Kakawin Arjunawiwāha/Pupuh 36
Pupuh 36 – Wijayagati
1.
a. nā sambatnikang apsarī waluyanâta gati nṛpasuta
b. cuṇḍuk ring Wadarītapowana kakinira paḍa hana
c. sākṣat wāh sukha rakwa ramya kadi megha manuruni tasik
d. sangsiptan ri tĕlasnira-n samara digjaya ta gatinira
2.
a. sampun kekĕtaning kathÂrjunawiwāha ta pangaranika
b. sākṣāt tambayira mpu Kanwa tumatâmĕtu-mĕtu kakawin
c. bhrāntâpan tĕhĕr angharĕp samarakārya mangiring i haji
d. Śrī Airlanggha namâstu sang panikĕlanya tanah anumata