Punika petikan buku pengetan Parimbon, kagunganipun Ingkang Sinuhun Kali Djaga, Wali Gos ing tanah Djawi, ingkang sumaré ing astana dukuh Kadilangu, bawah kita Demak.
Punika Ismu Sindung, agemipun Ingkang Sinuhun Kali Djaga, ingkang winulangaken dateng Ingkang Sinuhun Sultan ingkang angrenggani karaton ing Padjang, kala taksih nama mas Karèbèt, Djaka dusun Tingkir, bawah kuta Salatiga, nalika pepanggihan wonten gisiking dusun Butuh, winastan Ismu Sindung.
Bilih arsa ngagem, kapetik satunggal bab, lampahipun mutih pitung dinten pitung dalu ― nglowong sadinten sadalu ― atjegah sahwat. Bilih arsa ngagem sareng sadaja, lampahipun mutih kawan dasa dinten saha dalu ― nglowong pitung dinten miwah dalu. Rijajanipun angsung dahar Kangdjeng Nabi Muchammad Rasulu'llah, sekul wuduk sapirantosipun, ajam petak mulus tukung tjènggèr sanggar dalima, kadonganana, donga Memulé.
1 Bab, bilih arsa nenuwun dateng Ingkang Murbèng Gesang, punapa ingkang sinedya, winatja saben kèndel wantji bedug dalu kaping 3, wonten palataran mawi dedupa.
,,Bismillahirrahmani'rrahimi, Sindung liwung amba minta. tulung ing Tuwan, tulungana amba ing gandjaran wisésa, tjemeti Ratu sugih, ja aku radjeg wesi Purasani, saking swarga, Djalalu'llah padang Djajakusuma, remek rempu wong sanagara kabèh, la ilaha illa'llah."
2 Bab, bilih arsa kinèdepan sesamaning djanma, kawatek saben medal saking wisma badé lenggah kaping 3.
,,Bismi'llahi'rrahmani'rrahimi, Sindung liwung liwang-liwung, teka wurung sedjamu, sedjaku teka ngremet atiné wong sanagara, Djabarail angremet dagingmu, Mikail angremet bebalungmu, 'Israpil angremet njawamu, 'Idjrail angremet ngalap patimu, leburmu remek rempelumu, remek rempu wong sanagara kabèh, aku Radja Lanang Djuwita, aku Kusuma Liwungdjati, remek idep kèdep wong sanagara kabèh, la ilaha illa'llah.".
3 Bab, bilih arsa mlumpat tebih nglumpati narmada. ,,Bismi'llahi'rrahmani'rrahimi, hèh hèh, aku Djaranpanolèh, angemot bumi langit, aku miber angemot swara naraka, aku miber angemot kursi lawan 'arasj, aku miber aku Rasulu'llah, lan ana pangajunaning Allah, la ilaha illa'llah."
4 Bab, bilih arsa ngilang raga sampun katingalan djanma.
,,Bismillahirrahmani'rrahimi, ingsun Sindung patup si Djaranpanolèh, ingsun ana ngajunan sipat djalal, pangajunané raga suksma,
31
