Kaca iki wis divalidasi
Wulangan 9
I. A. Pacelathon
Tindakna!
Nonton Pasar Malem
Marsam : Dir, ayo nonton! Dira : Nonton apa? Marsam : Kae. lho, sing sorote padhang-padhang kae. Dira : O iya, ya. Pasar maleme wis wiwit. Wah, lha ning sesuk ulangan ki, piye? Marsam : Alah, ulangan we thik piye. Ra sah wedi. Sesuk gampang. Dira : Gampang piye! Matematika, je! Marsam : Lha iya, gampang! Dira : Kowe wis sinau pa? Marsam : Ya durung. Ning, gampang ta wis! Dira : Wah, aku ra wani tenan, Mar. Mangkata dhewe! Marsam : Bangeten kowe ki, dijak nonton we emoh! Dira : Aku ki ora emoh. Gelem, ning aja saiki. Mbok sesuk bengi ngono piye, ta? Marsam : O, sesuk ki rak malem Minggu, ya? Dira : Genah iya ngono kok. Sesuk bae rak laras, Mar! Marsam : Iya, Dir, bener kowe. Tujune kowe kenceng ora gelem. Dira : Saiki sinau kene sisan we, Mar. Marsam : Mathuk aku! 64
