Kaca:WM ID 005 0006 (Kumpulan Teks).pdf/31

Saka Wikisumber
Kaca iki wis divalidasi

13

ꦥꦸꦫꦸꦤ꧀ꦠꦸꦩꦸꦠ꧀ꦱꦏꦂꦰꦺꦁꦔꦺꦴꦁ꧈​ꦧꦧꦢ꧀ꦧꦧꦢ꧀ꦮꦤꦮꦱ꧈​ꦤꦸꦭ꧀ꦪꦏꦸꦭꦠꦸꦩꦶꦁꦔꦭ꧀ꦭꦫꦺꦲꦺꦱ꧀ꦠꦿꦶꦏꦮꦶꦪꦸꦪꦸꦁ꧈​ꦲꦶꦁꦱꦸꦭꦸꦂꦮꦺꦴꦢ꧀ꦢꦶꦁꦩꦤ꧀ꦢꦺꦫ꧈​꧃꧈​ꦮꦠꦮꦶꦱ꧀ꦱꦺꦢꦺꦫꦺꦁꦭꦩꦶ꧈​ꦢꦺꦫꦠꦸꦩꦩꦺꦁꦧꦧꦪ꧈​ꦏꦸꦭꦏꦩ꧀ꦩꦶꦮ꧀ꦭꦱ꧀ꦱꦼꦤ꧀ꦠꦸꦩꦺꦴꦤ꧀꧈​ꦭꦗꦸꦤꦠꦱ꧀ꦱꦶꦥꦸꦱꦫ꧈​ꦭꦸꦮꦂꦫꦺꦢꦠꦤ꧀ꦏꦼꦤ꧀ꦤ꧈​ꦠꦶꦤꦏꦺꦤ꧀ꦏꦼꦫꦤ꧀ꦤꦤ꧀ꦤꦶꦥꦸꦤ꧀꧈​ꦥꦶꦗꦼꦂꦲꦤ꧀ꦤꦁꦔꦶꦱ꧀ꦏꦺꦮꦭ꧈​꧃꧈​ꦱꦩ꧀ꦧꦠ꧀ꦠꦺꦫꦩꦫꦱꦼꦏ꧀ꦱꦶ꧈​ꦠꦼꦏꦏꦭꦸꦔꦤ꧀ꦤꦶꦲꦪ꧈​ꦩꦸꦁꦩꦼꦏꦠꦼꦤ꧀ꦱꦢꦁꦔꦸꦤ꧀ꦤꦺ꧈​ꦲꦶꦁꦔꦸꦤ꧀ꦤꦶꦥꦩꦤ꧀ꦤꦃꦏꦸꦭ꧈​ꦪꦼꦏ꧀ꦠꦶꦱꦸꦠꦤ꧀ꦤꦶꦁꦢꦶꦠꦾ꧈​ꦮꦼꦏꦱ꧀ꦱꦤ꧀ꦤꦺꦏꦸꦭꦥꦸꦥꦸ꧈​ꦏꦩ꧀ꦧꦶꦭ꧀ꦱꦸꦠꦠꦤ꧀​ꦔ꧀ꦭꦼꦒꦤ꧈​꧃꧈​ꦲꦗꦼꦁꦔꦺꦏꦸꦭꦤꦩꦤ꧀ꦤꦶ꧈​ꦥꦸꦤ꧀ꦫꦫꦠꦼꦩ꧀ꦩꦺꦴꦤ꧀ꦥꦸꦤ꧀ꦤꦶꦏ꧈​ꦲꦶꦁꦔꦤ꧀ꦠꦫꦲꦫꦶꦩꦁꦏꦺ꧈​ꦒꦂꦮꦥꦸꦠꦿꦤ꧀ꦤꦶꦯꦸꦤ꧀ꦱꦩꦾ꧈​ꦤꦸꦱꦸꦭ꧀ꦏꦼꦥꦁꦒꦶꦃꦲꦂꦗ꧈​ꦮꦢꦾꦲꦸꦩꦶꦫꦶꦁꦱꦢꦫꦸꦩ꧀꧈​ꦱꦼꦱꦤ꧀ꦤꦶꦁꦥꦼꦗꦃꦏꦧ꧀ꦭꦧꦏ꧀꧈꧃꧈​ꦩꦸꦁꦥꦸꦠꦿꦤ꧀ꦤꦶꦁꦯꦸꦤ꧀ꦥꦁꦔꦂꦰꦶ꧈​ꦔꦸꦤ꧀ꦤꦶꦏꦁꦢꦺꦫꦺꦁꦏꦥꦁꦒꦾ꧈​ꦩꦂꦩꦤ꧀ꦤꦶꦥꦸꦤ꧀ꦫꦫꦠꦼꦩ꧀ꦩꦺꦴꦤ꧀꧈​ꦏꦁꦩꦺꦴꦁꦏꦭꦶꦭꦶꦫꦸꦩꦸꦁꦢꦢꦾ꧈​ꦥꦸꦠꦿꦤ꧀ꦤꦶꦁꦯꦸꦤ꧀ꦥꦁꦔꦂꦰ꧈​ꦒꦂꦮꦺꦁꦔꦺꦴꦁꦁꦩꦉꦩ꧀ꦠꦾꦱ꧀ꦱꦶꦥꦸꦤ꧀꧈​ꦱꦸꦢꦮꦶꦪꦢꦶꦤ꧀ꦤꦶꦁꦢꦿꦶꦪ꧈​꧃꧈​ꦢꦸꦥꦶꦲꦶꦁꦁꦔꦤ꧀ꦠꦫꦭꦩꦶ꧈​ꦥꦿꦥ꧀ꦠꦤ꧀ꦤꦶꦁꦩꦺꦴꦁꦱꦢꦶꦮꦱ꧈​ꦲꦤ꧀ꦢꦶꦏꦧꦸꦤ꧀ꦤꦼꦧꦸꦤ꧀ꦱꦺꦴꦫꦺ꧈​ꦣꦁꦔꦤ꧀ꦤꦶꦁꦠꦾꦱ꧀ꦲꦂꦰꦮꦿꦸꦃꦲ꧈

Dijupuk saka "https://jv.wikisource.org/w/index.php?title=Kaca:WM_ID_005_0006_(Kumpulan_Teks).pdf/31&oldid=35586"