Kaca iki wis divalidasi
GELAS PECAH
Pyaaar ...
Dadi sawalang-walang
Amarga tiba saka meja
Putih bening maune
Remuk raisa dadi gelas maneh
Ambyar ora karuan
Neng kana, neng kene
Sumebar saparan-paran.
KOMUNIKASI
Kenthongan, bedug, canang, lan omongan
Pirantine komunikasi jaman biyen
Jaman sansaya maju
Ana layang ditempleki prangko
Jaman tambah canggih, alate samono uga
Media cetak uga media elektronik
Iki brosur, iku selebaran, kae koran
Radio muni, TV mancar, kring-kring teleponku muni
Jaman saiki bocah seneng SMS
Irit, cepet, tur murah regane
Mesam mesem ngguyu dhewe
HP ... HP nyenengke atine dhewe
Antologi Geguritan Bengkel Sastra Jawa 2005___Sekar Melathi
19
