Kaca:Serat Wirit.pdf/29

Saka Wikisumber
Kaca iki wis divalidasi
--27--

ꦠꦼꦥ꧀ꦠꦶꦤ꧀ꦤꦼꦠꦼꦥ꧀ꦥꦤ꧀​​ꦱꦩꦸꦏꦮꦶꦱ꧀ꦲꦶꦁꦏꦁꦤꦩꦢꦠ꧀ꦥꦸꦤ꧀ꦤꦶꦏꦱꦲꦼꦏ꧀ꦠꦶꦢꦸꦩꦸꦤꦸꦁ​​ꦮꦶꦤ꧀ꦠꦼꦤ꧀ꦲꦶꦁꦱꦶꦥꦠ꧀​​ꦱꦏꦭꦶꦂꦫꦶꦥꦸꦤ꧀ꦲꦶꦁꦏꦁꦲꦤꦩꦱꦶꦥꦠ꧀ꦥꦸꦤ꧀ꦤꦶꦏꦱꦪꦼꦏ꧀ꦠꦶꦏꦢꦸꦤꦸꦁꦔꦤ꧀ꦱꦶꦥꦠ꧀ꦱꦢꦪ꧉

2 ꧋ꦢꦺꦤ꧀ꦤꦺꦩꦼꦁꦒꦃꦲꦶꦁꦔꦸꦫꦸꦠ꧀ꦠꦸꦫꦸꦠ꧀ꦠꦤ꧀ꦢꦸꦩꦢꦶꦤ꧀ꦤꦶꦁꦢꦠ꧀ꦱꦶꦥꦠ꧀ꦥꦸꦤ꧀ꦤꦶꦏꦮꦺꦴꦤ꧀ꦠꦼꦤ꧀ꦮꦃꦲꦤꦤ꧀ꦤꦶꦥꦸꦤ꧀​​ꦏꦱꦼꦧꦸꦠꦲꦶꦁꦢꦭꦶꦭ꧀ꦭꦥꦶꦁꦏꦭꦶꦃ꧈ꦱꦏꦶꦁꦥꦔꦤ꧀ꦢꦶꦏꦤ꧀ꦤꦶꦁꦦꦔꦺꦫꦤ꧀ꦏꦁꦩꦲꦯꦸꦕ꧀ꦖꦶ꧈ꦩꦏꦠꦼꦤ꧀ꦗꦂꦮꦤ꧀ꦤꦶꦥꦸꦤ꧀꧈

꧋ꦱꦗꦠꦶꦤ꧀ꦤꦺꦲꦶꦁꦱꦸꦤ꧀ꦢꦠ꧀ꦏꦁꦩꦸꦂꦧꦲꦩꦶꦱꦺꦱ꧈ꦏꦁꦏꦸꦮꦱꦲꦤ꧀ꦤꦶꦠꦃꦲꦏꦺꦱꦮꦶꦗꦶꦮꦶꦗꦶ꧈ꦢꦢꦶꦥꦝꦱꦤ꧀ꦤꦭꦶꦏꦱꦩ꧀ꦥꦸꦂꦤꦱꦏꦲꦶꦁꦏꦺꦴꦢꦿꦠ꧀ꦠꦶꦁꦱꦸꦤ꧀​​ꦲꦶꦁꦏꦺꦴꦤ꧀ꦤꦺꦴꦮꦸꦱ꧀ꦏꦚꦠꦃꦲꦤ꧀ꦭꦤ꧀ꦥꦿꦠꦺꦴꦟ꧀ꦝꦄꦥ꧀ꦔꦭ꧀ꦭꦶꦁꦱꦸꦤ꧀​​ꦩꦶꦤ꧀ꦤꦺꦴꦁꦏꦧꦸꦧꦸꦏꦤ꧀ꦤꦶꦁ​​ꦆꦫꦢꦠ꧀ꦠꦶꦁꦱꦸꦤ꧀​​ꦏꦁꦥꦶꦔꦶꦤ꧀ꦲꦶꦁꦱꦸꦤ꧀ꦲꦤ꧀ꦤꦶꦠꦃꦲꦏꦺꦏꦪꦸ꧈ꦲꦫꦤ꧀ꦱꦗꦫꦠꦸꦭ꧀ꦪꦏꦶꦤ꧀​​ꦠꦸꦩꦸꦮꦸꦃꦲꦶꦁꦱꦗꦿꦺꦴꦤ꧀ꦤꦶꦁ​ꦔꦭꦩ꧀ꦔꦢꦩ꧀ꦩꦏ꧀ꦢꦸꦩ꧀ꦄꦗꦭ꧀ꦭꦶꦄꦧꦢꦶ꧈ꦤꦸꦭꦶꦕꦃꦪ꧈ꦲꦫꦤ꧀ꦤꦸꦂꦩꦸꦃꦏ꦳ꦩꦢ꧀​​ꦤꦸꦭꦶꦏꦕ꧈ꦲꦫꦤ꧀ꦩꦶꦂ​​ꦄꦠꦸꦭ꧀ꦏꦪꦆ꧈ꦤꦸꦭꦶꦚꦮ꧈ꦲꦫꦤ꧀ꦫꦺꦴꦃꦲꦶꦭꦥꦶ꧈ꦤꦸꦭꦶꦢꦩꦂ꧈ꦲꦫꦤ꧀ꦏꦤ꧀ꦢꦶꦭ꧀​​ꦤꦸꦭꦶꦱꦺꦴꦱꦺꦴꦠꦾ꧈ꦲꦫꦤ꧀ꦢꦫꦃ꧈ꦤꦸꦭꦶꦝꦶꦁꦝꦶꦁꦗꦭꦭ꧀​​ꦲꦫꦤ꧀ꦏꦶꦗꦧ꧀​​ꦏꦁꦩꦶꦤ꧀ꦤꦺꦴꦁꦏꦮꦫꦤꦤꦶꦁꦏꦭꦫꦠ꧀ꦠꦶꦁꦱꦸꦤ꧀​​ꦩꦼꦁꦒꦃꦢꦸꦤꦸꦁꦔꦶꦥꦸꦤ꧀ꦩꦏꦠꦼꦤ꧀꧈

꧋ꦱꦗꦫꦠꦸꦭ꧀ꦪꦏꦶꦤ꧀​​ꦠꦸꦩꦸꦮꦸꦃꦲꦶꦁꦱꦊꦧꦼꦠ꧀ꦠꦶꦁꦔꦭꦩ꧀ꦩꦏ꧀ꦢꦸꦩ꧀ꦄꦗꦭ꧀ꦭꦶꦄꦧꦢꦶ꧈ꦠꦼꦒꦼꦱ꧀ꦱꦶꦥꦸꦤ꧀꧇ꦏꦗꦼꦁꦱꦗꦠꦶ꧈ꦢꦸ

Dijupuk saka "https://jv.wikisource.org/w/index.php?title=Kaca:Serat_Wirit.pdf/29&oldid=43826"