ngeṭok, toeroetana wong toewa oedjaré, atoerana marang ngarsa mami." Wadya nembah midjil, sarwi ngoewoeh-oewoeh:
„Hèh wong kantja sarèhna roemijin, karsané dyah sinom, moeng prijagoeng sepoeh dipoen agé, ingandikan marang koesoema di.” Sigra sang Dyah Ko Kim, madjeng ngarsa goepoeh.
Atoer taklim samja tata linggih, sang dyah ngandika lon: „Kasegahan pambagé praptané, satrija goeng akarsa poenapi?” Dyah Ko Kim naoeri:,,Noewoen koesoema joe.
Kelilana poen éjang metjani, wiraosing batos, amba ḍapoer pinretjaja Radjèng, angembani marang sénapati, Sik Ting San poeniki, poetra djajèng poepoeh.
Wantoenipoen satrija nom pekik, akoerang waspaos, koesoema joe poendjoel ing warnané, sarta malih prawirèng adjoerit, nadyan Ting San sigit, pesṭi amitoeroet.
Sawab adjrih jèn sagoeh pribadi, nanging atoeringong, koesoema joe woes pesṭi djoḍoné, sampoen timbang warnané sang dèwi, krama Ting Sang sigit, sedjagad tan antoek.
Amoeng ndika koesoema dèn soedi, woes pesṭi jèn djoḍo, inggih éjang ngembani iboené, nḍaoepaken Ting
