Kaca:Kajawen 41 1927-10-13.pdf/16

꧋ꦉꦩ꧀ꦧꦒ꧀ꦒꦶꦥꦸꦤ꧀ ꦦꦺꦠꦿꦸꦏ꧀ ꦭꦤ꧀ ꦓꦫꦺꦁ​ꦧꦧ꧀ ꦢꦪꦤꦶꦥꦸꦤ꧀ꦱꦠ​ꦝꦠꦼꦁ​ꦲꦸꦠꦼꦏ꧀꧉​

꧋ꦦꦺꦠꦿꦸꦏ꧀꧇​ꦲꦪꦺꦴ​ꦫꦺꦁ​꧈​ꦥꦝ​ꦱꦺꦴꦮꦤ꧀ꦫꦩ​ꦲꦩ꧀ꦧꦚ꧀ꦗꦸꦂꦫꦏꦺ​ꦉꦉꦩ꧀ꦧꦸꦒ꧀ꦒꦤꦺ​ꦧꦧ꧀ꦲꦸꦠꦁ​ꦥꦶꦪꦸꦠꦁ​ꦭꦒꦶ​ꦲꦤꦸ​ꦏꦲꦺ꧈​ꦤꦺꦏ꧀ꦤꦺꦏ꧀ꦏꦺ​ꦧꦺꦱꦸꦏ꧀ꦲꦤ​ꦥꦽꦭꦸꦤꦺ꧈​ꦢꦢꦶ​ꦲꦺꦴꦫ​ꦏꦥꦸꦱ꧀ꦱꦤ꧀꧉​

꧋ꦓꦫꦺꦁ​꧇​ꦲꦺꦱꦸꦏ꧀ꦲꦺꦱꦸꦏ꧀ꦩꦲꦸ​ꦲꦏꦸ​ꦲꦶꦪ​ꦮꦶꦱ꧀ꦩꦿꦸꦥꦸꦠ꧀ꦱꦺꦴꦮꦤ꧀ꦩꦿꦤ꧈​ꦲꦤꦔꦶꦁ​ꦫꦩ​ꦲꦶꦱꦶꦃ​ꦱꦫꦺ꧈​ꦗꦂꦫꦺꦤꦺ​ꦩꦲꦸ​ꦧꦼꦔꦶ​ꦩꦼꦤ꧀ꦠꦱ꧀ꦗꦒꦺꦴꦁ​ꦧꦪꦶ​ꦤꦁ​ꦢꦊꦩ꧀ꦩꦺ​ꦢꦫ​ꦧꦶꦱ꧀ꦏꦭ꧀ꦒꦿꦶꦥꦶꦂ꧉​ꦏꦶꦫꦏꦸ​ꦧꦲꦺ​ꦫꦩ​ꦩꦲꦸ​ꦧꦼꦔꦶ​ꦲꦁ​ꦒꦺꦴꦤ꧀ꦤꦺ​ꦝꦺꦴꦩꦶꦤꦺꦴ​ꦏꦭꦃ꧈​ꦠꦤ꧀ꦝꦤꦺ​ꦱꦸꦧꦸꦃꦲꦤ꧀ꦧꦲꦺ​ꦏꦛꦶꦏ꧀ꦢꦶ​ꦧꦺꦴꦤ꧀꧉​

꧋ꦦꦺꦠꦿꦸꦏ꧀꧇​ꦲꦼꦩ꧀꧈​ꦢꦪꦤꦶꦁ​ꦩꦲꦶꦤ꧀ꦏꦸꦮꦶ​ꦏꦺꦴꦏ꧀ꦱꦺꦴꦏ꧀ꦔꦭꦃ​ꦲꦭꦃꦲꦏꦺ​ꦧꦫꦁ​ꦒꦮꦺ​ꦱꦶꦁ​ꦥꦽꦭꦸ​ꦥꦽꦭꦸ꧉​ꦱꦺꦴꦏ꧀ꦭꦭꦶ​ꦚꦁ​ꦥꦔꦤ꧀ꦤꦺ꧈​ꦥꦒꦮꦺꦪꦤ꧀ꦤꦺ꧈​ꦭꦤ꧀ꦱꦤꦏ꧀ꦱꦢꦸꦭꦸꦂꦫꦺ꧉​ꦮꦺꦴꦁ​ꦲꦏꦸ​ꦮꦶꦱ꧀ꦠꦲꦸ​ꦩꦼꦤꦁ​ꦔꦶ​ꦝꦺꦮꦺ꧈​ꦗꦶꦏ꧀꧈​ꦫꦺꦁ​꧉​ꦮꦺꦴꦁ​ꦩꦲꦆꦤ꧀ꦕꦼꦏꦶꦤꦺ​ꦫꦗ꧈​ꦗꦒꦺꦴꦤꦺ​ꦱꦔ​ꦧꦁ​꧈​ꦏꦭ​ꦱꦩꦺꦴꦤꦺꦴ​ꦢꦶꦏꦧꦂꦫꦶ​ꦪꦺꦤ꧀ꦲꦤꦏ꧀ꦏꦺ​ꦮꦶꦱ꧀ꦊꦁ​ꦒꦺꦏ꧀ꦭꦼꦁ​ꦒꦺꦏ꧀ꦲꦉꦥ꧀ꦩꦠꦶ꧈​ꦭ​ꦏꦸꦮꦶ​ꦮꦁ​ꦱꦸꦭ꧀ꦭꦤꦺ​ꦏꦛꦶꦏ꧀꧇​ꦩꦼꦁ​ꦏꦺꦴ​ꦝꦶꦱꦶꦏ꧀꧈​ꦱꦫꦺꦃ꧈​ꦱꦫꦺꦃ꧈​ꦗꦒꦺꦴꦤꦺ​ꦲꦉꦥ꧀ꦏ꧀ꦭꦸꦫꦸꦏ꧀꧉ ​ ꧋ꦓꦫꦺꦁ​꧇​ꦭꦺꦴ꧈​ꦲꦏꦸ​ꦩꦭꦃ​ꦮꦶꦱ꧀ꦠꦲꦸ​ꦤꦼꦏ꧀ꦱꦺꦤ꧀ꦤꦶ​ꦝꦺꦮꦺ꧈​ꦲꦤ​ꦮꦺꦴꦁ​ꦩꦼꦤ꧀ꦠꦱ꧀ꦏꦱꦿꦶꦥꦃꦲꦤ꧀ꦧꦺꦴꦗꦺꦴꦤꦺ꧈​ꦲꦺꦴꦫ​ꦏꦺꦴꦏ꧀ꦧꦚ꧀ꦗꦸꦂ​ꦠꦃꦭꦶꦭ꧀ꦭꦤ꧀꧈​ꦩꦭꦃ​ꦩꦭꦃ​ꦧꦚ꧀ꦗꦸꦂ​ꦧꦸꦏꦏ꧀ꦩꦲꦶꦤ꧀꧉​ꦲꦤꦔꦶꦁ​ꦧꦧ꧀ꦏꦶꦪꦶ​ꦲꦺꦴꦫ​ꦥꦽꦭꦸ​ꦢꦶꦉꦩ꧀ꦧꦸꦒ꧀ꦢꦮ​ꦢꦮ꧈​ꦩꦸꦤ꧀ꦝꦏ꧀ꦔꦿꦸꦱꦏ꧀ꦏꦏꦺ​ꦲꦒꦩ꧉​ꦱꦲꦶꦏꦶ​ꦥꦝ​ꦔꦽꦩ꧀ꦧꦸꦒ꧀ꦧꦧ꧀ꦭꦶꦪꦤꦺ​ꦧꦲꦺ꧉ ​ ꧋ꦦꦺꦠꦿꦸꦏ꧀꧇​ꦲ꧈​ꦲꦶꦪ꧈​ꦠ꧈​ꦱꦲꦶꦏꦶ​ꦠꦏ꧀ꦲꦮꦶꦠ꧀ꦠꦤ꧀ꦤꦺ꧈​ꦲꦏꦸ​ꦠꦏ꧀ꦠꦏꦺꦴꦤ꧀ꦚꦁ​ꦏꦺꦴꦮꦺ꧈​ꦮꦁ​ꦱꦸꦭ꧀ꦭꦤ꧉​ꦏꦺꦴꦮꦺ​ꦏꦸꦮꦶ​ꦱꦧꦼꦤ꧀ꦱꦧꦼꦤ꧀ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦮꦺꦴꦁ​ꦲꦸꦢꦸꦠ꧀꧈​ꦗꦂꦫꦺꦤꦺ​ꦢꦢꦶꦤꦺ​ꦩꦼꦁ​ꦏꦺꦤꦺ꧈​ꦩꦼꦁ​ꦏꦺꦴꦤꦺꦴ꧈​ꦲꦸꦠꦮ​ꦩꦤꦺꦃ꧇​ꦲꦗ​ꦔꦺꦴꦤꦺꦴ​ꦲꦗ​ꦔꦺꦴꦤꦺꦴ꧉​

꧋ꦓꦫꦺꦁ​꧇​ꦱꦶꦏꦏ꧀꧈​ꦏꦺꦤꦺ​ꦭꦺ​ꦔꦿꦸꦔꦺꦴꦏ꧀ꦲꦏꦺ​ꦠꦼꦩꦼꦤ꧀ꦤꦤ꧀ꦤꦤ꧀꧈​ꦏꦛꦶꦏ꧀ꦧꦚ꧀ꦗꦸꦂ​ꦠ꧀ꦭꦺꦚ꧀ꦕꦺꦁ​ꦔꦤ꧀ꦱꦏꦂꦱꦤꦺꦏꦶ​ꦔꦺꦴꦤꦺꦴ꧉​ꦮꦶꦱ꧀꧈​ꦲꦺꦁ​ꦒꦭ꧀ꦠꦸꦠꦸꦂꦤ​ꦚꦁ​ꦫꦏꦥꦫ​ꦱꦶ​ꦫꦺꦴꦁ​ꦒ​ꦩꦶꦟꦏ꧀ꦏꦺꦴꦚ꧀ꦕꦂ​ꦏꦶꦪꦶ꧉​

꧋ꦦꦺꦠꦿꦸꦏ꧀꧇​ꦮꦕꦶꦃ꧈​ꦫꦺꦴꦁ​ꦒ​ꦩꦶꦟꦏ꧀ꦏꦺꦴꦚ꧀ꦕꦂ​ꦤꦁ​ꦝꦸꦮꦸꦂ​ꦕꦁ​ꦏꦼꦩ꧀ꦩꦺ​ꦏꦛꦶꦏ꧀ꦒꦺꦴꦤ꧀ꦝꦺꦴꦭ꧀ꦠꦺꦫꦺꦴꦁ​ꦒ꧀ꦭꦛꦶꦏ꧀꧉​ꦲꦺꦴꦫ​ꦫꦺꦁ​꧈​ꦲꦏꦸ​ꦏꦶ​ꦤꦺꦏ꧀ꦥꦶꦤꦸꦗꦸ​ꦱꦪꦃ​ꦲꦮꦏ꧀ꦏꦸ꧈​ꦧꦚ꧀ꦗꦸꦂ​ꦠꦏ꧀ꦲꦸꦢꦸꦠ꧀ꦠꦶ꧈​ꦭ꧈​ꦏꦸꦮꦶ​ꦱꦪꦃꦲꦺ​ꦱꦤꦭꦶꦏ​ꦧꦶꦱ​ꦭꦭꦶ꧉​ꦩꦁ​ꦏꦺꦴꦤꦺꦴ​ꦲꦸꦒ​ꦪꦺꦤ꧀ꦭꦒꦶ​ꦱꦸꦱꦃ​ꦲꦠꦶꦏꦸ꧈​ꦧꦚ꧀ꦗꦸꦂ​ꦠꦏ꧀ꦲꦸꦢꦸꦠ꧀ꦠꦶ꧈​ꦏꦸꦮꦶ​ꦱꦸꦱꦃ​ꦱꦥꦶꦫ​ꦧꦲꦺ​ꦧꦚ꧀ꦗꦸꦂ​ꦭꦭꦶ​ꦏꦧꦺꦃ꧈​ꦔꦤ꧀ꦠꦶ​ꦲꦝꦶꦩꦸ​ꦧꦺꦴꦏ꧀ꦤꦺ​ꦱꦶ​ꦑꦩ꧀ꦥꦿꦺꦠ꧀ꦲꦚ꧀ꦗꦭꦸꦏ꧀ꦝꦸꦮꦶꦠ꧀ꦧ꧀ꦭꦺꦴꦚ꧀ꦗ꧈​ꦲꦏꦸ​ꦲꦶꦪ​ꦭꦭꦶ꧉​

ꦓꦫꦺꦁ​꧇​ꦤꦺꦏ꧀ꦏꦪ​ꦔꦺꦴꦤꦺꦴ​ꦏꦸꦮꦶ​ꦗꦼꦤꦼꦁ​ꦔꦺ​ꦪ꧈​ꦠꦼꦂꦭꦭꦸ꧉​ꦩꦸꦁ​ꦒꦸꦃ​ꦲꦤꦤꦺ​ꦮꦺꦴꦁ​ꦲꦸꦢꦸꦠ꧀꧈​ꦧꦶꦱ​ꦔ꧀ꦭꦭꦺꦏ꧀ꦲꦏꦺ​ꦱꦪꦃ​ꦲꦸꦠꦮ​ꦔꦼꦔ꧀ꦭꦶꦥꦸꦂ​ꦱꦗꦼꦫꦺꦴꦤꦶꦁ​ꦏꦱꦸꦱꦃꦲꦤ꧀꧈​ꦏꦸꦮꦶ​ꦲꦺꦴꦫ​ꦭꦶꦪ​ꦩꦂꦒ​ꦲꦸꦠꦼꦏ꧀ꦱꦂꦠ​ꦲꦸꦫꦠ꧀ꦲꦸꦫꦠ꧀ꦠꦤ꧀ꦤꦺ​ꦲꦸꦮꦶꦱ꧀ꦏꦼꦤ꧀ꦝꦺꦴ​ꦏꦏꦸꦮꦠ꧀ꦠꦤ꧀ꦤꦺ꧈​ꦩꦸꦭꦤꦺ​ꦥꦔꦿꦱꦤꦺ​ꦏꦪ​ꦧꦶꦱ​ꦩꦫꦏ꧀ꦲꦏꦺ​ꦏꦥꦺ