Kaca:Serat Selarasa (1804) - BL MSS Jav 28.pdf/50

Saka Wikisumber
Kaca iki wis dikorèksi

ꦮꦸꦱ꧀​ꦭꦃ​ꦪꦺꦤ꧀ꦤꦺꦴꦫꦪꦪꦶ​ꦧꦭꦶꦃ​ꦫꦸꦩ꧀ꦱꦫꦶ​ꦲꦠꦸꦂ​ꦫꦶꦫ​ꦭꦺꦴꦤ꧀​꧃ꦮꦸꦱ꧀ꦠꦪꦪꦶ​ꦥꦝ​ꦩꦼꦤꦼꦁꦔ​ꦏꦫꦸꦲꦸꦤ꧀ꦤꦶꦫꦸꦩ꧀ꦱꦫꦶ​ꦩꦫꦝꦶꦔꦶꦤ꧀​ꦱꦶꦒꦿꦔꦩ꧀ꦧꦶꦭ꧀ꦊꦩꦃ​ꦱꦩ꧀ꦥꦸꦤ꧀​ꦲꦩꦠꦼꦏ꧀ꦱꦶꦱꦶꦉꦥ꧀ꦲꦒ꧀ꦭꦶꦱ꧀​ꦔꦢꦼꦏ꧀ꦱꦸꦏꦸꦤꦺꦏꦔ꧀ꦮꦶꦪꦺꦴꦱ꧀꧃ꦏꦁꦱꦮꦶꦗꦶ​ꦱꦶꦏꦶꦭ꧀ꦠꦸꦩꦸꦥꦁ​ꦲꦶꦁ​ꦥꦸꦥꦸ꧈​ꦤꦸꦭꦾ​ꦲꦧꦭꦁ​ꦭꦤ꧀ꦱꦶꦠꦶ꧈​ꦱꦩ꧀ꦥꦸꦤ꧀ꦥꦶꦁ​ꦏꦭꦶꦃ꧈​ꦲꦔꦸꦠꦸꦱ꧀​ꦲꦤ​ꦚꦥꦮꦺꦴꦁꦱꦮꦶꦗꦶ꧈​ꦱꦥꦲꦔꦢꦼꦒꦶꦁꦏꦺꦴꦤꦺꦴ꧃ꦪꦠꦏꦒꦺꦠ꧀ꦧꦠꦸꦂ​ꦫꦺꦥꦝꦱꦸꦩꦲꦸꦂ꧈​ꦲꦤ​ꦲꦸꦮꦺꦴꦁ​ꦱꦏꦶꦁꦔꦼꦤ꧀ꦢꦶ꧈​ꦲꦤꦲꦶꦁꦧꦶꦁꦏꦺꦴꦤ꧀ꦤꦺꦴꦩꦲꦸ꧈​ꦩꦸꦝꦸꦏ꧀ꦩꦸꦏ꧀ꦏꦺꦩꦫꦶꦏꦶ꧈​ꦭꦃ​​ꦲꦶꦏꦸ​ꦱꦶꦃ​ꦲꦥꦏꦠꦺꦴꦤ꧀꧃ꦮꦺꦴꦁꦱꦏꦮꦤ꧀​ꦧꦠꦸꦂꦏꦛꦃ​ꦒꦺꦮꦺꦴꦁ​ꦔꦶꦏꦸ꧈​ꦥꦝ​ꦢꦺꦤ꧀ꦲꦁꦔꦠꦶꦪꦠꦶ꧈ꦲꦶꦏꦸꦮꦺꦴꦁ​ꦔꦉꦥ꧀ꦩꦉꦗꦸꦭ꧀ꦧꦠꦸꦂ​ꦕꦼꦒꦠꦼꦤ꧀ꦤꦒ꧀ꦭꦶꦱ꧀​​ꦫꦸꦩ꧀ꦱꦫꦶꦩꦫꦲꦔꦼꦭꦺꦴꦗꦺꦴꦏ꧀꧃​ꦥꦿꦠꦺꦁ​ꦔꦂꦱꦤ꧀ꦤꦶꦁ​ꦧꦫꦶꦱ꧀​ꦤꦸꦭꦾ​ꦲꦁꦒꦸꦠꦸꦠ꧀​ꦭꦤ꧀ꦊꦩꦃ​ꦱꦼꦥꦶꦱꦤ꧀ꦩꦤꦶꦁ꧈​ꦮꦸꦱ꧀ꦗꦁꦏꦼꦥ꧀ꦧꦭꦶꦥꦶꦁꦠꦼꦭꦸ꧈​ꦮꦺꦴꦁ​ꦏꦁꦧꦫꦶꦱ꧀ꦲꦁꦔꦿꦱꦤꦶꦁ꧈ꦲꦫꦶꦥ꧀ꦠꦸꦫꦸ​ꦏꦶꦁ​ꦏꦭꦺꦴꦗꦺꦴꦂ꧃ꦱꦏꦶꦁ​ꦱꦔꦼꦠ꧀ꦱꦶꦱꦶꦉꦥꦺ​ꦏꦁꦝꦸꦩꦮꦃ꧈​ꦱꦏꦛꦃꦲꦺꦲꦶꦁꦏꦁ​ꦏꦼꦩꦶꦠ꧀​ꦲꦤ​ꦠꦸꦫꦸꦱꦩ꧀ꦧꦶ​ꦭꦸꦁꦒꦸꦃ꧈​ꦮꦺꦴꦁꦏꦁ​ꦚꦥ​ꦲꦶꦁ​ꦲꦶꦁ​ꦫꦸꦩ꧀ꦱꦫꦶ꧈​ꦠꦸꦫꦸ​ꦔꦢꦼꦏ꧀ꦱꦩ꧀ꦧꦶ​ꦔꦺꦴꦫꦺꦴꦏ꧀꧃ꦤꦶꦫꦸꦩ꧀ꦱꦫꦶ​ꦒꦸꦥꦸꦃ​ꦱꦶꦫꦤꦸꦭꦾ​ꦮꦁꦱꦸꦭ꧀​ꦩꦫꦤ꧀ꦤꦶꦁ​ꦝꦠꦼꦁ​ꦏꦁ​ꦫꦪꦶ꧈​ꦪꦪꦶ​ꦥꦪꦺꦴꦥꦝ​ꦮꦁꦱꦸꦭ꧀​ꦢꦺꦤ꧀ꦒꦤ꧀ꦗꦔꦗꦧꦫꦶꦧꦶꦤ꧀​ꦩꦸꦥꦸꦁ​ꦮꦸꦱ꧀ꦥꦝ​ꦲꦤ꧀ꦝꦼꦏꦺꦴꦏ꧀​꧃ꦲꦶꦁꦏꦂꦱ​ꦤꦺ​ꦫꦪꦶ​ꦤꦫꦱꦏꦠꦼꦭꦸ꧈​ꦲꦤ꧀ꦝꦺꦫꦺꦏ꧀ꦏꦁ​ꦫꦏ​꧈​ꦱꦩꦶ꧈​ꦪꦠꦭꦩꦸꦤ꧀ꦮꦢꦺꦴꦤ꧀​​ꦥꦸꦤ꧀ꦗꦸꦭ꧀​ꦲꦪꦸ​ꦫꦸꦥꦤ꧀ꦤꦺꦠꦸꦂ