Kaca:Serat Jaya Lengkara Wulang (1803) - BL MSS Jav 24.pdf/115

꧉​​ꦮꦼꦤꦃ​ꦠꦸꦩꦼꦏꦺꦁ​​ꦥꦉꦥꦠ꧀꧉​​ꦕꦫꦶꦏꦤ꧀​ꦱꦁ​ꦒꦺꦤꦺ​ꦏꦫꦶ꧉​​ꦪ​ꦠ​ꦩꦶꦢꦼꦂ​ꦱꦧꦸꦏ꧀​ꦮꦱ꧀ꦠꦿ꧉​​ꦥꦶꦤꦂꦪꦺꦴꦒ​ꦏꦁ​​ꦲꦒꦼꦁ​​ꦭꦤ꧀​ꦏꦁ​​ꦲꦭꦶꦠ꧀꧉​​ꦥꦱꦔꦺꦴꦤꦺ​ꦱꦩ꧀ꦥꦸꦤ꧀​ꦢꦶꦤꦸꦩ꧀꧉​​ꦥꦂꦥꦠ꧀​ꦗꦼꦗꦫꦶꦠ꧀​ꦲꦂꦠ꧉​​ꦩꦾꦁ​​ꦫꦧꦶꦤꦶꦁ​​ꦮꦢꦾ​ꦏꦧꦺꦃ​ꦱꦩꦶ​ꦱꦶꦤꦸꦁ​꧉​​ꦥꦼꦥꦺꦴꦚ꧀ꦗꦺꦤ꧀ꦤ​ꦠꦸꦁ​ꦒꦶꦭ꧀​ꦱꦺꦮꦁ​꧉​​ꦏꦼꦧꦼꦏ꧀​ꦱꦭꦶꦫꦶꦁ​​ꦮꦼꦮꦔꦶ꧉​​ꦕꦶꦤꦮꦶꦱꦤ꧀​ꦠꦶꦒꦁ​​ꦊꦏ꧀ꦱ꧉​​ꦏꦺꦲꦶꦁ​​ꦧꦭ​ꦥꦼꦥꦺꦴꦚ꧀ꦗꦺꦤ꧀​ꦏꦶꦫꦁ​​ꦗꦭ꧀ꦩꦶ꧉​​ꦩꦼꦁ​ꦏꦤ​ꦫꦲꦢꦺꦤ꧀​ꦒꦭꦸꦃ꧉​​ꦱꦩ꧀ꦥꦸꦤ꧀​ꦤꦶꦠꦶꦃ​ꦩꦠꦼꦁ​ꦒ꧉​​ꦲꦏꦭꦶꦲꦤ꧀​ꦭꦤ꧀​ꦫꦏ​ꦱꦁ​​ꦲꦧꦶꦤꦒꦸꦱ꧀꧉​​ꦩꦶꦮꦃ​ꦫꦢꦺꦤ꧀​ꦮꦶꦫꦱꦱ꧀ꦠꦿ꧉​​ꦲꦩ꧀ꦧꦸꦧꦫꦏꦼꦤ꧀​ꦮꦢꦾ​ꦭꦶꦠ꧀꧉​​ꦒꦿꦶꦠꦶꦁ​​ꦥꦁ​ꦒꦿꦶꦠꦤ꧀​ꦏꦭꦮꦤ꧀꧉​​ꦔꦿꦶꦏ꧀ꦤꦶꦁ​​ꦏꦸꦢ​ꦲꦔꦿꦺꦴꦏ꧀​ꦱ꧀ꦮꦫꦤꦶꦁ​​ꦗꦭ꧀ꦩꦶ꧉​​ꦥꦔꦸꦮꦸꦃ​ꦫꦺꦴꦮꦁ​​ꦏꦁ​​ꦏꦤ꧀ꦠꦸꦤ꧀꧉​​ꦒꦢꦼꦧꦼꦒꦶꦁ​​ꦭꦸꦩꦪ꧀ꦮ꧉​​ꦲꦔ꧀ꦭꦶꦂ​ꦥꦺꦤ꧀ꦢꦃ​ꦏꦼꦠꦸꦒꦶꦁ​​ꦏꦶꦱ꧀ꦩ​ꦏꦥꦶꦠꦸ꧉​​ꦮꦺꦴꦂ​ꦏꦸꦩꦼꦧꦸꦠꦶꦁ​​ꦧꦤ꧀ꦢꦺꦫ꧉​​ꦩꦾꦁ​​ꦊꦭꦪꦸ​ꦏꦸꦩ꧀ꦧꦭ​ꦱꦿꦶ꧉​​ꦲꦔꦼꦩꦤ꧀ꦝꦁ​​ꦲꦶꦁ​​ꦒꦼꦒꦤ꧉​​ꦲꦔꦶꦤ꧀​ꦭꦶꦂ​ꦲꦚ꧀ꦗꦸꦫꦸꦁ​​ꦭꦩ꧀ꦥꦃ​ꦲꦸꦩꦶꦢꦶꦢ꧀꧉​​ꦒꦸꦩꦽꦧꦼꦒ꧀​ꦤꦿꦁ​​ꦒꦸꦔꦶꦁ​​ꦠꦫꦸ꧉​​ꦲꦩꦼꦮꦲꦶ​ꦲꦶꦁ​​ꦱ꧀ꦮꦫ꧉​​ꦠꦤ꧀ꦥ​ꦫꦸꦔ꧀ꦮꦤ꧀​ꦏꦿꦶꦕꦶꦏꦶꦁ​​ꦲꦱ꧀ꦠꦿ​ꦱꦿꦁ​​ꦲꦸꦩꦾꦸꦁ​꧉​​ꦥꦔꦸꦮꦸꦲꦶꦁ​​ꦮꦺꦴꦁ​​ꦱꦲꦸꦫꦤ꧀꧉​​ꦮꦢꦾ​ꦏꦁ​​ꦲꦤꦸꦱꦸꦭ꧀​ꦒꦸꦱ꧀ꦠꦶ꧉​​ꦪ​ꦠ​ꦫꦢꦺꦤ꧀​ꦮꦶꦫꦱꦱ꧀ꦠꦿ꧉​​ꦱꦩ꧀ꦥꦸꦤ꧀​ꦩꦸꦁ​ꦒꦺꦁ​​ꦢꦶꦥꦁ​ꦒ​ꦥꦼꦭꦤ​ꦢꦶ꧉​​ꦏꦸꦢ​ꦏꦶꦤꦏꦫꦸꦁ​​ꦔꦪꦸꦤ꧀꧉​​ꦲꦧꦁ​​ꦲꦫꦤ꧀​ꦒꦸꦂꦤꦶꦠ꧉​​ꦒꦸꦭ​ꦒꦼꦱꦼꦁ​​ꦲꦶꦔꦫꦤ꧀​ꦥꦸꦤ꧀​ꦢꦺꦮꦤ꧀ꦢꦫꦸ꧉​​ꦏꦁ​​ꦥꦸꦠꦶꦃ​ꦥꦸꦤ꧀​ꦲꦫꦶꦮꦶꦒꦿ꧉​​ꦥꦤ꧀​ꦱꦩꦶ​ꦏꦸꦢ​ꦠꦶ​ꦲꦠꦶ꧉​​ꦭꦶꦂ​ꦢꦺꦢꦺ​ꦠꦸꦫꦁ​ꦒꦺꦁ​​ꦢꦺꦴꦚ꧉​​ꦒꦼꦁ​​ꦭꦸꦲꦸꦫꦺ​ꦧꦒꦸꦱ꧀​ꦧꦒꦸꦱꦺ​ꦱꦩꦶ꧉​​ꦏꦢꦶ