ꦱꦗꦿꦺꦴꦤ꧀ꦤꦶꦁꦩꦤ꧀ꦤꦶꦲꦶꦏꦸꦩꦢꦶ꧈ꦱꦗꦿꦺꦴꦤ꧀ꦤꦶꦁꦩꦢꦶꦲꦶꦏꦸꦮꦢꦶ꧈
ꦱꦗꦿꦺꦴꦤ꧀ꦤꦶꦁꦮꦢꦶꦲꦶꦏꦸꦩꦤ꧀ꦤꦶꦏꦼꦩ꧀ꦱꦗꦿꦺꦴꦤ꧀ꦤꦶꦁꦩꦤ꧀ꦤꦶꦏꦼꦩ꧀ꦲꦶ
ꦏꦸꦫꦃꦱ꧀ꦱꦗꦿꦺꦴꦤ꧀ꦤꦶꦁꦫꦃꦱꦲꦶꦏꦸꦲꦶꦁꦱꦸꦤ꧀ꦲꦺꦴꦫꦲꦤ
ꦦꦔꦺꦫꦤ꧀ꦲꦩꦸꦁꦲꦶꦁꦱꦸꦤ꧀ꦢꦠ꧀ꦏꦁꦲꦔ꧀ꦭꦶꦩ꧀ꦥꦸꦠ꧀ꦠꦶꦲꦶꦁꦏꦲꦤꦤ꧀ꦗ
ꦠꦶ꧈ꦗꦸꦩꦼꦤ꧀ꦤꦼꦁꦤꦸꦏꦠ꧀ꦒ꦳ꦆꦧ꧀ꦠꦸꦩꦸꦫꦸꦤ꧀ꦢꦢꦶꦗꦺꦴꦲꦂꦄꦮ
ꦭ꧀ꦲꦶꦁꦏꦺꦴꦤ꧀ꦤꦺꦴꦏꦲꦤꦤ꧀ꦤꦶꦁꦔꦭꦩ꧀ꦄꦏ꦳ꦠ꧀ꦢꦶꦪꦠ꧀ꦮꦃꦢ
ꦠ꧀ꦮꦏꦶꦢꦶꦪꦠ꧀ꦄꦭꦩ꧀ꦄꦂꦣꦃ꧈ꦔꦭꦩ꧀ꦩꦶꦱꦭ꧀ꦔꦭꦩ꧀ꦄ
ꦗ꧀ꦱꦩ꧀ꦔꦭꦩ꧀ꦆꦤ꧀ꦱꦤ꧀ꦏꦩꦶꦭ꧀ꦢꦢꦶꦤ꧀ꦤꦶꦁꦩꦤꦸꦁꦱꦏꦁꦱꦩ꧀ꦥꦸꦂ
ꦤ꧈ꦲꦶꦪꦲꦶꦏꦸꦱꦗꦠꦶꦤ꧀ꦤꦶꦁꦱꦶꦥꦠ꧀ꦠꦶꦁꦱꦸꦤ꧀꧈
꧋ꦩꦤ꧀ꦤꦮꦶꦱꦩ꧀ꦥꦸꦤ꧀ꦲꦤ꧀ꦤꦩ꧀ꦥꦺꦤ꧀ꦤꦶꦲꦶꦁꦢꦭꦶꦭ꧀ꦥꦔꦤ꧀ꦢꦶꦏ
ꦤ꧀ꦤꦶꦥꦸꦤ꧀ꦏꦁꦲꦩꦲꦯꦸꦕ꧀ꦖꦶꦩꦏꦠꦼꦤ꧀ꦮꦲꦸꦢꦶꦥꦸꦤ꧀ꦮꦱ꧀ꦏꦶꦜꦲꦶꦁꦒ
ꦭꦶꦃ꧈ꦲꦶꦁꦒꦶꦃꦲꦶꦁꦏꦁꦩꦏꦠꦼꦤ꧀ꦥꦸꦤ꧀ꦤꦶꦏꦮꦃꦲꦤꦤ꧀ꦤꦶꦁꦤꦸꦒꦿ
ꦲ꧈ꦏꦲꦤꦤ꧀ꦤꦶꦁꦏꦤꦸꦒꦿꦲꦤ꧀ꦤꦸꦒꦿꦲꦥꦸꦤ꧀ꦤꦶꦏꦢꦠ꧀ꦠꦶꦁꦒꦸ
ꦱ꧀ꦡꦶ꧈ꦏꦤꦸꦒꦿꦲꦤ꧀ꦥꦸꦤ꧀ꦤꦶꦏꦱꦶꦥꦠ꧀ꦠꦶꦁꦏꦮꦸꦭ꧈ꦠꦸꦁꦒꦭ꧀ꦠꦤ꧀ꦥ
ꦮꦮꦔꦼꦤ꧀ꦤꦤ꧀ꦢꦸꦩꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦧꦢꦤ꧀ꦏꦶꦠ꧉
꧋ꦢꦺꦤ꧀ꦤꦺꦥꦿꦠꦺꦭꦤ꧀ꦤꦶꦁꦏꦪꦼꦏ꧀ꦠꦺꦤ꧀ꦤꦶꦁꦏꦲꦤꦤ꧀ꦱꦢꦪ
ꦮꦲꦸ꧈ꦏꦱꦼꦧꦸꦠ꧀ꦲꦶꦁꦔꦟ꧀ꦝꦥ꧀ꦥꦸꦤ꧀ꦤꦶꦏꦥꦿꦠꦺꦭꦤ꧀ꦤꦶꦥꦸꦤ꧀꧇
꧋ꦲꦶꦁꦏꦁꦫꦸꦩꦶꦪꦶꦤ꧀ꦲꦤ꧀ꦤꦼꦢꦃꦲꦏꦼꦤ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁ
ꦱꦊꦧꦼꦠ꧀ꦠꦶꦁꦧꦺꦠꦭ꧀ꦩꦏ꧀ꦩꦸꦂ꧈ꦠꦼꦒꦼꦱ꧀ꦱꦶꦥꦸꦤ꧀ꦒꦿꦶꦪꦏꦁꦲꦫ
ꦩꦺ꧈ꦩꦏꦠꦼꦤ꧀ꦢꦸꦤꦸꦁꦔꦶꦥꦸꦤ꧀ꦱꦠꦸꦁꦒꦭ꧀ꦠꦸꦁꦒꦭ꧀꧈
꧋ꦱꦶꦫꦃ꧇ꦥꦸꦤ꧀ꦤꦶꦏꦮꦶꦪꦺꦴꦱ꧀ꦱꦶꦥꦸꦤ꧀ꦏꦲꦤꦤ꧀ꦤꦶꦁꦧꦺꦠꦭ꧀ꦩꦏ꧀ꦩꦸꦂ꧉
Kaca:Serat Wirit.pdf/36
Kaca iki wis divalidasi
— 34 —
