Kaca:WM ID 005 0006 (Kumpulan Teks).pdf/116

ꦥꦸꦏ꧀ꦭꦮꦁ꧈ꦢꦸꦫꦸꦁꦩꦺꦴꦁꦱꦮꦤꦶꦏꦚ꧀ꦗꦥꦸꦏ꧀ꦏꦺꦴꦫꦶ꧈ꦗꦧꦿ​ꦆꦭ꧀ꦱꦸꦩꦲꦸꦂꦱꦼꦟ꧀ꦝꦸ꧈ꦭꦃꦲꦒꦺꦮꦼꦔꦤ꧀ꦤꦤ꧈ꦔꦺꦴꦁꦩꦭꦺꦏꦠ꧀ꦗꦧꦿ​ꦆꦭ꧀ꦟꦨꦶꦫꦯꦸꦭ꧀꧈ꦔꦟ꧀ꦢꦶꦏꦃꦪꦁꦩꦲꦩꦸꦭꦾꦩꦭꦺꦏꦠ꧀ꦏꦁꦗꦒꦶꦒꦶꦥꦶꦃ꧈꧃ ꦲꦩ꧀ꦧꦸꦏꦏꦸꦚ꧀ꦕꦶꦤꦶꦔ꧀ꦭꦮꦁ꧈ꦫꦶꦱꦩ꧀ꦥꦸꦤ꧀ꦚꦏꦁꦗꦼꦁꦟꦨꦶꦲꦸꦩꦚ꧀ꦗꦶꦁ꧈ꦗꦧꦿ​ꦆꦭ꧀ꦱꦸꦒꦭ꧀ꦲꦩꦸꦁꦮꦸꦱꦾꦲꦥꦠꦤ꧀ꦮꦸꦭꦠ꧀ꦱꦶꦫ꧈ꦣꦸꦮꦸꦂꦏꦺꦴꦫꦶꦮꦸꦱ꧀ꦕꦶꦤꦼꦛꦢꦸꦏ꧀ꦭꦸꦩꦸꦲꦸꦤ꧀​ꦩꦭꦺꦏꦠ꧀ꦗꦒꦶꦁꦫꦉꦥ꧀ꦥ꧈ꦣꦠꦼꦁꦩꦭꦺꦏꦠ꧀ꦗꦧꦿ​ꦆꦭ꧀꧈​꧃ ꦢꦺꦤ꧀ꦲꦒꦸꦁꦲꦥꦸꦫꦠꦸꦮꦤ꧀꧈ꦱꦂꦪ꧀ꦮꦟ꧀ꦝꦼꦏꦸꦱꦸꦱꦭꦩ꧀ꦩꦿꦶꦁꦗꦼꦁꦟꦨꦶ꧈ꦣꦸꦃꦓꦸꦰ꧀ꦠꦶꦥꦤꦸꦠ꧀ꦠꦤ꧀ꦤꦸꦭꦸꦤ꧀​ꦭꦏꦸꦁꦧꦼꦒ꧀ꦗꦥꦢꦸꦏꦲꦶꦁꦔꦟ꧀ꦢꦶꦏꦤ꧀ꦔꦂꦰꦤꦶꦫ​​ꦲꦾꦁꦩꦲꦒꦸꦁ꧈ꦥꦶꦤꦸꦚ꧀ꦗꦸꦭ꧀ꦱꦭ꧀ꦮꦶꦂꦤꦶꦁꦢꦸꦡꦏꦁꦱꦩ꧀ꦥꦸꦤ꧀ꦔꦟ꧀ꦢꦶꦏꦤ꧀ꦔꦸꦟꦶ꧈꧃ꦗꦼꦁꦟꦨꦶꦲꦫꦸꦩ꧀ꦱꦧ꧀ꦢꦤ꧀ꦚꦪꦩꦭꦺꦏꦠ꧀ꦕꦔꦼꦠ꧀ꦠꦫꦶꦩꦩꦩꦶ꧈ꦲꦶꦁꦁꦫꦶꦏꦸꦗꦼꦁꦟꦨꦶꦢꦸꦭꦸ꧈ꦩꦭꦺꦏꦠ꧀ꦒꦼꦁꦏꦭꦶꦤ꧀ꦡꦁ꧈ꦩꦸꦁꦒꦺꦁꦏꦸꦂꦰꦶꦧꦶꦤꦿꦠꦥ꧀ꦥꦤ꧀ꦲꦶꦤ꧀ꦡꦼꦤ꧀ꦩꦸꦫꦸꦠ꧀꧈​ꦲꦶꦁꦔꦪꦥ꧀ꦱꦒꦸꦁꦩꦭꦺꦏꦠ꧀꧈ꦮꦂꦟꦤꦺꦲꦤꦺꦏꦮꦂꦟꦶ​꧃ꦢ꧀ꦮꦶꦮꦼꦭꦱ꧀ꦲꦺꦮꦸꦏꦛꦃꦚ꧈ꦲꦱꦸꦁꦱꦭꦩ꧀ꦩꦿꦶꦁꦗꦼꦁꦟꦨꦶꦭꦶꦤꦸꦮꦶꦃ꧈ꦤꦸꦭꦶꦱꦶꦤꦲꦸꦂꦫꦤ꧀ꦱꦩ꧀ꦥꦸꦤ꧀​ꦱꦭꦩ꧀ꦩꦺꦥꦿꦩꦭꦺꦏꦠ꧀꧈​ꦭꦗꦼꦁꦧꦸꦣꦭ꧀ꦗꦼꦁꦟꦨꦶꦏꦒꦾꦠ꧀ꦲꦟ꧀ꦢꦸꦭꦸ꧈ꦱꦸꦲꦤ꧀ꦩꦥꦿꦶꦪꦱꦗꦸꦒ꧈ꦢꦼꦢꦼꦒ꧀ꦥꦶꦢꦼꦒ꧀ꦱꦉꦱ꧀ꦲꦠꦶ꧈꧃ꦥꦔꦸꦤꦤ꧀ꦢꦶꦏꦤ꧀ꦤꦶꦁꦢꦿꦶꦪ꧈ꦱꦥꦲꦶꦏꦶꦧꦒꦸꦱ꧀ꦱꦺꦲꦔ꧀ꦭꦸꦮꦶꦃꦲꦶ꧈ꦱꦭꦮꦱ꧀ꦥꦟ꧀ꦢꦸꦫꦸꦁꦢꦸꦭꦸ꧈ꦲꦤꦸꦭꦾꦭꦺꦴꦤ꧀ꦠꦠꦤ꧀ꦚ꧈ꦫꦶꦁꦩꦭꦺꦏꦠ꧀ꦗꦧꦿ​ꦆꦭ꧀ꦲꦫꦶꦱ꧀ꦲꦸꦩꦠꦸꦂ꧈ꦟꦨꦶꦪꦸꦱꦸꦥ꧀ꦮꦱ꧀ꦡꦤ꧀ꦤꦶꦫ꧈ꦱꦸꦩꦺꦴꦁꦒꦠꦸꦮꦤ꧀ꦩꦼꦂꦥꦼꦏ꧀ꦏꦶ꧈꧃ꦗꦼꦁꦟꦨꦶꦲꦫꦶꦱ꧀ꦩꦔꦂꦰ꧈ꦥꦿꦠꦤ꧀ꦤꦶꦫꦤꦸꦭꦶꦱꦭꦩ꧀ꦩꦤ꧀ꦱꦩꦶ꧈ꦟꦨꦶꦣꦸꦯꦸ