Kaca:WM ID 005 0006 (Kumpulan Teks).pdf/14

꧕

ꦮꦸꦮꦸꦱ꧀꧈​ꦉꦁꦔꦼꦤ꧀ꦡꦲꦺꦃꦏꦏꦁꦱꦩꦁꦏꦶꦤ꧀꧈​ꦏꦢꦂꦥꦤ꧀ꦤꦶꦁꦠꦾꦱ꧀ꦱꦶꦁꦮꦁ​꧈​ꦠꦤ꧀ꦏꦼꦤ꧀ꦤꦱꦶꦤ꧀ꦤꦪꦸꦠ꧀꧈​ꦲꦶꦁꦯꦸꦤ꧀ꦤꦶꦂꦰꦔꦭꦶꦃꦏꦸꦛ꧈​ꦲꦶꦪꦩꦫꦁꦮꦺꦴꦤ꧀ꦤꦠꦫꦺꦁꦢꦾꦫꦮꦡꦶ꧈​ꦏꦶꦤ꧀ꦤꦂꦪꦏꦸꦛꦒꦴꦫ꧈꧃꧈​ꦱꦫꦸꦥꦤ꧀ꦤꦺꦫꦱꦏ꧀ꦱꦫꦱꦼꦏ꧀ꦱꦶ꧈​ꦲꦶꦁꦏꦁꦲꦤ꧀ꦤꦺꦁꦏꦺꦴꦤꦺꦴꦲꦶꦏꦸꦥꦣ꧈​ꦣꦮꦸꦃꦲꦤꦔꦭꦶꦃꦏꦧꦺꦃ꧈​ꦪꦩꦫꦁꦮꦸꦏꦶꦂꦏꦶꦢꦸꦭ꧀꧉​ꦮꦤꦠꦫꦲꦶꦁꦢ꧀ꦮꦫꦮꦠꦶ꧈​ꦤꦸꦭꦶꦱꦶꦫꦕꦼꦁꦏꦭ꧀ꦭ꧈​ꦲꦼꦤ꧀ꦢꦶꦏꦶꦁꦥꦠꦸꦠ꧀꧈​ꦠꦠꦫꦠꦤ꧀ꦤꦶꦁꦥꦿꦠꦭ꧈​ꦧꦧ꧀ꦢꦤꦤꦸꦭꦶꦭꦼꦏꦱ꧀ꦱꦤꦤꦲꦒ꧀ꦭꦶꦱ꧀꧈​ꦭꦸꦩꦏꦸꦮꦥꦿꦶꦪꦁꦒ꧈꧃꧈​ꦲꦫꦃꦲꦫꦃꦲꦼꦤ꧀ꦤꦶꦁꦏꦁꦥꦿꦪꦺꦴꦒꦶ꧈​ꦏꦢꦶꦥꦸꦫꦤ꧀ꦤꦶꦁꦯꦸꦤ꧀ꦩꦢꦾꦺꦁꦥꦿꦗ꧈​ꦥꦠꦶꦃꦱꦤ꧀ꦢꦶꦏꦲꦠꦸꦂꦫꦺ꧈​ꦲꦺꦕꦲꦶꦩ꧀ꦧꦭ꧀ꦭꦤ꧀ꦮꦸꦮꦸꦱ꧀꧈​ꦏꦠꦸꦁꦏꦏꦁꦲꦠꦸꦂꦲꦸꦢꦤ꧀ꦤꦶ꧈​ꦭꦩꦸꦤ꧀ꦮꦺꦴꦤ꧀ꦠꦼꦤ꧀ꦦꦟ꧀ꦣꦶꦠ꧈​ꦩꦉꦏ꧀ꦲꦶꦁꦯꦁꦦꦿꦨꦸ꧈​ꦠꦶꦤ꧀ꦤꦶꦏꦺꦤ꧀ꦥꦼꦁꦔꦏꦼꦤ꧀ꦤꦶꦫ꧈​ꦮꦱ꧀ꦠꦲꦗꦂꦯꦶꦣꦶꦮꦼꦕꦤꦥꦭꦶꦁꦒꦶꦃ꧈​ꦲꦶꦁꦩꦂꦧꦧꦸꦥꦂꦮꦠ꧈​꧃꧈​ꦒꦸꦥꦸꦃꦒꦸꦥꦸꦃꦲꦮꦶꦠ꧀ꦥꦁꦏꦶꦁꦮꦰꦶ꧈​ꦲꦤ꧀ꦤꦶꦁꦢꦺꦮꦢꦭꦸꦭꦶꦂꦱꦚ꧀ꦚꦠ꧈​ꦏꦱꦸꦥꦼꦤ꧀ꦤꦮꦺꦭꦺꦃꦮꦺꦭꦺꦃ꧈​ꦪꦺꦤ꧀ꦲꦂꦰꦤ꧀ꦠꦸꦏ꧀ꦥꦶꦠꦸꦭꦸꦁ​꧈​ꦲꦸꦩꦉꦏ꧀ꦏꦲꦶꦁꦯꦿꦶꦨꦸꦦꦡꦶ꧈​ꦏꦁꦭꦒꦾꦏꦂꦪꦏꦸꦛ꧈​ꦤꦺꦁꦮꦺꦴꦤ꧀ꦤꦮꦶꦤ꧀ꦤꦔꦸꦤ꧀꧈​ꦩꦏꦠꦼꦤ꧀ꦮꦶꦕꦤ꧀ꦠꦼꦤ꧀ꦤꦶꦫ꧈ꦯꦿꦶꦟꦫꦺꦟ꧀ꦢꦿꦔꦤ꧀ꦢꦶꦏꦲꦶꦫꦶꦠ꧀ꦢꦼꦤ꧀ꦤꦸꦭꦶ꧈​ꦩꦫꦶꦁꦧꦾꦤ꧀ꦠꦫꦤ꧀ꦤꦶꦮꦁ꧈