Kaca iki wis dikorèksi
KATRESNAN
Yuliati
Wis rong sasi aku kenal karo sliramu
Yo dudu wong Kediri, malah wong adoh
Lek ketemu yo mung omong-omongan wae
Ananging suwe-suwe kok dadi kelingan
Marang dheweke wong bagus iku
Rasa iki
Ewasemana mung tak empet-empet wae
Jebule atiku ora kena diblituki
Mangkane banjur tak ungkapke
Rasa atiku marang slirane
Saiki aku pancen tresna marang wong Sala iku
Sing duwe pendirian kukuh
Ngadepi urip ning kutha sing gak dikenal
Saben dina aku mung kelingan awakmu wong bagus
Gak kenek diapusi atiku
Rasaning atimu ndilalah ya padha
Pancen sak ati ya kang mas
Sampean ya wis buktekne setiamu marang aku
Kutha Sala sing tak impek-impekne
Yen krungu jenenge atiku tratapan
Katresnan iki coba tak rasak-rasakake
4
