9꧋ꦥꦸꦥꦸꦱ꧀ꦏꦭꦥꦤꦩ꧇ꦗꦤꦸꦂ꧈ꦮꦂꦟꦶꦤꦶꦥꦸꦤ꧀ꦏꦸꦤꦶꦁꦒꦣꦶꦁ꧈ꦲꦮꦏ꧀ꦏꦶꦁꦗꦤꦸꦂꦤꦩ꧇ꦱꦢ꧉ꦗꦤꦸꦂꦏꦁꦒꦺꦏꦸꦥꦠ꧀꧈ꦠꦏꦶꦂꦥꦺꦴꦟ꧀ꦛꦁ꧈ꦥꦚ꧀ꦗꦁꦲꦶꦭꦁ꧈ꦧꦸꦤ꧀ꦠꦼꦭ꧀ꦗꦢꦃ꧈ꦗꦼꦤꦁ꧈ꦮꦗꦶꦏ꧀꧈ꦮꦭꦤꦶꦥꦸꦤ꧀ꦧꦼꦏꦼꦭ꧀ꦝꦸꦱꦸꦤ꧀ꦝꦠꦼꦁꦭꦸꦫꦲꦶꦥꦸꦤ꧀ꦥꦠꦸꦃꦤꦒꦫꦶꦱꦧꦼꦤ꧀ꦒꦉꦧꦼꦒ꧀ꦱꦶꦪꦩ꧀꧈ꦩꦸꦭꦸꦢ꧀ꦠꦸꦮꦶꦤ꧀ꦧꦼꦱꦂ꧈ꦥꦸꦤꦥꦢꦺꦤꦺꦏꦁꦒꦺꦒꦒꦂꦩꦪꦁꦉꦁꦒꦤꦶꦁꦥꦔꦤ꧀ꦠꦺꦤ꧀꧈ꦠꦸꦮꦶꦤ꧀ꦏꦁꦒꦺꦠꦸꦮꦸꦲꦤ꧀꧈ꦏꦿꦸꦤ꧀ꦱꦂꦠꦲꦺꦴꦩ꧀ꦧꦏ꧀ꦧꦚꦸ(ꦥꦊꦁꦏꦸꦁꦲꦭꦶꦠ꧀ꦲꦭꦶꦠ꧀ꦱꦠꦼꦥꦶꦤꦶꦁꦩꦂꦒꦶꦲꦸꦫꦸꦠꦶꦥꦸꦤ꧀ꦱꦏꦶꦁꦥꦱꦁꦒꦿꦲꦤ꧀꧈ꦲꦸꦠꦮꦶꦱꦏꦶꦁꦱꦠꦸꦁꦒꦭꦶꦁꦥꦁꦒꦺꦤꦤ꧀ꦲꦶꦁꦏꦁꦏꦠꦼꦣꦏꦤ꧀ꦥꦚ꧀ꦗꦼꦤꦼꦔꦤ꧀ꦫꦠꦸꦲꦸꦠꦮꦶꦠꦶꦪꦁꦲꦒꦼꦁꦱꦤꦺꦱꦶꦥꦸꦤ꧀꧈ꦩꦶꦤꦺꦴꦁꦏꦏꦲꦸꦂꦩꦠꦤ꧀)ꦗꦤꦸꦫꦶꦥꦸꦤ꧀ꦏꦱꦸꦮꦶꦂꦱꦸꦮꦶꦂ꧉
10꧋ꦧꦸꦤ꧀ꦠꦼꦭꦶꦁꦗꦤꦸꦂꦲꦶꦁꦥꦺꦴꦏꦶꦥꦸꦤ꧀ꦤꦩ꧇ꦠꦥꦱ꧀꧈ꦏꦺꦔꦶꦁꦏꦢꦩꦼꦭ꧀ꦧꦿꦺꦴꦁꦱꦺꦴꦁꦗꦩ꧀ꦧꦸ꧈ꦲꦮꦺꦠ꧀ꦲꦁꦒꦺꦤꦶꦥꦸꦤ꧀꧈ꦧꦺꦴꦠꦼꦤ꧀ꦫꦶꦱꦏ꧀ꦢꦺꦤꦶꦁꦗꦮꦃꦱꦂꦠꦥꦤꦱ꧀꧈ꦠꦸꦮꦶꦤ꧀ꦏꦺꦔꦶꦁꦏꦢꦩꦼꦭ꧀ꦏꦤ꧀ꦝꦶꦲꦂꦠ꧉
11꧋ꦒꦺꦴꦣꦺꦴꦁꦏꦭꦥꦤꦩ꧇ꦧ꧀ꦭꦫꦏ꧀꧈ꦠꦶꦪꦁꦱꦸꦤ꧀ꦝꦲꦩꦱ꧀ꦠꦤꦶꦧꦫꦁꦧꦁ꧉
a. ꦧ꧀ꦭꦫꦏ꧀ꦠꦼꦊꦱ꧀꧈ꦏꦲꦁꦒꦺꦧ꧀ꦭꦼꦏ꧀ꦠꦺꦥꦺ꧈ꦧꦺꦴꦁꦏꦺꦴꦠ꧀ꦏꦏꦼꦛꦺꦴꦏ꧀ꦫꦸꦩꦶꦪꦶꦤ꧀꧈ꦧꦺꦴꦠꦼꦤ꧀ꦏꦭꦥ꧀ꦲꦶꦁꦢꦩꦼꦭ꧀꧈ꦥꦥꦃꦏꦱꦶꦒꦂ꧈ꦧ꧀ꦭꦫꦏ꧀ꦢꦢꦺꦴꦱ꧀ꦏꦭꦶꦃ꧈ꦥꦥꦃꦢꦶꦥꦸꦤ꧀ꦫꦩ꧀ꦥꦶꦔꦏꦼꦤ꧀ꦱꦸꦥꦢꦺꦴꦱ꧀ꦱꦩꦶꦲꦸꦠꦮꦶꦏꦲꦺꦴꦠ꧀ꦱꦏꦼꦣꦶꦏ꧀ꦏꦭꦶꦲꦤ꧀ꦥꦸꦕꦸꦏꦶꦥꦸꦤ꧀꧈ꦭꦗꦼꦁꦢꦶꦥꦸꦤ꧀ꦲꦤꦩ꧀꧈ꦠꦁꦏꦼꦧꦶꦁꦧ꧀ꦭꦫꦏ꧀ꦏꦮꦶꦪꦏ꧀ꦢꦢꦺꦴꦱ꧀ꦲꦣꦥꦸꦂ
