꧋ ꦪꦺꦤ꧀ꦱꦩ꧀ꦥꦸꦤ꧀ꦩꦏꦠꦼꦤ꧀ꦒꦺꦴꦣꦺꦴꦁꦔꦶꦁꦏꦗꦼꦁꦱꦗꦫ
ꦠꦶꦭ꧀ꦩꦸꦱ꧀ꦠꦲꦉꦤ꧀ꦠꦃ꧈ꦫꦢꦶꦠꦸꦂꦱꦶꦤꦉꦧꦃ꧈ꦠꦼꦒꦼꦱ꧀ꦱꦶꦥꦸꦤ꧀ꦥꦸ
ꦤ꧀ꦤꦶꦏꦠꦭꦶꦁꦔꦤ꧀ꦥꦺꦔ꧀ꦭꦺꦃ꧈ꦒꦿꦤꦩꦶꦁꦏꦸꦥ꧀ꦲꦶꦁꦔꦿꦶꦏꦸꦣ
ꦠꦼꦁꦔꦶꦥꦸꦚ꧀ꦕꦃꦪꦤ꧀ꦤꦶꦁꦤꦥ꧀ꦱꦸꦏꦮꦤ꧀ꦥꦿꦏꦮꦶꦱ꧀ꦲꦶꦁꦏꦁꦫꦸꦩꦶ
ꦪꦶꦚ꧀ꦕꦃꦪꦕꦼꦩꦼꦁ꧈ꦤꦸꦤ꧀ꦠꦼꦚ꧀ꦕꦃꦪꦲꦧꦿꦶꦠ꧀ꦤꦸꦤ꧀ꦠꦼꦚ꧀ꦕꦃꦪꦗꦼ
ꦤ꧀ꦤꦺ꧈ꦤꦸꦤ꧀ꦠꦼꦚ꧀ꦕꦃꦪꦥꦼꦛꦏ꧀ꦤꦶꦤ꧀ꦠꦼꦚ꧀ꦕꦃꦪꦤ꧀ꦤꦶꦁꦥꦿꦩꦤ꧈ꦲ
ꦩꦺꦴꦚ꧀ꦕꦮꦂꦤꦶꦣꦠꦼꦁꦔꦶꦥꦸꦤ꧀ꦒꦸꦩꦼꦭꦂꦱꦉꦁ꧈ꦕꦼꦩꦼꦁ꧈ꦲꦧꦿꦶ
ꦠ꧀ꦲꦶꦗꦼꦩ꧀ꦗꦼꦤ꧀ꦤꦺ꧈ꦥꦼꦛꦏ꧀ꦱꦩꦶꦲꦔ꧀ꦭꦶꦩ꧀ꦥꦸꦠ꧀ꦠꦶꦲꦶꦁꦢ
ꦠ꧀ꦠꦶꦁꦏꦫꦠꦺꦴꦤ꧀ꦲꦤꦔꦶꦁꦱꦢꦪꦥꦸꦤ꧀ꦤꦶꦏꦢꦺꦢꦺꦱꦗ
ꦠꦺꦴꦱ꧀ꦱꦶꦥꦸꦤ꧀ꦏꦫꦠꦺꦴꦤ꧀ꦏꦁꦠꦶꦤ꧀ꦤꦠꦩꦲꦩꦸꦭꦾ꧈ꦩꦶꦭꦲꦶꦁ
ꦱꦢꦺꦫꦺꦁꦔꦶꦥꦸꦤ꧀ꦏꦣꦠꦼꦁꦔꦤ꧀ꦕꦃꦪꦥꦸꦤ꧀ꦤꦶꦏ꧈ꦏꦼꦢꦃꦲꦩ꧀ꦧꦶꦫ
ꦠ꧀ꦠꦲꦱꦭ꧀ꦭꦶꦁꦕꦃꦪꦱꦠꦸꦁꦒꦭ꧀ꦏꦱꦩ꧀ꦥꦸꦂꦤꦏꦲꦏꦼꦤ꧀ꦱ
ꦏꦶꦁꦏꦺꦴꦢꦿꦠ꧀ꦏꦶꦠꦲꦶꦁꦏꦁꦱꦸꦥꦢꦺꦴꦱ꧀ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏ
ꦭꦶꦩ꧀ꦥꦸꦠ꧀ꦠꦤ꧀ꦢꦺꦤ꧀ꦤꦶꦁꦕꦃꦪ꧈ꦲꦶꦁꦔꦟ꧀ꦝꦥ꧀ꦥꦸꦤ꧀ꦤꦶꦏꦥꦩ꧀ꦧꦺꦫꦠ꧀ꦠꦶ
ꦥꦸꦤ꧀
꧋ ꦕꦃꦪꦲꦶꦉꦁꦏꦢꦢꦺꦪꦤ꧀ꦤꦶꦁꦤꦥ꧀ꦱꦸꦭꦸꦲꦩꦃ꧈ꦱꦸꦩꦸꦫꦸ
ꦥ꧀ꦩꦫꦶꦁꦕꦃꦪꦏꦁꦲꦧꦁ꧈ꦕꦃꦪꦲꦧꦁꦏꦢꦢꦺꦪꦤ꧀ꦤꦶꦁꦤꦥ꧀ꦱꦸ
ꦲꦩꦫꦃ꧈ꦱꦸꦩꦸꦫꦸꦥ꧀ꦩꦫꦶꦁꦕꦃꦪꦏꦁꦏꦸꦤ꧀ꦤꦶꦁ꧈ꦕꦃꦪꦏꦸꦤ꧀ꦤꦶꦁꦏꦢ
ꦢꦺꦪꦤ꧀ꦤꦶꦁꦤꦥ꧀ꦱꦸꦱꦸꦥꦶꦪꦃ꧈ꦱꦸꦩꦸꦫꦸꦥ꧀ꦩꦫꦶꦁꦕꦃꦪꦏꦁꦥꦸꦠꦶꦃ꧈
ꦕꦃꦪꦥꦸꦠꦶꦃꦏꦢꦢꦺꦪꦤ꧀ꦤꦶꦁꦤꦥ꧀ꦱꦸꦩꦸꦠ꧀ꦩꦆꦤ꧀ꦤꦃ꧈ꦱꦸꦩꦸꦫꦸ
ꦥ꧀ꦩꦫꦶꦁꦕꦃꦪꦏꦁꦲꦩ꧀ꦩꦺꦴꦚ꧀ꦕꦮꦤꦏꦢꦢꦺꦪꦤ꧀ꦤꦶꦁꦥꦿꦩꦤ꧈
ꦱꦸꦩꦸꦫꦸꦥ꧀ꦩꦫꦶꦁꦢꦠ꧀ꦠꦶꦁꦕꦃꦪꦤ꧀ꦤꦶꦁꦱꦸꦤ꧀ꦏꦁꦲꦮꦼꦤ꧀ꦤꦶꦁꦩꦚ꧀ꦕꦂꦩ
Kaca:Serat Wirit.pdf/54
Kaca iki wis divalidasi
― 52 ―
