Kaca:Ngengrengan Kasusastran Jawa II.pdf/71

72

7. Panah Ardadedali —
  Djanaka.
8. Gada Rudjakbeling —
Djajadrata.
9. Sandjata Tjakra —
Kresna.
10. Alugora — Baladéwa.
11. Gada Wesikuning — Se-
tyaki (Ménakdjingga).
12. Nenggala Kunta — Ba
ladéwa.
13. Sandjata Kunta — Karna
14. Keris Kaladité — Karna.
15. Panah Widjajandanu — Karna.
16. Panah Guwawidjaja —

Rama.
17. Panah Surawidjaja —
Leksmana.
18. Panah Kemlanḍinganputih
— Sasrabau.
19. Keris Salukat — Déwa
brata.
20.Panah Barla — Dursasana.
Panah Tjundamanik —
Aswatama. (*)
22.Panah Nagapasa — Indra-
djit.
23.Panah Naratjabala — In-
dradjit.
24. Pedang Kangkam —
Umarmaja

BAB X. ATEGES KALAH, PASRAH DJIWA-RAGA.

 1. Ing djaman kuna, wadya-balané nagara (ratu) kang kalah perangé, sawisé ditjekeli déning mungsuhé, manawa ora dipatèni ija bandjur didadèkaké batur-tukon. Tegesé: sing kalah perang iku déning mungsuhé diedol marang sapa baé sing pada gelem nuku, marga mbutuhaké batur (abdi). Batur-tukon, tegesé: batur olèhé tuku. Wondéné wadya-bala (ratu) kang nungkul aris, lumrahé kuwadjiban tjaos bulu-bekti awudjud glondong pangareng-areng, pèni-pèni radja-pèni, guru-bakal, guru-dadi.

 2. Tembung-tembung kang ateges kalah, kajata:

Ngutjira ing juda.
Tinggal glanggang tjolong plaju.
Kelindih.
Kapagut ing juda.
Kasoran.

Ontjat saka blabar-kawat.
Kapratjonḍang.
Ketitih.
Kasambut madyaning rana.
Kèngser.

 2. Kadjaba tembung-tembung ateges kalah, ana manèh tembung-tembung kang ngemu surasa kalah sarta bandjur asrah djiwa-raga. Tuladhané:

1. Nguntjupaken asta. Tegesé njembah. Olèhé gelem njembah, marga rumangsa kalah.
2. Asrah bongkokan. Sarèhné rumangsa kalah, gegamané kabèh dibongkoki, dipasrahaké marang mungsuhé.
3. Asrah djiwa-raga = asrah pati-urip. Masrahaké pati-uripé, tegesé : nedya dipatèni apa nedya diuripi déning mungsuhé, manut-miturut.

________________

^{(*) Pamburiné kadarbé Ardjuna.}