Kaca:Kawruh Kalapa, by Ki Padma Susastra.pdf/41

39

ꦩꦶꦏꦺꦩꦮꦺꦴꦤ꧀​ꦤꦩꦸꦁꦩꦤꦮꦶꦏꦢꦩꦼꦭ꧀ꦲꦺꦴꦭꦃꦲꦺꦴꦭꦃ꧇ꦧꦺꦢ꧈​ꦱꦤ꧀ꦠꦼꦤ꧀ꦤꦶꦥꦸꦤ꧀ꦏꦭꦥꦲꦧꦿꦶꦠ꧀꧇​ꦱꦲꦺ꧈​ꦏꦠꦶꦔꦭ꧀ꦥꦼꦛꦏ꧀ꦱꦸꦩꦿꦶꦔꦃ꧈​ꦤꦔꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀ꦏꦭꦥꦲꦶꦗꦼꦩ꧀꧇ꦲꦮꦺꦴꦤ꧀​ꦏꦠꦶꦔꦭ꧀ꦕꦼꦩꦼꦁꦲꦚ꧀ꦗꦊꦧꦸꦠ꧀꧈​ꦥꦿꦪꦺꦴꦒꦶꦤꦺꦥꦸꦤ꧀ꦏꦭꦥꦲꦶꦗꦼꦩ꧀ꦤꦩꦸꦁꦏꦠꦼꦣꦩꦼꦤ꧀ꦠꦃ꧈​ꦩꦤꦮꦶꦏꦠꦼꦣꦩꦠꦼꦁꦤꦩꦸꦁꦏꦢꦩꦼꦭ꧀ꦝꦺꦟ꧀ꦝꦺꦁꦫꦒꦶ꧉

3° ꦏꦭꦥꦥꦿꦶꦮꦸꦭꦤ꧀​ꦮꦂꦟꦶꦤꦶꦥꦸꦤ꧀ꦥꦼꦛꦏ꧀꧈

4°  ”   ꦊꦒꦶ꧈​ꦧꦭꦸꦭꦸꦏ꧀ꦱꦂꦠꦕꦼꦁꦏꦶꦂꦫꦶꦥꦸꦤ꧀ꦫꦲꦺꦴꦱ꧀ꦱꦶꦥꦸꦤ꧀ꦊꦒꦶ꧈​ꦩꦤꦮꦶꦱꦩ꧀ꦥꦸꦤ꧀ꦱꦼꦥꦸꦃꦲꦶꦁꦒꦶꦃꦭꦶꦩꦿꦃꦏꦢꦺꦴꦱ꧀ꦏꦭꦥꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈

5° ꦏꦭꦥꦒꦶꦩ꧀ꦧꦭ꧀​ꦮꦂꦟꦶꦤꦶꦥꦸꦤ꧀ꦲꦒꦼꦁ꧈ꦩꦺꦃꦱꦩꦶꦏꦭꦶꦪꦤ꧀ꦏꦭꦥꦨꦭꦺꦴꦫ꧈​​ (¹) ꦏꦕꦫꦶꦪꦺꦴꦱ꧀​​ꦏꦭꦥꦒꦸꦩ꧀ꦧꦭ꧀ꦮꦲꦸꦮꦶꦗꦶꦤꦶꦥꦸꦤ꧀ꦲꦶꦁꦒꦶꦃꦱꦏꦶꦁꦨꦭꦺꦴꦫ꧉

6° ꦏꦭꦥꦏꦺꦴꦥꦾꦺꦴꦂ꧈​ꦤꦩꦸꦁꦏꦥꦤꦸꦗꦺꦴꦤ꧀ꦱꦭꦃꦱꦠꦸꦁꦒꦭ꧀ꦭꦶꦁꦗꦚ꧀ꦗꦁꦔꦤ꧀ꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦏꦺꦴꦥꦾꦺꦴꦂ​ꦫꦶꦥꦸꦤ꧀ꦱꦠꦸꦁꦒꦭ꧀​ꦥꦸꦤꦶꦏꦢꦢꦺꦴꦱ꧀ꦲꦢꦶꦲꦢꦶꦤꦶꦁꦏꦭꦥ꧈​ꦉꦒꦶꦤꦶꦥꦸꦤ꧀ꦔꦤ꧀ꦠꦺꦴꦱ꧀ꦠꦶꦏꦼꦭ꧀ꦠꦶꦒꦠꦶꦤꦶꦩ꧀ꦧꦁꦏꦭꦶꦪꦤ꧀ꦏꦭꦥꦭꦶꦩꦿꦃ꧉​ꦏꦭꦥꦏꦺꦴꦥꦾꦺꦴꦂꦩꦶꦫꦲꦺꦴꦱ꧀ꦱꦔꦼꦠ꧀ꦢꦶꦥꦸꦤ꧀ꦠꦼꦣꦏꦭꦶꦪꦤ꧀ꦠꦺꦴꦪꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦢꦶꦥꦸꦤ꧀ꦢꦺꦏꦺꦏ꧀ꦏꦶꦒꦼꦟ꧀ꦝꦶꦱ꧀ꦧꦠꦸꦲꦸꦠꦮꦶꦥꦱꦶꦂ꧇​ꦱꦲꦺ꧈​ꦤꦩ꧇ꦫꦸꦗꦏ꧀ꦏꦺꦴꦥꦾꦺꦴꦂ꧉​ꦏꦢꦩꦼꦭ꧀ꦲꦶꦱꦺꦤ꧀ꦥꦶꦥꦶꦱ꧀ꦲꦶꦁꦒꦶꦃ

_________

(1) ꦲꦶꦁꦥꦸꦭꦺꦴꦗꦮꦶꦤꦩꦸꦁꦲꦶꦁꦨꦭꦺꦴꦫꦥꦶꦪꦩ꧀ꦧꦏ꧀ꦏꦭꦥꦤꦶꦥꦸꦤ꧀ꦲꦒꦼꦁ꧉