Kaca iki wis divalidasi
LAUT
Endahing ombak kang nentremake ati
biruning banyu lan manuk-manuk kang padha mabur
nambahi endahing swasana
Lanang, wadon, tuwa, lan mudha
padha lunga menyang laut
kanggo nyenengake pikiran kang buneg
Ing kana padha dolanan
dolanan banyu, gesik, kerang, padha peplayon, lan liyane
kanggo nyenengake ati
KATRESNAN
Mudha-mudhi kang lagi kasmaran
karasa donya kaya suwarga
kabeh-kabehe sinawang katon endah
ora perduli ana wong kang ngalang-alangi
Rawe-rawe rantas
malang-malang putung
ya kuwi mau kekarepane
wong kang lagi kasmaran
sapa kang ngalang-alangi
bakal disirnakake
34
Sekar Melathi____Antologi Geguritan Bengkel Sastra Jawa 2005
