Kaca:Serat Asmaralaya.pdf/22

ꦭ꧀ꦲꦶꦁ​ꦮꦱꦤ꧈​​ꦩꦂꦩꦤꦶꦫ​ꦩꦏ꧀ꦱꦶꦃ​ꦮꦁꦱꦸꦭ꧀ꦏꦼꦏꦭꦶꦃ꧈​​ꦭꦶꦂ​ꦏꦽꦱ꧀ꦤ​ꦏꦭꦮꦤ꧀ꦮꦶꦱ꧀ꦤꦸ꧈​​ꦭꦩꦸꦤ꧀ꦏꦽꦱ꧀ꦤ​ꦏꦠꦶꦔꦭ꧀꧈​​ꦱꦁ​ꦲꦾꦁ​ꦮꦶꦱ꧀ꦤꦸ​ꦱꦪꦼꦏ꧀ꦠꦶꦤꦺ​ꦠꦤ꧀ꦏꦢꦸꦭꦸ꧈​​ꦪꦺꦤ꧀ꦮꦶꦱ꧀ꦤꦸ​ꦤꦺꦁ​ꦱꦸꦫꦭꦪ꧈​​ꦧꦛꦫ​ꦏꦽꦱ꧀ꦤ​ꦠꦤ꧀ꦏꦺꦏ꧀ꦱꦶ꧉​​ ꧄​​​ꦤꦔꦶꦁ​ꦏꦽꦱ꧀ꦤ​ꦲꦶꦪ​ꦏꦽꦱ꧀ꦤ꧈​​ꦮꦶꦱ꧀ꦤꦸꦤꦶꦫ​ꦮꦶꦱ꧀ꦤꦸ​ꦱꦗꦠꦶ꧈​​ꦧꦺꦢ​ꦥꦩꦺꦴꦫꦶꦁ​ꦔꦭꦸꦪꦸꦠ꧀꧈​​ꦏꦽꦱ꧀ꦤ​ꦱꦶꦂꦤ​ꦮꦭꦸꦪ꧈​​ꦥꦸꦭꦶꦃ​ꦮꦶꦱ꧀ꦤꦸ​ꦔꦪꦔꦤ꧀ꦱꦭꦩꦶꦤꦶꦥꦸꦤ꧀꧈​​ꦩꦂꦩ​ꦥꦤꦸꦁꦒꦭꦶꦁ​ꦩꦢꦾ꧈​​ꦩꦸꦁ​ꦲꦫꦤ꧀ꦒꦩ꧀ꦧꦸꦃ​ꦲꦶꦁ​ꦮꦶꦢꦶ꧉ ꧅ ꦚ꧀ꦖ ꧅ ꦪ​ꦱꦶꦁ​ꦒꦠꦸꦁꦒꦭ꧀ꦭꦒꦸ꧈​​ꦥꦤꦼꦏꦸꦔꦤ꧀ꦏꦁ​ꦏꦺꦴꦕꦥ꧀ꦲꦶꦁ​ꦥꦁꦏꦸꦂ꧈​​ꦭꦤ꧀ꦥꦔꦸꦏꦸꦠ꧀ꦥꦔꦿꦕꦸꦠ꧀ꦥꦠꦿꦥꦶꦁ​ꦥꦠꦶ꧈​​ꦩꦸꦁ​ꦧꦺꦢ​ꦩꦱꦺꦱ​ꦲꦶꦏꦸ꧈​​ꦮꦶꦤꦱꦺꦱ​ꦥꦿꦥ꧀ꦠꦺꦁ​ꦭꦪꦺꦴꦤ꧀꧉​​ ꧄​​ꦢꦺꦤꦺ​ꦥꦠꦿꦥꦶꦁ​ꦭꦩ꧀ꦥꦸꦱ꧀꧈​​ꦮꦱꦶꦠꦤꦺ​ꦥꦿ​ꦮꦶꦏꦸ​ꦏꦁ​ꦥꦸꦠꦸꦱ꧀꧈​​ꦥꦮꦂꦠꦶꦤꦺ​ꦲꦤ꧀ꦠꦫ​ꦏꦸꦫꦁ​ꦠꦿꦶ​ꦱꦱꦶ꧈​​ꦫꦱꦤꦶꦁ​ꦫꦱ​ꦮꦸꦱ꧀ꦱꦸꦫꦸꦠ꧀꧈​​ꦱꦸꦉꦩ꧀ꦱꦸꦩꦶꦫꦠ꧀ꦲꦶꦁ​ꦫꦲꦺꦴꦱ꧀꧉​​ ꧄​​ꦤꦸꦤ꧀ꦠꦸꦤ꧀ꦏꦂꦏꦠꦶꦁ​​ꦏꦭ꧀ꦧꦸ꧈​​ꦱꦩꦸꦧꦫꦁ​ꦏꦁ​ꦏꦩ꧀ꦧꦃ​ꦏꦴꦩ꧀ꦧꦸ꧈​​ꦏꦼꦩ꧀ꦧ​ꦏꦼꦩ꧀ꦧ​ꦏꦸꦩꦩ꧀ꦧꦁ​ꦠꦤ꧀ꦩꦭ꧀ꦧꦺꦁ​ꦧꦸꦢꦶ꧈​​ꦩꦿꦶꦁ​ꦏꦧꦸꦢꦪꦤ꧀ꦠꦸꦩꦩ꧀ꦧꦸꦃ꧈​​ꦲꦧꦼꦂ​ꦧꦺꦫꦮꦤꦶꦁ​ꦧꦠꦺꦴꦱ꧀꧉​​ ꧄​ꦪꦺꦤ꧀ꦮꦸꦱ꧀ꦩꦁꦏꦺꦴꦤꦺꦴ​ꦠꦩ꧀ꦠꦸ꧈​​ꦲꦤ꧀ꦠꦫ​ꦫꦶ​ꦱꦿꦤ꧀ꦢꦸꦤꦶꦁ​ꦲꦁꦒꦩꦸ꧈​​ꦲꦤ​ꦲꦶꦁꦏꦁ​ꦏꦿꦱ​