itěm, ― apan mãyã ning widyadhara ika. Mojar sang Prabhu, lingnira: “E Sewãnggara, ndi ta ikang tinon ta nguni?
Kepwan ulun denta ndidineng ulun. Syapa rowanta nguni wruh? Mwang ikang sakşinta ?” Sumahur Sewãnggara: „Tan ana wwang len pukulun, nging patik-aji juga wruh“. Krodha sang natha, ya ta pinatyan teki Sewãnggara, sinangguh dwãpara. Mangkana ling sang nãtha. Kalinganya: „Yadyan tuhwa ikang winarahakĕn denta, yan tan ana wruha muwah, mwang sakşinta, tan yogya ika warahakĕneng sabhã, nguniweh yan matura ring sang prabhu“
(Tantri).
Ana ta pãs araman-raman; ikang tinuwa-tuwa pas kabayan. Kunang ling nikang pas kabayan: „Mapa kari dayanta sang pas kabeh, nimittanta tan mangsaněn de sang Garuda ?“
Lawaněn atotohan sang Garuda denta kabeh; syangěn manabranga ring pasir, masilurupan kita ring sãgara, těka pwekang alun magöng.
Yapwan alah kita desang Garuda, ya ta manadhah iri kita, yan tan kalah kita de sang Garuda, maryanaḍah iri kita ; kunang pwa kita kuma ring samudra. Tělas karuhuna kita kabeh mareng sagara; karya hana rwang wiji.
Amaywakěna pasangketanta; yan maparěk pwa mĕne sang Garuda, sumahura tekang ingarěp. Yan meh prapta ring pinggiring samudra, rumuhuna měntasa tekang ring tĕmbing. Mangkana kira-kiranta, wyakti aměnang kita, rahayu dahat upãyanta.“ Mangkana ling nikang pãs kabayan mamarah irikang pas kabeh.
Tadanantãra datěng ta sang garuḍaminta ring sang pãs tadhahěnira. Sumahur ikang pãs: „Lah ta totohan rumuhun sang garuda! Ta gěgělisan manabrang ring sagara, aruhun-ruhunan mĕntasa. Yan alah mami kari anabrang ring sãgara, lah taḍahěn mami, těka ning putu buyut canggah waryangku, langgenga kabhuktya denta. Yapwan kita malih kary
