PERANG DONJA kang kapindo rampunge wis ana sepuluh tahunan kliwat. Sawidjining Heiho djenenge Kartono wis dianggep mati, ilang bareng2 karo kereme kapale menjang dasaring segara. Saiki wis ora ana maneh ana alam donja. Kantja-kanthane tilas Heiho uga pada mbenaerake kabar mau, manawa Kartono wis tumeka ing pati, nalika kapal pengangkut Djepang dibom ana ing samodra tlatah Birma.
Njatane wis ana sepuluh tahun kliwat Kartono ora bali, lan ja ora ana kabare. Dadi ora dingerteni alang lan udjure. Embuh njatane. Dasare Kartono mono botjah lola, ora sanak lan ora kadang, mula ja ora ana sing ngaruhake apa dene ngrasani. Kedjaba mung Sulastri bodjone sing ditinggal ana desa, kang saiki wis duwe anak wadon sidji. Lahire nalika Kartono mangkat let sesasi, baji lahir. Ja mung Sulastri mau kang saben2 sok takon karo tulas kantja-kantjane sing lanang, nakokake kabare. Nanging kabeh wangsulane pada, ngandakake jen Kartono wis mati, kerem karo kapale. Maune Sulastri ora pertjaja menjang kabar mau, dikira mung gegujon bae. Nanging bareng diantarakake nganti sesasi, rong sasi nganti setahun bandjur limang tahun njata ora ana kabare, saiki nembe pertjaja, manawa Kartono wis mati temenan. Sulastri wis entek peng-arep2e ketemu karo sing lanang. Kang mangka sangganing urip abot, gek duwe anak isih tjilik pisan, mula sedihe undung. Mula tekade bandjur tuwuh gagasane
arep ninggalake desane, arep ngumbara golek pegawe
3
