦠ꧀ꦏꦏꦁ​ꦔꦼꦩ꧀ꦧꦺꦴꦏ꧀​ꦥꦸꦮꦫꦤ꧀ꦤꦺ​ꦕꦸꦮ​ꦒꦺꦤꦺꦲꦱꦫꦺ꧈​ꦲꦉꦥ꧀ꦲꦶꦁꦱꦸꦤ꧀ꦤꦫꦲꦶꦁꦏꦁ​ꦤꦸꦠꦸꦥꦶ꧈​ꦩꦤꦮ​ꦗꦭ꧀ꦩꦶꦭꦶꦮꦠ꧀ꦥꦤ꧀ꦏꦢꦸꦭꦸ꧉
꧄ꦤꦢꦾꦤ꧀ꦱꦠꦺꦴꦏꦺꦮꦤ꧀ꦲꦤꦶ​ꦔꦭꦶ꧈​ꦲꦶꦁ​ꦱꦧꦼꦭ꧀ꦭꦃ​ꦪꦺꦤ꧀ꦠꦶꦤꦺꦴꦤ꧀​꧈ꦲꦺꦤ꧀ꦢꦃ​ꦠꦼꦩꦼꦤ꧀ꦲꦶꦁ​ꦱꦸꦤ꧀ꦠꦸꦠꦸꦥ꧀ꦥꦤꦺ꧈​ꦩꦼꦱꦏ꧀ꦏꦏꦼꦤ꧀ꦱꦤꦏ꧀ꦲꦶꦁꦱꦸꦤꦶꦏꦶ꧈ꦱꦂ​ꦪ​ꦢꦶꦥꦸꦤ꧀ꦭꦶꦁ​ꦭꦶꦁ꧈​ꦮꦂꦤꦤꦺ​ꦫꦸꦩ꧀ꦱꦤ꧀ꦡꦸꦤ꧀꧈​
꧄​ꦤꦸꦭꦾꦱꦶꦫ​ꦲꦗꦸꦥꦸꦠ꧀ꦠꦸꦩꦸꦭꦶ꧈​ꦲꦸꦗꦸꦁ​ꦲꦶꦁꦏꦁ​ꦝꦺꦴꦝꦺꦴꦠ꧀​ꦲꦶꦁꦔꦸꦕꦸꦭ꧀ꦭꦤ꧀ꦱꦏꦶꦁꦧꦼꦧꦼꦁꦏꦸꦁ​ꦔꦺꦏꦩ꧀ꦥꦸꦃ꧈​ꦒꦝꦶꦁ​ꦒꦤ꧀ꦢꦤ꧀ꦤꦶꦁ​ꦲꦮꦁ​ꦔꦶ꧈​ꦱꦶꦤꦱꦧ꧀ꦧꦤ꧀ꦤꦿꦶꦫꦶꦃꦠꦸꦂ​ꦱꦂ​ꦪ​ꦲꦩꦸꦮꦸꦱ꧀​꧈
꧄ꦲꦝꦸꦃ​ꦏꦏꦁ​ꦱꦤꦏ꧀ꦏꦶꦁꦱꦸꦤ꧀ꦒꦸꦱ꧀ꦡꦶ꧈​ꦏꦱꦸꦩꦤ꧀ꦤꦶꦁ​ꦮꦢꦺꦴꦤ꧀​ꦧꦝꦺꦤꦶꦥꦸꦤ꧀ꦧꦶ​ꦱꦸꦤ꧀ꦲꦶꦁ​ꦗꦺꦴꦢꦺꦴꦤ꧀ꦤꦺ꧈​ꦱꦸꦤ꧀ꦠ​ꦠꦼꦝ​ꦲꦶꦁ​ꦱꦸꦏ꧀ꦩꦏꦁ​ꦭꦸꦮꦶꦃ​ꦭꦏꦶꦪ​ꦥꦿꦪꦪꦶ꧈​ꦏꦁꦏꦼꦤ꧀ꦤ​ꦱꦶꦤꦸꦁꦱꦸꦁ [ f.30v ]꧃ꦏꦸꦭ​ꦏꦏꦁ​ꦲꦶꦁ​ꦧꦺꦤ꧀ꦗꦁ​ꦲꦫꦧꦶ꧈ꦪꦺꦤ꧀ꦢꦶꦏ​ꦮꦸꦱ꧀ꦗꦺꦴꦣꦺꦴ꧈ꦲꦏꦿꦩꦲ​ꦲꦸꦭꦶꦪ​ꦮꦺꦴꦁ​ꦒꦼꦣꦺ꧈ꦏꦮꦸꦭ​ꦧꦶꦗꦶꦁ​ꦢꦢꦶ​ꦥꦼꦥꦠꦶꦃ꧈ꦫꦸꦩ꧀ꦱꦫꦶ​ꦔꦸꦭꦶꦱꦶꦃ꧈ꦩꦼꦁ​ꦒꦃ​ꦒꦺꦤ꧀ꦚ​ꦠꦸꦫꦸ꧈꧃ꦏꦼꦩꦸꦭ꧀ꦏꦺꦔꦶꦱ꧀ꦲꦶꦁ​ꦏꦁ​ꦩꦸꦁ​ꦒꦺꦁ​ꦱꦶꦏꦶꦭ꧀꧈ꦮꦼꦤ꧀ꦠꦶꦱ꧀ꦲꦶꦫ​ꦏꦠꦺꦴꦤ꧀꧈ꦱꦺꦭꦱꦾꦫ​ꦲꦤ꧀ꦚꦣꦏ꧀ꦏꦩ꧀ꦥꦸꦃꦲꦺ꧈ꦏꦶꦤꦼꦩꦸꦭꦤ꧀ꦩꦁ​ꦏꦺ​ꦤꦶ​ꦫꦸꦩ꧀ꦱꦫꦶꦏꦏꦼꦩ꧀ꦧꦼꦤ꧀ꦏꦮꦶꦁ​ꦏꦶꦱ꧀꧈ꦥꦼꦧꦪꦸꦤ꧀ꦏꦢꦸꦭꦸ꧈꧃ꦱꦺꦭꦱꦾꦫ​ꦲꦁꦔ꧀ꦭꦶꦁ​ꦲꦶꦁ​ꦗꦿꦺꦴ​ꦔꦠꦶ꧈ꦏꦥꦿꦶꦪꦺ​ꦲꦶꦁ​ꦩꦁ​ꦏꦺꦴ꧈ꦪꦺꦤ꧀ꦱꦸꦤ꧀ꦧꦼꦤꦼꦂꦉꦤ꧀ꦤ​ꦏꦏꦼꦧꦼꦤ꧀ꦤꦺ꧈ꦲꦭꦫꦺꦴꦒ꧀ꦒꦤ꧀ꦤꦺ​ꦗꦭꦸ​ꦭꦤ꧀ꦤꦺꦱ꧀ꦠꦿꦶ꧈ꦧꦺꦴꦏ꧀ꦲꦤ​ꦲꦶꦁ​ꦧꦼꦭꦶꦁꦱ꧀꧈ꦲꦔꦫꦸ​ꦩꦫꦶꦁ​ꦱꦸꦤ꧀꧈꧃ꦤꦔꦶꦁ​ꦧꦭ​ꦱꦸꦤ꧀ꦮꦼꦠꦫꦺꦁ​ꦔꦠꦶ꧈ꦲꦶꦁ​ꦱꦸꦤ꧀ꦪꦺꦤ꧀ꦩꦼꦁ​ꦏꦺꦴꦤꦺꦴ꧈ꦲꦢꦸꦮꦺꦤ꧀ꦤꦶ​ꦮꦭꦁ​ꦔꦠꦶ​ꦱꦺꦗꦺ꧈ꦱꦥ​ꦔꦤ꧀ꦢꦼꦭ꧀ꦲꦶꦁ​ꦱꦫꦶꦫ​ꦩꦩꦶ꧈ꦱꦢꦸꦭꦸꦂꦫꦺ​ꦩꦁ​ꦏꦺ꧈ꦏꦼꦥꦁ​ꦒꦶꦃ​ꦲꦶꦁ​ꦧꦺꦱꦸꦏ꧀꧃ꦢꦺꦤ꧀ꦭꦼꦉꦱ꧀ꦏꦼꦤ꧀ꦮꦲꦸ​ꦏꦼꦩꦸꦭꦺ​ꦩꦤ꧀ꦤꦶꦁ꧈ꦗꦗꦤꦺ​ꦏꦒꦼꦥꦺꦴꦏ꧀꧈ꦤꦶ​ꦫꦸꦩ꧀ꦱꦫꦶ​ꦲꦁꦔꦼꦭꦶꦭꦶꦂ​ꦒꦸꦭꦶꦁ꧈ꦔꦺꦥꦤ꧀ꦠꦁꦒꦶꦤꦱ꧀​ꦫꦸꦩ꧀ꦱꦫꦶ​ꦚꦼꦏꦼꦭ꧀ꦭꦶ꧈ꦠꦼꦁ​ꦒꦼꦏ꧀ꦏꦺ​ꦏꦁ​ꦫꦪꦶ꧈ꦲꦤꦸꦭꦾ​ꦫꦶꦤꦁ​ꦏꦸꦭ꧀꧃ꦥꦤ꧀ꦚꦤꦤ꧀ꦤꦺ​ꦲꦤ꧀ꦢꦂꦧꦺꦤꦶ​ꦏꦥ꧀ꦠꦶ꧈ꦱꦂꦪ​ꦲꦣꦸꦃꦲꦭꦺꦴꦤ꧀꧈ꦱꦺꦭꦱꦾꦫ​ꦲꦫꦸꦩ꧀ꦥꦩꦸꦮꦸꦱꦺꦏꦏꦁꦔꦼꦩ꧀ꦧꦺꦴꦏ꧀ꦲꦤ꧀ꦢꦶꦏ​ꦥꦸꦤꦶꦏꦶ꧈ꦫꦸꦩ꧀ꦱꦫꦶ​ꦧꦶꦧꦶꦱꦶꦏ꧀꧈ꦧꦱꦤꦺ​ꦲꦔꦼꦭꦸ꧃ꦏꦏꦁ​ꦔꦼꦩ꧀ꦧꦺꦴꦏ꧀ꦲꦤ꧀ꦢꦶꦏꦢꦺꦤ꧀ꦤꦶꦭꦶꦁ꧈ꦮꦸꦱ꧀ꦱꦸꦤ꧀ꦱꦼꦩ꧀ꦧꦃ​ꦩꦁ​ꦏꦺꦴ꧈ꦠꦼꦏ​ꦢꦶꦏ​ꦲꦂꦱ​ꦢꦢꦺꦴꦱ꧀ꦱꦤꦺꦩ꧀꧈ꦢꦮꦼꦏ꧀ꦏꦏꦁ​ꦱꦩꦾ​ꦱꦉꦁ​ꦭꦶꦁ​ꦒꦶꦃ꧈ꦠꦤ꧀ꦱꦲꦺ​ꦥꦸꦤꦶꦏꦶꦩꦤ꧀ꦤꦃ​ꦩꦢꦸ​ꦗꦸꦫꦸꦃ [ f.31r ]

ꦲ꧀ꦤꦼꦁ​ꦔꦼꦤ꧀ꦤꦩꦁꦏꦺꦤꦶꦫꦸꦩ꧀ꦱꦫꦶ꧈ꦏꦮꦸꦮꦸꦱꦲꦶꦁꦏꦁꦔꦩ꧀ꦧꦶꦭ꧀ꦠꦺꦴꦪ꧈ꦏꦭꦸꦤ꧀ꦠꦭꦸꦤ꧀ꦠꦭꦩ꧀ꦥꦃꦲꦺ꧈ꦊꦥꦱ꧀ꦲꦶꦁ​ꦭꦩ꧀ꦥꦃꦲꦶꦥꦸꦤ꧀​ꦤꦺꦁꦠꦼꦭꦠꦃꦠꦤ꧀ꦩꦁꦒꦶꦃ​ꦮꦫꦶꦃꦱꦪꦢꦺꦴꦃ​ꦭꦩ꧀ꦥꦃꦲꦶꦫ꧈ꦲꦶꦫꦶꦁꦔꦤꦺꦒꦸꦤꦸꦁ꧈ꦏꦶꦱꦺꦭꦫꦱꦠꦸꦩꦶꦔꦭ꧀ꦭꦮꦁꦒꦸꦮ꧈ꦩꦼꦁꦔꦸꦭꦺꦴꦤ꧀ꦲꦝꦼꦥ꧀ꦥꦺꦫꦺꦏꦶ꧈ꦠꦸꦩꦸꦭꦾꦥꦶꦤꦫꦤ꧀
꧄ꦱꦪꦥꦉꦏ꧀ꦠꦶꦔꦭ꧀ꦭꦺꦉꦱ꧀ꦥꦠꦶ꧈ꦱꦪꦩꦁꦔꦸꦮꦲꦸꦱꦺꦭꦫꦱ꧈ꦲꦔꦸꦕꦥ꧀ꦲꦶꦁꦗꦿꦺꦴꦏꦭ꧀ꦧꦸꦤꦺ꧈ꦒꦸꦮꦲꦶꦏꦶꦲꦧꦒꦸꦱ꧀​ꦥꦤ꧀ꦠꦼꦱ꧀ꦲꦤꦲꦶꦁꦏꦁꦢꦸꦮꦺꦤ꧀ꦤꦶ꧈ꦩꦤꦮꦲꦤꦠꦺꦴꦪ꧈ꦲꦤꦸꦭꦾꦩꦊꦧꦸ꧈ꦲꦶꦁꦗꦿꦺꦴꦤꦺꦥꦼꦠꦼꦁꦏꦭꦶꦤ꧀ꦠꦁꦱꦺꦭꦫꦱꦩꦼꦏ꧀ꦱꦲꦔꦸꦭꦠꦶꦮꦫꦶꦃꦤꦁꦔꦶꦁꦠꦤ꧀ꦩꦁꦒꦶꦃꦠꦺꦴꦪ꧉
꧄ꦲꦶꦁꦗꦿꦺꦴꦲꦤꦭꦮꦁꦱꦶꦗꦶꦩꦤꦶꦁ꧈ꦱꦪꦤꦸꦭꦶꦩꦫꦁꦗꦼꦂꦫꦺꦴꦥꦶꦱꦤ꧀​ꦤꦶꦔꦭꦶꦱꦂꦥꦲꦒꦼꦝꦺ꧈ꦏꦂꦱꦤꦺꦲꦪꦸꦤ꧀ꦠꦸꦠꦸꦂ꧈ꦤꦺꦁꦠꦼꦭꦠꦃꦱꦶꦫꦲꦔꦼꦤ꧀ꦤꦶ꧈ꦩꦫꦥꦤ꧀ꦤꦺꦴꦫꦏꦼꦤ꧀ꦤꦱꦩ꧀ꦥꦸꦤ꧀ꦏꦠꦊꦏꦸ꧈ꦏꦁꦱꦂꦥꦲꦶꦏꦠꦸꦩꦶꦔꦭ꧀​ꦤꦸꦭꦾꦩꦉꦏ꧀​ꦩꦝꦼꦥ꧀ꦱꦶꦱꦶꦏꦺꦩꦸꦫꦶꦢ꧀ꦢꦶꦁ​ꦭꦶꦂꦥꦺꦤ꧀ꦢꦃꦲꦤ꧀ꦚꦤ꧀ꦢꦼꦂ​ꦫ
꧄ꦱꦺꦭꦫꦏꦺꦩꦼꦁꦔꦤ꧀ꦲꦶꦁꦔꦠꦶ꧈ꦩꦼꦁꦏꦺꦴꦲꦶꦁꦱꦸꦤ꧀ꦢꦠꦤ꧀ꦮꦤ꧀ꦢꦺꦥꦼꦗꦃ꧈ꦢꦢꦾꦲꦱꦿꦃꦲꦶꦁ​ꦫꦒꦤ꧀ꦤꦺ꧈ꦲꦁꦔ꧀ꦭꦶꦁꦱꦗꦿꦺꦴꦤꦶꦁꦏꦭ꧀ꦧꦸ꧈ꦲꦔꦸꦭꦠ꧀ꦠꦶꦩꦂꦒꦥꦩꦤ꧀ꦤꦶꦁ꧈ꦲꦶꦪꦮꦸꦱ꧀ꦠꦶꦠꦃꦲꦶꦁ​ꦪ꧀ꦚꦁ꧈ꦱꦂꦥꦲꦶꦁꦏꦁꦩꦒꦸꦠ꧀​ꦱꦺꦭꦫꦱꦢꦠꦤ꧀ꦤꦧꦃ꧈ꦱꦂꦥꦲꦒꦼꦁ꧈ꦪꦺꦤ꧀ꦧꦶꦱꦲꦔꦸꦕꦥ꧀ꦗꦭ꧀ꦩꦶ꧈ꦲꦶꦏꦶꦩꦤꦸꦱꦥꦺꦭꦏ꧀
꧄ꦧꦪꦠꦿꦸꦱꦶꦁꦏꦸꦱꦸꦩ꧀ꦩꦮꦺꦴꦁꦔꦶꦏꦶ꧈ꦲꦺꦴꦫꦩꦺꦁꦔꦺꦁꦠꦶꦔꦭ꧀ꦭꦺꦮꦺꦴꦁꦔꦶꦏ꧈ꦮꦸꦱ꧀ꦢꦺꦤ꧀ꦱꦿꦃꦲꦏꦼꦤ꧀ꦥꦠꦶꦤ꧀ꦤꦺ꧈ꦱꦂꦥꦭꦺꦴꦤ꧀ꦢꦺꦤ꧀ꦚꦩꦼꦠꦸ꧈ꦱꦺꦭꦫꦱꦤꦸꦭꦾꦭꦸꦩꦫꦶꦱ꧀​ꦩꦤ꧀ꦗꦶꦁꦩꦫꦁꦗꦿꦺꦴꦥꦶꦱꦤ꧀​ꦠꦤ꧀ꦢꦁꦔꦸꦲꦤ꧀ꦢꦸꦭꦸ꧈ꦢꦼꦤ꧀ꦤꦮꦲꦸꦊꦱ꧀ꦱꦶꦁꦥꦼꦛꦏ꧀​ꦱꦶꦪꦸꦁꦔꦶꦥꦸꦤ꧀ꦩꦿꦁꦔꦔꦃꦔꦶꦱꦶꦱ꧀ꦲꦒꦛꦶꦏ꧀​ꦭꦶꦁꦒꦶꦃꦲꦱꦶꦭꦠꦸꦩ꧀ꦥꦁ꧉

[ f.31v ]
꧄ꦥꦤ꧀ꦤꦔꦩ꧀ꦥꦶꦁꦤꦺꦁꦥꦶꦥꦶꦤꦺꦏꦺꦴꦫꦶ꧈ꦏꦁꦢꦼꦤ꧀ꦤꦮ꧈ꦲꦶꦏꦲꦠꦸꦩꦶꦔꦭ꧀​ꦩꦿꦶꦁꦱꦺꦭꦫꦱꦥꦿꦥ꧀ꦠꦤꦺ꧈ꦩꦝꦼꦥ꧀ꦔꦝꦁꦔꦶꦥꦶꦤ꧀ꦠꦸ꧈ꦱꦂ​ꦪꦔꦸꦕꦥ꧀ꦲꦤ꧀ꦗꦿꦶꦠ꧀ꦏꦥꦠꦶ꧈ꦱꦺꦭꦫꦱꦠꦸꦩꦶꦔꦭ꧀꧈ꦲꦼꦤ꧀ꦡꦶꦁꦩꦫꦱ꧀ꦱꦶꦥꦸꦤ꧀​ꦲꦔꦸꦕꦥ꧀ꦱꦗꦿꦺꦴꦤ꧀ꦤꦶꦁ​ꦤꦭ꧈ꦮꦸꦫꦸꦁꦱꦂꦥ꧈ꦱꦶꦢꦧꦸꦠꦏꦁꦩꦠꦺꦤ꧀ꦤꦶ꧈ꦩꦫꦁꦱꦫꦶꦫꦤ꧀ꦤꦶꦁꦮꦁ꧉
꧄ꦏꦁꦢꦼꦤꦮꦥꦤ꧀ꦱꦩ꧀ꦥꦸꦤ꧀ꦱꦸꦩꦶꦁꦏꦶꦂ꧈ꦱꦂ​ꦪꦔꦸꦕꦥ꧀ꦭꦃꦥꦫꦭꦶꦮꦠ꧀ꦠ꧈ꦱꦺꦭꦫꦱꦤꦸꦭꦾꦩꦼꦭꦺꦏ꧀​ꦠꦶꦤꦶꦔꦭꦤ꧀​ꦥꦤ꧀ꦤꦒꦸꦁ꧈ꦒꦶꦃꦥꦸꦤꦶꦏꦮꦸꦱ꧀ꦢꦢꦶꦗꦭ꧀ꦩꦶ꧈ꦪꦠꦏꦶꦱꦺꦭꦫꦱꦠꦸꦩꦸꦭꦾꦩꦊꦧꦸ꧈ꦱꦏꦶꦁꦥꦶꦤ꧀ꦠꦸꦮꦶꦗꦶꦭ꧀ꦠꦶꦒ꧈ꦤꦸꦭꦾꦩꦁꦒꦶꦃꦮꦺꦴꦁꦠꦥꦕꦃ​ꦪꦤ꧀ꦤꦶꦁ​ꦮꦼꦤ꧀ꦤꦶꦁ꧈ꦭꦶꦁꦒꦶꦃꦲꦤꦺꦁꦒꦶꦒꦶꦭꦁ꧉

[ f.32r ]
꧄ꦲꦶꦁꦏꦁ​ꦮꦱ꧀ꦠꦏꦾꦲꦶꦱꦺꦃꦢꦸꦂꦤꦥꦶ꧈​ꦭꦩꦶꦤꦶꦫꦲꦠꦥꦲꦶꦁꦒꦸꦮ꧈​ꦲꦁꦱꦭ꧀ꦠꦶꦒꦁꦗꦩꦤ꧀ꦩꦁꦏꦺꦃ​ꦲꦺ꧈​ꦮꦸꦱ꧀ꦭꦭꦶꦥꦔꦤ꧀ꦠꦸꦫꦸ꧈​ꦲꦩꦸꦁꦱꦸꦏ꧀ꦩꦏꦕꦶꦥ꧀ꦠꦺꦁ​ꦔꦠꦶ꧈ꦪꦠꦏꦶꦱꦺꦭꦫꦱꦩꦤ꧀ꦤꦃ​ꦲꦺꦲꦁꦔꦼꦭꦁꦔꦸꦤ꧀꧈ꦲꦤꦸꦭꦾꦩꦫꦲꦶꦁꦔꦂꦱ꧈​ꦤꦸꦭꦾꦩꦼꦤ꧀ꦝꦼꦏ꧀ꦠꦸꦩꦶꦔꦭ꧀ꦏꦶꦱꦺꦃꦢꦸꦂꦤꦥꦶ꧈​ꦪꦺꦤ꧀ꦤꦤꦮꦺꦴꦁꦏꦁꦥꦿꦥ꧀ꦠ​꧈
꧄ꦲꦔꦤ꧀ꦢꦶꦏꦏꦾꦲꦶꦱꦺꦃꦢꦸꦂꦤꦥꦶ꧈​ꦭꦃꦧꦒꦺꦪꦮꦺꦴꦁꦏꦁꦔꦤ꧀ꦚꦂꦥꦿꦥ꧀ꦠ꧈​ꦭꦃꦚꦮꦭꦶꦁꦒꦶꦪꦏꦺꦤꦺ꧈​ꦱꦺꦭꦫꦱꦲꦔꦸꦤ꧀ꦗꦸꦁ꧈​ꦱꦺꦃꦢꦸꦂꦤꦥꦶꦲꦁꦔꦿꦁꦏꦸꦭ꧀ꦲꦫꦶꦱ꧀​ꦲꦫꦸꦩ꧀ꦮꦶꦗꦶꦭꦶꦁꦱꦧ꧀ꦢꦚꦮꦥꦸꦠꦸꦤꦶꦁꦱꦸꦤ꧀​ꦲꦥꦒꦸꦱ꧀ꦠꦶꦒꦮꦺꦤꦶꦫꦱꦶꦫꦥꦿꦥ꧀ꦠꦲꦶꦁꦒꦸꦮꦝꦠꦼꦁꦥꦸꦤ꧀ꦏꦏꦶ꧈​ꦱꦺꦭꦫꦱꦠꦸꦂꦱꦼꦩ꧀ꦧꦃ​꧈
꧄ꦥꦤ꧀ꦏꦮꦸꦭꦤꦸꦲꦸꦤ꧀ꦮꦼꦭꦱ꧀ꦱꦱꦶꦃꦠꦤ꧀ꦤꦢꦂꦧꦺꦏꦏꦶꦪꦪꦃ​ꦫꦺꦤ꧀ꦤ​ꦠꦶꦤꦶꦭꦂ​ꦱꦁꦏꦤꦺꦫꦫꦺꦩꦂꦩꦶꦤꦶꦥꦸꦤ꧀ꦠꦲꦔ꧀ꦭꦁ​ꦔꦸꦠ꧀​​꧈ꦠꦶꦭꦂꦥꦸꦂꦮꦏꦮꦸꦭꦏꦏꦶ꧈ꦲꦂꦱꦏꦶꦤꦤꦶꦪꦪ꧈ꦢꦺꦤꦶꦁꦱꦁꦔꦥꦿꦧꦸ꧈ꦩꦂꦩꦶꦤꦺꦲꦤ꧀ꦚꦠꦮꦺꦴꦤ꧀ꦤ꧈ꦲꦶꦁꦒꦶꦃꦱꦏꦶꦁꦏꦮꦼꦭ꧀ꦭꦱ꧀ꦲꦱꦶꦃꦏꦶꦫꦁꦧꦸꦢꦶ꧈ꦢꦢꦾꦱꦁꦏꦤ꧀ꦤꦺꦠꦶꦧ

[ f.32v ]ꦤ꧀ꦤ꧈ꦠꦶꦤꦶꦭꦂꦱꦁꦏꦤꦺꦫꦫꦺ꧈ꦩꦂꦩꦶꦤꦶꦥꦸꦤ꧀ꦠꦲ​ꦔ꧀ꦭꦁꦔꦸꦠ꧀꧈ꦠꦶꦭꦂꦥꦸꦂꦮꦏꦮꦸꦭꦏꦏꦶ꧈ꦲꦂꦱꦏꦶꦤꦤꦶꦲꦪ꧈ꦢꦺꦤꦶꦁꦱꦁꦔꦥꦿꦧꦸ꧈ꦩꦂꦩꦶꦤꦺꦲꦤ꧀ꦚꦠꦮꦺꦴꦤ꧀ꦤ꧈ꦲꦶꦁꦒꦶꦃꦱꦏꦶꦁꦏꦮꦼꦭ꧀ꦭꦱ꧀ꦲꦱꦶꦃꦏꦶꦫꦁꦧꦸꦢꦶ꧈ꦢꦢꦾꦱꦁꦏꦤ꧀ꦤꦺꦠꦶꦧ꧉

꧄ꦱꦿꦶꦤꦭꦺꦤ꧀ꦢꦿꦲꦠꦱ꧀ꦲꦸꦭꦸꦤꦼꦁꦒꦶꦃꦲꦶꦁꦏꦁꦔꦂꦱ꧈ꦩꦼꦗꦃꦲꦶꦏꦮꦸꦭ꧈ꦱꦮꦺꦴꦁꦱꦏꦮꦸꦭꦏꦧꦺꦃꦱꦁꦠꦥꦫꦶꦱ꧀ꦲꦩꦸꦮꦸꦱ꧀​ꦩꦼꦁꦏꦺꦴꦲꦶꦏꦶꦲꦤꦲꦶꦁꦔꦼꦤ꧀ꦢꦶ꧈ꦥꦸꦠꦸꦱꦤꦏ꧀ꦏꦶꦫꦱꦺꦭꦫꦱꦩꦠꦸꦂ꧈ꦠꦥꦶꦥꦸꦠꦸꦲꦶꦁꦱꦸꦤ꧀ꦮꦶꦏꦤ꧀​ꦏꦉꦥ꧀ꦥꦶꦫꦥꦸꦤ꧀ꦏꦏꦶꦲꦸꦥꦩꦮꦫꦶꦃꦭꦃꦠꦶꦩ꧀ꦧꦤ꧀ꦤꦼꦤ꧀ꦢꦺꦤ꧀ꦤꦶꦫ꧉
꧄ꦱꦺꦭꦫꦱꦩꦠꦸꦂꦲꦮꦺꦴꦠ꧀ꦱꦫꦶ꧈ꦲꦶꦁꦒꦶꦃꦠꦸꦮꦤ꧀ꦲꦶꦁꦏꦁꦏꦸꦭꦠꦼꦝ꧈ꦱꦥꦁꦔꦠ꧀ꦡꦸꦮꦤ꧀ꦲꦶꦁꦩꦁꦏꦺ꧈ꦩꦭꦂꦠꦶꦭꦂꦏꦢꦁꦔꦸ꧈ꦱ꧀ꦮꦂꦒꦶꦲꦶꦪꦁꦢꦸꦏ꧀ꦩꦏ꧀ꦱꦶꦃꦲꦸꦫꦶꦥ꧀​ꦭꦒꦾꦂꦱꦥꦶꦤꦼꦗꦃꦲꦤ꧀​ꦢꦺꦤ꧀ꦤꦧꦺꦴꦁꦥꦶꦁꦥꦶꦠꦸ꧈ꦏꦛꦃꦔꦼꦭꦺꦴꦏ꧀ꦏꦏꦼꦤ꧀ꦥꦼꦗꦃꦠꦸꦂꦠꦩꦁꦏꦺꦲꦭꦶꦁꦒꦶꦃꦲꦤꦲꦶꦁꦏꦸꦂꦱꦶ꧈ꦲꦺꦴꦤ꧀ꦤꦺꦁꦱꦗꦿꦺꦴꦤ꧀ꦤꦶꦁ​ꦮꦶꦱ꧀ꦩ꧉
꧄ꦱꦺꦃꦢꦸꦂꦤꦥꦶ꧈ꦭꦶꦁꦔꦶꦫꦲꦩꦤ꧀ꦤꦶꦱ꧀​​ꦲꦺꦴꦫꦏꦼꦤ꧀ꦤ꧈ꦠꦸꦫꦸꦮꦩꦁꦏꦤ꧈ꦲꦥꦤ꧀ꦲꦸꦮꦸꦱ꧀ꦢꦸꦢꦸꦩ꧀ꦩꦤ꧀ꦤꦺ꧈ꦏꦶꦧꦒꦸꦱ꧀ꦥꦸꦠꦸꦤꦶꦁꦱꦸꦤ꧀​​ꦲꦺꦪꦁꦔꦶꦫꦮꦺꦴꦁꦱꦩ꧀ꦥꦸꦤ꧀ꦭꦸꦮꦶꦃꦥꦤ꧀ꦮꦸꦱ꧀ꦲꦁꦔꦿꦒꦱꦸꦩ꧀ꦩ꧈ꦠꦤ꧀ꦏꦶꦮꦸꦲꦤ꧀ꦭꦏꦸ꧈ꦧꦫꦁꦔꦸꦱꦶꦏꦶꦔ꧀ꦮꦸꦱ꧀ꦚꦠ꧈ꦥꦶꦫꦁꦧꦫꦪꦺꦤ꧀ꦱꦶꦫꦠꦶꦫꦸꦮꦏꦏꦶ꧈ꦧꦫꦁ​ꦭꦩ꧀ꦥꦃꦫꦃꦲꦂꦗ꧉
꧄ꦮꦶꦠꦶꦁꦏꦏꦶꦔꦲꦸꦫꦶꦥ꧀ꦥꦸꦤꦶꦏꦶ꧈ꦱꦥꦭꦸꦩꦺꦴꦃꦏꦁꦏꦪꦩꦼꦁꦏꦤ꧈ꦱꦸꦥꦪꦢꦺꦴꦃꦥꦤ꧀ꦢꦸꦁꦏꦥ꧀ꦥꦺ꧈ꦱꦺꦭꦫꦱꦠꦸꦩꦸꦁꦏꦸꦭ꧀​ꦏꦱꦶꦁꦒꦶꦪꦤ꧀ [ f.33r ]ꦮꦼꦕꦤꦩꦤꦶꦱ꧀​ꦩꦶꦤꦏꦱꦿꦧꦤ꧀ꦠꦺꦴꦪ꧈ꦲꦱꦽꦥ꧀ꦥꦺꦏꦼꦭꦁꦏꦸꦁ꧈ꦢꦮꦼꦏ꧀ꦱꦶꦤꦭꦶꦤ꧀ꦤꦤ꧀ꦠꦼꦩ꧀ꦧꦁ꧈ꦥꦸꦥꦸꦃꦲꦤꦪꦁꦏꦏꦶꦢꦶꦥꦸꦤ꧀ꦱꦸꦮꦮꦶ꧈ꦥꦺꦴꦭꦃꦲꦺꦮꦺꦴꦁꦏꦱ꧀ꦩꦫꦤ꧀
꧄ꦭꦶꦁꦒꦶꦪꦢꦶꦥꦸꦤ꧀ꦩꦫꦶꦏꦶ꧈ꦥꦸꦤ꧀ꦏꦏꦶꦲꦕꦕꦫꦶꦠ꧈ꦩꦫꦠꦝꦃꦲꦤꦩꦼꦁꦏꦺꦴ꧈ꦱꦲꦶꦱꦶꦤꦶꦁꦝꦝꦤ꧀ꦤꦶꦁ​ꦮꦁ꧈ꦥꦸꦠꦸꦢꦶꦥꦸꦤ꧀ꦥꦿꦪꦠ꧀ꦤ꧈ꦲꦶꦁ​ꦮꦺꦴꦁꦔꦒꦼꦱꦁꦥꦸꦤꦶꦲꦸ꧈ꦲꦉꦥ꧀ꦲꦁꦔꦁꦒꦺꦴꦲꦶꦱ꧀ꦠꦶꦪꦂ
꧄ꦱꦩ꧀ꦥꦸꦤ꧀ꦠꦩꦤꦸꦱ꧀ꦮꦒꦸꦱ꧀ꦠꦶ꧈ꦏꦼꦏꦱꦶꦲꦶꦁꦪꦁ​ꦮꦶꦱꦺꦱꦲꦉꦥ꧀ꦏꦮꦱꦲꦩꦁꦏꦺꦴꦥꦤ꧀ꦩꦸꦫꦃꦪꦁꦩꦲꦩꦸꦭꦾ꧈ꦱꦸꦩꦶꦭꦶꦃꦱꦠꦸꦏꦺꦮꦤ꧀​​ꦲꦔꦸꦫꦁꦔꦶꦥꦁꦔꦤ꧀ꦠꦸꦫꦸꦱꦥꦿꦤ꧀ꦢꦺꦤꦺꦠꦶꦤꦸꦫꦸꦠ꧀ꦠꦤ꧀
꧄ꦏꦪꦠꦲꦸꦊꦂꦥꦸꦤꦶꦏꦶ꧈ꦭꦸꦔꦤ꧀ꦤꦺꦠꦤ꧀ꦧꦶꦱꦠꦼꦧꦃꦠꦤ꧀ꦥꦱꦸꦏꦸꦭꦤ꧀ꦤꦱ꧀ꦠꦤ꧀ꦤꦺ꧈ꦪꦠꦲꦩꦠꦺꦤ꧀ꦤꦶꦫꦒ꧈ꦲꦁꦒꦺꦪꦺꦴꦁꦲꦤꦺꦁ​ꦮꦿꦏ꧀ꦱ꧈ꦲꦤꦺꦁꦒꦼꦒꦺꦴꦝꦺꦴꦁꦔꦤ꧀ꦤꦶꦥꦸꦤ꧀​​ꦲꦺꦴꦫꦩꦸꦤ꧀ꦤꦶꦲꦺꦴꦫꦩꦸꦤ꧀ꦤ
꧄ꦱꦼꦢꦾꦺꦏꦥꦶꦔꦶꦤ꧀ꦧꦁꦏꦶꦠ꧀​​ꦲꦉꦥ꧀ꦧꦶꦱꦭꦸꦔꦠꦼꦧꦃꦔꦩ꧀ꦧꦃꦮꦁꦔꦮꦁꦏꦉꦥ꧀ꦥꦺ꧈ꦪꦠꦢꦢꦶꦲꦸꦊꦂꦏꦮꦏ꧀​ꦩꦼꦕꦃꦱꦶꦤꦸꦁꦔꦤ꧀ꦤꦼꦭꦂ꧈ꦢꦢꦶꦏꦸꦏꦸꦥꦸꦮꦸꦱ꧀ꦩꦧꦸꦂ꧈ꦱꦮꦧ꧀ꦢꦺꦤ꧀ꦤꦶꦁꦠꦥꦤ꧀ꦤꦶꦫ
꧄ꦢꦺꦤ꧀ꦤꦒꦸꦁꦥꦿꦪꦤꦺꦁ​ꦮꦶꦢꦶꦩꦂꦩꦤ꧀ꦤꦶꦁꦱꦶꦤꦸꦁꦏꦸꦮꦱ꧈ꦲꦒꦼꦱꦼꦁꦔꦶꦲꦶꦁꦠꦥꦤ꧀ꦤꦺ꧈ꦲꦸꦒꦼꦠ꧀ꦲꦸꦒꦼꦠ꧀ꦲꦶꦁ​ꦗꦿꦺꦴꦠꦺꦴꦪ꧈ꦠꦤ꧀ꦧꦶꦱꦭꦸꦔꦭꦸꦔ꧈ꦠꦥꦤ꧀ꦤꦺꦏꦭꦶꦮꦠ꧀ꦲꦱꦿꦸ꧈ꦢꦢꦶꦧꦸꦕꦼꦭ꧀ꦲꦶꦁꦗꦿꦺꦴꦠꦺꦴꦪ
꧄ꦭꦩꦶꦕꦸꦏꦸꦭ꧀ꦲꦼꦭꦂꦤꦺꦏꦶ꧈ꦪꦠꦱꦶꦤꦸꦁꦔꦤ꧀ꦏꦸꦮꦱ꧈ꦧꦶꦱꦩꦧꦸꦂꦏꦢꦢꦶꦤ꧀ꦤꦺ꧈ꦧꦸꦁꦏꦂꦱꦏꦶꦁꦢꦊꦩ꧀​ꦠꦺꦴꦪ꧈ꦠꦼꦩꦃ [ f.33v ]ꦲꦔꦸꦭꦤ꧀ꦢꦫ꧈ꦲꦶꦏꦸꦧꦒꦸꦱ꧀ꦥꦸꦠꦸꦤꦶꦁꦱꦸꦤ꧀​​ꦲꦶꦁ​ꦮꦺꦴꦁꦔꦏꦺꦃꦥꦤꦭꦂꦚ
꧄ꦲꦶꦏꦸꦭꦺꦩ꧀ꦧꦸꦠ꧀ꦠꦤꦩꦤꦶ​ꦲꦗꦠꦸꦁꦏꦸꦭ꧀ꦲꦶꦁꦩꦁꦏꦤ꧈ꦏꦭꦸꦫꦸꦁꦚꦮꦠꦼꦩ꧀ꦩꦃꦲꦺ꧈ꦮꦭꦶꦏ꧀ꦧꦼꦭꦃꦲꦼꦤ꧀ꦢꦺꦤ꧀ꦤꦶꦫ꧈ꦥꦶꦏꦶꦂꦉꦤ꧀ꦲꦶꦁ​ꦮꦼꦂꦢꦪ꧈ꦤꦢꦾꦤ꧀ꦲꦸꦒꦼꦠ꧀ꦲꦸꦒꦼꦠ꧀ꦲꦶꦏꦸ꧈ꦥꦤ꧀ꦏꦥꦶꦔꦶꦤ꧀ꦢꦢꦶꦥꦏ꧀ꦱ
꧄ꦥꦤ꧀​ꦩꦺꦴꦁꦱꦢꦢꦶꦪꦩꦤꦶꦁ꧈ꦮꦸꦱ꧀ꦥꦱ꧀ꦛꦶꦲꦶꦁꦏꦸꦢꦿꦠ꧀ꦠꦸꦭꦃꦤꦁꦔꦶꦁ​ꦮꦺꦴꦁ​ꦔꦲꦸꦫꦶꦥ꧀ꦩꦁꦏꦺꦴ꧈ꦲꦉꦥ꧀ꦤꦼꦩ꧀ꦩꦼꦤ꧀ꦤꦼꦤ꧀ꦥꦤꦭꦂ꧈ꦢꦺꦤ꧀ꦤꦒꦸꦁꦲꦶꦁꦔꦶꦱ꧀ꦠꦶꦪꦂ꧈ꦤꦁꦔꦶꦁꦠꦲꦗꦏꦠꦸꦁꦏꦸꦭ꧀​ꦏꦶꦥꦸꦠꦸꦢꦶꦥꦸꦤ꧀ꦥꦿꦪꦠ꧀ꦤ
꧄ꦏꦶꦥꦸꦠꦸꦥꦩꦁꦒꦶꦃꦲꦶꦏꦶ꧈ꦮꦸꦱ꧀ꦥꦱ꧀ꦛꦶꦱꦶꦁꦔꦗꦭ꧀ꦭꦺꦴꦭꦃ꧈ꦤꦁꦔꦶꦁꦢꦠꦤ꧀ꦏꦼꦤ꧀ꦤꦭꦶꦤ꧀ꦚꦺꦴꦏ꧀​ꦥꦕꦸꦮꦤ꧀ꦒꦱꦺꦴꦁ​ꦗꦿꦺꦴꦤꦶꦁꦠꦾꦱ꧀​ꦲꦢꦤ꧀ꦧꦶꦤꦶꦧꦶꦏ꧀ꦏꦤ꧀​ꦱꦺꦭꦫꦱꦤꦼꦩ꧀ꦧꦃꦩꦠꦸꦂ꧈ꦪꦁꦏꦏꦶꦤꦸꦲꦸꦤ꧀ꦏꦮꦸꦭ
꧄ꦢꦢꦺꦴꦱ꧀ꦱꦶꦥꦸꦤ꧀ꦠꦪꦁꦏꦏꦶ꧈ꦠꦤ꧀ꦏꦺꦔꦶꦁꦠꦶꦭꦂꦥꦸꦤꦶꦏ꧈ꦲꦶꦁꦏꦁꦏꦼꦏꦭꦶꦃꦭꦩ꧀ꦥꦃꦲꦺ꧈ꦥꦸꦤꦶꦏꦠꦤ꧀ꦏꦼꦤꦭꦶꦥꦾꦤ꧀​ꦱꦺꦃꦢꦸꦂꦤꦥꦶꦔꦤ꧀ꦢꦶꦏ꧈ꦮꦸꦮꦸꦱ꧀ꦱꦶꦫꦩꦤꦶꦱ꧀ꦲꦫꦸꦩ꧀​ꦏꦏꦶꦥꦸꦠꦸꦲꦶꦪꦲꦸꦒ
꧄ꦭꦪꦂꦫꦱꦒꦫꦒꦼꦤ꧀ꦤꦶ꧈ꦲꦩꦼꦒꦠ꧀ꦠꦤꦧꦼꦁꦔꦮꦤ꧀​ꦩꦠꦶꦪꦲꦶꦁꦠꦥꦉꦏꦺꦴ꧈ꦪꦺꦤ꧀ꦠꦤ꧀ꦤꦩꦂꦩꦤ꧀ꦤꦶꦁꦪ꧀ꦪꦁ꧈ꦠꦏ꧀ꦢꦶꦂꦚꦏꦤꦸꦒꦿꦲꦤ꧀​ꦭꦮꦤ꧀ꦏꦤꦸꦒꦿꦃꦲꦤ꧀ꦤꦶꦥꦸꦤ꧀​ꦧꦺꦢꦠꦸꦁꦒꦭꦺꦩꦼꦁꦏꦤ
꧄ꦭꦶꦂꦲꦔꦶꦭꦺꦴꦲꦶꦁꦗꦿꦺꦴꦕꦼꦂꦩꦶꦤ꧀​ꦥꦿꦭꦧꦶꦤꦺꦲꦶꦏꦸꦚꦮ꧈ꦤꦸꦒꦿꦲꦤ꧀ꦮꦼꦮꦪꦁꦔꦤꦺ꧈ꦥꦤ꧀ꦤꦺꦴꦫꦱꦭꦪꦺꦁꦏꦂꦱ꧈ꦲꦁꦔꦶꦭꦺꦴꦏꦤꦸꦒꦿꦲꦤ꧀​​ꦲꦶꦁꦥꦠꦼꦩꦺꦴꦤ꧀ꦤꦶꦁꦏꦸ꧈ꦱꦶꦂꦤꦫꦸꦥꦏꦭꦶꦃꦮꦂꦤ
꧄ꦲꦺꦮꦸꦃꦲꦶꦁꦔ [ f.34r ]ꦫꦤ꧀ꦤꦶꦏꦶ꧈ꦏꦢꦾꦒꦺꦤꦶꦁꦠꦺꦴꦪꦠꦮ꧈ꦭꦮꦤ꧀ꦲꦱꦶꦤ꧀ꦥꦠꦼꦩꦺꦴꦤ꧀ꦤꦺ꧈ꦧꦼꦗꦥꦠꦼꦩꦺꦴꦤ꧀ꦤꦶꦁꦠꦶꦂꦠ꧈ꦠꦤ꧀ꦤꦤꦔꦫꦤ꧀ꦤꦤ꧈ꦲꦱꦶꦤ꧀ꦩꦶꦮꦃꦠꦮꦲꦶꦏꦸ꧈ꦲꦺꦴꦤ꧀ꦠꦲꦫꦤ꧀ꦤꦺꦏꦸꦲꦶꦪ
꧄ꦠꦤ꧀ꦏꦼꦤ꧀ꦤꦔꦫꦤ꧀ꦤꦤ꧀ꦲꦱꦶꦤ꧀꧈ꦲꦺꦴꦤ꧀ꦠꦲꦫꦤꦺꦏꦸꦲꦶꦪ꧈ꦲꦶꦁꦏꦁꦏꦤꦸꦒꦿꦲꦤ꧀ꦩꦁꦏꦺꦴ꧈ꦏꦮꦿꦸꦃꦲꦤꦏꦸꦢꦺꦤ꧀ꦤꦶꦫ꧈ꦱꦶꦂꦤꦤꦺꦕꦂꦩꦶꦤ꧀ꦲꦶꦏ꧈ꦫꦸꦥꦗꦿꦺꦴꦥꦲꦺꦱꦤ꧀ꦥꦸꦥꦸꦭ꧀꧈ꦩꦤ꧀ꦠꦼꦥ꧀ꦢꦢꦶꦫꦸꦥꦠꦸꦁꦒꦭ꧀
꧄ꦥꦤ꧀ꦗꦠꦶꦤꦺꦫꦸꦥꦲꦶꦏꦶ꧈ꦲꦶꦪꦫꦸꦥꦫꦶꦏꦣꦮꦏ꧀​ꦏꦶꦫꦭꦶꦮꦸꦁꦠꦤ꧀ꦥꦮꦶꦮꦶꦠ꧀ꦠꦤ꧀ꦤꦺ꧈ꦏꦼꦭꦮꦤ꧀ꦤꦺꦴꦫꦮꦼꦏꦱ꧀ꦱꦤ꧀​ꦩꦤ꧀ꦡꦸꦏ꧀ꦭꦒꦶꦢꦸꦏ꧀ꦤꦺꦴꦫ꧈ꦠꦤ꧀ꦮꦿꦸꦃꦏꦶꦤꦮꦿꦸꦃꦲꦤ꧀ꦤꦶꦏꦸ꧈ꦱꦢꦾꦮꦿꦸꦃꦥꦿꦶꦧꦢꦶꦤꦶꦫ
꧄ꦤꦁꦔꦶꦁꦔꦶꦏꦸꦲꦶꦁꦏꦁꦲꦸꦮꦶꦱ꧀​꧈ꦧꦶꦱꦲꦔꦺꦴꦤ꧀ꦕꦺꦏꦶꦲꦶꦏ꧈ꦲꦶꦁꦏꦁꦔꦠꦺꦴꦱ꧀ꦱꦏꦂꦱꦤ꧀ꦤꦺ꧈ꦧꦭꦶꦏ꧀ꦏꦤ꧀ꦒꦶꦒꦶꦤꦲꦸꦮ꧈ꦱꦺꦭꦫꦱꦠꦸꦂꦱꦼꦩ꧀ꦧꦃꦏꦶꦪꦲꦶꦏꦮꦸꦭꦤꦸꦲꦸꦤ꧀꧈ꦲꦤꦼꦩ꧀ꦧꦃꦲꦁ​ꦔꦿꦁꦏꦸꦭ꧀ꦥꦢ
꧄ꦢꦸꦂꦤꦥꦶꦲꦁꦔꦿꦁꦏꦸꦭ꧀ꦲꦫꦶꦱ꧀꧈ꦲꦸꦮꦶꦱ꧀ꦒꦸꦱ꧀ꦠꦶꦥꦸꦠꦸꦤꦶꦁ​ꦮꦁ꧈ꦲꦮꦺꦃꦲꦶꦁꦱꦸꦤ꧀ꦩꦺꦴꦁꦱꦩꦺꦴꦤꦺꦴ꧈ꦲꦥꦮꦶꦤꦶꦕꦫꦭꦶꦪꦤ꧀꧈ꦲꦺꦪꦁꦔꦶꦫꦲꦶꦁꦏꦸꦤ꧀ꦤ꧈ꦗꦸꦗꦸꦭꦸꦏ꧀ꦮꦭꦶꦲꦸꦭꦺꦏꦸ꧈ꦱꦶꦤꦶꦪꦤ꧀ꦢꦺꦤ꧀ꦤꦶꦁꦪꦁꦱꦸꦏ꧀ꦩ
꧄ꦲꦣꦸꦃꦥꦸꦠꦸꦤꦶꦁꦱꦸꦤ꧀ꦒꦸꦱ꧀ꦡꦶ꧈ꦪꦺꦤ꧀ꦱꦶꦫꦲꦂꦱꦩꦁꦏꦤ꧈ꦲꦠꦮꦱꦶꦫꦉꦥ꧀ꦩꦁꦏꦺꦴ꧈ꦥꦱ꧀ꦛꦶꦢꦶꦤꦸꦭꦸꦂꦢꦺꦤ꧀ꦤꦶꦁꦪꦁ꧈ꦪꦺꦤ꧀ꦤꦉꦥ꧀ꦠꦱ꧀ꦱꦶꦱ꧀ꦱꦶꦫ꧈ꦩꦁꦏꦺꦥꦸꦤ꧀ꦏꦏꦶꦲꦠꦸꦢꦸꦃ꧈ꦭꦃꦒꦸꦱ꧀ꦡꦶꦱꦶꦫꦭꦸꦔꦲ
꧄ꦲꦶꦁꦏꦺꦤꦺꦲꦤꦗꦶꦤ꧀ꦏꦏꦶ꧈ꦲꦶꦏꦸꦒꦸꦱ꧀ꦠꦶꦥꦫꦤ꧀ꦤꦤ꧈ꦱꦠꦸꦱ꧀ꦥꦸꦤ꧀ꦗꦸꦭ꧀ꦱꦶꦗꦶꦏꦺꦃꦲꦺꦲꦶꦏꦸꦥꦤ꧀ꦭꦒꦾꦱꦶꦔꦶꦢꦤ꧀꧈ꦲꦶꦁꦱꦱꦸꦏꦸꦤꦶꦁꦔꦂꦒ꧈ꦲꦼꦩ꧀ꦧꦶꦁꦏꦶꦢꦸꦭ꧀ [ f.34v ]ꦥꦼꦂꦤꦃꦲꦶꦥꦸꦤ꧀​ꦠꦤ꧀ꦤꦢꦺꦴꦃꦱꦶꦁꦏꦺꦤꦺꦚꦮ
꧄ꦲꦶꦏꦸꦩꦂꦒꦤꦶꦫꦏꦏꦶ꧈ꦲꦸꦭꦶꦃꦱꦏ꧀ꦠꦶꦭꦤ꧀ꦢꦶꦏ꧀ꦗꦪ꧈ꦭꦤ꧀ꦢꦢꦶꦫꦮꦁꦲꦶꦁꦠꦼꦩ꧀ꦧꦺ꧈ꦪꦺꦤ꧀ꦱꦶꦫꦲꦩꦁꦒꦶꦃꦩꦂꦒ꧈ꦏꦸꦫꦁꦏꦸꦫꦁꦠꦚꦮ꧈ꦪꦺꦤ꧀ꦮꦸꦱ꧀ꦥꦝꦮꦿꦸꦃꦲꦶꦁꦠꦸꦠꦸꦂ꧈ꦲꦶꦏꦸꦏꦏꦶꦩꦂꦒꦤ꧀ꦤꦶꦫ
꧄ꦤꦁꦔꦶꦁꦏꦏꦶꦲꦗꦒꦶꦁꦱꦶꦂ꧈ꦢꦶꦥꦸꦤ꧀ꦏꦸꦮꦠ꧀ꦭꦫꦭꦥ꧈ꦩꦁꦒꦺꦃꦮꦶꦧꦮꦲꦶꦁꦠꦼꦩ꧀ꦧꦺ꧈ꦤꦁꦔꦶꦁꦱꦶꦫꦩꦼꦁꦏꦺꦴꦚꦮ꧈ꦱꦏꦼꦝꦥ꧀ꦠꦤ꧀ꦠꦸꦩꦶꦔꦭ꧀​​ꦫꦸꦥꦤ꧀ꦤꦺꦔꦼꦗꦶꦤ꧀ꦥꦸꦤꦶꦏꦸ꧈ꦢꦺꦤ꧀ꦤꦶꦁꦏꦭꦶꦁꦔꦤ꧀ꦤꦺꦒꦸꦮ
꧄ꦲꦤꦲꦶꦁꦗꦿꦺꦴꦒꦸꦮꦏꦏꦶ꧈ꦲꦶꦏꦸꦏꦏꦶꦏꦮꦿꦸꦃꦲꦤ꧈ꦒꦸꦮꦥꦤ꧀ꦤꦶꦠꦶꦱ꧀ꦲꦫꦤ꧀ꦤꦺ꧈ꦥꦶꦭꦶꦃꦮꦺꦴꦁꦔꦺꦏꦁ​ꦮꦸꦤꦶꦁꦔ꧈ꦤꦁꦔꦶꦁꦪꦺꦤ꧀ꦮꦸꦱ꧀ꦏꦠꦶꦁꦔꦭ꧀​ꦏꦶꦥꦸꦠꦸꦢꦺꦤ꧀ꦤꦶꦫꦲꦶꦏꦸ꧈ꦭꦮꦁꦔꦺꦢꦺꦤ꧀ꦭꦶꦁꦒꦶꦃꦲꦤ
꧄ꦫꦸꦁꦔꦸꦤ꧀ꦤꦼꦤ꧀ꦤꦧꦲꦺꦝꦶꦁꦔꦶꦤ꧀​ꦱꦸꦮꦺꦱꦸꦮꦺꦏꦠꦶꦔꦭ꧀ꦭꦤ꧀​ꦮꦂꦤꦤ꧀ꦤꦺꦲꦼꦗꦶꦤ꧀ꦲꦶꦁꦏꦺꦴꦤꦺꦴ꧈ꦲꦼꦗꦶꦤ꧀ꦔꦶꦭꦶꦲꦶꦏꦸꦥꦝ꧈ꦩꦫꦲꦒꦺꦭꦸꦔꦲ꧈ꦢꦺꦤ꧀ꦤꦶꦁꦠꦱꦤꦏ꧀ꦏꦶꦫꦺꦏꦸ꧈ꦏꦥꦠ꧀ꦮꦸꦱ꧀ꦲꦸꦭꦶꦃꦥꦁꦒꦺꦴꦤ꧀ꦤꦤ꧀
꧄ꦱꦺꦭꦫꦱꦱꦶꦒꦿꦩꦶꦗꦶꦭ꧀ꦲꦤꦸꦱꦸꦥ꧀ꦥꦶꦁ​ꦮꦺꦴꦤ꧀ꦤꦮꦱ꧈ꦩꦸꦭꦏ꧀ꦏꦶꦢꦸꦭ꧀ꦭꦮꦤ꧀ꦏꦸꦭꦺꦴꦤ꧀​ꦭꦺꦴꦂꦮꦺꦠꦤ꧀ꦏꦠꦺꦴꦤ꧀ꦤꦥꦝꦁ꧈ꦱꦺꦭꦫꦱꦫꦫꦂꦪ꧀ꦪꦤ꧀​ꦭꦁꦏꦸꦁꦱꦼꦏꦼꦭ꧀ꦗꦿꦺꦴꦤꦶꦁꦏꦭ꧀ꦧꦸ꧈ꦢꦺꦤꦶꦁꦠꦤ꧀ꦤꦤꦏꦠꦶꦔꦭ꧀
꧄ꦲꦤꦺꦁꦠꦼꦁꦔꦃꦲꦶꦁ​ꦮꦤꦢꦿꦶ꧈ꦱꦺꦭꦫꦱꦥꦤ꧀ꦏꦾꦊꦱ꧀ꦱꦾꦤ꧀​ꦲꦤꦸꦱꦸꦥ꧀ꦲꦤꦲꦶꦁꦱꦺꦫꦺꦁ꧈ꦭꦁꦏꦸꦁꦱꦼꦏꦼꦭ꧀ꦩꦤꦃꦲꦶꦫ꧈ꦢꦺꦤꦶꦁꦲꦫꦏꦠꦶꦔꦭ꧀​ꦠꦤ꧀ꦤꦤꦲꦶꦁꦏꦁꦏꦢꦸꦭꦸ꧈ꦲꦺꦴꦤꦺꦁꦱꦺꦴꦂꦫꦺꦤꦒꦥꦸꦱ꧀ꦥ
꧄ [ f.35r ]ꦲꦺꦭꦫꦱꦭꦶꦁꦗꦿꦺꦴꦔꦠꦶ꧈ꦱꦺꦴꦂꦫꦶꦁꦤꦒꦥꦸꦱ꧀ꦥꦥꦺꦭꦏ꧀​ꦥꦝꦁꦠꦤ꧀ꦤꦤꦱꦸꦏꦼꦠ꧀ꦠꦺ꧈ꦱꦼꦏꦂꦫꦺꦲꦒꦼꦭꦂꦲꦶꦁ​ꦊꦩ꧀ꦩꦃ꧈ꦥꦤ꧀ꦠꦼꦱ꧀ꦲꦶꦁꦏꦺꦤꦺꦲꦸꦒ꧈ꦏꦪꦥꦱꦺꦧꦤ꧀ꦤꦶꦁꦫꦠꦸ꧈ꦱꦶꦩ꧀ꦥꦂꦠꦸꦂꦉꦏꦶꦏꦶꦁꦔꦤ꧀ꦝꦥ꧀
꧄ꦭꦤ꧀ꦱꦒꦸꦁꦔꦺꦱꦂꦪꦱꦫꦶ꧈ꦲꦁꦔꦶꦢꦼꦂꦫꦶꦭꦶꦂꦠꦶꦤꦠ꧈ꦥꦠꦶꦁꦥꦉꦭꦺꦴꦏ꧀ꦏꦼꦩ꧀ꦧꦁꦔꦺꦭꦒꦾꦤꦼꦝꦼꦁꦥꦸꦤꦁꦱꦼꦏꦂ꧈ꦒꦤ꧀ꦢꦤ꧀ꦤꦺꦲꦁ​ꦊꦭꦪ꧈ꦱꦺꦭꦫꦱꦭꦶꦁꦒꦶꦃꦩꦁꦔꦸ꧈ꦱꦼꦱꦺꦤ꧀ꦝꦺꦪꦤ꧀ꦤꦒꦥꦸꦱ꧀ꦥ
꧄ꦱꦺꦭꦫꦱꦔ꧀ꦭꦶꦁꦗꦿꦺꦴꦔꦠꦶ꧈ꦲꦶꦁꦧꦪꦔꦼꦤ꧀ꦢꦶꦏꦁꦒꦸꦮ꧈ꦧꦪꦲꦢꦺꦴꦃꦱꦏꦶꦁꦏꦺꦤꦺ꧈ꦪꦺꦤ꧀ꦠꦸꦢꦸꦮꦺꦏꦏꦶꦲꦺꦪꦁ꧈ꦥꦤ꧀ꦲꦶꦁꦏꦺꦤꦺꦲꦶꦪ꧈ꦲꦶꦏꦶꦱꦱꦸꦏꦸꦤ꧀ꦤꦶꦁꦒꦸꦤꦸꦁ꧈ꦧꦪꦢꦸꦫꦸꦁꦲꦔꦠꦶꦔꦭ꧀
꧄ꦏꦺꦴꦕꦥ꧀ꦥꦏꦁꦥꦸꦤꦁꦔꦼꦗꦶꦤ꧀​ꦏꦔ꧀ꦭꦒꦶꦩꦸꦩꦸꦫꦸꦏ꧀ꦗꦪ꧈ꦭꦤ꧀ꦠꦶꦧꦸꦭꦤ꧀ꦱꦫꦮꦁꦔꦺ꧈ꦠꦤ꧀ꦠꦼꦧꦃꦱ꧀ꦮꦫꦤꦶꦁꦲꦶꦏ꧈ꦤꦁꦔꦶꦁꦠꦤ꧀ꦏꦠꦶꦔꦭꦤ꧀​ꦭꦮꦁꦒꦸꦮꦠꦤ꧀ꦏꦢꦸꦭꦸ꧈ꦢꦺꦤ꧀ꦤꦶꦫꦏꦶꦱꦺꦭꦫꦱ
꧄ꦱꦏ꧀ꦱꦤꦩꦁꦏꦺꦱꦁꦥꦼꦏꦶꦏ꧀​ꦭꦮꦁꦔꦶꦁꦒꦸꦮꦏꦠꦶꦔꦭ꧀​ꦠꦤ꧀ꦏꦺꦴꦤꦶꦁꦔꦤ꧀ꦱꦢꦔꦸꦤ꧀ꦤꦺ꧈ꦪꦺꦤ꧀ꦤꦶꦏꦶꦭꦮꦁꦔꦶꦁꦒꦸꦮ꧈ꦱꦺꦭꦫꦱꦮꦼꦕꦤ꧈ꦠꦼꦁꦒꦤ꧀ꦤꦺꦠꦲꦶꦏꦶꦥꦶꦤ꧀ꦠꦸ꧈ꦢꦁꦔꦸꦠꦼꦩ꧀ꦧꦺꦤ꧀ꦤꦺꦏꦠꦶꦔꦭ꧀
꧄ꦧꦪꦫꦃꦩꦠ꧀ꦠꦶꦁꦪꦔ꧀ꦮꦶꦢꦶ꧈ꦠꦶꦧꦤ꧀ꦤꦺꦲꦶꦁꦫꦒꦤ꧀ꦤꦶ​ꦮꦁ꧈ꦱꦸꦫꦸꦥ꧀ꦲꦾꦁꦔꦂꦏꦮꦪꦃꦲꦺ꧈ꦏꦠꦶꦔꦭꦶꦁ​ꦭꦮꦁꦒꦸꦮ꧈ꦲꦂꦱꦩꦊꦧ꧀ꦧꦼꦠ꧀ꦠꦶꦏ꧈ꦢꦮꦼꦏ꧀ꦱꦶꦤ [ f.35v ]ꦭꦶꦤ꧀ꦤꦤ꧀ꦥꦸꦥꦸꦃ꧈​ꦮꦺꦴꦁꦔꦤ꧀ꦤꦺꦴꦩ꧀ꦩꦤ꧀ꦗꦶꦁ​ꦗꦿꦺꦴꦒꦸꦮ꧉
꧄ꦱꦺꦭꦫꦱꦮꦸꦱ꧀ꦭꦸꦩꦏꦾꦩꦊꦧꦸꦗꦿꦺꦴꦒꦸꦮꦲꦶꦏꦶ꧈​ꦤꦶꦔꦭ꧀ꦭꦶꦗꦶꦤ꧀ꦭꦒꦾ꧈​ꦥꦤ꧀ꦱꦩꦶꦒꦸꦒꦸꦫꦸ꧈​ꦲꦶꦏꦶ꧈​ꦱꦺꦭꦫꦱꦩꦫꦤ꧀ꦤꦶ꧈​ꦲꦼꦗꦶꦤ꧀ꦱꦢꦪꦲꦢꦸꦭꦸ꧈​ꦤꦸꦂꦗꦩꦤ꧀ꦲꦔꦤ꧀ꦢꦶꦏꦝꦠꦼꦁꦱꦏ꧀ꦮꦺꦃꦥꦫꦲꦼꦗꦶꦤ꧀​ꦢꦺꦤ꧀ꦥꦿꦪꦠ꧀ꦤꦲꦤꦩꦤꦸꦱꦏꦁꦥꦿꦥ꧀ꦠ
꧄ꦥꦿꦪꦠ꧀ꦤꦲꦠꦠꦒꦼꦭꦂꦱꦩꦾꦩꦝꦼꦥ꧀ꦲꦶꦁꦏꦁꦥꦿꦥ꧀ꦠꦶ꧈​ꦤꦸꦂꦗꦩꦤ꧀ꦲꦱꦿꦸꦔꦤ꧀ꦢꦶꦏ꧈​ꦧꦪꦲꦶꦏꦶꦮꦺꦴꦁꦔꦧꦼꦕꦶꦏ꧀​ꦠꦤ꧀ꦝꦤ꧀ꦤꦺꦥꦿꦥ꧀ꦠꦔꦿꦶꦏꦶ꧈​ꦱꦢꦪꦮꦺꦴꦁꦠꦤ꧀ꦤꦤꦮꦿꦸꦃꦤꦸꦂꦗꦩꦤ꧀ꦲꦫꦶꦱ꧀ꦩꦗꦂ꧈​ꦭꦃꦲꦸꦢꦁꦔꦼꦤ꧀ꦠꦢꦺꦤ꧀ꦲꦒ꧀ꦭꦶꦱ꧀​ꦥꦶꦤꦫꦤ꧀ꦤꦤ꧀​ꦢꦺꦤꦶꦁꦔꦼꦗꦶꦤ꧀ꦲꦸꦭꦸꦧꦭꦁ
꧄ꦩ

[ f.36r ]

ꦤꦸꦱꦱꦥꦱꦶꦤꦩ꧀ꦧꦠ꧀​​ꦲꦶꦁꦱꦸꦤ꧀ꦏꦶꦤꦺꦤ꧀ꦔꦤ꧀ꦢꦶꦏꦤꦶ꧈ꦢꦺꦤꦶꦁꦏꦁꦗꦼꦁꦒꦸꦱ꧀ꦠꦶꦤꦶꦁ​ꦮꦁ꧈ꦢꦮꦼꦏ꧀ꦏꦶꦫꦶꦁꦔꦱꦼꦩꦁꦏꦺ꧈ꦱꦺꦭꦫꦱꦮꦸꦱ꧀ꦏꦺꦫꦶꦔ꧀ꦭꦗꦸꦝꦠꦼꦁꦔꦂꦱꦤ꧀ꦤꦶꦥꦸꦤ꧀​ꦱꦥꦿꦥ꧀ꦠꦤꦺꦔꦗꦼꦁꦔꦤ꧀​​ꦲꦭꦶꦁꦒꦶꦃꦫꦢꦏꦥꦶꦫꦶꦁꦪꦶꦠ꧀ꦤꦤ꧀ꦤꦶꦁꦗꦶꦤ꧀​​ꦥꦝꦔꦥꦶꦠ꧀ꦏꦺꦫꦶꦏꦤꦤ꧀
꧄ꦥꦠꦶꦃꦤꦸꦂꦗꦩꦤ꧀ꦔꦤ꧀ꦢꦶꦏ꧈ꦱꦶꦫꦲꦶꦏꦶꦮꦺꦴꦁꦱꦶꦁꦔꦼꦤ꧀ꦢꦶ꧈ꦢꦺꦤ꧀ꦤꦶꦁꦱꦶꦫꦮꦿꦸꦃꦲꦶꦁꦒꦸꦮꦤ꧀ꦤꦶꦏꦠꦼꦩꦸꦭꦤ꧀ꦤꦼꦗꦶꦤ꧀​ꦥꦶꦭꦶꦃꦮꦺꦴꦁ​ꦮꦤ꧀ꦤꦶꦮꦤ꧀ꦤꦶ꧈ꦭꦤ꧀ꦢꦸꦫꦸꦁꦔꦤꦏꦁ​ꦮꦼꦂꦫꦸꦃ꧈ꦥꦁꦒꦺꦴꦤ꧀ꦤꦤ꧀ꦲꦶꦏꦶꦱꦶꦥꦂ꧈ꦠꦼꦏꦱꦶꦫꦱꦸꦒꦶꦃꦮꦤ꧀ꦤꦶꦭꦃꦩꦠꦸꦂꦫꦱꦏꦶꦁꦔꦼꦤ꧀ꦢꦶꦲꦁ​ꦭꦱ꧀ꦭꦶꦫ
꧄ꦲꦔꦸꦕꦥ꧀ꦱꦗꦿꦺꦴꦤ꧀ꦤꦶꦩꦤꦃ꧈ꦱꦺꦭꦫꦱꦲꦼꦗꦶꦤ꧀ꦤꦶꦏꦶ꧈ꦠꦼꦏꦔꦸꦕꦥ꧀ꦠꦤ꧀ꦥꦧꦱ꧈ꦭꦤ꧀ꦤꦶꦁꦱꦸꦤ꧀ꦢꦺꦤ꧀ꦥꦉꦥꦼꦏ꧀ꦏꦶ꧈ꦩꦁꦏꦺꦠꦱꦸꦚ꧀ꦕꦶꦕꦶꦥꦶ꧈ꦏꦫꦸꦱꦤ꧀ꦤꦶꦁꦲꦼꦗꦶꦤ꧀ꦤꦶꦏꦸ꧈ꦤꦸꦭꦾꦭꦶꦁꦒꦶꦃꦱꦠꦠ꧈ꦲꦶꦁꦱꦸꦤ꧀ꦮꦤ꧀ꦤꦶꦲꦼꦗꦶꦤ꧀ꦤꦶꦏꦶ꧈ꦱꦪꦱꦸꦮꦺꦱꦸꦤ꧀ꦢꦸꦒꦱꦪꦏꦮꦮ
꧄​ꦮꦸꦱ꧀ꦭꦶꦁꦒꦶꦃꦠꦸꦁꦒꦭ꧀ꦒꦶꦒꦶꦭꦁꦱꦺꦭꦫꦱꦤꦸꦭꦾ​ꦲꦁꦔ꧀ꦭꦶꦁ꧈ꦱꦶꦫꦠꦏꦺꦴꦤ꧀ꦲꦁꦱꦭ꧀ꦲꦶꦁ​ꦮꦁ꧈ꦲꦸꦠꦮꦶꦏꦏꦱꦶꦃꦩꦩꦶ꧈ꦱꦶꦫꦠꦤ꧀ꦧꦸꦃꦲꦶꦁꦩꦩꦶꦱꦺꦭꦫꦱꦗꦼꦤꦼꦁꦲꦶꦁꦱꦸꦤ꧀​ꦠꦤ꧀ꦢꦸꦮꦺꦪꦪꦃꦫꦺꦤ꧀ꦤ꧈ꦏꦶ

---

---

Serat iki lagi katiti-waca nganti kaca 71. Éwangana niti waca kaca-kaca sabanjuré.

Iluminasi dan Ilustrasi

c:Category:Serat Selarasa (1804) - BL MSS Jav 28

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

​ Pranala njaba

• http://www.bl.uk/manuscripts/FullDisplay.aspx?ref=MSS_Jav_28