Kaca iki wis divalidasi
Geguritan
JAGAD
Rasa miris menawa ndhepani
bumi gonjing kang pratiwi
pingin seba mring Hyang Widhi
kadya putra nagih janji
Kumlewat putra putri saiki
barang gawat winengku gati
nginum ngombe nguntal estasi
nadyan bingung kanggep sepi
Mardika dudu sakepenake
colong jupuk ngrayah tanggane
main madon minangka lakune
nyrekal gampang wedi karyane
Dhasar mudha tua gemblung
ora genah watak dunung
karep penak emoh srawung
ana grasak meksa nyemplung
Eling garwa sanak krabat
menawa wis tekan sekarat
montang manting golek pangkat
apa jagad kuat ngangkat
23 Agustus 1997
68