Impunan Primbon Para Wali iki, ngemot suluk-suluk, wewedjangan lan brekah-brekahé para Wali ing nusa Djawa, kaja ta :
Wedjangané Susuhunan ing Bénang marang Santri Wudjil. Brekahé Susuhunan ing Bénang aran Suluk Dalang lan Wajang, karo Suluk Salat Batin, Wedjangané Susuhunan ing Ampèl. Brekahé Pangéran ing Atasangin. Brekahé Susuhunan Panggung aran Suluk Malangsumirang.
Uga ngemot Riwajat Wali Sanga, ija iku asal-usulé para Wali ing nusa Djawa kang pada misuwur asmané. Riwajat Kadipatèn lan Masdjid Demak. Bedahé Nagara Madjapahit. Karadjan Islam. ing Demak.
Apa manèh ngemot Primbon betuwahé Kangdjeng Susuhunan. Kali Djaga, kang isi golongané ismu Sindung, ismu Djedjer, ismu Ladjer, ismu Pamiraos, Tarèk angudi Rahsaning Sukenja, lan. panitiking widji kang bakal dumadi.
Sarta ngemot Kidungan, ija iku Kidung Rumeksa ing Wengi, Kidung Artati, Kidung Angidung Wengi, Kidung ing kadang Mar Marti, lan Donganing Kidungan. Kabèh mau sinartan katerangan surasané kang wigati.
Uga ngemot Djarwané Pralambang ing dalem Kidungan, miturut panemuné Tjèkèl Widyakamawa, tjantrik ing Tédjamaja.
Apa manèh ngemot Pangruwatan Tulak Bilahi, Etung Pasa'atan, Sa'at Nabi lan Sa'at Tatal, sarta Ramal Salaki - Rabi, kang bisa andjawab soal soalé Salaki-Rabi kang gawat - gawat.
Gunggung-kumpulé impunan Primbon Para Wali iki, ora bakal ngutjiwawni tumrap para maos kang pada ahli surasa.
Surakarta, 20 Desember 1957.
Penerbit
3
