Kaca iki wis divalidasi
— 74 —
| ꧔꧐꧇ | ꧋ꦒꦼꦠꦼꦂꦥꦠꦼꦂꦚꦸꦮꦫꦱꦗꦿꦺꦴꦤ꧀ꦤꦶꦁꦧꦸꦩ꧀ꦧꦸꦁ꧈ꦠꦼꦒꦼꦱ꧀ꦱꦶꦥꦸꦤ꧀꧇ꦄꦭ꧀ꦭꦃ꧉ |
꧋ꦠꦩꦠ꧀ꦮꦶꦫꦶꦢ꧀ꦧꦧ꧀ꦎꦁꦏ꧇꧔꧉
꧑꧇꧋ꦒꦶꦒꦶꦂꦫꦶꦁꦥꦸꦔ꧀ꦭꦸ꧈ꦠꦼꦒꦼꦱ꧀ꦱꦶꦥꦸꦤ꧀ꦒꦶꦒꦶꦂꦫꦶꦁꦩꦶꦩꦶꦱ꧀ꦥꦸꦤ꧀ꦤꦶꦏꦔꦶꦧꦫꦠ꧀ꦏꦲꦺꦭꦺꦴꦏ꧀ꦏꦤ꧀ꦤꦶꦁꦢꦠ꧀ꦢꦺꦤ꧀ꦤꦺꦧꦺꦴꦠꦼꦤ꧀ꦲꦫꦃꦧꦺꦴꦠꦼꦤ꧀ꦲꦼꦁꦒꦺꦴꦤ꧀ꦲꦶꦁꦥꦸꦤ꧀ꦢꦶꦱꦲꦺꦱ꧀ꦠꦸꦥꦁꦒꦺꦤ꧀ꦤꦤ꧀ꦤꦶꦥꦸꦤ꧀ꦱꦪꦼꦏ꧀ꦠꦶꦲꦩꦸꦁꦢꦸꦩꦸꦤꦸꦁꦮꦺꦴꦤ꧀ꦠꦼꦤ꧀ꦢꦠ꧀ꦠꦶꦁꦒꦼꦱꦁꦏꦶꦠꦥꦿꦶꦧꦢꦶ꧉
꧒꧇꧋ꦠꦩ꧀ꦧꦶꦤ꧀ꦤꦶꦥꦸꦕꦁ꧈ꦠꦼꦒꦼꦱ꧀ꦱꦶꦥꦸꦤ꧀ꦥꦸꦤ꧀ꦤꦶꦏꦔꦶꦧꦫꦠ꧀ꦏꦲꦺꦭꦺꦴꦏ꧀ꦏꦤ꧀ꦤꦶꦥꦸꦤ꧀ꦱꦶꦥꦠ꧀ꦠꦶꦁꦢꦠ꧀ꦢꦺꦤ꧀ꦤꦺꦧꦶꦤ꧀ꦤꦱꦏ꧀ꦲꦏꦼꦤ꧀ꦢꦺꦢꦺꦗꦊꦂ꧈ꦢꦺꦢꦺꦲꦺꦱ꧀ꦠꦿꦶ꧈ꦢꦺꦢꦺꦮꦤ꧀ꦢꦸ꧈ꦏꦢꦺꦴꦱ꧀ꦥꦸꦤ꧀ꦤꦥꦱꦲꦺꦱ꧀ꦠꦸꦤ꧀ꦤꦶꦁꦢꦠ꧀ꦠꦶꦥꦸꦤ꧀ꦱꦪꦼꦏ꧀ꦠꦶꦲꦩꦸꦁꦢꦸꦩꦸꦤꦸꦁꦮꦺꦴꦤ꧀ꦠꦼꦤ꧀ꦱꦶꦥꦠ꧀ꦠꦶꦁꦒꦼꦱꦁꦏꦶꦠ꧉
ꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦱ꧀ꦠꦤ꧀ꦤꦶꦠ꧀ꦧꦶꦤ꧀ꦤꦶꦁꦥꦸꦱꦁꦥꦸꦤ꧀ꦤꦶꦏꦭꦺꦁꦔꦶꦥꦸꦤ꧀ꦒꦿꦤꦏꦏꦭꦶꦃ꧈ꦱꦏꦶꦁꦥꦔꦶꦤ꧀ꦠꦼꦤ꧀ꦧꦺꦴꦏ꧀ꦩꦤ꧀ꦤꦮꦶꦏꦼꦭꦸꦤ꧀ꦠꦸꦲꦶꦁꦱꦼꦱꦼꦉꦥ꧀ꦥꦤ꧀꧈
꧓꧑꧋ꦮꦏꦱ꧀ꦱꦤ꧀ꦤꦶꦁꦭꦔꦶꦠ꧀ꦠꦼꦒꦼꦱ꧀ꦱꦶꦥꦸꦤ꧀ꦥꦸꦤ꧀ꦤꦶꦏꦔꦶꦧꦫꦠ꧀ꦮꦔꦼꦤ꧀ꦤꦤ꧀ꦤꦶꦥꦸꦤ꧀ꦱꦺꦴꦫꦺꦴꦠ꧀ꦠꦶꦁꦕꦃꦪ꧈ꦱꦸꦩꦫꦩ꧀ꦧꦃꦢꦸꦩꦸꦒꦶꦏꦲꦤꦤ꧀ꦤꦶꦁꦱꦶꦥꦠ꧀ꦏꦶꦠ꧉
꧔꧇꧋ꦮꦼꦏꦱ꧀ꦱꦤ꧀ꦤꦶꦁꦱꦩꦺꦴꦢꦿꦠꦤ꧀ꦥꦠꦼꦥꦶ꧈ꦠꦼꦒꦼꦱ꧀ꦱꦶꦥꦸꦤ꧀ꦥꦸꦤ꧀ꦤꦶꦏꦔꦶꦧꦫꦠ꧀ꦠꦶꦁꦮꦔꦼꦤ꧀ꦤꦤ꧀ꦤꦶꦁꦥꦔꦮꦱ꧀ꦱꦤ꧀ꦤꦶꦁꦫꦃꦱ꧈ꦱꦸ
