prapti, rakanta moendoet béja, wonten ladjeripoen, kelangkoeng prakosanira, ladjeng tempoeh tanḍing lan ra. kanta djoerit, rakanta kang kasoran.
Sampoen mandjing mring pratala njingkrih, nanging mangké moengsoeh minggah arga, kadospoendi goesti anggèr?" Sang dyah kagèt sroe moewoes: „Kambilana toerangga mami." Ngatag wadya wanita, sigra dandan goepoeh, pradjoerit èstri sadaja, taoe taté ginoelang ontjlang djemparing, sang dyah ngrasoek boesana.
Ngagem peḍang pangantèn sasoepit, paringané sanghjang Sing Bo retna, nitih toerangga gé-agé, toemoeroen saking goenoeng, Lo Dong tebih toemenga angling: ,,Ika wanodya apa? moeḍoen saking goenoeng, roepané ajoe prasadja, apa nggoda, ingsoen nora mélik èstri." Sang retna noelja mapag.
Sarwi angling soewara roem manis:,,Hèh satrija sira arsa moenggah, apa nedya dol koewanèn? pajo tanding lan ingsoen." Ri sang arja Lo Dong miarsi, goemoejoe latah-latah:,,Getoen ingsoen ndoeloe, roepamoe ajoe prasadja, ndadak sira arsa tanding lawan mami, mangsa koerang djedjaka.
Ija pajo soen gawa sirèki, soen atoerké sénapatiningwang, Sik Ting San bagoes roepané, kinarja selir pa toet." Sang retnajoe Ta Swan Tong angling: Asoe moengsoeh keparat, jwa kakéhan woewoes, tadahana
