Kaca:Serat Jaya Lengkara Wulang (1803) - BL MSS Jav 24.pdf/110

ꦢꦺꦤꦶꦁ​​ꦏꦂꦪ​ꦭꦸꦮꦶꦃ​ꦲꦭ꧉​​ꦲꦶꦁ​ꦏꦁ​​ꦔꦿꦸꦱꦏ꧀​ꦲꦶꦁ​​ꦱꦼꦱꦩꦶ꧉​​ꦭꦮꦤ꧀​ꦮꦺꦴꦁ​​ꦏꦁ​​ꦠꦤ꧀​ꦥꦿꦕꦪ꧉​​ꦲꦶꦁ​​ꦮꦶꦱꦺꦱꦤꦶꦁ​​ꦪ꧀ꦮꦁ​​ꦮꦶꦢꦶ꧉​​ꦲꦶꦏꦸ​ꦲꦭ​ꦏꦼꦥꦠꦶ꧉​​ꦭꦶꦮꦠ꧀​ꦥꦝꦤꦶꦁ​​ꦠꦸꦩꦸꦮꦸꦃ꧉​​ꦪꦲꦶꦏꦸ​ꦏꦁ​​ꦠꦶꦤꦿꦥꦤ꧀꧉​​ꦲꦶꦁ​ꦏꦁ​​ꦧꦼꦧꦼꦤ꧀ꦢꦸ​ꦪ꧀ꦮꦁ​​ꦮꦶꦢꦶ꧉​​ꦥꦺꦴꦩ​ꦥꦺꦴꦩ​ꦏꦶ​ꦫꦢꦺꦤ꧀​ꦭꦃ​ꦲꦪ꧀ꦮ​ꦭꦸꦥ꧉​​ꦭꦃ​ꦮꦶꦱ꧀​ꦠ​ꦏꦏꦶ​ꦩꦁ​ꦏꦠ꧉​​ꦔꦧꦼꦏ꧀ꦠꦶ​ꦱꦠꦿꦶꦪ​ꦏꦠꦿꦶ꧉​​ꦲꦗ​ꦱꦶꦫ​ꦩꦺꦴꦤ꧀ꦝꦺꦴꦏ꧀​ꦲꦮꦤ꧀꧉​​ꦮꦺꦴꦁ​​ꦏꦸꦢ​ꦗ​ꦊꦱꦸ​ꦏꦏꦶ꧉​​ꦭꦏꦸ​ꦗ​ꦲꦚꦿꦁ​​ꦢꦱꦶꦃ꧉​​ꦏꦼꦤ​ꦢꦺꦤ꧀​ꦲꦫꦃ​ꦲꦶꦁ​​ꦩꦸꦁ​ꦱꦸꦃ꧉​​ꦭꦤ꧀​ꦫꦸꦱꦏ꧀​ꦠꦠꦤꦶꦫ꧉​​ꦠꦼꦒꦼꦱꦺ​ꦠ​ꦲꦗ​ꦭꦭꦶ꧉​​ꦢꦺꦤ꧀​ꦥꦿꦪꦶꦠ꧀ꦤ​ꦲꦗ​ꦒꦼꦒꦩ꧀ꦥꦁ​​ꦲꦶꦁ​​ꦩꦂꦒ꧉​​ꦢꦺꦤ꧀​ꦏꦢꦶ​ꦱꦥꦔꦉꦥꦤ꧀꧉​​ꦭꦤ꧀​ꦩꦸꦁ​ꦱꦸꦃ​ꦢꦺꦫ​ꦭꦸꦩꦫꦶꦱ꧀꧉​​ꦱꦝꦮꦸꦃ​ꦢꦺꦤ꧀​ꦲꦥꦿꦪꦶꦠ꧀ꦤ꧉​​ꦲꦶꦁ​​ꦥꦏꦺꦮꦸꦃ​ꦲꦪ꧀ꦮ​ꦭꦭꦶ꧉​​ꦢꦺꦤ꧀​ꦲꦠꦠ​ꦲꦶꦁ​​ꦠꦶꦠꦶ꧉​​ꦲꦶꦪꦺꦏꦸ​ꦠꦼꦠꦸꦭꦺꦁ​​ꦭꦏꦸ꧉​​ꦤꦸꦭꦾ​ꦱꦩꦾ​ꦠꦸꦂ​ꦱꦼꦩ꧀ꦧꦃ꧉​​ꦱꦸꦩꦸꦁ​ꦏꦼꦩ꧀​ꦥꦢ​ꦱꦁ​​ꦠꦥꦶ꧉​​ꦫꦢꦺꦤ꧀​ꦥꦸꦠꦿ​ꦲꦶꦔꦸꦱꦥ꧀​ꦲꦸꦱꦥ꧀​ꦏꦶꦱ꧀ꦮꦚ꧉​​ꦭꦃ​ꦚꦮ​ꦩꦸꦒꦶ​ꦠ​ꦱꦶꦫ꧉​​ꦗꦶꦤꦸꦫꦸꦔ​ꦲꦶꦁ​​ꦪ꧀ꦮꦁ​​ꦮꦶꦢꦶ꧉​​ꦱꦂꦠ​ꦱꦥ꦳ꦔꦠ꧀​ꦗꦼꦁ​​ꦢꦸꦠ꧉​​ꦮꦸꦱ꧀​ꦮꦸꦔꦸ​ꦱꦃ​ꦲꦠꦸꦂ​ꦧꦼꦏ꧀ꦠꦶ꧉​​ꦩꦸꦒꦾꦤ꧀ꦠꦸꦏ꧀​ꦧꦂꦏꦠ꧀​ꦲꦗꦶ꧉​​ꦥꦔꦺꦱ꧀ꦠꦸ​ꦠꦸꦮꦤ꧀​ꦱꦶꦤꦸꦲꦸꦤ꧀꧉​​ꦒꦤ꧀ꦠꦾ​ꦢꦾꦤ꧀​ꦮꦶꦫꦱꦱ꧀ꦠꦿ꧉​​ꦱꦸꦩꦸꦁ​ꦏꦼꦩ꧀​ꦥꦢ​ꦫꦩ​ꦗꦶ꧉​​ꦥꦺꦴꦩ​ꦥꦺꦴꦩ​ꦏꦏꦶ​ꦲꦗ​ꦧꦺꦚ꧀ꦕꦺꦁ​​ꦏꦂꦱ​꧋꧋