giri, noelja ngirid wadya-bala, noeloengi mring rama kanin.” Kang iboe anaoeri: „Sira mring negara sésoek, ingsoen koeloep toet woentat, adja kari nanḍang sedih.” Ting San matoer: „Doeh iboe inggih soemangga.”
Kim Ljan matoer mring kang raka: „Kangmas ndika soen toetoeri, koela mesṭi toemoet pinḍah, noeloengi mring rama kanin, wit sadjatinė mami, pinoenḍoet hjang Sing Bo ajoe, winedjang ngèlmoe njata, pinaringan djimat loewih, jèn winatek bisa abala njiloeman.
Senadyan moengsoeh digdaja, ngaḍepna moengsoeh sakeṭi, pan koela adjrih poenapa, tanḍing lan wong Sé Ljang béndjing.” Ting San mèsem naoeri: „Njata sira nora mentjoel, pajo mèloea pisan, toeloeng rama lan Nrepati.” Iboe anèm pinasrahan dalem poera.
Ing daloe sigra memekas, iboe anèm dèn pasrahi, éndjing samja dandan mangkat, Sik Ting San nitih toeranggi, kang iboe nitih djoli, ni Kim Ljan angagem lawoeng, ngrasoek kapradjoeritan, wahana koeda mantesi, sigra midjil saking kori Ljong Mi Koe Dan.
Ing margi datan winarna, woes mandjing djroning negari, ndjoedjoeg aloen-aloen sigra, soepenoeh wadya gelaḍi, pra samja adjar djoerit, sajembara kang ginantoeng, oeniné lajang oenḍang: „Sapa wongé kang njagoehi, dadi sénapatiné wadya poenggawa.
Mbantoni djeng rama Nata, kinepoeng nèng Sé Ljang.
