Kaca:Rangsang Tuban.pdf/3

꧋ꦲꦶꦁ​ꦤꦒꦫꦶ​ꦠꦸꦧꦤ꧀꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦗꦸꦩꦼꦤꦼꦁ​ꦤꦠ​ꦧꦶꦤꦛꦫ꧈​ꦲꦗꦼꦗꦸꦭꦸꦏ꧀ꦥꦿꦧꦸ​ꦱꦶꦤ꧀ꦢꦸꦥꦠꦶ꧈​ꦲꦒꦼꦁ​ꦏꦫꦠꦺꦴꦤꦶꦥꦸꦤ꧀꧈​ꦲꦔꦿꦺꦲꦏꦼꦤ꧀ꦥꦫ​ꦫꦠꦸ​ꦲꦶꦁ​ꦔꦠꦱ꧀ꦲꦔꦶꦤ꧀꧈​ꦲꦶꦁ​ꦧꦮꦃ​ꦲꦔꦶꦤ꧀꧈​ꦱꦁ​ꦥꦿꦧꦸ​ꦠꦤ꧀ꦱꦃ​ꦲꦔꦼꦭꦂ​ꦗꦗꦲꦤ꧀꧈​ꦩꦶꦱꦸꦮꦸꦫꦶꦁ​ꦲꦱ꧀ꦩꦤꦶꦥꦸꦤ꧀ꦲꦔꦺꦧꦼꦏꦶ​ꦗꦒꦢ꧀꧈​ꦥꦫ​ꦫꦠꦸ​ꦱꦩꦶ​ꦱꦸꦪꦸꦢ꧀ꦱꦸꦩꦮꦶꦠ​ꦧꦺꦴꦠꦼꦤ꧀ꦏꦭꦪꦤ꧀ꦏꦒꦼꦧꦒ꧀ꦲꦶꦁ​ꦥꦼꦫꦁ​꧈​ꦲꦁ​ꦒꦼꦥꦶꦥꦸꦤ꧀ꦱꦩꦶ​ꦲꦩ꧀ꦧꦛꦫ꧉​ꦱꦁ​ꦥꦿꦧꦸ​ꦤꦼꦔꦼꦤꦏꦼꦤ꧀ꦏꦥꦿꦮꦶꦫꦤ꧀꧈​ꦩꦶꦭ​ꦲꦶꦁ​ꦏꦁ​ꦥꦫ​ꦲꦧ꧀ꦢꦶ​ꦱꦩꦶ​ꦲꦸꦭꦃ​ꦏꦱꦩ꧀ꦥꦸꦂꦤꦤꦶꦁ​ꦏꦮꦿꦸꦃ​ꦥꦼꦫꦁ​꧈​ꦲꦗꦶ​ꦗꦪ​ꦏꦮꦶꦗꦪꦤ꧀꧈​ꦏꦢꦶꦒ꧀ꦢꦪꦤ꧀ꦭꦤ꧀ꦏꦤꦸꦫꦒꦤ꧀꧈​ꦱꦩꦶ​ꦠꦼꦒꦸꦃ​ꦠꦶꦩ꧀ꦧꦸꦭ꧀꧈​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦠꦼꦝꦱ꧀ꦠꦥꦏ꧀ꦥꦭꦸꦤꦶꦁ​ꦥꦤ꧀ꦝꦺ​ꦱꦶꦱꦤꦶꦁ​ꦒꦸꦫꦶꦤ꧀ꦢ꧈​ꦭꦶꦩ꧀ꦥꦢ꧀ꦲꦶꦁ​ꦮꦶꦮꦺꦏ​ꦱꦸꦒꦶꦃ​ꦒꦼꦭꦂ​ꦥꦤꦁ​ꦏꦼꦥꦶꦁ​ꦱꦠꦿꦸ​ꦱꦼꦏ꧀ꦠꦶ​ꦧꦺꦴꦠꦼꦤ꧀ꦏꦚꦤꦤ꧀ꦲꦶꦁ​ꦩꦼꦁ​ꦱꦃ꧈​ꦱꦸꦩꦼꦉꦥꦶꦥꦸꦤ꧀ꦱꦩ꧀ꦥꦸꦤ꧀ꦏꦱꦺꦥ꧀ꦏꦊꦧꦼꦠ꧀ꦲꦶꦁ​ꦧꦾꦸꦲ​ꦏꦭꦮꦼꦫꦶꦠ꧀꧈​ꦲꦔꦺꦭ꧀ꦮꦼꦔꦤꦶꦥꦸꦤ꧀꧈​ꦏꦺꦴꦤ꧀ꦠꦥꦶꦁ​ꦏꦥꦿꦮꦶꦫꦤ꧀꧈​ꦏꦱꦸꦢꦶꦫꦤ꧀ꦱꦂꦠ​ꦏꦮꦼꦒꦶꦒꦤꦶꦁ​ꦥꦱꦁ​ꦒꦼꦭꦂ​ꦮꦲꦸ꧇​ꦲꦢꦩꦼꦭ꧀ꦩꦶꦫꦶꦱꦶꦁ​ꦥꦫ​ꦫꦠꦸ​ꦲꦶꦁ​ꦏꦁ​ꦢꦺꦫꦺꦁ​ꦱꦩꦶ​ꦏꦮꦼꦁ​ꦏꦸ​ꦲꦶꦁ​ꦗꦗꦲꦤꦶꦥꦸꦤ꧀ꦤꦒꦫꦶ​ꦠꦸꦧꦤ꧀꧉​ꦒꦂꦮꦤꦶꦥꦸꦤ꧀ꦱꦁ​ꦥꦿꦧꦸ​ꦱꦔꦁ​ꦢꦱ​ꦱꦔ꧈​ꦤꦔꦶꦁ​ꦥꦸꦠꦿꦤꦶꦥꦸꦤ꧀ꦤꦩꦸꦁ​ꦏꦼꦏꦭꦶꦃ​ꦱꦩꦶ​ꦏꦏꦸꦁ​꧈​ꦲꦶꦁ​ꦏꦁ​ꦱꦼꦥꦸꦃ​ꦩꦶꦗꦶꦭ꧀ꦱꦏꦶꦁ​ꦒꦂꦮ​ꦥꦔꦽꦩ꧀ꦧꦺ​ꦠꦸꦫꦱꦶꦁ​ꦥꦤ꧀ꦝꦶꦠ꧈​ꦏꦥꦫꦶꦔꦤ꧀ꦤꦩ​ꦫꦢꦺꦤ꧀ꦮꦫꦶꦃꦏꦸꦱꦸꦩ꧈​ꦲꦶꦁ​ꦏꦁ​ꦲꦤꦺꦩ꧀ꦩꦶꦪꦺꦴꦱ꧀ꦱꦏꦶꦁ​ꦒꦂꦮ​ꦥꦢ꧀ꦩꦶ​ꦥꦸꦠꦿꦶꦤꦶꦁ​ꦫꦠꦸ꧈​ꦏꦥꦫꦶꦔꦤ꧀ꦤꦩ​ꦫꦢꦺꦤ꧀ꦮꦂꦱꦏꦸꦱꦸꦩ꧈​ꦥꦸꦤꦶꦏ​ꦲꦶꦁ​ꦏꦁ​ꦒꦶꦤꦝꦁ​ꦲꦁ​ꦒꦼꦤ꧀ꦠꦺꦴꦱꦶ​ꦏꦫꦠꦺꦴꦤꦶꦥꦸꦤ꧀ꦲꦶꦁ​ꦏꦁ​ꦫꦩ꧈​ꦫꦢꦺꦤ꧀ꦏꦼꦏꦭꦶꦃ