Kaca iki wis dikorèksi
Tina
TERMINAL
Terminal Mojoagung sing dadi kenangan
Kenangan sing ndadekake gelane atiku
Saben wayah bali kerja
Sekarone anakku melu ngeterake ning terminal
Rasa gela, rasa cuwane atiku
Gak kuwawa mbendhung luh ing mripatku
Nadyan lara, nelangsane atiku
Ananging pisahan iki kudu tak liwati
Kanggo nglali ati
Mung tak lamunake
Wayah mulih kerja, iba bungahe atiku
Lan sekarone anakku nyambut tekaku
Saben dina wis tak liwati
Sampek era krasa seminggu pisan mulihku
Embuh sampek kapan
Kahanan iki kudu tak lakoni
Muga Pangeran Kang Maha Agung
Cepet paring kamulyan marang aku
Ben isa ngasuh putra-putraku
9
