Kaca:Kawruh Kalapa, by Ki Padma Susastra.pdf/28

26

b. ꦏꦭꦥꦲꦶꦁꦏꦁꦲꦶꦱꦶꦤꦶꦥꦸꦤ꧀ꦫꦶꦱꦏ꧀ꦤꦩ꧇ꦒꦫꦺꦴꦃ꧉

c. ꦏꦭꦥꦲꦶꦁꦏꦁꦲꦶꦱꦶꦤꦶꦥꦸꦤ꧀ꦔꦶꦁꦒꦶꦭ꧀ꦥꦶꦱꦃꦏꦭꦶꦪꦤ꧀ꦧꦛꦺꦴꦏ꧀ꦏꦶꦥꦸꦤ꧀ꦤꦩ꧇ꦏꦭꦥꦏꦺꦴꦥꦾꦺꦴꦂ꧉ꦠꦶꦪꦁꦥꦱꦶꦱꦶꦂꦲꦩꦱ꧀ꦠꦤꦶ꧇ꦏꦭꦥꦥꦸꦃꦲꦤ꧀꧈

d. ꦏꦭꦥꦏꦼꦩꦺꦟ꧀ꦝꦺꦴꦱꦩ꧀ꦥꦸꦤ꧀ꦏꦺꦔꦶꦁꦏꦥꦫꦸꦢ꧀꧈ꦤꦔꦶꦁꦢꦺꦫꦺꦁꦏꦏꦒ꧀꧈ꦠꦏ꧀ꦱꦶꦃꦥꦺꦭꦃꦥꦺꦭꦺꦴꦃ꧈ꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀ꦏꦢꦩꦼꦭ꧀ꦏꦺꦟ꧀ꦝꦺꦴꦲꦸꦫꦁ꧈ꦩꦶꦭꦤꦶꦥꦸꦤ꧀ꦮꦶꦤꦱ꧀ꦠꦤ꧀꧇ꦏꦼꦩꦺꦟ꧀ꦝꦺꦴ꧈ꦩꦮꦶꦢꦶꦥꦸꦤ꧀ꦠꦺꦴꦪꦤꦶꦲꦶꦁꦠꦺꦴꦪꦏꦭꦥꦥꦸꦤꦶꦏ꧈ꦫꦲꦺꦴꦱ꧀ꦱꦶꦥꦸꦤ꧀ꦢꦢꦺꦴꦱ꧀ꦭꦼꦒꦶꦒꦸꦫꦶꦃꦩꦮꦶꦱꦼꦒꦼꦂꦢꦺꦤꦶꦁꦮꦺꦴꦤ꧀ꦠꦼꦤ꧀ꦢꦸꦢꦸꦃꦲꦶꦥꦸꦤ꧀꧈

e. ꦏꦭꦥꦒꦼꦩꦺꦴꦧꦺꦴꦂ꧈ꦩꦁꦒꦺꦤ꧀ꦤꦶꦥꦸꦤ꧀ꦏꦢꦩꦼꦭ꧀ꦏꦼꦭꦤ꧀ꦧꦺꦴꦧꦺꦴꦂ꧈ꦏꦠꦸꦠ꧀ꦢꦭꦃꦲꦩ꧀ꦥꦱ꧀ꦱꦶꦥꦸꦤ꧀ꦩꦭꦃꦱꦪꦲꦺꦕ꧉

f. ꦏꦭꦥꦏꦼꦩꦽꦩ꧀ꦥꦃꦱꦩ꧀ꦥꦸꦤ꧀ꦫꦒꦶꦏꦏꦒ꧀ꦏꦺꦔꦶꦁꦏꦥꦫꦸꦢ꧀꧈ꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀ꦏꦢꦩꦼꦭ꧀ꦉꦩ꧀ꦥꦃ꧈ꦥꦔꦺꦴꦭꦃꦲꦶꦥꦸꦤ꧀ꦏꦒꦺꦴꦫꦺꦁ꧈ꦱꦮꦼꦤꦺꦃꦢꦶꦥꦸꦤ꧀ꦮꦸꦁꦏꦸꦱ꧀ꦭꦗꦼꦁꦏꦒꦺꦴꦣꦺꦴꦒ꧀꧈ꦤꦩ꧇ꦉꦩ꧀ꦥꦃꦒꦺꦴꦣꦺꦴꦒ꧀꧈

g. ꦏꦭꦥꦏꦺꦴꦕꦏ꧀꧈ꦠꦶꦪꦁꦲꦶꦁꦧꦚꦸꦩꦱ꧀꧈ꦲꦩꦱ꧀ꦠꦤꦶ꧇ꦏꦺꦴꦕꦺꦴꦏ꧀꧈ꦠꦶꦪꦁꦯꦸꦟ꧀ꦝꦲꦩꦱ꧀ꦠꦤꦶ꧇ꦏꦺꦴꦕ꧀ꦭꦏ꧀꧈ꦥꦸꦤꦶꦏꦱꦩ꧀ꦥꦸꦤ꧀ꦮꦶꦮꦶꦠ꧀ꦱꦼꦥꦸꦃ꧉

h. ꦏꦭꦥꦱꦼꦩꦤ꧀ꦠꦼꦤ꧀꧈ꦥꦸꦤꦶꦏꦏꦛꦃꦏꦛꦃꦲꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀꧈ꦤꦔꦶꦁꦢꦺꦫꦺꦁꦥꦠꦺꦴꦱ꧀ꦏꦼꦟ꧀ꦛꦼꦭ꧀꧈

i. ꦏꦭꦥꦏꦼꦩꦔꦿꦁ꧈ꦥꦸꦤꦶꦏꦱꦼꦣꦼꦁꦱꦼꦣꦼꦁꦔꦶꦥꦸꦤ꧀ꦏꦛꦃꦲꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀꧈ꦱꦂꦠꦱꦩ꧀ꦥꦸꦤ꧀ꦏꦼꦟ꧀ꦛꦼꦭ꧀꧈ꦲꦶꦁꦏꦁꦱꦪꦺꦴꦒꦶꦏꦢꦩꦼꦭ꧀ꦲꦺꦴꦭꦃꦲꦺꦴꦭꦃꦣꦺꦟ꧀ꦝꦺꦁꦫꦒꦶꦱꦂꦠꦠꦼꦫꦶꦏ꧀꧈