Kaca:Serat Wirit.pdf/41

Kaca iki wis divalidasi

-39-

ꦱꦸꦢꦶꦪꦲꦶꦁꦮꦱ꧀ꦏꦶꦛꦤ꧀ꦤꦶꦁꦱꦁꦏꦤ꧀ꦥꦫꦤ꧀꧈
⁷ ꧋ꦩꦤ꧀ꦤꦮꦶꦱꦩ꧀ꦥꦸꦤ꧀ꦮꦱ꧀ꦏꦶꦛ꧈ꦥꦿꦪꦺꦴꦒꦶꦲꦤ꧀ꦤꦼꦠꦼꦥ꧀ꦥꦤ꧀
ꦲꦶꦁꦏꦁꦢꦢꦺꦴꦱ꧀ꦱꦤ꧀ꦠꦺꦴꦱꦤ꧀ꦤꦶꦁꦆꦩꦤ꧀ꦲꦶꦁꦒꦶꦃꦥꦸꦤ꧀ꦤꦶꦏꦱ
ꦲꦢꦠ꧀ꦗꦠꦶ꧈ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦢꦊꦩ꧀ꦧꦺꦴꦠꦼꦤ꧀ꦩꦏꦠꦼꦤ꧀ꦗꦂ
ꦮꦤ꧀ꦤꦶꦥꦸꦤ꧀꧈
꧋ꦲꦶꦁꦱꦸꦤ꧀ꦲꦤ꧀ꦤꦏꦺꦱ꧀ꦱꦤ꧀ꦤꦶꦱꦠꦸꦲꦸꦤ꧀ꦤꦺꦲꦺꦴꦫꦲꦤꦦ
ꦔꦺꦫꦤ꧀ꦲꦔꦶꦁꦲꦶꦁꦱꦸꦤ꧀ꦭꦤ꧀ꦤꦏꦺꦱꦤ꧀ꦤꦶꦲꦶꦁꦱꦸꦤ꧀ꦱꦠꦸ
ꦲꦸꦤ꧀ꦤꦺꦩꦸꦃꦏ꦳ꦩ꧀ꦩꦢ꧀ꦲꦶꦏꦸꦲꦸꦠꦸꦱ꧀ꦱꦤ꧀ꦤꦶꦁꦱꦸꦤ꧀꧈
꧋ꦥꦶꦫꦪꦠ꧀ꦠꦻꦁꦒꦸꦫꦸꦩꦭꦶꦃ꧈ꦲꦶꦔꦠꦱ꧀ꦱꦶꦥꦸꦤ꧀ꦲꦩꦼꦗꦁꦝꦠꦼꦁ
ꦥꦮꦺꦱ꧀ꦠꦿꦶ꧈ꦮꦼꦤ꧀ꦤꦁꦏꦮꦼꦮꦃꦲꦤ꧀ꦩꦏꦠꦼꦤ꧀ꦗꦂꦮꦤ꧀ꦤꦶꦥꦸꦤ꧀꧇
꧋ꦲꦶꦁꦱꦸꦤ꧀ꦲꦤ꧀ꦤꦏ꧀ꦱꦺꦤ꧀ꦤꦶ꧈ꦱꦠꦸꦲꦸꦤ꧀ꦤꦺꦲꦺꦴꦫꦲꦤꦦ
ꦔꦺꦫꦤ꧀ꦲꦔꦶꦁꦲꦶꦁꦱꦸꦤ꧀ꦲꦤ꧀ꦤꦏ꧀ꦱꦺꦤ꧀ꦤꦶꦲꦶꦁꦱꦸꦤ꧀ꦱꦠꦸ
ꦲꦸꦤ꧀ꦤꦺꦩꦸꦃꦏ꦳ꦩ꧀ꦩꦝꦶꦏꦸꦲꦸꦠꦸꦱ꧀ꦱꦤ꧀ꦤꦶꦁꦱꦸꦤ꧀ꦥꦠꦶꦩꦃꦲꦶ
ꦏꦸꦲꦸꦩꦠ꧀ꦠꦶꦁꦱꦸꦤ꧀꧈
⁸ ꧋ꦩꦤ꧀ꦤꦮꦶꦱꦩ꧀ꦥꦸꦤ꧀ꦱꦸꦩꦼꦉꦥ꧀ꦱꦸꦫꦲꦺꦴꦱ꧀ꦱꦶꦁꦱꦲꦢ
ꦠ꧀ꦗꦠꦶꦩꦏꦠꦼꦤ꧀ꦮꦲꦸ꧈ꦤꦸꦤ꧀ꦠꦼꦤ꧀ꦲꦱꦲꦶꦢ꧀ꦢꦝꦠꦼꦔ꧀ꦮꦲꦤꦤ꧀ꦤꦶꦁꦱ
ꦤ꧀ꦤꦏ꧀ꦏꦶꦠ꧈ꦲꦶꦁꦒꦶꦃꦥꦸꦤ꧀ꦤꦶꦏꦏꦲꦤꦤ꧀ꦤꦶꦁꦢꦸꦩꦢꦶ꧈ꦏꦶꦁꦏꦁꦒꦸꦩꦼ
ꦭꦂꦮꦺꦴꦤ꧀ꦠꦼꦤ꧀ꦲꦶꦁꦔꦭꦩ꧀ꦢꦺꦴꦤ꧀ꦚ꧈ꦏꦢꦺꦴꦱ꧀ꦠ꧇ꦧꦸꦩꦶ꧈ꦭꦔꦶ
ꦠ꧀ꦱꦸꦂꦪ꧈ꦮꦸꦭꦤ꧀ꦭꦶꦤ꧀ꦠꦁ꧈ꦱꦩꦶꦲꦤ꧀ꦤꦏ꧀ꦱꦺꦤ꧀ꦤꦤꦪꦺ
ꦤ꧀ꦏꦶꦠꦩꦁꦏꦺꦱꦩ꧀ꦥꦸꦤ꧀ꦲꦔꦏꦼꦤ꧀ꦤꦶ꧈ꦗꦸꦩꦼꦤ꧀ꦤꦼꦁꦢꦠ꧀ꦠꦶꦁꦒꦸꦱ꧀ꦡꦶꦲꦶꦁ
ꦏꦁꦲꦩꦲꦯꦸꦕ꧀ꦖꦶ꧈ꦢꦢꦺꦴꦱ꧀ꦱꦶꦥꦠ꧀ꦠꦶꦁꦄꦭ꧀ꦭꦃꦲꦶꦁꦏꦁꦱꦗ