Kaca iki wis divalidasi
16
- (64a) Punang pawongānira hangling ni sira pañji Wirecwarā mempĕr ing twan Galuh lingnya Smarang lan Ratih.
- (64b) Rahaden mantri ring Kahuripan iscaya rupāha kaya hiku hing ngĕndi petĕn ing sor ing tawang kayaki.
- (65a) Sakwehing humulet ing sira Wangbhāng-Wideya t-mahan kagnejong lĕwih sireña nira handulu j-ngĕr gawok lwir kawĕngan hyang Smara kunĕng rahaden mantri tan uningā karemen haniningali pambañole Carang-lĕngkara muwah bisāneki rangga Wicitra.
- (65b) Horĕg kang ānininghali ndukulantya cecenggingān kalawan dang guru kang surak āmbata rubug
20a/hanging wong ing dalĕm puri haparo hulatte haningali pijjĕr tan p-gat harşa ring sira pañji Wireçwara sang paran ing dulu tan uningā pan pijĕr kemĕngan.
- (66a) Hawuwuh branti dennira rahāden Galuh milu suka gumuyu ningali rakĕtān twasing sira lwir pinis.
- (66b) MUwah sira raden Singamatra bungah rasaning ati denira raden Galuh pinda suka niningali.
- (67a) Ndan sang kataman ragi turida hangel āngrĕtti kapti rasa ning twas yaya ngĕmbana ratwa hing sira raden Warastrasari lĕwih ta polahira pinda ngĕlung ing s-mu samar-samar sambarannā hih kayā kasalehana puwara tan paw-kas twas mukşah bayangan.
- (67b) Ndan citanira ring nguni tan āna hamādani
20b/ hayunira rahaden Kesāwatti dadi ta hanā sira şang alimpadi kadukān raras grĕnggara manis lwir hyang-hyang ning pasir gĕndis āpinda pamrat ning lara tan pahamĕngan sukā p-jah yen tan kat-kan
- (68a) Wong dalĕm pura samānguninga s-munira Wangbhāng-wideya muwah raden Galuh prasāmā hawisik-wisik
- (68b) Rame guyuning aningali rakĕtan sama ngucap hih satuhuk ingsun durung wruh rakĕtan kang kaya hiki.