Kaca:Kajawen 40 1927-10-06.pdf/6

Saka Wikisumber
Menyang navigasi Menyang panggolèkan
Kaca iki durung katitiwaca

ꦤ꧀)ꦧꦺꦴꦠꦼꦤ꧀ꦱꦢꦪ꧉​

꧋ꦲꦚ꧀ꦗꦮꦶ​ꦱꦏꦶꦁ​ꦥꦸꦤꦶꦏ꧈​ꦱꦏꦶꦁ​ꦥꦩꦸꦤ꧀ꦝꦸꦠ꧀ꦠꦶꦥꦸꦤ꧀ꦱꦝꦺꦫꦺꦏ꧀ꦱꦸꦥꦢꦺꦴꦱ꧀ꦏꦸꦭ​ꦲꦔ꧀ꦭꦗꦼꦁ​ꦔꦏꦼꦤ꧀ꦚꦩ꧀ꦧꦼꦠ꧀ꦕꦫꦶꦪꦺꦴꦱ꧀ꦧꦧ꧀ꦝꦸꦮꦸꦁ​ꦢꦸꦩꦸꦒꦶ​ꦲꦶꦁ​ꦝꦥꦸꦂ​ꦠꦸꦮꦶꦤ꧀ꦠꦁ​ꦒꦸꦃꦲꦶꦥꦸꦤ꧀꧈​ꦲꦶꦁ​ꦔꦤ꧀ꦝꦥ꧀ꦥꦸꦤꦶꦏ​ꦏꦸꦭ​ꦔꦠꦸꦂꦫꦶ​ꦱꦩ꧀ꦧꦼꦠ꧀ꦠꦤ꧀ꦕꦫꦶꦪꦺꦴꦱ꧀ꦮꦲꦸ꧉​

꧋ꦧꦧ꧀ꦝꦥꦸꦂꦫꦶꦁ​ꦝꦸꦮꦸꦁ​

꧋ꦩꦼꦁ​ꦒꦃ​ꦝꦥꦸꦂꦫꦶꦁ​ꦝꦸꦮꦸꦁ​ꦥꦸꦤꦶꦏ​ꦧꦺꦢ​ꦧꦺꦢ꧈​ꦢꦺꦤꦺ​ꦲꦶꦁ​ꦏꦁ​ꦏꦮꦱ꧀ꦠꦤ꧀ꦤꦤ꧀ꦝꦥꦸꦂ​ꦲꦶꦁ​ꦒꦶꦃ​ꦥꦸꦤꦶꦏ​ꦮꦸꦗꦸꦢ꧀ꦢꦶꦥꦸꦤ꧀꧈​ꦱꦏꦶꦁ​ꦧꦺꦢ​ꦧꦺꦢꦤꦶꦁ​ꦝꦥꦸꦂ​ꦮꦲꦸ​ꦭꦗꦼꦁ​ꦒꦝꦃ​ꦤꦩꦶ​ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈​ꦩꦶꦂꦱꦤ꧀ꦤꦤ​ꦏꦠꦿꦁ​ꦔꦤ꧀ꦲꦶꦁ​ꦔꦤ꧀ꦝꦥ꧀ꦥꦸꦤꦶꦏ꧉​

꧋ꦝꦸꦮꦸꦁ​ꦲꦶꦁ​ꦏꦁ​ꦮꦶꦭꦃꦲꦶꦥꦸꦤ꧀ꦲꦼꦭꦸꦏ꧀ꦱꦂꦠ​ꦱꦕꦼꦭꦏ꧀ꦏꦶꦁ​ꦒꦺꦴꦚ꧀ꦗ​ꦔꦁ​ꦒꦺ[1] ꦕ꧀ꦭꦏꦸꦤ꧀ꦛꦼꦁ​ꦔꦤ꧀ꦲꦸꦠꦮꦶ​ꦕꦶꦔꦶꦏ꧀(ꦏꦼꦩ꧀ꦧꦁ​ꦏꦕꦁ​)ꦱꦂꦠ​ꦩꦮꦶ​ꦫꦶꦔꦶꦃ​ꦫꦶꦔꦶꦃ꧈​ꦥꦸꦤꦶꦏ​ꦏꦮꦱ꧀ꦠꦤ꧀ꦤꦤ꧀ꦝꦥꦸꦂ​ꦱꦁ​ꦏꦼꦭꦠ꧀꧉​

꧋ꦝꦸꦮꦸꦁ​ꦲꦶꦁ​ꦏꦁ​ꦊꦚ꧀ꦕꦼꦁ​ꦮꦶꦭꦃꦲꦶꦥꦸꦤ꧀ꦱꦂꦠ​ꦩꦮꦶ​ꦕ꧀ꦭꦏꦸꦤ꧀ꦛꦼꦁ​ꦔꦤ꧀ꦲꦸꦠꦮꦶ​ꦕꦶꦔꦶꦏ꧀(ꦏꦼꦩ꧀ꦧꦁ​ꦏꦕꦁ​)ꦱꦂꦠ​ꦩꦮꦶ​ꦫꦶꦔꦶꦃ​ꦫꦶꦔꦶꦃ꧈​ꦏꦮꦱ꧀ꦠꦤ꧀ꦤꦤ꧀ꦝꦥꦸꦂ​ꦠꦶꦭꦩ꧀ꦲꦸꦥꦶꦃ꧉​

꧋ꦝꦸꦮꦸꦁ​ꦲꦶꦁ​ꦏꦁ​ꦊꦚ꧀ꦕꦼꦁ​ꦮꦶꦭꦃꦲꦶꦥꦸꦤ꧀꧈​ꦱꦂꦠ​ꦠꦤ꧀ꦥ​ꦏꦼꦩ꧀ꦧꦁ​ꦏꦕꦁ​ꦱꦂꦠ​ꦧꦺꦴꦠꦼꦤ꧀ꦫꦶꦔꦶꦃ​ꦫꦶꦔꦶꦃ꧈​ꦥꦸꦤꦶꦏ​ꦏꦮꦱ꧀ꦠꦤ꧀ꦤꦤ꧀ꦝꦥꦸꦂ​ꦧꦿꦺꦴꦗꦺꦴꦭ꧀꧉​

꧋ꦝꦸꦮꦸꦁ​ꦲꦶꦁ​ꦏꦁ​ꦊꦚ꧀ꦕꦼꦁ​ꦮꦶꦭꦃꦲꦶꦥꦸꦤ꧀꧈​ꦱꦂꦠ​ꦥꦥꦏ꧀ꦫꦢꦶ​ꦮꦶꦪꦂ꧈​ꦥꦸꦤꦥ​ꦩꦭꦶꦃ​ꦧꦺꦴꦠꦼꦤ꧀ꦫꦶꦔꦶꦃ​ꦫꦶꦔꦶꦃ꧈​ꦥꦸꦤꦶꦏ​ꦏꦮꦱ꧀ꦠꦤ꧀ꦤꦤ꧀ꦝꦥꦸꦂ​ꦏꦼꦧꦺꦴꦮꦤ꧀꧉​

꧋ꦝꦸꦮꦸꦁ​ꦲꦶꦁ​ꦏꦁ​ꦮꦶꦭꦃꦲꦶꦥꦸꦤ꧀ꦲꦼꦭꦸꦏ꧀ 5 ꦱꦂꦠ​ꦠꦤ꧀ꦥ​ꦏꦼꦩ꧀ꦧꦁ​ꦏꦕꦁ​꧈​ꦱꦂꦠ​ꦧꦺꦴꦠꦼꦤ꧀ꦩꦮꦶ​ꦫꦶꦔꦶꦃ꧈​ꦥꦸꦤꦶꦏ​ꦏꦮꦱ꧀ꦠꦤ꧀ꦤꦤ꧀ꦝꦥꦸꦂ​ꦱꦁ​ꦏꦼꦭꦠ꧀꧉​

꧋ꦧꦧ꧀ꦠꦁ​ꦒꦸꦃꦲꦶꦁ​ꦝꦸꦮꦸꦁ​

꧋ꦩꦼꦁ​ꦒꦃ​ꦥꦿꦏꦮꦶꦱ꧀ꦠꦁ​ꦒꦸꦃꦲꦶꦁ​ꦝꦸꦮꦸꦁ​ꦥꦸꦤꦶꦏ​ꦏꦸꦭ​ꦧꦺꦴꦠꦼꦤ꧀ꦱꦒꦼꦢ꧀ꦔꦠꦸꦂꦫꦶ​ꦏꦠꦿꦁ​ꦔꦤ꧀ꦲꦶꦁ​ꦏꦁ​ꦕꦼꦛ꧈​ꦲꦩꦂꦒꦶ​ꦥꦿꦏꦮꦶꦱ꧀ꦠꦁ​ꦒꦸꦃ​ꦮꦲꦸ​ꦱꦏꦶꦁ​ꦥꦩꦁ​ꦒꦶꦃ​ꦏꦸꦭ​ꦩꦤꦸꦠ꧀ꦥꦁ​ꦒꦺꦤ꧀ꦤꦤ꧀ꦤꦶꦥꦸꦤ꧀ꦲꦶꦁ​ꦏꦁ​ꦢꦩꦼꦭ꧀꧈​ꦩꦺꦴꦁ​ꦏ​ꦥꦩꦶꦉꦁ​ꦏꦸꦭ​ꦥꦫ​ꦲꦼꦩ꧀ꦥꦸ​ꦲꦶꦁ​ꦏꦁ​ꦱꦩꦶ​ꦢꦩꦼꦭ꧀ꦝꦸꦮꦸꦁ​ꦥꦸꦤꦶꦏ​ꦏꦛꦃ​ꦱꦔꦼꦠ꧀꧉​ꦢꦢꦺꦴꦱ꧀ꦧꦧ꧀ꦠꦁ​ꦒꦸꦃ​ꦮꦲꦸ​ꦏꦺꦔꦶꦁ​ꦏꦮꦱ꧀ꦠꦤ꧀ꦤꦤ꧀ꦠꦤ꧀ꦥ​ꦮꦠꦼꦱ꧀꧉​ꦢꦺꦤꦺ​ꦱꦒꦼꦢ꧀ꦢꦶꦥꦸꦤ꧀ꦩꦱ꧀ꦠꦤ꧀ꦤꦶ​ꦝꦠꦼꦁ​ꦱꦠꦸꦁ​ꦒꦶꦭ꧀ꦱꦠꦸꦁ​ꦒꦶꦭ꧀ꦭꦶꦁ​ꦠꦁ​ꦒꦸꦃ꧈​ꦥꦸꦤꦶꦏ​ꦤꦩꦸꦁ​ꦤꦶꦠꦺꦤ꧀ꦤꦶ​ꦝꦠꦼꦁ​ꦮꦸꦗꦸꦢ꧀ꦢꦶꦁ​ꦝꦸꦮꦸꦁ​꧈​ꦲꦶꦁ​ꦏꦁ​ꦢꦶꦥꦸꦤ꧀ꦠꦶꦠꦺꦤ꧀ꦤꦶ​ꦱꦤꦺꦱ꧀ꦮꦸꦗꦸꦢ꧀ꦏꦢꦺꦴꦱ꧀ꦢꦺꦤꦺ​ꦲꦶꦁ​ꦏꦁ​ꦏꦱꦼꦧꦸꦠ꧀ꦲꦶꦁ​ꦔꦶꦁ​ꦒꦶꦭ꧀ꦮꦲꦸ​(ꦮꦸꦗꦸꦢ꧀ꦝꦥꦸꦂ)꧈​ꦤꦔꦶꦁ​ꦕꦶꦫꦶ​ꦕꦶꦫꦶꦤꦶꦥꦸꦤ꧀ꦲꦮꦶꦠ꧀ꦱꦠꦸꦁ​ꦒꦶꦭ꧀ꦠꦸꦁ​ꦒꦶꦭ꧀ꦭꦶꦁ​ꦲꦼꦩ꧀ꦥꦸ​ꦲꦁ​ꦒꦺꦤ꧀ꦤꦶꦥꦸꦤ꧀ꦢꦩꦼꦭ꧀ꦝꦸꦮꦸꦁ​ꦩꦮꦶ​ꦕꦶꦫꦶ​ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈​ꦩꦺꦴꦁ​ꦏ​ꦏꦸꦭ​ꦩꦠꦸꦂ​ꦥꦿꦱꦗ​ꦝꦠꦼꦁ​ꦕꦶꦫꦶ​ꦕꦶꦫꦶ​ꦮꦲꦸ​ꦠꦏ꧀ꦱꦶꦃ​ꦏꦛꦃ​ꦏꦏꦶꦭꦥ꧀ꦥꦤ꧀ꦤꦶꦥꦸꦤ꧀꧈​ꦥꦿꦩꦶꦭ​ꦲꦶꦁ​ꦔꦤ꧀ꦝꦥ꧀ꦥꦸꦤꦶꦏ​ꦏꦸꦭ​ꦔꦠꦸꦂꦫꦏꦼꦤ꧀ꦤꦩꦶ​ꦤꦩꦶ​ꦠꦁ​ꦒꦸꦃꦲꦶꦁ​ꦝꦸꦮꦸꦁ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦩꦶꦱꦸꦮꦸꦂ​ꦲꦶꦁ​ꦲꦏꦛꦃ꧈​ꦠꦸꦮꦶꦤ꧀ꦲꦶꦁ​ꦏꦁ​ꦏꦸꦭ​ꦱꦸꦩꦼꦉꦥ꧀ꦥꦶ꧈​ꦲꦶꦁ​ꦒꦶꦃ​ꦥꦸꦤꦶꦏ꧇ 1. ꦠꦁ​ꦒꦸꦃ​ꦦꦼꦗꦗꦂꦫꦤ꧀ 2. ꦠꦁ​ꦒꦸꦃ​ꦩꦗꦦꦲꦶꦠ꧀ 3. ꦠꦁ​ꦒꦸꦃ​ꦠꦸꦨꦤ꧀ 4. ꦠꦁ​ꦒꦸꦃ​ꦑꦱꦃ​(ꦢꦩꦼꦭ꧀ꦭꦤ꧀ꦩꦢꦸꦫ)꧈​ 5. ꦠꦁ​ꦒꦸꦃ​ꦩꦡꦫꦩ꧀꧈​ ​ ꧋ꦮꦸꦱꦤ​ꦱꦸꦩꦺꦴꦁ​ꦒ​ꦩꦼꦁ​ꦒꦃ​ꦊꦉꦱ꧀ꦊꦥꦠ꧀ꦠꦶꦥꦸꦤ꧀꧉​

Sal.